Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№373 25-31-декабрь, 2009-ж.


(Башы өткөн сандарыбызда)

– Өзүңө жакса болду да кызым. Алыс болгондо кайсы жерден?
Мен Бактиярдын жердигин айттым. Апам тунжурап катуу ойлонуп калды. Каршы болуп калбагай эле деп чый-пыйым чыгып кетти.
– Өзүбүздө ошончолук жигит жок бекен?
– Билбейм апа, мүмкүн бардыр. Биз... Биз ... Бири-бирибизди жакшы көрөбүз!
Апам бир башкача өзгөрүп кетти.
– Апа, кеп алыс-жакында эмес. Каякта болбоюн бактылуу болсом болду да. Макул, сизге жакын деп турмушка чыгайын. Сүйбөгөн адамым менен жарым мүнөт да бактылуу боло албаймын. Азапта жүргөнүмдү көрүп сиздин да дилиңиз күйөт. Мен эми башканы сүйө албаймын,- дедим.
Апам башка эч нерсе айткан да, сураган да жок. Кечке жуук апам өзүн башкача сезе баштады. Өң алеттен кетип, тунжурап эле отуруп калды. Ар кайсыны дөөрүп капа кылып алдымбы деп кыжалатка түштүм. Бир убакта апам такыр башкача боло баштаганынан чочуп кеттим.
– Апа... Апа-а! Сизге эмне болду?
Апам жооп айтууга чамасы келбей, отурган бойдон дубалга жөлөндү. Эсим кетип апамды кучактай калдым.
– Апа, мени коркутпаңызчы... Апа, бир нерсе айтыңызчы? Сизге эмне болду?
Апам таштай катып, оозу ачылып-ачылбай, көздөрү жумулуп эстеликтен айырмасы жок болуп калган эле. Колумду көкүрөгүнө салып болор-болбос жылуулукту, жүрөгүнүн алсыз кагышын туйдум.
– Жеңе-е!..
Бир топтон кийин оозума кирген сөз ушул болду. Анан анын үйдө жок экенин эстедим. Ошол учурда Кудай жиберген периштедей болуп кошунабыздын келини келип калды.
– Эмне болду?
Ал апамды көрүп чочуп кетти.
– Билбейм... Билбейм... Апа-а!
Менин сүйлөгөнгө да шайым калбай калыптыр.
– Каранкүн ай, мен апаңды карап турайын, сен доктурга чурка.
Эсимди жыйып дарыгерди чакырып келүүгө чуркадым. Дарыгердин үйүнө жетип-жетпей кыйкырдым. Аялы да, күйөөсү да дарыгер болгондуктан, экөө тең чуркап жөнөштү.
Малика ушул жерден сөзүн токтотуп, көпкө ыйлады. Жаныбыздагы эже керебетине жөлөнүп алда качан эле ыйлап алган экен. Мен аларга суу алып келип бердим. Кыйлага чейин ар кимибиз өз оюбуз менен тунжурап отурдук. Малика көзүндөгү жашын аарчып, кайра аңгемесин улантты.
Ошентип, апам бешинчи күнү өзүнө келди. Кыймылдатууга мүмкүн болбогондуктан, ооруканага алпарбай үйдө караганга аргасыз болдук. Дарыгер кан басымы ашыкча көтөрүлүп кеткенин, ошондон улам инсультка кабылганын айтты.
Апамдын абалын уккан бир туугандарымдын баары келди. Агамдын алып келбеген дарыгери калбады. Баары бир ооздон күтүшүбүздү, баары жакшы болорун айтышат. Атамдан айрылып бир капшытым эңшерилип, опол тоодой медеримдин ордун таппай сыйпалап жүргөн чагымда апамдын абалы шилиме бычак сайылгандай эле болду. Ага-эжелерим бар жалгыз эмесмин дечи, бирок алардын өз балдары, өз түйшүгү бар. Буларды байкап, мен алар үчүн ашыкча жүк болорумду сездим.
Атам да көп ооруп, төшөк тартып жатып каза болгон. Кайраттуу, сүрдүү, калыс киши эле. Бизди мөгдүрөтүп эч нерсеге муктаж кылбаган. Тоголок жетим өсүп бар-жоктун, ысык-сууктун азабын таркан неме ушунча бак-дарак, короо-жайды жоктон кураган жан эле. Атам бизди чындыкты бетке айтып, акыйкатка тике караганга үйрөттү.
“Кызым, сүйлөгөндө сөзүң мазмундуу, болоттой курч, көзүң бүркүттүкүндөй өткүр болсун. Жалтактабай адамды тике карап сүйлө. Күнөөлүү, калп сүйлөгөн адам гана көзүн алакачып сүйлөйт. Сен сүйлөгөндө да адамдар кунт коюп уга турган болсун” деп көп айтар эле. Бирөөнүн байлыгына көз артып, бирөөгө теңелгенди түк жактырчу эмес. Баарынан да карыз алуудан, кишинин аманатына кыянаттык кылуудан сак болуубузду кулагыбызга кумдай куят. Ал дайыма “карыз кишини оорулуу да кылат, түйшүккө да салат. Карызга батып байыгандан көрө эски болсо да таза, жамаачы болсо да кийим кийип жүргөн артык. Бул пайгамбарыбыздын хадиси.
Бирөөнүн буюмуна кызыкчу болбогула!” дечү.
Атам мени “эне кызым”, “ширин кызым”, “кенжетайым” деп эркелетип турса да, катуу сүрдөйт элем. Бирок апама өнөрүмдү көрсөтүп ашыкча алчактап эркелеп, ызатымдан ашып кеткеним чын. Биз менен атамдын ортосунда апам “элчи” болуп, өйдө-ылдый басканыбызга уруксат алып берет. Мен эсиме кирип калган учурда бир туугандарымдын баары турмуш күтүп, атам-апам менен жалгыз мен калдым. Кээде турмушуна таарынып, арыз-муңун айтып келип калган эжелериме апам катуу айтып, мындай кылыктарын тарбиясыздык деп баалачу.
– Кийимиң бүтүнбү?- деп сурайт биринчи эле.
Башын ийкеп үнсүз жооп берет, таарынычтуу келгени.
– Ачка калтырыштыбы?
– Жок.
– Анда эмне кемчилигиң бар? Бир күйөөңдүн эбин таппай, кайын журтуң менен тил табышпай калган болсоң эмне кылайын? Арзыбаган нерсеге кыжы-кужуңарды жыйыштыргыла. Эскертип коёюн, сен атаңдын төрүндө коноксуң. Кайын-журтуңда бир маселе чыкса, аны чечүүгө жан дилиң менен кол кабыш кылгын.
Баса, “алыскы туугандан жакынкы кошуна” дейт, андыктан кошунаңар менен алыш-беришиң, мамилең түз болсун. Не жакшылык, не жамандыкта жаныңарда бирин­чи болуп ошолор турат.
Эми бүгүн эс алып, эртең үйүңө кайт.
Апамдын бул сөздөрүнөн кийин башка эжелерим арыз-армандарын ичтеринде катып, оң карап күлүп, тескери калап ыйлап кете берише турган. Мындайда атамдын бир гана сөзү бар:
– Мен силерди төрүмө кайра келсин деп күйөөгө узаткан эмесмин! Бүттү, ашык даттануунун кажети жок.
Бул тарбиялары ар дайым эле жакшы натыйжага жеткизбеди. Бир эжемди бактысыз кылып алышкандары да чын. Ал эжем атам менен апама угузуп-угузбай улуу эжелериме даттанат:
– Атам кайнатам менен өзү жашай тургансып минтип мени турмушка беришти. Күйөөгө беришпей эле кыпкызыл түйшүккө салып коюшканын билишпейт. Экөө жакшы экен, дос болуп эле жүрө беришпейби. Же күйөөм бир акылдуу болсо экен...- деп ыйлактайт. Антсе эжелерим боору ооруп:
– Азыр жашсыңар, түшүнүшүп кетесиңер. Кызык, атам да анын баласы кандай экенин билип туруп “атасына сөз бергем” деп сени берип салды. Апама да кулак салбады. Көрдүм го, апам байкуш сен үчүн күйүп, бербей коюуга аракет кылды. Айла канча, атам чечиминен баш тартпай койбодубу. «Кой, ыйлаба, баары жакшы болот» деп сооротушат. Тилекке каршы, алар үмүт кылгандай баары жакшы болгон жок. Эжемдин балдарынын бактысы үчүн кылган аракети, тарткан азабы текке кетип, баары бир турмуштары бузулду. Акыркы мезгилдерде ката кылганын атам да моюнуна алып эжеме колунан келишинче жардам бере баштаган эле. Кем-карчысын толуктап, күйөө баласына жакшы айтып акылга салууга бүт күчүн жумшады. Чындыгында, өз билгенин бербей төргө айдаса көргө качкан ал эжемди да, өзүн да бактысыз кылды.
Атам ооруп төшөктө жаткан мезгилде эжемди чакыртты.

Жумагүл Жолматова

(Уландысын бир сандан кийин окуй аласыздар)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(2)
29.12.2009. 13:00 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Толугу м.н бере салбайсыздарбы куттурбой.
19.07.2010. 16:30 
Тайпасы:
Кыймылы жок
Комментарийлердин саны:
12
Катталган:
05-06-2010
Соӊку аракети:
27-05-2012 14:08
Жынысы:
Белгисиз
Калаасы:
Нарын
0
ушунусу менен кызыкда айжигит
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: