Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ВЯЧЕСЛАВ ТИХОНОВдун АКЫРКЫ ӨМҮР ИРМЕМИ

№372 18-24-декабрь, 2009-ж.


Ар күнүн “Известия” гезитин окуу менен баштаган улуу актёр Вячеслав Тихонов үчүн 2009-жылдын 4-декабры акыркы күн болду. Бул күнү баарыбыз Штирлиц деп билген актёрдун ичер суусу түгөнүп, келбес сапарга узап кете берди.

Толук аты-жөнүВячеслав Васильевич Тихонов
Туулган жылы1928-жыл, 8-февраль
Каза болгон жылы2009-жыл, 4-декабрь
Туулган жери Орусия, Москва шаары
КесибиАктёр
СыйлыктарыСССРдин Эл артисти, Социалисттик эмгектин баатыры, көптөгөн сыйлыктардын лауреаты
Жеке жашоосуЭки жолу үйлөнгөн, 1 кыздын атасы

КОШУМЧА МААЛЫМАТ

  • Тихонов баш-аягы 50дөн ашуун тасмага тартылган.
  • “Жаздын 17-ирмеми” тасмасын түстүү кылып чыгаргандарга “Нобель” сыйлыгын бериш керек” деген сөздөр болгон.
  • Чет элдик тасмаларды которуу маалында үн коштоочу болуп иштеген. Мисалы, актёр Ален Делондун үнүн дайыма коштогон.

ТИХОНОВ ДЕКАБРЬ АЙЫНДА ӨЛӨРҮН БИЛГЕН
Маалыматтарга караганда, Вячеслав Тихонов мындан 30 жыл мурун улуу көзү ачык Ванганын кабылдамасында болгон. Ванга Тихоновго “2000-жылы декабрь айында бул дүйнө менен кош айтышасың” деп суук кабар угузган. Ал айтылган мөөнөт жакындаган сайын өлүмүн күтүп, коркуп жашап келген. Жараткан аядыбы же ичер суусу түгөнө элекпи, айтор, көзү ачык айткан убакыт-саат да өтүп, улуу актёрдун өмүрү андан ары уланган. Вячеслав “Ванга адашып калган окшойт” деп өзүн жубаткан. Тилекке каршы, 2002-жылдын декабрь айында жүрөгү катуу кармап, инфаркка кабылат. Жакындары көз жашын төгүп аман калса экен деп турган кезде Вячеслав ооруну жеңип, жашоого кайрылып келет. Мындан кийин актёр ар жылдын декабрь айы жакындаган сайын өлүмүн күткөндөй жашап келгени маалым.

БАЛАЛЫГЫНА САЯКАТ
Вячеславдын балалыгы Дүйнөлүк экинчи согуш маалына туш келген. Ошол кезде Слава болгону 13тө экенине карабай атасына жардам берип, бир заводдо чогуу иштеген. Бош убактысында достору менен кинотеатрга барып кино көрүүнү өзгөчө жактырган. Чапаев менен Александр Невский сүйүктүү каармандары эле.
Ата-энеси баласын болочокто мыкты инженер болсо деп самаса, кичинекей Слава жүрөгүнүн түпкүрүндө актёр болууну кыялданчу. Бирок буга ата-энеси каршы болорун билип, бул туурасында эч кимге айтчу эмес.
1945-жылы жашыруун түрдө С.А.Герасимов атындагы Кинематография университетине тапшырат. Тилекке каршы, Слава сынактан өтпөй калат. Тышка чыгып алып өксүп ыйлап жатканда, бир профессор анын үнүн угуп, таланты бар бала экенин дароо эле байкайт. Ошентип, сынакка кирүүгө дагы бир мүмкүнчүлүк берип, келечегине жол ачкан.

ШТИРЛИЦ ЛЕГЕНДАГА АЙЛАНГАН
Тихонов студент кезинде алгач “Жаш гвардия” аттуу тасмага тартылган. Бирок бул тасма ийгилик жарата алган эмес. Табият тартуулаган келбет аны кино дүйнөсүнө аралаштырып, мыкты актёр болуусуна чоң өбөлгө болгон. Келбеттүү келишимине суктанган режиссёрлор ага башкы каармандын ролун дайыма сунушташкан.
“Жаздын 17-ирмеми” аттуу сериал болочок актёр үчүн атактуулук менен бирге ийгиликтин туу чокусун алып келген. Ошол кезде сериалды бир гана Тихонов үчүн көргөн айымдардын саны чексиз эле. Аталган сериалда Тихонов чалгынчы Исаев-Штирлицтин ролун жеткиликтүү ойной алгандыгы үчүн СССРдин Эл артисти деген сыйлыкка ээ болгон. Жакындары жана жоро-жолдоштору үчүн Вячеслав ысымы өчүп, Штирлиц деген жаңы атка конгон.

ТИХОНОВДУН БИРИНЧИ ЖАНА АКЫРКЫ СҮЙҮҮСҮ
Актёр өмүрүнүн аягына чейин бир гана айымды сүйүп өткөн. Ал өзүнөн бир жашка кичүү Юля Российская болчу. Бул тун сүйүүсү тууралуу актёр эч кимге комментарий берген эмес. Бирок журналисттер Юляны издеп таап, интервью алышкан соң баары ачыкка чыккан. Юля: “Слава экөөбүз мен 7-класста окуп жүргөндө сүйлөшүп баштаганбыз. 3 жыл кыз-жигит болуп кол кармашып жүрдүк. Ал мектепти аяктап, чоң окуу жайга тапшырып кетти. Студент болгон кезден тарта ортодогу байланышты таптакыр үзүп салды. Мунун себебин түшүнбөй көпкө кыйналдым. Анын үстүнө, кыз киши намыскөй болот да, аны издеп артынан барбадым. Угушума караганда, ошол кезде Слава Нонна Мордюкова (биринчи жубайы) менен төшөктө чогуу болуп алган экен. Нонна аны кайырмакка илип алары менен артынан ээрчип жүрүп тийип алган дешет. Бирок кийинчерээк мени издеп таап келип, кечирим сураган. Аны канчалык сүйсөм да кеч болуп калган. Себеби мени сүйгөн, мен үчүн баарына даяр болгон жолдошум, балдарым бар эле”,- деп маалымат берген.

АЯЛЫ КӨЗҮНӨ ЧӨП САЛЫП, УУЛУНАН АЖЫРАП...
Тихонов курсташы Нонна Мордюковага үйлөнүп, 1950-жылы экөө Владимир аттуу уулдуу болушат. Экөө тең чыгармачыл чөйрөдө кызмат өтөшөт. Нонна менен Вячеслав 13 жыл бирге өмүр сүргөн соң ажырашууга туура келет. Буга себеп Ноннанын ала жипти аттаганы болгон дешет. Экинчи ирет француз тилинен сабак берип мугалим болуп иштеген Тамара Иванова аттуу айымга тагдырын байлайт. Экөө 1969-жылы Анна аттуу кыздуу болушкан.
Вячеславдын жашоосунда эң чоң жоготтуу бул – уулу Владимирден айрылуусу эле. Анткени баласы 40 жашында каза болуп калат. Ошондо "ажал уулумду эмес, мени алып кетпейт беле деп боздогон" дешет. Уулу өз өмүрүн өзү кыйган. Доктурлардын айтымында, ашыкча өлчөмдө баңгизатын колдонуудан улам жүрөгү токтоп калган экен.

АКЫРКЫ КҮНДӨРҮ
Штирлицтин ролун ал жөн жерден аткарып калбаса керек” деп айтышат жакындары. Анткени Вячеслав бир гана сахнада эмес, жашоодо да мыкты чалгынчы болгонун эскеришет. “Аз сүйлөп көп иштеп, өзүн табышмактуу алып жүргөн инсандын көзүнөн айтылбаган көп сыр бар экени байкалып турар эле” деп эскеришет кесиптештери. Ал эми актёрдун кызы Анна атасы тууралуу: “Атамдын жанында болгон учурларда андан кандайдыр бир бейкуттуктун аурасы сезилип турар эле. Анын дүйнө салып кеткенине азыркыга чейин ишенбей жатам. Мурункудай эле дачасында кыбырап жүргөндөй туюла берет,”- деп баяндайт. Тихонов акыркы күндөрүн дачасында эски тасмаларды көрүү менен өткөргөн. "Төрт небереси конокко келгенде чарбагынан алма үзүп, аарчып бергенди жакшы көрчү" дешет.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: