Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ХИЛЛАРИ КЛИНТОН – ТАКТЫНЫ КӨЗДӨГӨН ХАНАЙЫМ

№651 24-апрель-30-апрель, 2015-ж


Хиллари Клинтон АКШнын экс-президенти Билл Клинтондун жубайы. Бүгүн ал АКШнын Ак үйүнө биринчи айым эмес, президент болуп кирип баруу дымагында. Ооба, ал Америка Кошмо Штаттарында 2016-жылы өтүүчү президенттик жарышта фаворит болору талашсыз. Биз бул айымдын жашоосу кандай башталгандыгын, кандай уланып, кандай бурулуштарга дуушар болгондугуна үӊүлүп көрдүк.

Толук аты-жөнү – Хиллари Дайан Родэм Клинтон
1947-жылы 26-октябрда Чикаго шаарында туулган
1969-1973-жылдары Йель университетинин юридика факультетинде окуган
1993-2001-жылдары АКШнын биринчи айымы
2000-2009-жылдары Нью-Йорк штатынан сенатор
2009-2013-жылдары АКШнын Мамлекеттик катчысы
Учурда АКШнын Демократиялык партиясынан президенттикке талапкер
Үй-бүлөлүү, 1 кыздын энеси

КОСМОСТУ КЫДЫРГЫСЫ КЕЛГЕН КИЧИНЕКЕЙ ХИЛЛАРИ
Хиллари Дороти жана Хью Родэмдердин тун кызы. Дороти үй кожойкеси болсо, Хью чакан текстилдик ишкананы иштетүү менен алектенип келген. Кезинде алар өздөрүнүн сүйкүмдүү наристеси АКШнын өнүгүп-өсүшүнө салым кошкон инсан болорун боолголошпосо керек. Бирок Хиллари бала кезинен тарта өзгөчө активдүү болгон. Ал сууда сүзүүгө, бейсбол ойноого жана кайрымдуулук иш-чараларына катышканга да жетишер эле. Бала кезинде космос мейкиндигин аралап, космонавт болууну да самачу.
Хиллари жаштайынан эле саясатка кадам таштаган десек болот. 1964-жылы президенттикке талапкер Барри Голдуотердин шайлоо штабында эмгектенген. 1965-жылы ал Уэлслли колледжинде окуп баштаганда жаш республикачылардын коомунун президенти болуу менен, коомдук иштерге активдүү аралашып, Вьетнам согушуна каршы нааразычылык акциясын өткөргөн.

БИРИНЧИ АЙЫМДЫККА БИРИНЧИ КАДАМДАР
1968-жылы Хиллари жогоруда аталган окуу жайды аяктап, Йель университетинин юридика факультетине тапшырган. Бул университет Хилларинин жеке жашоосундагы чоӊ бурулуш жасаган жай десе болчудай. Себеби келечектеги жолдошу Билл Клинтон менен дал ушул университеттин китепканасынан таанышкан.
1975-жылдын 11-октябрында Билл менен Хиллари үлпөт тоюн өткөрүп, баш кошушкан. Ал кезде Билл 29, Хиллари 28 жашта болчу. Сүйүктүүсүнүн колдоосу мененби же экөөнүн баш кошушу ийгилик алып келгенби, айтор, бир жылдан кийин эле Билл Клинтон Арканзас штатынын башкы прокурору болуп дайындалган.
1978-жылы Билл аталган штаттын губернатору болуп шайланган. Штаттын биринчи айымы катары Хиллари коомдук иштерге, кайрымдуулук иш-чараларына активдүү катышып, өзүн жакшы жагынан көрсөтө алган. 1980-жылы алар Челси аттуу кыздуу болушат. Замандаштары алар тууралуу «Билл менен Хилларинин үй-бүлөсү – бул өзгөчө күчтүү биримдик» деп айтканы да бекеринен болбосо керек. Себеби 1993-жылы Билл Клинтон АКШнын президенти болуп шайланган.

КҮЙӨӨСҮНҮН БАШЫН ЖУЛУП АЛГЫСЫ КЕЛГЕНДЕ...
Көпчүлүктүн айтымында, АКШнын тарыхында Хиллари Клинтон эӊ көз карандысыз жана эӊ таасирдүү биринчи айым боло алган. Бирок Хилларинин жашоосу дайыма ийгиликтер менен коштолуп жүргөн эмес.
1998-жылы көпчүлүктүн сүймөнчүлүгүнө айланган идеалдуу үй-бүлөнүн атасы, АКШнын президенти Билл Клинтон Ак үйдө практика өтөп жүргөн Моника Левински аттуу 25 жаштагы бийкеч менен интимдик байланышта болгондугу ачыкка чыгып кеткен. Мындай ызы-чууда Билл Клинтон адегенде бардыгын танып, Хиллари күйөөсүн колдоп, окуяны президентке карата уюштурулган каралоо катары баалаган. Окуядан улам кылмыш иши козголуп, сотто Билл Клинтон менен Моника Левинскинин ортосунда 1995-1997-жылдар аралыгында интимдик байланыш болгондугу аныкталган.
Хиллари Клинтон өзүнүн «Жандуу тарых» китебинде жогорудагы окуя тууралуу күйөөсүнө ишенгендигин айтканы менен, көзүнө чөп салгандыгын билгенде «аял катары Биллдин башын жулуп алгым келди» деп жазат. Айтор, мына ушундай сыноону да Хиллари татыктуу көтөрө алган. Айрымдар «Хиллари өзүнүн саясий келечеги үчүн Биллди кечирди» деп да айтып чыгышкан эле. Бирок алар азыркыга чейин бирге.

ИЙГИЛИК УЛАНУУДА
2000-жылы Хиллари Клинтон Нью-Йорк штатынан сенатор болуп шайланган. 2006-жылы кайрадан шайлоодо ишенимдүү утуп чыккан. 2008-жылкы президенттик шайлоодо каарманыбыз өлкө башчы болчу талапкерлердин арасындагы көзүр болчу. Ал Демократиялык партиянын атынан талапкер болууга катуу аракет кылган, бирок анын партиялашы Барак Обама ага караганда кыйла популярдуу эле. Мындан улам Хиллари Клинтон Барак Обаманын талапкерлигин колдоп чыккан. АКШнын теги африкалык биринчи президенти болуп шайланган Барак Обама өлкө башына келери менен Хиллари Клинтонду Мамлекеттик катчы кызматына дайындаган. Хиллари Клинтон экс-биринчи айым болуу менен кийин сенатор, Мамлекеттик катчы кызматына барган биринчи инсан. Бул кызматта ал 2013-жылга чейин эмгектенди. Бир ирет Биллден «аялыӊыз сизден озуп кетишинен коркпойсузбу?» деп сурашканда ал: «Мен дайыма күчтүү айымдарды жакшы көрчүмүн. Эгер адамдар менин аялым жакшы президент болот деп ойлошсо, бул мага зыян деле тийгизбейт. Анын үстүнө мен да ошентип ойлойм»,- деп жооп берген.
2015-жылдын 12-апрелинде Хиллари Клинтон Демократиялык партиясынан президенттикке талапкер болуп чыгарын Фейсбук баракчасына жазып чыкты. Ал: «Америкага күн сайын лидер керек, мен ошондой лидер болгум келет»,- деп билдирген. Учурдагы АКШнын башчысы Барак Обама бул боюнча «Ал менин досум. Менимче, Хиллари Клинтон эӊ жакшы президент болот» деген оюн айтты. Эгер ал шайлоодо жеӊип чыкса, АКШнын эӊ биринчи аял президенти болуп калат.

КАДДАФИ ӨЛГӨНДӨ «ВАУ!» ДЕП СҮЙҮНГӨН
Хиллари Клинтон өзгөчө көз караштагы адам экендигин коомчулукта дайым далилдеп келет. 2012-жылы Дублинде «Советтештирүү процесси Бажы союзу же Евразиялык биримдик деген аталыштар менен берилип жатышы мүмкүн. Ката кетирбеш керек. Биз анын максаты эмнеде экенин билебиз жана ал процессти басаӊдатуу же таптакыр болтурбай коюу үчүн эффективдүү каражат издеп жатабыз» деп ачык эле айтып койгон.
Ал эми Мамлекеттик катчы болуп турган кезинде СМС аркылуу Ливиянын башчысы Муаммар Каддафи көтөрүлүшчүлөрдүн колуна түшүп, сабалып каза болду деген маалыматты окуп, «Вау!» деп сүйүнгөн эмоциясын жашырган эмес.

КЛИНТОН КЫРГЫЗСТАНДА
Эсиӊиздерде болсо, Хиллари Клинтон 2010-жылы бир күндүк иш сапары менен Кыргызстанга да келип, ал кездеги президент Роза Отунбаева менен жолугушкан. Анда ал Борбор Азияда биринчи ирет аял киши президент болуп жатканын кубануу менен кабыл алгандыгын айтып, Кыргызстандын парламенттик башкарууга өтүү кадамын эр жүрөктүк экендигин белгилеген.
Хиллари Клинтонду АКШнын кийинки президенти болуп калышы мүмкүн экендигин эксперттер бир ооздон айтышууда. Бирок америкалык саясат «сюрприздерге» бай экенин эске алсак, келечекти айтуу маанисиздей туюлат. Баса, Хиллари Клинтонго негизги атаандаштыкты экс-президент Жорж Буштун иниси Жеб Буш түзүшү мүмкүн деген божомолдор да бар.

“Билл менен Хилларинин үй-бүлөсү – бул өзгөчө күчтүү биримдик”.

Мирлан Өмүралиев
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
27.04.2015. 14:52 
Тайпасы:
Жаран
Комментарийлердин саны:
155
Катталган:
15-04-2013
Соӊку аракети:
28-02-2019 16:19
Жынысы:
Белгисиз
Калаасы:
Жалал-Абад
+1
Бул АКШда Клинтондор менен Буштардан башка президентке татыктуу адамдар жокпу?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: