Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨКМны БАКЫТ ТӨРӨБАЕВ ЖЕТЕКТЕЙТ

№372 18-24-декабрь, 2009-ж.


14-декабрда президент Курманбек Бакиевдин жарлыгы менен ЖКнын депутаты Бакыт Төрөбаев Өзгөчө кырдаалдар министри (ӨКМ) болуп дайындалды.

36 жаштагы Бакыт Төрөбаев буга чейин “Ак жол” партиясынан Жогорку Кеңеште депутат болуп эмгектенип келген. Аны министрликтин эмгек жамаатына Өкмөт башчы
Данияр Үсөнов тааныштырды. Мурдагы ӨКМнын жетекчиси Камчыбек­ Ташиев өкмөт жыйынында премьер-министр Д.Үсөнов менен иштеше албастыгын айтып, кызматтан кетүү боюнча арызын президентке жолдогон. Арызынын негизинде президент 11-декабрда К.Ташиевди кызматтан бошоткон эле.


“КАМБАР-АТАДА” ТОО ЖАРДЫРЫЛАТ

22-декабрда “Камбар-Ата-2” ГЭСинде сууну бөгөө үчүн чоң масштабдагы жардыруу күтүлүүдө.

“Ак жол” фракциясынын депутаты Юрий Данилов парламенттин 17-декабрдагы жыйынында жардырууну «жеринен көрүп байкоо салам» деген депутаттарды чогуу барууга чакырды. Жардыруунун радиусу 2,5 чакырым болору айтылууда. “Камбар-Ата” суу сактагычынын көлөмү 70 миллион м3ду түзүп, дамбанын бийиктиги 65 метрге жетет.
Бул күнү ГЭСке жакын жашаган Кара-Жыгач айылынын тургундары мал-жандары менен бир күнгө башка жакка көчүрүлөт. Сууну бөгөө үчүн тоону жардырууда пайда болгон уулуу булут 4,5-5 чакырымга чейин тарашы мүмкүн.
Буга байланыштуу 22-декабрда Бишкек–Ош кан жолунун 260 жана 455-чакырым бөлүгүндө жол каттамы убактылуу буулат.


ОК ЖАНА КОНВЕРТ. ЖАҢЫ ЖЫЛГА БЕЛЕК.

Белгисиз адамдар “Ош шамы” гезитинин редакциясына Жаңы жылдык конверт таштап кетишкен. Анын ичинен ок жана алакандай кат-кабар чыккан.

Куттуктоонун ордуна: «Ваша болтовня ничего не стоит. Может, стоит. Может, стоит только ценой вашей молодости. Вот это наш «предновогодний анонс». А остальные две, пока находятся в магазине АК. Пока считайте это самым гуманным подходом!!! Но тот, кто не благодарный когда-то должен быть наказан!!!»- деп жазылган. Ал эми автоматтын огу оролгон баракчага: «Вот это понюхайте, чем пахнет. Это сильнодействующий «препарат» для очищений ваших мозгов. Не забудьте, что вы находитесь под прицелом. Так что одумайтесь!!! Хватит с вами церемонится»,- деген опуза жазылыптыр.
Шаардык басылманын жамааты муну журналисттерди коркутуу, сөз эркиндигин тыюу катары баалоодо. Анткени “соңку учурда биздин гезит бийликтеги адамдарды сындаган макалаларды көбүрөөк жарыялоодо” деп билдирет журналист Кубаныч Жолдошов. Кошумчалай кетсек, аталган журналист 1-ноябрда белгисиз бирөөлөр тарабынан сабалган.


ТАГАЕВ ЭМИ БАТКЕНДИН ГУБЕРНАТОРУ

Ажобуз Курманбек Бакиевдин 17-декабр­дагы­ жарлыгына ылайык, Жогорку Кеңештин спикери Айтибай Тагаев Баткен облусуна губернатор болуп дайындалды.

Бул буйрукту ЖКнын жыйындар залында президенттин аппарат жетекчиси Каныбек Жороев билдирди. Анын айтымында, президент Айтибай мырзанын буга чейинки саясаттагы ишмердүүлүгүн баалап, Баткен облусун жакшы билерин белгилеп, губернатор катары жакшы иш аткарарына ишенимин билдирген.


ДАНИЯР ҮСӨНОВДУ КАМЧЫБЕК ТАШИЕВ ЖЕҢЕБИ ЖЕ...

“Мен ээлеген кызмат менин менчигим эмес, мамлекеттики. Бирөө келет, бирөө кетет. Өкмөт башчысы менен бирге иштеше албасымды билдим. Өз каалоом менен жумуштан кеттим”,- деп жазат кайрылуусунда Өзгөчө кырдаалдар боюнча экс-министр Камчыбек Ташиев.

Ал мамлекеттик мүлккө кол салбаганын, учурда айрым адамдар атайлап каралап жатканын айтат. “Кызматтан кеткен адамды каралоо бизде адатка айланып баратат. Чынында, пайдаланылбай жаткан мык, зым өңдүү каражаттарды колдонуу менен кызматкерлерге үй салып бердик. Кызматкерлердин абалын жакшыртуу – уурдоо эмес”,- деп билдирди Камчыбек мырза. Ошондой эле кайрылууда министр­ликтин кызматкерлери четтен келген гуманитардык жардамдардын эсебинен 5 миллион сом өкмөткө салык кошушканын, ал каражат кийин мыйзам боюнча облус губернаторунун эсебине которулгандыгы айтылат. Экс-министр эгерде уурдоо же туура эмес чечим кабыл алынган фактылар болсо, мыйзам алдында жооп берүүгө даяр экендигин кошумчалайт.
Учурда Өзгөчө кырдаалдар министрлиги текшерилүүдө. Эсеп палатасынын кызматкерлери текшерүү учурунда министрликте 58,5 миллион сомдун максатсыз жумшалгандыгын аныктаган. Каржы полициясынын тергөө башкармалыгынын башчысы Нурбек Кадыровдун маалыматы боюнча министрликти күйүүчү-майлоочу майлар менен камсыз кылуудагы мыйзамсыз аракеттерден улам мамлекетке 4,6 миллион сом зыян келтирилген.

P.S. Камчыбек Ташиевге байланыштуу кенен маалыматты келерки сандан окуй аласыздар.


“АТА МЕКЕНГЕ” ИШЕНИМ АРТКАНДАР КӨППҮ?

15-декабрда президент Курманбек Бакиев “Кыргыз Республикасынын Баш мыйзамына өзгөртүүлөрдү киргизүү жөнүндө” мыйзам долбоорун Жогорку Кеңешке жөнөттү.

Маалыматка караганда, мыйзам долбоору мамлекеттик башкаруу системасындагы реформа багытында Президенттин, Жогорку Кеңештин ыйгарым укуктарын аныктамакчы. Ошондой эле аталган долбоор өкмөттүн структурасын жана курамын уюштурууну жөнгө салууга багытталган. Бул мыйзам долбоорунун парламентте жакынкы күндөрү каралары күтүлүп жатса, айрым талдоочулар “Баш мыйзамды өзгөртүү менен Жогорку Кеңеш да кайра куралат” деген божомолдорду айтышууда. Ошондон улам 24.kg маалымат агенттиги “эгер эртең ЖКга шайлоо болсо, кайсы партияга добуш берер элеңиз? Калк кайсы партияга ишенет деп ойлойсуз?” деген суроолордун негизинде сурамжылоо жүргүзө баштады. Учурда көпчүлүк добуштар “Ата Мекен” партиясына берилүүдө.


Коомдук парламент: “ӨКМӨТ КЫЗМАТТАН КЕТСИН!”

Саясий сахнада көптөн бери дайыны чыкпай кеткен коомдук парламент 15-декабрда жыйын өткөрдү. Жыйында энергетикага баалардын көтөрүлүшү негизги маселе катары каралды.

Жыйында отун-сууга тарифтердин кымбатташы талкууланып, элдин социалдык жактан кандайча корголору айтылды. Катышуучулар 15 жыл аралыгында электр тармагын оңдоп-түзөөгө жана жабдыктарды жаңыртуу үчүн эл аралык уюмдардан келип түшкөн 400 миллион доллар өлчөмүндөгү кредиттердин кандайча, каякка кеткенин талкуулашты. Жыйындын аягында коомдук парламент резолюция кабыл алды. Анда энергетикага болгон бааларды жокко чыгаруу, азыркы өкмөттү толук курамы менен кызматтан кетирүү жана энергетика тармагын кыйроого алып келген мурдагы аткаминерлерди жазалоо талабы жазылып, өлкө башчысы Курманбек Бакиевге жолдонду.


БОРБОР КАЛААНЫН ТҮШТҮК МАГИСТРАЛЫ АЧЫЛДЫ

Жолдун ачылышына президент Курманбек Бакиев катышып, бул жол Бишкектин түштүгү менен түндүгүн байланыштыруучу транспорттук айлампанын башталышы болорун билдирди.

2005-жылдан бери Кыргызстанда 2242 чакырым жол, эл аралык магистралдын 590 чакырымы ишке киргизилди. Ушул тапта дагы 382 чакырым жол курулуунун үстүндө. Бишкектеги түштүк магистралы борбор калаанын Бах жана Байтик баатыр көчөлөрүн бириктирип турат.


Саясий божомол

АДАХАН МЫРЗАНЫ КАЙСЫ КЫЗМАТ ОРДУ КҮТҮП ТУРАТ?

Адахан Мадумаров бийликтин бийик бутактарында аралашып жүрөт. Учурда убактылуу кызматсыз жүргөнү маалым. Андыктан анын алдыдагы саясий ишмердүүлүгү кайда жана кайсы багытта өнүгөрү тууралуу сурап, айрым саясат таануучуларга кайрылдык.

Кубанычбек Идинов,
экс-депутат, саясат таануучу:
“ГУБЕРНАТОР БОЛУШУ МҮМКҮН”

– Мен Адахан Мадумаровду эл башына иш түшсө найза болуп сайыла турган эр, сөзү так, ою таза, акылы тунук жигит деп билем. Саясатта жакшы ийгиликтерге жетишти. Эл аралык дипломатияны билгени менен “ашканасына” аралаша албай чабалыраак болуп турат. Бул жигит учурда кызмат күтүп бош жүрөт да. Менин оюмча, президент менен ээн сүйлөшкөн болушу керек. Үн катпай күтүп жатканы да ошондон кабар берет, болбосо кыйкырып чыкмак. Мадумаров келечекте кайсы бир белгилүү мамлекеттерге Кыргыз Республикасынын толук ыйгарым укукт­уу элчиси болуп дайындалат. Болбосо губернатор же министр катары көрүп калышыбыз мүмкүн.

Чолпонбек Сыдыкбаев,
саясат таануу илиминин кандидаты,
КУУнун доценти:
“ЭЛЧИ БОЛОТ ЖЕ...”

Мадумаров убагында оппозицияда экинин бири болгон лидер эле. Саясий лидерлер иштөө стили боюнча үчкө бөлүнөт: демократиялык, авторитардык, либералдык болуп. Адахан мырза өзүн авторитардык лидер катары көрсөтө алды. Андан лидерликке тиешелүү бардык сапаттарды көрө алабыз: чечендик, реалдуулук, топту баштай билүү дагы ушул сыяктуу. Орустарда “меняются времена, меняются и люди” деген сөз бар. Ошол сыңары саясатта сөз менен иш ар дайым айкалыша бербесин Мадумаровдун соңку жылдардагы саясий ишмердүүлүгү айгинеледи. Спикер болуп турганда ЖКнын аппаратында, чарбалык иштеринде тез арада тартипти орното алды. Бирок ошол инерция менен ээлигип кетип, депутаттардын чыгып сүйлөө тартибин өзгөртүү, кимдин качан чыгып сүйлөшүнө чейин мен чечем дегени, айрым учурларда кесиптештерин кагып-силккени аша чаап кетти.
Учурда бош жүргөн Адахан Кимсанбаевич жогорку эшелондогу кызматтардын бири сунушталмайын анча-мынчасына канааттанбайт. Элчиликке кетип же жөн гана кызматтан четтеп турушу да мүмкүн. Балким, Ак үй тараптан пландалып жаткан жасалма оппозициянын туусун көтөрүп чыгар?..

Айбек Кочкоров
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
22.12.2009. 18:27 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
4ynynda ele okmot biylikten ketsin!!!
11.01.2010. 17:53 
Тайпасы:
Кыймылы жок
Комментарийлердин саны:
17
Катталган:
06-06-2009
Соӊку аракети:
26-11-2011 05:11
Жынысы:
Белгисиз
Калаасы:
Бишкек
0
ООба кетсин, а жогорку кенеш таркап кетсин да филармонияга келип ырдап журо беришсин, кыйратып деле эч нерсе чече алышпай алдары жетпей жана окмот аларды угуптта койбойт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: