Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУМАРПОЗДУК ООРУСУНАН КАНТИП КУТУЛУУГА БОЛОТ?

№649 10-апрель-16-апрель, 2015-ж


Кумарпоздук бул эмне? Кандай адамдар кумарпоздуктун курмандыгы болуусу мүмкүн? Ага кабылган адамды тыйса болобу? Бул маселелер сиздин да башыӊызга түшкөн болсо, төмөнкү макалабыздан жооп ала аласыз.
Азгырыкка берилип, үй-бүлөсүн сыздатып жаткан адамдардын жакындары бизге акыркы күндөрү байма-бай кайрылып, көз жашын төгүшүүдө. Андыктан бул көйгөйгө токтолууну туура көрдүк. Бизге кайрылган окурмандардын кумар оюндарынын айынан тартып жаткан азаптарынан кыскача баяндап өтсөк.

КУМАР ОЮНДАРЫ ҮЧҮН КЫЛМЫШКА БАРГАНДАР
Кумар оюндарына берилип, адам өлтүргөн, аялдарын оюн байгесине коюп жиберген окуялар буга чейин гезитибизге жарыяланып келген. Алсак, 2013-жылдын 15-августунда борборубуздагы жаӊы конуштардын биринде 45 жаштагы Асылкан Исмаилованы жана анын 5 жаштагы уулу Адилетти Марат Абдрахманов аттуу күйөө баласы өлтүрүп, үйүндөгү 125 000 сом акчасын алып кетип, ал акчаларды 2 күндө кумар оюнуна уттуруп жиберген.
Кумар оюндарына дүйнөнүн көптөгөн өлкөлөрүндө тыюу салынган. Кумарпоздукка мыйзамды катуу кармаган өлкөлөрдүн катарына Камбоджа кирет. Ал өлкөдө кумар оюндарына 20 жыл мурун катуу тыюу салынган. Мыйзамга карабай ойногондор өлүм жазасына тартылат. Бирок Камбоджада казинолор таптакыр жок деп айтууга болбойт. Ал жерде атайын чет элдиктер үчүн казинолор иштейт.

КУМАР ОЮНДАРЫНЫН ТИЗМЕСИНЕ КИРҮҮЧҮ ОЮДАР:

  • Бинго
  • Кено
  • Лотереялар
  • Томбола
  • Карта оюндары (покер, маджонг жана башка)
  • Ставка коюлган спорттук оюндар (ит уруштуруу, ат оюндары жана башка)
  • Домино
  • Бильярд

Аида, Бишкек: «ҮЙДҮ БАНККА КОЮП, АКЧАСЫН КУМАРГА УТТУРУП КЕЛДИ»
– Менин жолдошум оюн автоматтарына барат. Беш балабыз бар. Өзүнүн жана инисинин машинасын күрөөгө берип коюп, акчасын толугу менен ошол жакка жумшады. Үйүбүздү банкка коюп, андан алган акчасын да оюн автоматына уттуруп келди. «Барба, ойнобо» десем, «чыдап турчу, мен ал акчаларды баары бир кайтарып алам» деп болбойт. Үйүбүздөн айрылып калуу коркунучунда турабыз. Баалуу буюмдарыбыздан да эч нерсе калган жок. Ойноп жаткан жайына анын паспортун алып барып, жолдошумду оюнга киргизбөөнү сурангам, макул дешкен. Бирок кайра эле киргизип жатышат. Аларга акча эле керек да. Эмне кылышты билбейм, айлам кетти.
Ошол оюн автоматтары Сан аттуу корей улутундагы кишиге таандык экен. Шаарга дагы 6-7 филиалын ачкан деп жолдошум өзү айтты. Бийликтегилер эмнеге мындай иштерге жол беришет? Мурда оюн автоматтарын сындырып, эми ойнолбойт деп баарын жаап коюшкан эле. Кайрадан ачып алгандарына эмне себеп болууда?

Ирина, Бишкек: «АКЧАНЫ КАЙДАН АЛЫП ЖАТАТ, БИЛБЕЙМ...»
– Балам 8-класстын окуучусу. Мектепке кеттим деп, бирок оюн автоматтарына барып жатат. Жакшы айтсам да, жаман айтсам да болбоду. Акчаны кайдан алып жатат, билбейм. Оюн үчүн акча табам деп жаман иштерге аралашып кетеби деп корком. Бул оюндардын эч пайдасы деле жок, жаптырууга жардам берсеӊер жакшы болмок деп силерге кайрылып жаттым эле.

Роза, Бишкек: «ЖОЛДОШУМ 12 000 ДОЛЛАР КАРЫЗ БОЛУП КАЛЫПТЫР»
– Жолдошум буга чейин кумар оюнуна барарын жашырып жүрчү экен. 12 000 доллар карыз болуп калгандан кийин баарын ачык айтты. Машинасын сатканы жатат, ал да жетпейт экен. «Үйдү банкка берип, өзүбүз Орусияга кетели» дейт. 4 балабыз бар, кичүүсү 9 айлык. Аларды кайда таштайбыз, билбейм. Ажырашып кетейин дейм, балдарды ойлойм. Сыртына казино деп жазылбаганы менен, ичинде кумар оюнун ойнотуп жаткан жайларды орган кызматкерлери кантип көрбөйт, түшүнүксүз.

Алмаз, Нарын облусу: «ДОСУМ 10 КҮНДӨН БЕРИ ДАЙЫНСЫЗ»
– Досум кумар оюнуна атасынын унаасын уттуруп коюп, эми өзү 10 күндөн бери үйүнө келбей жатат. Келинчеги 2 баласы менен ыйлап отурат. Кайда жүргөнү дайынсыз. Атасы анын кумар оюнун ойноп жүргөнүн, машинаны уттуруп жибергенин билсе кандай акыбалга түшөт?..

Шаардагы оюн клубдарын жапканы менен, жогорудагы кумар оюндарынын катарында эсептелген оюндардын баарын интернет аркылуу ойноого мүмкүнчүлүк түзүлгөн. Смартфондорго көчүрүп алып, бирдик аркылуу байге коюлуп, ойношууда. Техника өнүккөн сайын оюн азгырыгына тыюу салуу кыйындап бараткандай.
Кумар оюндарын иштеткен жайларды жабуу мыйзамы 2012-жылы 1-январда күчүнө кирген. 2013-жылы депутаттар Игорь Гусаров жана Замир Бекбоевдер казинолордон бюджетке жакшы киреше түшөрүн айтышып, аларды кайрадан иштетүүгө уруксат берүүнү демилгелеп чыгышкан. Бирок парламенттен колдоо табышкан эмес. Акыркы учурда оюн автоматтары жана кумар оюндарын ойнотуп жаткан жайлардан депутаттардын жана орган кызматкерлеринин маалыматы жокпу деген суроо туулат.
Кийинки сандарыбызда Кыргыз Республикасынын Өкмөтүнө караштуу Экономикалык кылмыштарга каршы күрөшүү кызматы кумар оюндарына каршы кандай иш-аракеттер жасалып жаткандыгы туурасында кененирээк маалымат бермекчи.

Ар бир адам кумар оюндарынан алыс болуу үчүн каалоосу менен өзү гана күрөшүүсү керек. Бул тууралуу психолог Акчач Жолдошева мындай дейт:

«КУМАРПОЗДУКТУ ЭФФЕКТИВДҮҮ ДАРЫЛОО МЕДИЦИНАДА ЖОК»
– Оюн наркоманиясына (лудомания) психологиялык жактан көз каранды болуп калгандардын саны аябай көбөйүп жатат. Лудомания – бул субъекттин турмушуна үстөмдүк кылып, кумар оюндарына азгырылып, социалдык, материалдык жана үй-бүлөлүк баалуулуктардын төмөндөшүнө алып келүүчү патологиялык азгырык. Бул психологиянын бузулушу болуп эсептелгендиктен, Бүткүл дүйнөлүк саламаттыкты сактоо уюму тарабынан өнөкөт оорулар менен бир деӊгээлде экени белгиленген. Бирок кумарпоздукту эффективдүү дарылоо медицинада жок.

КУМАРГА БЕРИЛГЕН АДАМ:

  • Ойноп жаткан учурда адам эч нерсени сезбейт. Убакытты, мейкиндикти, кыймылды кабыл алуусу бузулат.
  • Өзүн-өзү баалабай калат.
  • Адамдар менен мамилеси бузулат.
  • Өзүнүн каалоосун башкарууга эрки жетпей калат.
  • Ар дайым финансылык керектөөлөрү күч болгондуктан кылмышка болгон аракет жаралат. Акчасы бар жакындарын өлтүрүп же аялын, туугандарын байгеге коюп жиберүүдөн артка кайтпайт.
  • Моралдык, социалдык, финансылык байлыктарынын баарын оюнга сарптап коюшат. Мунун жыйынтыгы ажырашууга, өзүнүн жанын өзү кыюуга алып келет.
  • Катуу депрессияга түшүп, андан кутулуу үчүн өзүн-өзү өлтүрүү аракеттери пайда болот.

ЭМНЕ КЫЛУУ КЕРЕК?

Кумар оюнуна илимдүү, билимдүү адам да азгырылуусу мүмкүн. Ошондуктан баланы кичине кезинен тарбиялап жатканда ага жоопкерчилик менен мамиле кылуу керек. Ата-эне сөз берген нерсесин аткаруусу жана баладан да ошол нерсени талап кылуусу зарыл. Чыдамкай, өжөр, жоопкерчиликтүү болуп тарбияланган балада эрктүүлүк сапат сөзсүз болот.

Бул ооруга чалдыккан адамдарды жектеп, аны менен урушуп, мамилени бузуу жолу аркылуу жардам бере албайсыз. Антсеӊиз алар ого бетер качып, өзүн жалгыз сезип, алаксыйм деген шылтоо менен кумар оюндарын ойноону уланта берет. Үй-бүлө мүчөлөрү аны менен көбүрөөк убакыт бирге болууга, мурда баштан өткөн күлкүлүү, кызыктуу көз ирмемдерди, бактылуу учурларды эстегенге, аларды кайталаганга аракет кылуу зарыл. Алдыга бирге максат коюп, күнүмдүк иш болсо да бирге жасаганга көндүрүү туура. Бош убактысын кыскартып, жаман ой, азгырыктарга алданбаганга шарт түзүү керек. Ал адам башкаларга керек экенин, моюнунда жоопкерчилик бар экенин сезүүсү кажет.

Медициналык-психологиялык борборлорго алып барып, индивидуалдык, группалык, үй-бүлөлүк дарылоолорду жүргүзүү керек.

Аларды дарылоо оор. Ошондуктан психотерапевттер жаӊы ыкмалар менен иштеген болсо, кумарпоздордун оюн жакшы жакка буруп, үй-бүлөлөрдү сактап калууга болот.

Уулбү Каныбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(16)
13.04.2015. 10:44 
Тайпасы:
Жаран
Комментарийлердин саны:
76
Катталган:
12-02-2015
Соӊку аракети:
18-11-2018 19:52
Жынысы:
Белгисиз
+2
Мен бир корунуктуу компаниянын биринде иштейм, менин бир коллегамда компаниянын 67000сом акчасын коротуп жиберген ушундай подпольный игровой клубдарга барып, ошон учун жаап салыш керек!!!!Ата энеси кундо ыйлактап келет башкы кенсеге... азр ИВСте отурат
13.04.2015. 13:29 
Тайпасы:
Жаран
Комментарийлердин саны:
12
Катталган:
01-04-2011
Соӊку аракети:
12-11-2018 16:51
Жынысы:
Белгисиз
Калаасы:
Казарман
+1
Мен да аябай азартникмин. Ошондуктан кумар оюндары болуп жаткан жерден айланып качам.
13.04.2015. 21:55 
Тайпасы:
Жаран
Комментарийлердин саны:
Катталган:
25-03-2015
Соӊку аракети:
19-11-2018 17:12
Жынысы:
Белгисиз
Калаасы:
Кара-балта.
+1
Казино деген жаман нерсе. Боломдун жанын алып тындыго. бул оюндан чыгарыш кыйын экен!
14.04.2015. 00:33 
Тайпасы:
Жаран
Комментарийлердин саны:
53
Катталган:
02-02-2014
Соӊку аракети:
13-01-2017 19:19
Жынысы:
Белгисиз
Калаасы:
москва
+1
менин да бир таанышым-канткенде ушул онорумду таштайм -деп аябай кыйналып журот.колуна акча тийгенде эле озун башкара албай калат.анан баарын уттурууп согунуп журо берет.
14.04.2015. 12:18 
Тайпасы:
Жаран
Комментарийлердин саны:
162
Катталган:
19-05-2014
Соӊку аракети:
19-11-2018 16:01
Жынысы:
Белгисиз
+2
жаппайтда алардан ошол жаба турган чондорубуз оз доляларын алып жатса ошолор менен тамак аш таап жеп атышса жаба коюшуна козум жетпейтго
14.04.2015. 23:50 
Тайпасы:
Жаран
Комментарийлердин саны:
23
Катталган:
10-05-2014
Соӊку аракети:
16-08-2018 08:26
Жынысы:
Белгисиз
0
Компьютер оюндары да киреби?
15.04.2015. 03:45 
Тайпасы:
Кыймылы жок
Комментарийлердин саны:
78
Катталган:
19-02-2015
Соӊку аракети:
06-02-2016 01:00
Жынысы:
Белгисиз
Калаасы:
Кыргызстан
0
Kudai saktasyn...jaratkanym tuz jolubuzdan adashtyrbasyn.
15.04.2015. 10:57 
Тайпасы:
Тартип бузгандар
Комментарийлердин саны:
180
Катталган:
22-01-2015
Соӊку аракети:
05-01-2018 22:37
Жынысы:
Белгисиз
+1
Казинодон бюджетке коп акча тушот деген депутаттарды камаш керек. Акчаны эч качан адамдан жогору койбош керек. Казино, оюн автоматтары канчалаган жаштарыбыздын ан-сезимин бузуп салды. Ошолордун убалына ким жооп берет?
15.04.2015. 16:18 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
+1
Мен 3 жылдан бери букмекер деген балекетти ойнойм. Чон суммадагы акчаларды уттуруп коём кээде. Бекер эле убакыт коротосунар,нерв алсырайт. Озунорго ишениминер азаят. Ойнобогула! Баштабагыла! Жашоонордун корку качат. Андан коро убакыт бар кезде кундун батышын караап ырахат алгыла.
15.04.2015. 19:42 
Тайпасы:
Тартип бузгандар
Комментарийлердин саны:
26
Катталган:
24-01-2015
Соӊку аракети:
25-04-2016 10:08
Жынысы:
Белгисиз
0
биз жакта бир киши кадимки эле картадан госпадин ойноп 450 миң $ уттуруп жиберип побегде жүрөт...
анан бул картада өздөрүнүн закону бар экен;
мисалы үчүн аялын коюп уттуруп жибергендер,үйүнө барып 3 жолу чакырат экен эгер чыкпаса унчукпай кете берет экен...
16.04.2015. 10:35 
Тайпасы:
Кыймылы жок
Комментарийлердин саны:
67
Катталган:
27-10-2013
Соӊку аракети:
06-11-2015 23:36
Жынысы:
Белгисиз
Калаасы:
Бишкек
0
warsaw., ким кимди чакырат экен?)
16.04.2015. 20:55 
Тайпасы:
Жаран
Комментарийлердин саны:
326
Катталган:
06-12-2014
Соӊку аракети:
23-05-2018 19:36
Жынысы:
Белгисиз
Калаасы:
Бишкек
0
Mederina11,чын эле,ким кимди чакырат да кимиси унчукпай кете берет???
16.04.2015. 17:51 
Тайпасы:
Кыймылы жок
Комментарийлердин саны:
4
Катталган:
22-03-2015
Соӊку аракети:
21-04-2015 20:43
Жынысы:
Белгисиз
0
ким кимди чакырат чын эле
16.04.2015. 13:34 
Тайпасы:
Жаран
Комментарийлердин саны:
34
Катталган:
06-08-2014
Соӊку аракети:
12-05-2018 15:04
Жынысы:
Белгисиз
Калаасы:
Рудный (Казакстан)
+1
Мен да оюн автоматтарын ойночумун студент кезде, жаман экенин билип туруп колго акча тийгенде кантип кирип калганымды билбей калчумун. Жакшы жаап салышты ошондо да кыйналып журдум бирок азыр баары жакшы, бирок чогуу ойноп жургон досум автомат жабылгандан кийин букмекерге уйронуп калып дале чыга албай журот.
16.04.2015. 20:31 
Тайпасы:
Жаран
Комментарийлердин саны:
110
Катталган:
30-09-2013
Соӊку аракети:
07-03-2017 18:44
Жынысы:
Белгисиз
Калаасы:
Жакшы адамдардын арасында...
+1
Орусиядагы магазиндердеги автоматтардан жакшы эле 300-400 дон утуп журдум. Бир куну 2 саат туруп 3000 рубль уткурдум. Ошол акыркысы болду ойнободум..
17.04.2015. 02:46 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
Оюн автоматтарды жапса болот алар элдерди алдашат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: