Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЕВРОПАДАН ЭСКИ ТОН

№372 18-24-декабрь, 2009-ж.


Мезгил үнү

Учурда Европадан келген эски кийимдерди саткан Сэконд- хенд деген аталыштагы дүкөндөрдүн саны көбөйүүдө. Баарынан да “келиңиздер, арзан жана сапаттуу кийинип кетиңиздер” же “Жаңы жылга карата жаңы арзандатуулар” деген көрнөктөр көпчүлүктү кызыктырса керек.

СЭКОНД-ХЕНДДИН ПАЙДА БОЛУШУ
«Сэконд-хенд» деген сөздү уксак эле оюбузга эски кийим-кечек деген тү­шү­­­нүк келет. Ал эми Европада бир гана кийим-кечек эмес, колдон-колго өткөн буюмдардын баары эле сэконд-хенд деп аталат. Мисалы, Кыргызстандын көчөлөрүнө батпай бара жаткан машиналардын да көбү сэконд-хенд. Сэконд-хенддин бизнеске айланып кетишине Европа өлкөлөрүнүн экономикасынын өнүгүп-өсүшү түрткү болгон. Адамдар байыган сайын гардеробдорун алмаштыруу үчүн эски кийимдерди таштандыларга ыргыта башташкан. Мындай кырдаалдан пайдаланып, элдин арасынан ташталган кийимдерге экинчи жашоо тартуулоочу адамдар чыга башташкан. Алгач мындай кийим-кечектер оор кырдаалды кечирип жатышкан Африканын Ангола, Зимбабве, Замбия, Мозамбик, Уганда, Конго, Кения, Танзания, Нигерия жана башка өлкөлөрүнө кайрымдуулук иретинде таратылган. Бара-бара мындай кайрымдуулук иштер бизнеске айланып, атайын уюмдар уюшулган. Бул уюмдар эски буюмдарды анча-мынча акчага сата башташкан. Мындай дүкөндөргө мамлекет тарабынан эч кандай салык салынган эмес.

БААРЫ ЧОГУЛТУУДАН БАШТАЛАТ
Сэхонд-хенд үч жол менен чогултулат. Биринчи түрү үй-бүлөлүк деп аталат. Атайын уюмдардын кызматкерлери үймө-үй кыдырып чогултушса, кээ бир адамдар уюмга кийимдерди почта аркылуу бандероль менен жөнөтүшөт.
Ал эми кийинкиси – контейнерлик жол. Мында ар бир шаарга чоң контейнерлер орнотулат да, ага эл эски буюмдарын ташташат.
Үчүнчүсү – мектеп окуучу­лары тарабынан чогултуу болуп саналат.
Мындан сырткары сэконд-хенддин товарлары машина ташып бизнес кылгандар аркылуу да келет экен. Алар машиналардын кузовдоруна кийим-кечектерди толтуруп ала келишет. Мындай жол кыргызстандык ишкерлердин брендине айланган.

СЭКОНД-ХЕНДДИН КИЙИМДЕРИНЕН ТЕРИ ООРУЛАРЫ ЖУГУШУ МҮМКҮНБҮ?
Бул суроого жооп табуу үчүн Бишкектин так борборунда жайгашкан дүкөндөрдүн бирине баш бактык. Баш бакканыбызда эле кандайдыр бир жыт бар экени байкалды. “Кандай жардам көрсөтө алам? Бүгүн бизде 50 пайыз арзандатуу болуп жатат” деп кайрылган кызды маекке тарттык.
«Негизинен, биз Даниядан мүшөк­төлүп келинген кийимдерди сатабыз. Мүшөктөр ачылгандан кийин кийимдерди үтүктөп, бөлүштүрүп илүү – биздин милдетибиз. Анан ар бирине сапатына карап бааларын коёбуз.
Бул кийимдерден оору жугат деп кооптонуунун кереги жок. Себеби эски буюмдар бизге жөнөтөрдөн мурун сөзсүз санитардык тазалоолордон өткөрүлүп, дезинфекцияланат. Башкача айтканда, ар кандай курт-кумурскалардан (кене, бит), жагымсыз жыттардан арылтуу максатында атайын кошулмалар кошулуп кайнатылат».

БААЛАР КАНДАЙ КОЮЛАТ?
Алынып келинген кийимдер 3кө бөлүнөт. STOCK – булар жапжаңы, кийилбеген кийимдер. Булардын баасы 300 сомдон жогору турат.
Экинчи топ LUX, EXTRA – башкача айтканда, бир эки жолу кийилген кийимдер. Булардын баасы 100-200 сомдун тегерегинде болот.
Ал эми үчүнчү топ – чою­луп, жыртылып, күйүп калган кийимдер. Булар таразалап тартылгандыктан, “Үчүнчү сорт” деп аталат. Мындай кийимдердин килограммы 20 сомдон жогору. Ал эми сырткы кийимдер кымбатыраак келип, баасы 500-5000 сомдун тегерегинде. Бирок мындай кийимдер кампага келип түшөрү менен таланып кетет. Керек болсо чоң-чоң дүкөндөрдө илине турганын да сатуучу кошумчалай кетти. Болгону, этикетка тагып, баасын асманды чапчытып коюшат экен. Ошондой эле сатуучулар жаңы товар келери менен такай кардарларына чалышат. Алар келип тандап алышкандан кийин гана калгандары сатыкка чыгарылат.
Баа коюуда кийимдердин кайсы өлкөдөн алынып келингенине жана чыгарган фирмасына да карашат. Мисалы, Англиядан алынып келингендер көбүнчө табигый материалдардан тигилгендиктен, бир кыйла сапаттуу. Ошондуктан баасы кымбат болот экен. Ал гана эмес, байпактардын, ички кийимдердин өз кардарлары бар.
Мындан сырткары бут кийимдерге да суроо-талап көп. Бут өлчөмү чоңдор өзүнө жарашыктуу кылып таап алса болот. Негедир европалыктардын буттары 39 өлчөмдөн чоң болот экен.

“НАМЫСТАНУУНУН КЕРЕГИ ЖОК”
Сэконд-хенд тармагындагы дү­көн­­дөрдү кыдырып жүрүп, бал­дарына кийим алып жаткан Нурила эжени кепке тартканыбызда буларды айтып берди:
– Балдарымдын бешөө тең мектеп окуучулары. Жолдошум экөөбүздүн тапканыбыз кийим-кечек эмес, тамак-ашка араң жетет. Бул жерден арзан, анан сапаттуу киймдерди таба аласың. Үйгө барарым менен кайнатып, жууп тазалайм. Андан кийин кыскартчусун кыскартып, балдарыма чактап тигип кийгизип коём. Бир жолу улуу кызым үйгө ыйлап келди. Көрсө, курбулары “сэконд-хендден кийинесиң” деп ызалантып коюшуптур. Ошондо аябай жүрөгүм ооруган болчу. Кийин кычырап кийинген айымдардын, белгилүү ырчылардын ушул жерден соода кылганын көрүп, балдарыма намыстануунун кереги жок деп айтып келем. Анын үстүнө, Кытайдын бир кийгенден чыкпаган кийимдерине караганда бир кыйла сапаттуу.
Ал эми дагы бир сатып алуучу күр­мө сатып алып, жыртык чөнтөктүн ичи­не кирип кеткен алтын шакек таап алганын айта кетти.

Учурда сэконд-хенд товарлары базардагы товарлардан кем калышпай өтөрүнө ынандык. Муну кирип-чыккан кардарлардын куру чыкпаганынан эле байкай алдык.

КЫЗЫКТУУ

  • “Эски кийимдер аркылуу инфекция­лык оорулар жугуп жатат” деген маалыматтан улам Молдовия өкмөт башчылары өлкөгө эски кийимдерди киргизүүгө тыюу салышкан. Бирок бир айдан соң массалык каршылык көрсөтүүлөрдүн натыйжасында кайрадан уруксат берилген.
  • Сэконд-хенд чогултуу боюнча Финляндия биринчи орунда турат. Өлкөнүн ар бир шаарында 900дөн кем эмес контейнерлер орнотулган. Жылына баш-аягы 6 миллион килограмм кийим-кечек чогултулат.
  • Европада сэконд-хенд менен алек болгон уюмдар жынсы кийимдеринин 1 килограммынан 2 доллар пайда табышат.

Бахияна Сатылганова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
22.12.2009. 18:39 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
ansyz dele azyr baardyk nerse evropanyn tawtandylaryna tolup ketpedibi?emnesi bolso da arty kayirduu bolsun
23.12.2009. 19:09 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Экинчи кол буюмдардын канчалык деңгээлде сапаттуу экендигин бир Кудай эле билбесе, анын сапатына өзгөчө көңүл буруу керек. Ден соолукка кандай таасир этерин анча деле биле бербейбиз. Мисалы, Данияда алар дезинфекцияланат экен. Андан бери ар түрдүү жолдорду басып өтөрү айкын болду. Бизде, жада калса, ошол товарлардын сапатын кайрадан карап, дезинфекциялаганга күчүбүз жетпейт сыңары.
23.12.2009. 19:10 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Анан да мамлекет тарабынан экинчи кол буюм товарлар көзөмөлдөнүшү керек. Эгер чындап эле жакыр элге кам көрүлүшү керек болсо, анда эмне үчүн Европанын колдонулган буюмдарын муктаж болгондорго бекер таратууга болбосун?! Ошондой муктаж болгон адамдардын категорияларын аныктоого мамлекеттин күчү жетет. Менимче, Европанын жаңы, сапаттуу деген экинчи тонун кайра эле айрым акчасы барлар кийип жатышат.
23.12.2009. 19:10 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Эвропанын экинчи тонун кийүү, менимче, мамлекеттин беделин түшүрөт. Бирок жарандардын жашоо-турмушу оңолмоюнча, жаңы тон кийүүгө кыргыздын кудурети жетпей жүрө берет көрүнөт. Жакшы нерсеге үмүт кылалы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: