Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БОСОГОДО ЖАҢЫ ЖЫЛ!

№373 25-31-декабрь, 2009-ж.


Жаңырган жылда дасторкон үстүн дүйүм тамактарга толтуруу ар бир кожойкенин милдети эмеспи. Эгер «кандай тамак даярдасам?» деп баш катырып жатсаңыз, анда төмөнкү рецепттерге көз жүгүртүңүз.

ЖАҢЫ ЖЫЛДЫК ДАСТОРКОН
Колуңуздан келсе тасмалдын ак же күлгүн түстөгүсүн салганыңыз оң. Ал эми кашык, вилка, бычактар алтын түс жалатылган болсо эң сонун болот. Себеби жолборс дал ушул түстөрдү өзгөчө баалайт.
Дасторкон үстү майрамдык маанайда жана экзотикалык түрдө жасалышы шарт. Жолборс эттен жасалган тамактарды, закускелерди, ар кандай жашылчалардан жасалган салаттарды жактырат. Андыктан бул тамактарды коюуну унутпаңыздар. Сары түстөгү экзотикалык мөмө-жемиштердин түрүн көбүрөөк коюуну сунуштайбыз. Ичимдиктерге келсек, жолборс коньяк, кызыл шарапты жана шампанды өзгөчө баалайт.

“1-январь” салаты
Керектелүүчү азыктар:
100 граммдан сууга бышырылган эт жана сыр. Сууга бышкан жумуртка – 3 даана. 200 грамм майонез, татымына жараша туз.
Салатты кооздоо үчүн:
Сууга бышырылган сабизден, кызыл калемпирден 1 даана, 1 боо укроп, анардын 5-6 даны.
Даярдоо жолу:
Бул салатты календарь формасында жасоо керек.
1-катар: Чарчы тууралган сабиз.
2-катар: Майонез.
3- катар: Чарчы тууралган эт.
4-катар: Майонез.
5-катар: Сыр, жумуртканын агы.
6-катар: Майонез.
7-катар: Жумуртканын сарысы.
8-катар: Салаттын капталдарына, үстүнө майонез сүйкөп 1-январь деп кооздоп коёбуз. Тамагыңыз таттуу болсун!

“Баян” тамагы
Керектелүүчү азыктар:
1,5 -2 килограмм уй же кой эти, 300 грамм сыр, 2 -3 даана помидор, 3-4 сарымсактын тиши, туз, кара мурч, лавр жалбырагы, туздалган бадыраң, козу карын, петрушка.
Даярдоо жолу:
Чоң тилим этти этегине 1 сантиметр жеткизбей бир нече тилимдерге бөлүп туз, мурч кошуп 30 мүнөткө тыныктырып коёбуз. Андан соң сырды узун-туурасы 5-6 сантиметр, калыңдыгы 3-4 миллиметр, ал эми помидорду тегерек формада кесебиз. Сарымсакты майда туурайбыз. Баарын туурап алгандан кийин эттин ар бир кесиминин ортосуна бир тилимден сыр, помидор, сарымсактан салабыз. Анан этти фольга (духовкада тамак-аш бышыруу үчүн колдонулуучу жалтырак кагаз) кагазына ороп, 180 градустагы ысып жаткан духовкага салып, 60 мүнөт бышырабыз. Эгер фольга кагазы жок болсо, анда табакты майлап салсаңыз болот. Бирок бат-баттан карап, өзүнөн чыккан маңыздан эттин үстүнө куюп турууну унутпаңыз. Бышкандан соң туздалган козу карын, бадыраң жана көк чөптөр менен кооздоп дасторконго койсоңуз болот.

“Кар киши” закускеси
Керектелүүчү азыктар:
Сууга бышырылган 1 стакан күрүч, консерваланган 1 банка жүгөрү, 100 грамм колбаса, 3 даана жумуртка, 100 грамм сыр, 200 грамм майонез (майлуу), 1 даана сабиз, 1 баш пияз, татымына жараша туз.
Даярдоо жолу:
1. Күрүч менен жумуртканы өз-өзүнчө сууга бышырып алабыз.
2. Андан соң күрүч, жумуртка, жүгөрү, пиязды эт өткөргүчтөн өткөрүп, майонезди кошуп жакшылап аралаштырабыз.
3. Даяр болгон туурамжыны тоголоктоп, туурагычтан өткөрүлгөн сырга оонатып алабыз.
4. Андан соң тарелкага кар кишинин формасындай кылып тизип, сабизден баш кийим жасайбыз. Ал эми колун, мурдун петрушканын сөңгөгүнөн, көзүн тоголок кара мурчтан жасап, дасторконго коё берсек болот.

Дамира Арстанова
koom@super.kg


ҮЙДҮ ЖАСАЛГАЛОО

Мына, кайрадан босогобузда Жаңы жыл. Бул жылда кимге кандай белек берүүнү билбей жатсаңыз же кечеге кандай түстөгү кийим кийүүгө болоруна кызыксаңыз, анда бул макала сизге жардамга келет.

Жаңы жылды тосуп жатканда өткөн жылдын символу болгон сувенирлерди алып салуу кажет. Анткени өзүмчүл жолборс жылы өзүн татыктуу тосуп албагандарга жини келет. Ошондой эле өткөн жылды мактоодон алыс болуңуз. Ал эми үйдү жасалгалоодо быйыл өзгөчөлүк киргизгениңиз оң. Анткени жолборс жырткыч жаныбар болгондуктан, табияттын элементтери менен, мисалы, тобурчактарды, арчаны дубалга илип койсоңуз, кирип келген жыл ийгиликтүү болоруна ишениңиз. Балатыны да көрүнүктүү жерге даярдашыңыз керек. Быйыл кичинекей, алтын түстүү коңгуроолор менен балатынын кооздоп койсоңуз, ийгиликтин жарчысы болот. Ошондой эле балаты оюнчуктарынын жыгачтан жасалганын тандаганыңыз талапка ылайык.

Кандай түстөргө басым жасалат?
Падышалык кылууну сүйгөн жолборс жылында алтын жана күмүш түстөр басымдуулук кылат. Андан тышкары 2010-жылы ак, сары кызгылт сары, кара жана темгил ала түстөр модада. Бул түстөр эмне үчүн жолборс жылына тиешелүү дебейсизби? Анткени бул түстөрдүн бардыгы жолборстун мүнөзүнө айкалышат. Маселен, ак түс – жолборстун кең пейилдигинин белгиси болсо, кара түс –жолборстун катаалдыгын, күчтүүлүгүн далилдейт. Сары түс – энергияны, кызгылт сары – жолборстукундай күчтүү ишенимдин белгиси. Ал эми темгил ала түс – жолборстун жонундагы темгилдерди символдоштурат. Жаңы жылдык кечеге ушул түстөрдөгү кийим кийип барсаңыз жаңылбайсыз.
Ал эми жаңы жылдык аксессуар­ыңызды шуру, билерик, сөйкөлөр менен толуктаңыз.

Жаңы жылдык белек
Айымыңызга белек берүүнү кааласаңыз, алтын же күмүштөн жасалган зер буюмдарын берсеңиз ылайыктуу. Бул белек аны кубандырып эле тим болбостон, бир жыл бою ийгилик алып келет.
Мырзаңызга камкордугуңузду көрсөтүп, темгили бар галстук же булгаары капчык белек берсеңиз болот.
Ата-энеңизди эстен чыгарбай куттуктап барганыңыздын өзү чоң белек. Эгер белек тандайм десеңиз, атаңызга жолборстун сүрөтү тартылган сүлгү, апаңызга жакшынакай дасторкон белек кылыңыз деп кеңеш беребиз.
Наристелерге кичинекей жолборс оюнчук берсе ылайыктуу. Жолборстун күчүн билдирүү үчүн эркек балдарга мушкердин мээлейин, кыздарга жолборстун сүрөтү бар фотоальбом ыйгарсаңыз ылайыктуу.
Кесиптешиңизге ар кандай жолборс сувенирлерди берүүгө болот. Андан тышкары саркеч калем сап же жолборстун түсүндөгүдөй өңдөгү китепче берсеңиз жаңылбайсыз.

Нуржамал Жийдебаева
koom@super.kg


ЫРЫМ-ЖЫРЫМДАР

Ырым-жырымдарга ишенбейбиз дегенибиз менен, майрамдарда сөзсүз салт-санаабызга, ырым-жырымдарга такалабыз. Анда жаңы жылдык ырым-жырымдар сиздер үчүн.

Жыл жаңырар алдында карыз сурагандарга акча бербеңиз. Берсеңиз жыл бою карыз болуп жүрүп өтүшүңүз мүмкүн. Муну эске албай жолборс жылында бармагыңызды тиштеп калбаңыз.

Жаңы жыл түнү жаңы кийим кийиңиз, анткени жаңырган жыл көптөгөн ийгиликтери менен сизди кучагына алат.

Дасторконуңуз тамак-ашка толуп турса, кирип келген жылда сизде эч кандай жетишпестик болбойт.

Жашоодо түгөйүн издеп жүр­гөндөр бул ырымды жүрөккө бекем түйүү керек. Саат жебеси 12ни какканда жактырган адамыңыз менен бир болууну тилеп, жаңы сатып алган шакегиңизди бокалдагы шампанга салып ичиңиз.

Ар ким өз бактысы үчүн күрөшөт. Эгер бойдок болсоңуз, өзүңүз жактырган адам менен түнкү 12ни бирге тосууга аракет кылыңыз. Аракетиңизден жыйынтык чыгып, сүйүктүүңүз менен бир болушуңуз мүмкүн.

Жыл алмашар түнү кимдир бирөө менен урушуп кетүүгө, ыйлоого, анан да эрте жатууга болбойт. Эгер жогоруда айтылгандарга жол берсеңиз кирип келген жылды ар ким менен урушуп, ызаланып ыйлап, уйкудан башыңыз чыкпай жүрүп өткөрүшүңүз ыктымал.

Жыл жаңырар күнү кир кийимдери­ңизди жуубаңыз да, таштандыны сыртка төкпөңүз. Болбосо үй-бүлө мүчөлөрүнүн бирине кыйынчылык жаралып калышы ыктымал.

Саат он экиге аз убакыт калганда кичинекей баракчага каалоо-тилегиңизди жазганга жана аны өрттөп жибергенге жетишиңиз. Өрттөп жиберип бокалдагы шампанга кошуп аралаштырып ичсеңиз каалоо-тилегиңиз аткарылат деген ишеним бар.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: