АЙДООЧУЛУК КҮБӨЛҮК МИГРАНТТАРДЫ УБАЙЫМГА САЛУУДА

1-июндан тарта Орусиянын аймагында Кыргызстандын айдоочулук күбөлүктөрү тейлөө жаатында иштөөдө жараксыз деп табылат. Орусиянын өкмөтү 2014-жылдын 24-ноябрында кабыл алган «Транспорттук каражаттарды башкарууга уруксат берүү тууралуу» 1097-токтомуна ылайык, чет элдик жаран Орусиянын аймагында айдоочу болуп иштөөнү кааласа, аталган өлкөнүн айдоочулук күбөлүгүн алуусу керек. Бул өзгөрүү Орусияда айдоочу болуп иштеп жүргөн мекендештерибизди киреше булагынан ажыратууда.

Орусияда такси кызматында иштеген Нургазы Иманов:
– Кыргызстанда айдоочулук күбөлүк канча убакытка жарактуу экени жазылбайт. Орусияда мына ушул жагдай туура эмес экендигин айтып жатышат. Мунун айынан көптөгөн кыргыз жарандары чыгым тартышты. Андыктан Кыргызстанга барып, жарактуу мөөнөтү көрсөтүлгөн күбөлүккө алмаштырып келсемби деп жатам. Бирок Кыргызстандан мөөнөтү менен жасап келгендердики да жарабай калганын угуп жатабыз. Чынын айтканда, маселени толук деле түшүнө элекмин,- дейт.

Ал эми Мамлекеттик каттоо кызматынын басма сөз кызматынын өкүлү Элзат Кыдырмышева:
– Негизи Кыргызстандын ичинде айдоочулук күбөлүктөр жарамдуу мөөнөтү жок эле берилет. Мына ошол күбөлүк менен айрым мекендештерибиз Орусияда иштеп жүрүшкөн. 2014-жылдан тарта биз жарандарга жарамдуу мөөнөтү көрсөтүлгөн айдоочулук күбөлүктү да берип баштадык. Эгер айдоочу жарамдуу мөөнөтү көрсөтүлгөн күбөлүк алууну кааласа же мурунку күбөлүктү жарамдуу мөөнөтү бар күбөлүккө алмаштыргысы келсе, алмаштырып беребиз. Орусияда жүргөн жарандар Кыргызстанга келип күбөлүктөрүн алмаштырышы керек. Алмаштырып кеткендер бар. Ал күбөлүгү да жарабай калып көйгөй болгону тууралуу факт каттала элек. Андыктан кандайдыр бир мүчүлүштүктөр кетип, биз берген күбөлүктөн маселе жаралып жатса, кайрылып билдирип коюшса жакшы болмок,- деген оюн айтты.
Кыргызстандын Орусиядагы элчилигинин өкүлү Айымкан Кулукеева аталган маселе 2 жылдан бери мекендештерибиздин негизги көйгөйүнө айланганын, бул боюнча бир канча убактан бери маселе көтөрүп келе жатышкандыгын айтып өттү: «Кыргызстандан жарамдуу мөөнөтү так көрсөтүлгөн айдоочулук күбөлүк алып келүү кажет. Алар Орусиянын аймагында унаа башкарууга жарайт, бирок алар коомдук ташуу кызматтарында иштөөгө (такси, автобус) жарабайт. Эл ташып же жүк ташып кызмат кылып иштей турган жарандар тиешелүү мыйзамдын негизинде экзамен тапшырып Орусиянын айдоочулук күбөлүгүн алышы керек»,- деп түшүндүрдү.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

windows.kg

2015-05-11 11:12:08

Урматтуу Супер-ИНФО Тске кошулдукпу мындан ары документ иштери кандай болот ошул суроолор боюнча кенири маалымат берип койсонуздари

admin_media

2015-05-11 11:47:01

windows.kg, саламатсызбы! Бул тууралуу порталдын Соңку кабар бөлүмүнөн окуп турсаңыз болот: http://www.super.kg/kabar/

ilim07

2015-05-11 12:28:56

Мен москвада айдоочу болуп иштейм бир куну гаи тосту докуметтерди текшерип койберди анан ушул суроону узаттсам алмаштырасынар деди белорустар казактар алардагыалмаштырабы десем жок они наши союзники дешти. Биздагы жакында кошулабыз союзга десем билбейм деп коюшту. Ушуну биздин керектуу министирликтегилер суйлошуп чечип берип койушса жакшы болмок. Миндеген айдочу кыргыздарга пайдасы тиймек он тарапка чечип койсо. Алмаштырыш учун кеминде 30мин рубль кетет чондорго жеткизип койгулачы сураныч.Рахмат

Titi

2015-05-11 15:53:17

Админ.ушул сурот боюнча кенен маалымат берип койгулачы.куболукту алмаштырыштын кереги барбы же жокпу. Мен эски сары тустогу куболук менен журом

admin_media

2015-05-11 16:54:49

Titi, саламатсызбы! Сурооңузду шилтеме менен кирип, тиешелүү бөлүмгө калтырсаңыз болот. http://www.super.kg/superstan/index.php?showforum=81

jumka0505

2015-05-11 19:17:37

Саламатсыздарбы суппер инфо жамааты орусиянын паспортун алуу учун кыргызстандан кандай документтер деген маалымат болсо жонотуп коюнуздарчы?!

admin_media

2015-05-12 10:28:19

jumka0505, саламатсызбы! Сурооңузду шилтеме менен кирип, тиешелүү бөлүмгө калтырсаңыз болот. http://www.super.kg/superstan/index.php?showforum=81

jumka0505

2015-05-12 22:51:03

Рахмат жардам берееринизге ишенгем ))

Abdyrawit

2015-05-15 08:10:03

Негизинен былтыр да ушундай болгон июнь айында... Анан автобус айдаган мигранттар баары сүйлөшүп бир күндө жумушка чыкпай коюушат... Транспорттук каттамдар токтоп..Элдер жумушунан кечигип.. Эртеси нааразы болгон орустар митингге чыгышат... Булар митингге чыкса бизден өтөт экен.. Анан дароо мыйзамын өзгөтө койушкан эле..быйыл да ошондой болбосо болду

Комментарий калтыруу үчүн өз ысымыңыз менен кириңиз же каттоодон өтүңүз.

№ 653, 8-май-14-май, 2015-ж