Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Раллия, ырчы: «ЖОЛДОШУМ МЕНИ БЕЙОНСЕДЕН ДА ТАЛАНТТУУСУӉ ДЕЙТ»

№654 15-май-21-май, 2015-ж


«С порывами ветра все гаснут огни,
Я буду скучать, но меня ты не жди»,- деген саптары бар «Знай» деген ырды убагында сиз деле ырдагансыз. 2006-2007-жылдары кыргыз эстрадасына жаш ырчылардын агымы менен жогорудагы ырдын аткаруучусу, ырчы Роза Адилканованын кызы Раллия да чыккан эле. Уккулуктуу ырлары менен күйөрмандардын эсинде калган ырчы учурда кайда, эмне менен алек? Ушул суроолорго жооп издеп, ырчынын өзүнө кайрылдык.

– Салам, Раллия! Кыргызча гезит-журналдарды окуйсуӊбу? Дегеним, ырдаганда кыргызча жакшы ырдайсыӊ, бирок сүйлөгөнгө келгенде кыйналат экенсиӊ?
– Саламатсыздарбы? Негизи эле мен түстүү гезит-журналдарды окуганды жактыра бербейм. Өтө эле кызыгып баратсам, сүрөттөрүн көрүш үчүн барактап коём. Эгер окусам өзүмө керектүү диний китептерди, тарыхый чыгармаларды, хадистерди окушум мүмкүн. Кыргызча адабий тилде сүйлөй албасам да, турмушта колдонулган сөздөрдү билем, оюмду жакшы эле түшүндүрө алам.
Атамдын улуту казак, апам Роза Адилканованын апасы казак, атасы уйгур. Өзүмдү казакмын деп эсептейм, бирок ал тилди деле кыйратып билбейм. Кыргызчаны канча пайыз билсем, казакчаны деле ошончолук билем. Биз үйдө көбүнчө орус тилинде баарлашабыз, чөйрөм да орус тилдүүлөр, балким, ошондон улам да орус тилине көбүрөөк ыктасам керек.
– Акыркы жылдары Арсен, Мирбек Атабеков менен чогуу аткарган дуэттериӊди угуп жүрөбүз, бирок өзүӊ такыр эле көрүнбөй кеттиӊ?
– Мен үчүн музыка өзүмдү сыноого багытталган аракет эмес болчу. Ырчы болууну максат кылгам, кыялдангам десем жаӊылышам. Мага жөн гана ырдаган жакчу, ошондон ырахат алчумун. Эргүү келгенде ырдап коём, болбосо жок. Анан да сахнага чыгууга эч качан умтулган эмесмин. Тескерисинче, сахна мени өзүнө чакырчу.
Бир окуя менин ырдап калышыма себеп болгон. Бир жолу апам экөөбүз Актан Исабаевдин студиясына бардык. Ошондо апам Актан байкеге «кызым ырдайт, ырдатып көрсөӊ» деп калды. Ал учурда өзүмдүн «Знай» деген автордук ырым бар эле. Ырдатып көрүп жактырган. Ушул окуя менин чыгармачылыкка келишиме түрткү болду. Ыраматылык апам менин ырдаганымды өзгөчө сүйчү, ар бир ата-эне үчүн өз баласы көзүнө башкача көрүнсө керек.
– Апаӊдын кайтыш болгону жашооӊду өзгөрттүбү?
– Толугу менен өзгөрттү. Апам биздин үйдүн куту эле, ал көз жумганда үйдөн кут учуп кеткендей эле болду. Биз болсо жашпыз, эмне кыларыбызды билбей чачырап кеттик. Атам куса болуп кайгыга чөгүп кетти. Көп өтпөй эле атам каза болду. Жашоомдо болуп өткөн кайгылуу окуялар мени үй-бүлөлүк мамилени баалаганга үйрөттү. Өзүм үчүн көп сабак алдым. Ата-энемдин өлүмүнөн кийин өзүмдү жоготуп алуудан корктум. Атам каза болгондо өзүмө тез арада турмушка чыгышым керек деп сөз бердим. Сүйүүгө бөлөнүп, татыктуу тарбияда, эрке кыз болуп чоӊойдум. Анан карасаӊ эле мунун баары бир заматта жок болуп кетсе коркот экенсиӊ. Тезирээк турмушка чыгып, үлгүлүү үй-бүлө кургум келди.
– Үлгүлүү үй-бүлө курдуӊбу анан?
– Кудайга ыраазымын, анткени бирин алса, экинчисин берип коёт экен. Ата-энемди менден алып кеткени менен, ордуна жакшы адамдарды жибериптир. Ал менин жолдошум Ислам. Өтө жакшы адам, камкор, ак көӊүл. Исламдын улуту чечен, башында ага турмушка чыгам дегенде көбү «алардын салты катуу, кыйналасыӊ» деп айтышкан. Бирок чынында анчалык деле кыйынчылык көргөн жокмун. Экөөбүз таанышкан соӊ 3 айдан кийин эле үйлөнүп алганбыз. Себеби экөөбүздүн жашоого, үй-бүлөгө болгон көз карашыбыз бир болчу. Алардын салт-санаасын сыйлайм, өзүмдү толугу менен жолдошума арнап, үй-бүлөдө жылуу атмосфера түзгөнгө аракет кылам. Үйлөнгөнүбүзгө 1 жарым жыл болду, учурда тун перзентибизди күтүп жатабыз.
Жараткан жиберген жакшы адамдардын катарында менин күйөө балдарым да бар. Эки сиӊдим Асем менен Мадинанын жолдоштору аябай мыкты жигиттер, алардын кылган мамилесине ыраазымын. Ата-энемдин күйөө балдарынын сыйын көрбөй кеткенине өкүнөм.
– Жакында көз жарсаӊ чыгармачылыгыӊды таптакыр таштайсыӊбы?
– Менин наристем – бул менин демим, жашоомдун маӊызы. Анын жөрмөлөп басканын, биринчи кадамын, тамакты төгүп-чачып жегенин, таттуу тили чыкканын сахнада жүрүп өткөрүп жибергим келбейт. Менин колумда, көз алдымда чоӊоюшун каалайм. Мага таарынбасын, бирок карьера үчүн баласын бала багуучуга каратып, өзү ырдап жүргөн айымдарды түшүнбөйм. Балалык бир эле жолу келет, анан кантип ушундай бакытты коё беришет? Казак элинде «анасы бар адам картаймайды» деген жакшы макал бар. Балага тарбияны энедей эч ким бере албайт.
Чыгармачылык менен оорубайм. Карьера мен үчүн үй-бүлөмдүн өсүшү. Балким, ошон үчүн да репертуарымда бир да клибим жок. Бирок балам чоӊойгондо чыгармачылыкка кайтып келсем болот, анткени өзүмө жаккан жумуш, жолдошум каршы эмес. «Ралли, ыр жазып берчи, бул ырды ырдап берип койчу» деп суранып келишкенде ырдап коём. Учурда «Маx production» студиясында иштейм, ал жактан жаш ырчыларга вокалдан сабак берем.
– Азыр чачыӊ мурункудай сары эмес, кара болуп калыптыр, көчөдө сени таанышабы?
– Жок, көпчүлүгү таанышпайт. Анткени көчөдө жоолук салынып, узун көйнөктөрдү кийип жүрөм. Негизи, күйөөм жанымда болбосо, көчөгө деле көп чыкпайм. Кээде атымды айтчу жерлерден Раллия деп ысымымды айтып калсам, «сиз ырчы Раллиясызбы?» деп үнүмдөн таанып калышат.
– «Жолдошум чыгармачылыгымды колдойт» деп калдыӊ...
– Ооба, жолдошум ырдаганыма каршы эмес. Мени Бейонсе, Уитни Хьюстондон да таланттуусуӊ дейт. Мен анын көзүндө кол жеткис мегажылдыз болсом керек (күлүп). Ал өзү да жакшы ырдайт, гитарада ойнойт, үйдө экөөбүз отуруп алып ырдап калабыз.
– Сахнага алгачкы жолу чыкканыӊды эстеп өтсөӊ?
– Так эсимде жок, 5 же 6 жашта болсом керек, биринчи жолу Казакстандагы «Анши Балапан» деген музыкалык сынакка катышып, Гран-прини утуп алгам. Ал кезде сезимдер кандай болгонун унутуп деле калдым. Биз мен 1-класска киргенге чейин Казакстанда жашачубуз, андан соӊ атамдын каалоосу менен Кара-Балтага көчүп келгенбиз.
– Маегиӊе чоӊ рахмат, аман-эсен көз жарып ал!

Раллия элге мына ушундай сары чачы менен таанылган.

"Бир кездеги апасына эркелегенден башканы билбеген чунак кыз азыр минтип созулган, токтоо кыз болгон".

"Буюрса, ыраматылык апам мага кандай тарбия берсе, мен да балама ошондой тарбия берем деп турам".

Лунара Бекиева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(17)
18.05.2015. 09:19 
Тайпасы:
Кыймылы жок
Комментарийлердин саны:
90
Катталган:
17-08-2012
Соӊку аракети:
28-10-2016 19:24
Жынысы:
Белгисиз
Калаасы:
Бишкек
0
Жакшы маек болуптур. Раллия чын эле кыйла токтолуп калыптыр.
18.05.2015. 09:59 
Тайпасы:
Жаран
Комментарийлердин саны:
146
Катталган:
25-03-2015
Соӊку аракети:
20-09-2018 00:41
Жынысы:
Белгисиз
Калаасы:
Кара-балта.
+1
Мага жакчу ырдаганы.
18.05.2015. 11:04 
Тайпасы:
Кыймылы жок
Комментарийлердин саны:
3
Катталган:
16-05-2015
Соӊку аракети:
30-11-2015 10:00
Жынысы:
Белгисиз
0
апасына окшош экен
18.05.2015. 13:11 
Тайпасы:
Жаран
Комментарийлердин саны:
46
Катталган:
10-01-2015
Соӊку аракети:
04-01-2017 05:30
Жынысы:
Белгисиз
0
Супер инфо, Роза Адилханова эмне болуп каза болду эле, качан??
18.05.2015. 18:17 
Тайпасы:
Супермодератор
Комментарийлердин саны:
4715
Катталган:
05-09-2011
Соӊку аракети:
20-09-2018 16:04
Жынысы:
Белгисиз
Калаасы:
Супер-Инфо
0
meli12, саламатсызбы!
Бул тууралуу маалымат берүүгө аракет кылабыз.
24.05.2015. 12:51 
Тайпасы:
Кыймылы жок
Комментарийлердин саны:
12
Катталган:
17-05-2015
Соӊку аракети:
25-04-2016 15:16
Жынысы:
Белгисиз
0
meli12, ооруп, 4-5 жыл мурда
18.05.2015. 14:11 
Тайпасы:
Кыймылы жок
Комментарийлердин саны:
13
Катталган:
27-02-2015
Соӊку аракети:
27-12-2015 14:58
Жынысы:
Белгисиз
Калаасы:
Бишкек
0
Маеги жакты. Токтоо айым экен
18.05.2015. 20:18 
Тайпасы:
Жаран
Комментарийлердин саны:
164
Катталган:
14-01-2015
Соӊку аракети:
06-09-2018 18:48
Жынысы:
Белгисиз
Калаасы:
Россия Иркутск ♥♥Озгон♥♥
0
Эмил Балтагуловдон дагы интервью алыныздарчы супер инфо сураныч.
19.05.2015. 11:43 
Тайпасы:
Супермодератор
Комментарийлердин саны:
2058
Катталган:
22-02-2011
Соӊку аракети:
20-09-2018 16:46
Жынысы:
Белгисиз
Калаасы:
...
0
mirana9395, саламатсызбы! Сунушуңузду тиешелүү бөлүмгө жеткирип койдук, рахмат!
19.05.2015. 10:05 
Тайпасы:
Кыймылы жок
Комментарийлердин саны:
22
Катталган:
14-07-2014
Соӊку аракети:
06-11-2016 21:23
Жынысы:
Белгисиз
Калаасы:
Ош
0
Бул кыздын апасы көз жумду беле? Шок болдум го, кандайча болду?
19.05.2015. 11:25 
Тайпасы:
Түйүлдүк
Комментарийлердин саны:
3
Катталган:
20-01-2015
Соӊку аракети:
17-01-2018 17:09
Жынысы:
Белгисиз
+2
Meni da jubaiym Bred Pitten otkon krasavchiksin deit.
19.05.2015. 13:43 
Тайпасы:
Жаран
Комментарийлердин саны:
79
Катталган:
20-11-2013
Соӊку аракети:
09-03-2018 15:40
Жынысы:
Белгисиз
+1
Тааныбайт экенмин таптакыр.
19.05.2015. 15:58 
Тайпасы:
Жаран
Комментарийлердин саны:
288
Катталган:
05-10-2014
Соӊку аракети:
23-06-2018 19:10
Жынысы:
Белгисиз
Калаасы:
Жалал-Абад
+1
Бактылуулук каалайм жарык дуйного келе турган наристениздин омуру узуун акыл эстуу болсун эсен аман коз жарып алын.
20.05.2015. 13:26 
Тайпасы:
Кыймылы жок
Комментарийлердин саны:
35
Катталган:
23-01-2015
Соӊку аракети:
12-10-2015 18:35
Жынысы:
Белгисиз
+1
Азыркы кездеги окуучулар тааныбаса керек. Биз убагында Раллиянын 2 ырын куну туну укчу элек. Аябай кучтуу адам экен, мындай ситуациядан кобу чыга албайт. Бактылуу, омурлуу бол уй-булоон менен.
22.05.2015. 17:14 
Тайпасы:
Жаран
Комментарийлердин саны:
19
Катталган:
27-04-2015
Соӊку аракети:
01-06-2017 19:08
Жынысы:
Белгисиз
0
Азаматсыз аман коз жарып алын.
24.05.2015. 00:09 
Тайпасы:
Жаран
Комментарийлердин саны:
10
Катталган:
15-01-2014
Соӊку аракети:
13-06-2017 11:30
Жынысы:
Белгисиз
0
Taanubayt ekenmin ozun da apasun da.urlarun kaydan tapsa bolot.
25.05.2015. 11:36 
Тайпасы:
Супермодератор
Комментарийлердин саны:
4715
Катталган:
05-09-2011
Соӊку аракети:
20-09-2018 16:04
Жынысы:
Белгисиз
Калаасы:
Супер-Инфо
0
golding_kg, саламатсызбы!
Раллиянын ырлары:
http://www.super.kg/media/?search_term=издөө...&search_author=795&media_search=1&x=8&y=6
Ал эми Роза Адильханованын азырынча бир гана ыры бар:
http://www.super.kg/media/?search_term=издөө...&search_author=831&media_search=1&x=7&y=13
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: