Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ТЕЗ ЖАРДАМБЫ» ЖЕ «КЕЧ ЖАРДАМБЫ?»

№654 15-май-21-май, 2015-ж


Бишкек шаарындагы көчөлөрдөн бир нече ирет «Тез жардам» кызматкерлери унааларын жол боюна токтотуп коюп, өздөрү дүкөндөн пирожки, шире көтөрүп чыгып келаткандарын көзүм чалып, «булар өз чөнтөктөрүнөн тамактанышабы?» деп таӊданып койгом. Интернет булактарында айдоочулар жол бошотпой «Тез жардам» кызматкерлерин сөгүп-сагып, кай бир учурда сабап жаткан тасмаларды көрүп аталган кызматтын күнгөй-тескейи менен таанышкыбыз келди.

«ТЕЗ ЖАРДАМ» УНААЛАРЫ ТАРТЫШ»

Калк арасында «кыйналганымдан «Тез жардам» кызматын чакырсам аябай кечигип келди же орой мамиле жасады, телефондон эзилип оорулуунун аты-жөнүн сурап туруп алышат, келишсе да унааларында шарт жок» деген сыяктуу кептерди кулагыбыз чалып калат. Айрым учурларда так ушул кызматтагылар да коррупциялык иштерге катышкандыгын гезит бетине жарыялап келгенбиз. Мунун себептери эмнеде? Бул сурообузга жооп алуу үчүн «Тез жардам» борборунун жетекчиси Жаркынбек Касымбековго кайрылып, бир нече суроолорубузга жооп алдык:
– «Тез жардам» кызматына карата калк арасында нааразычылыктын бар экендиги факт. Ага жүйөлүү себептер бар. Эӊ негизги себеп – унааларыбыздын жетишсиздиги. «Тез жардам» кызматын унаасыз элестетүүгө мүмкүн эмес да. Чемоданыбызды көтөрүп алып чуркамак белек? Тээ мурун жаӊы конуштары, тыгыны жок, кичи райондордун бардыгы иреттелген Фрунзе шаарынын 500-600 миӊдей калкын 65 унаа тейлечү. Азыр Бишкекте келип-кеткен конокторубузду кошкондо болжол менен 1 жарым миллионго жакын калкты 30-35 унаа тейлейт. Шаар кеӊейип, элдин саны 2 эсе өссө, унаалардын саны 2 эсеге азайды. Анан кантип биз «Тез жардам» болобуз.
Унааларыбыз жылдан жылга эскирип улам четинен бузулат, кайра оӊдойбуз. Шашылыш чыгып жатканда унаа бузулуп калган учур көп болот. Көргөндөр «айдоочу рулда, айым фельдшерлер артынан түртүп алышыптыр» деп күлүп калышат. Кээ бир унааларыбыз 1 жарым миллион чакырым «чуркап» койгон. Жакында Япониядан коноктор келип өздөрү «Тойота унаасы ушунча чыдайт бекен?» деп таӊданып, бир чети сыймыктанып кетишти.
Медициналык шаймандарыбыз тартыш. Негизи шаймандар бири иштеп жатканда бири зарядда турушу керек. А бизде кошумча түгүл жетишпейт, себеби каражат өкмөттөн аз бөлүнөт. Аны да «салгылашып» жатып араӊ алабыз.

«КӨЧӨЛӨРДҮ ТАППАЙ УБАРА БОЛОБУЗ»
– Дагы бир чоӊ көйгөй – айдоочулар «Тез жардам» кызматына жол бошотушпайт. Бошотоюн десе да орун жок, жалпы эле тыгында туруп калабыз. 50гө чамалаган жаӊы конуштарыбыз бар. Көпчүлүгүндө үйдүн номери эмес, көчөнүн аты жазылган эмес. Дагы жакшы уюлдук телефон бар, чалышып жатып араӊ дарегин табабыз.
Кээ бирлери өзү жашап жаткан көчөнүн атын билбейт же «бул дүкөндүн жанында турам, бул бактын түбүндөмүн» дешет. Ошентип кечигебиз. Чакыруу алып жатканда бейтаптын дарегин, оорусу тууралуу канчалык тактап билсек, кайсы бригаданы жиберүү билинет да, оорулууга да ошончолук жеӊил болот.
Жаӊы конуштарды тим эле коёлу, калыптанып калган кичи райондордо да кабаттуу үйлөрдүн ортолоруна бетон коюп, темирлерди сайып салышкан. Үйлөрүнүн алдына келип кодун сурайбыз. Анан биз үйлөрүнүн алдында күзөттө тургансып «Эмне эле ар кайсыны сурап жатасыӊ? Келе калбайсыӊбы!» деп урушушат.
Акыркы учурда кызматкерлерибизге кол көтөргөндөр да көбөйүүдө. Өткөн жылы жаӊы эле окуусун бүтүп, «Тез жардамда» иштейм деп кубанып келген айымыбыз ага чейин 3-4 күн ичип, кусуп жаткан жараныбызга жардамга чакырылган. Ал даректи эптеп таап баргыча 50 мүнөттөй өтүптүр. Барса аялы «эмне кеч келесиӊер?» деп, күйөөсү кусуп койгон дагараны алып врачтын башына куюп салыптыр. Ал дарыгер кызыбыз келер замат «агай мен иштебейм, кечирип коюӊуз» деп арыз жазды. Сабыр кыл деп жатып араӊ алып калдык. Себеби кадр табыш да кыйын. Татыктуу айлык акы төлөй албай көп адистерибизди жоготуп алуудабыз. Чет өлкөгө же жеке менчик «Тез жардам» кызматына иштеп кетишет.
Күнү-түнү иштеген кызматкерлерибизге тамакка каражат бөлүнбөйт, өздөрү тамак сатып алып ичишет. Бизде орточо эсеп менен айлык 8-9 миӊ сом. 1 жарым ставка менен иштеп, тажрыйбасы эсептелип жатып алды 17-18 миӊ сом алышат. Биздин кызматкерлерибиз тууралуу кээде «бензинге, дары-дармекке акча алышат»  деп даттанышкандар бар. Мен ушундай көрүнүштү кыскартууга аракет кылып жатам. Дары-дармекке, бензинге толугу менен өкмөттөн каражат бөлүнөт. Ошондуктан элибизге кайрыларым, эгерде "Тез жардамдын" дарыгерлери дарыга, бензинге деп акча сурашкан болсо, 0312 61-51-22 же 0312 61-51-62 номерлерине чалып, бизге билдирип коюшуңуздарды суранам.

«ОЙНОП ЧАКЫРГАНДАР КӨП»
– Кээде дайыны жок чакыруулар болот. Мисалы, күйөөсү менен аялы уруша кетип, аялы калп эле эси ооп кулап калат. Анан бизди чакырышат. Барсаӊ экөө жакшынакай эле чай ичип отурушкан болот. Барып «эмне болду?» десеӊ, аялы «эсим ооп калды, кайра жакшы болдум» дейт.
Жалгыз жашап зериккен апаларыбыз бар. Алар чакырганынан барып текшерип, «жакшы эле экенсиз го» десеӊ, «балам мени менен сүйлөшүп отура турчу» дейт. Ойноп чалгандарга мыйзам чегинде 4 миӊ сомго чейин айып пул төлөө каралган. Бирок анын артынан сая түшүп, аны далилдеп, анан соттун чечимине чейин күтүү үчүн атайын жактоочу сыяктуу бир кызматкер болуш керек. Аны алууга мүмкүнчүлүк жок. Ойноп чакыргандарга барган убакта, балким, медицина кызматы абадай керек болгон башка жарандарыбызга бара албай калып жаткандырбыз. Кээде жеке менчик ооруканада жаткандар чалышат. Албетте, чалып чакырып жаткан соӊ биздин кызматкерлер барып аларга жардам көрсөтүп келишет. Ал эми тигилер акча алып жатышкан соӊ бейтаптарды жакшы карабайбы. Ушулардын үстүнөн көзөмөлдөй турган регламент жок.

«ТЕЗ ЖАРДАМ» КЫЗМАТЫ ТУУРАЛУУ

• 1924-жылы Пишпек шаардык бейтапканасында «Пишпек шаардык тез жардам бюросу» деген аталышта медициналык бекет уюштурулган. Бюродо 1 дарыгер, 2 фельдшер иштеген. Алар ат араба менен жардамга барып турушкан. Жанында таӊуучу материалдар, замбилдер, кээ бир медициналык шаймандар жана дары-дармектер болгон.
• 1941-жылы Фрунзе шаарында толук кандуу медициналык «Тез жардам» бекети уюштурулган. Улуу Ата Мекендик согуш башталары менен бекеттин кызматкерлери мекенди фашисттерден коргоо үчүн тажрыйбалуу адис катары алгачкылардан болуп фронтко кетишкен.
• 1963-жылы терминалдык абалдар менен күрөшүү боюнча адистештирилген бригада түзүлүшү менен өнүгүүнүн жаӊы этабы башталган.
• Азыркы учурда Бишкектеги»Тез жардам» кызматында жалпы жонунан 624 киши эмгектенет. Анын 120га чукулу дарыгер, 300дөйү орто медициналык кызматкерлер жана башка кызматтагылар. Алар жылына болжолдуу түрдө 120 миӊден ашуун бейтапка жардам көрсөтүшөт.
• 2014-жылы Бишкектеги «Тез жардам» кызматына 158 миӊ чакыруу түшкөн. Анын 146 миӊине «Тез жардам» кызматы барган. Анын ичинен 13 миӊге чукулу дайыны жок чакыруулар болгон (ойноп чалгандар, дарегин адашып айткандар, «Тез жардам» кызматын күтпөй өз алдынча кетип калгандар). Мындан тышкары 12 миӊге жакын кайрылууга кеӊеш берилген.
• Борбордо болжол менен 12 жеке менчик «Тез жардам» кызматы иш алып барат. Аларда жалпы жонунан 20га чукул унаа бар. Мамлекеттик «Тез жардам» кызматынын унааларын кошкондо Бишкек шаарында жалпысынан 55 унаа бар (эгерде унаалар бузулбаса). Муну 901 700 адамга (2014-жылга карата) бөлсөк анда 16 миӊден ашуун адамга 1 «Тез жардам» унаасы туура келет. Ал эми расмий эмес маалыматтар боюнча учурда 1 жарым миллион адамга жакын калк жашайт.

1960-жыл. "Тез жардам" кызматкерлери иш үстүндө.

«Супердин» сурак бурчу
«Тез жардам» кызматын колдоносузбу? Сизди канааттандырабы?

Азамат Өзүбеков, Талас району:
– Биздин Талды-Булак айылында «Тез жардам» кызматы жакшы тейлөө көрсөтөт. Ар бир дүкөн, мекемелерде мобилдик жана кызматтык телефондору илинген. Айылыбыз чакан болгондуктан чакырууну 5-10 мүнөттүн ичинде аткарышат.

Кызжибек Ажиматова, Ош шаары:
– 2-3 жолу балам сыркоолоп калганынан «Тез жардам» кызматына кайрылгам. Тыгын болуп жатат деп бир аз кечигип келишкени менен, кызматкерлер өз иштерин так аткарышып, баламды жакшы карашкан. Орой мамиле жасашпайт.

Алмаз Насирдинов, Бишкек шаары:
– 2 ай мурун түн ортосунда өтүм приступ берип, «Тез жардам» чакырсам, дарыгерлери жаш кыздар экен, кеч келишти. Ооруканага алып бармакчы болушту, бирок бутум сынып, гипстелип жаткандыгымдан «замбил жок, сизди көтөрө албайбыз» деп таштап кетишти. Айла жок, таӊ атканча чыдап, эртеси такси менен ооруканага жеттим.

Саламат Кубанычбеков, Түп району:
– Өзүм «Тез жардам» кызматын колдонгон эмесмин. Биздин айылда аталган кызматтын унаасы жок болгондуктан ооруган кишилер телефон чалып райондон чакыртышат. Алар келип бейтаптарга медициналык жардам көрсөтүшүп, абалы оорлорун райондук ооруканага алып кетишет.

Эркин Баяманов, Бишкек шаары:
– Бул тармакта маселе көп. «Тез жардам» кареталары көптөн бери жаӊыртыла элек. Мыкты адистер пенсияга кеткен, алардын ордуна келген жаштардын көпчүлүгүнүн билими начар. Жаӊы конуштар көп болуп, инфраструктура жок. Жолдору начар, элдин көпчүлүгү каттоого турушпайт. «Тез жардамдын» штаты көбөйбөй, жаӊы унаалар алынбай жатат.

Белек Токтосун уулу, Базар-Коргон району:
– «Тез жардам» кызматына былтыр кайрылганбыз. Кызматкерлер оорулуу атамды көрүп, аны ооруканага алып барып жаткызгандын ордуна «үйдөн эле карасаӊар болот же...» деп эки анжы ойдо болгону ачууну келтирди. Биз ишенген ак халатчандар эки башка ойдо болсо, биз кимге ишенебиз?

Гульнара Садыбакасова, Нарын району:
– Биздин айылда оорукана бар. Ооругандар күндүз болобу, түндө болобу барып көрүнө берет. Операция болгондорду гана башка жакка жиберишпесе, калгандарын өздөрү дарылашат.

Асхат Субанбеков
koom@super.kg



"Тез жардам" кызматынын күнгөй-тескейи

Автор: Айзат Болотбек кызы
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(16)
Super TV
16.05.2015. 02:49 
Тайпасы:
Жаран
Комментарийлердин саны:
74
Катталган:
20-02-2013
Соӊку аракети:
26-07-2017 13:01
Жынысы:
Белгисиз
0
Тетиги терезеси бузулуп, керетеби чирип калган тез жардамдын абалы не дейт? Эх кыргыз эли качан онолобуз? Журогум оооруду.
Медиа-портал
16.05.2015. 08:33 
Тайпасы:
Жаран
Комментарийлердин саны:
77
Катталган:
21-01-2015
Соӊку аракети:
20-11-2018 13:45
Жынысы:
Белгисиз
Калаасы:
Кыргызстан-Москва
0
Ар бир иштин кыйынчылыгы,туйшугу болот!Ошол кыйынчылыкка чыдап,иштеп жургон тез жардамчыларга данк!
Super TV
16.05.2015. 11:42 
Тайпасы:
Жаран
Комментарийлердин саны:
0
Катталган:
20-03-2014
Соӊку аракети:
03-07-2018 10:32
Жынысы:
Белгисиз
-1
кызым ооруп, кечки саат 10 до тез жардам чакырдык эле туну саат 2 ге жакын келишти. уйубуз фучикада. келишип жакшы жардамдарын коргозушту. биз суйунуп келгенине кеч болсо да, кофе берип кайра кайра рахматыбызды айтып узатып койдук.
Медиа-портал
16.05.2015. 12:46 
Тайпасы:
Жаран
Комментарийлердин саны:
288
Катталган:
05-10-2014
Соӊку аракети:
23-06-2018 19:10
Жынысы:
Белгисиз
Калаасы:
Жалал-Абад
+2
Ак халат менен кызыл шапкеден кудай сактасын негизи.Ишиниздерге ийгилик эл кызматына жарап журо бериниздер.
Super TV
17.05.2015. 14:59 
Тайпасы:
Жаран
Комментарийлердин саны:
31
Катталган:
10-11-2013
Соӊку аракети:
21-11-2018 12:41
Жынысы:
Белгисиз
0
Кантседа барына шугур
18.05.2015. 14:43 
Тайпасы:
Жаран
Комментарийлердин саны:
596
Катталган:
06-03-2012
Соӊку аракети:
27-09-2018 06:22
Жынысы:
Белгисиз
Калаасы:
Эски шаар
0
Тиги 1960-жылкы эски суроттогу тез жардамдын кызматкерлеринин тазалыгына суктандым.Азыр мындай эмес.Ошентсе да азыркылар аз айлыкка чыдап,оз чонтокторунон тамактанып иштегендерине рахмат.
18.05.2015. 17:20 
Тайпасы:
Кыймылы жок
Комментарийлердин саны:
4
Катталган:
09-05-2015
Соӊку аракети:
10-06-2015 07:41
Жынысы:
Белгисиз
0
Тез жардам деген менен ажал келсе алып кала албайт экенбизда.Айылда беш минутуда жетчу жерге жарым саат убакытта келген экен.Ал ас келгенсип нашатрный спирти жок агам кайтыш болду. Бул шалаакылык да. Ажал деген созго моюн сунуп кала бердик курандан болок пайда жок деп!
18.05.2015. 17:46 
Тайпасы:
Жаран
Комментарийлердин саны:
35
Катталган:
03-05-2015
Соӊку аракети:
14-01-2017 23:35
Жынысы:
Белгисиз
Калаасы:
Орусия азырынча
0
Ушинтип иштеп жаткандарыныздаргада чоон рахмат,ал эми жанагинтип алдап чалып аткан адамдар ойлошпойбу мункун чын эле башка бироого аябай жардам керек болуп олум менен курошуп жаткандыр деп....
18.05.2015. 19:34 
Тайпасы:
Жаран
Комментарийлердин саны:
54
Катталган:
25-10-2014
Соӊку аракети:
06-11-2018 09:48
Жынысы:
Белгисиз
Калаасы:
Ош
-1
Антип эле ак халатчандарга асыла бербесенер.Менда ошол тармакта иштейм.Кунгой-тескейин билбей туруп айтканынарга тан каламда.Кичине айлыкка чыдап иштеп жургонуно рахмат айтыш керек.Куну-туну жардамга даяр турганына,анан ар бир адамдын кемчилиги болгондой эле ак халатчандар да адам.Ошону унутпастан кайра жардам берсек жакшы болот эле.
19.05.2015. 02:50 
Тайпасы:
Жаран
Комментарийлердин саны:
26
Катталган:
04-11-2014
Соӊку аракети:
24-04-2018 11:25
Жынысы:
Белгисиз
0
Мен бишкектен колдонгом. Кээде бат келишет кээде кеч келет. Кобунчо частныйларга кайрылам. Бирок айырмасы жок экен. Экоо тен акча сурайт. Анан халаттары таза эмес. Которуп жургон чемоданы да кир. Коркосун оору жугузуп албайбызбы деп. Болбосо опой мамуле кылышкан эмес Эч качан.
19.05.2015. 12:53 
Тайпасы:
Тартип бузгандар
Комментарийлердин саны:
824
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
тез жардам кызматында да коп проблеммалар бар экен туура тушунсо болот айлык аз авто жетишпейт чынында жолдо тыгында ото албай да калышат
19.05.2015. 18:41 
Тайпасы:
Жаран
Комментарийлердин саны:
19
Катталган:
14-08-2014
Соӊку аракети:
10-03-2017 04:44
Жынысы:
Белгисиз
0
менин жолдошум кусуп башы катуу ооруп тез жардам чакырсам "болгонго да болбогонго да чакырат бересинерби башы ооруп жатса дары бер"деп жооп берип келбей койгон бир жумадан кийин жолдошум каза болуп калган. Корсо байкуш жолдошумун башына кан куйулуп кетиптир.
Медиа-портал
19.05.2015. 19:50 
Тайпасы:
Жаран
Комментарийлердин саны:
2
Катталган:
06-04-2015
Соӊку аракети:
26-09-2018 18:31
Жынысы:
Белгисиз
0
Ээээххх тез жардамга азыркы айдоочулардын дагы мамилеси башкача. Тез жардам келе жатканда токтоп тезинен откоруп жиберуу сезими жок. Балким ошол жардамга бир тууганыбыз же ата-энебиз муктаж болуп шашып бара жаткандыр. Ушуну ойлобой калдык туугандар...
20.05.2015. 00:42 
Тайпасы:
Кыймылы жок
Комментарийлердин саны:
7
Катталган:
28-02-2014
Соӊку аракети:
15-08-2016 14:59
Жынысы:
Белгисиз
Калаасы:
Город 0322
0
Менин мурдагы кесибим ага фельдшер. Бул кесип ото жоопкерчиликтуу кесип десем жанылышпайм. Иштеп ж.до далай жолу азап тарткам. Кышында машина бузулуп, аны туртуп аран барсан калтырап- титиреп, тушунбой эле кыйкырышат. Кесиптештер силерге ийгилик!
25.05.2015. 12:26 
Тайпасы:
Кыймылы жок
Комментарийлердин саны:
15
Катталган:
11-04-2015
Соӊку аракети:
02-07-2015 14:02
Жынысы:
Белгисиз
0
ушу элдерге тан калам да,бир нерсе болсо эле окмот каражат болбойт деп эле турушат алар каяктан болот?оздору тойбой журсо!
02.06.2015. 11:11 
Тайпасы:
Жаран
Комментарийлердин саны:
32
Катталган:
01-08-2007
Соӊку аракети:
21-05-2017 02:18
Жынысы:
Белгисиз
0
Тез жардам кызматкерлерине терен ыраазычылык билдирем. Откондо биз да анын кызматынан пайдаландык, жакшы жардам корсотушту. Иштерине ийгилик каалайм, эл саламаттыгы учун жасаган эмгектеринин акыбети кайтсын.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: