«КАЙДАСЫӉАР, КЛАССТАШТАР?»

Май айы босогону аттады дегиче мектеп бүтүрүүчүлөрү толкундана башташат. Бир четинен 11 жыл чогуу окуган классташтар менен коштошуу керек болсо, экинчиден жаӊы жашоого бет алуунун алдында турушат.
Ал эми эбак эле мектепти бүтүп кеткендер кайрадан балалыкка сапар алып, классташтарга болгон сагынычты жазууга 10 жылдык, 20 жылдык кечеге аттанышат. Биз атактуулардын арасындагы 10 жана 20 жылдыкка барчулардын айрымдарын кепке тарттык.

Нурбек Аканов, спортчу: «МЕКТЕПТИ СПОРТ ЗАЛДАН АЯКТАДЫМ ОКШОЙТ»
– Мен 11-классты Сузак районуна караштуу Кара-Дарыя айылындагы Чамгыр-Таш орто мектебинен аяктагам. Быйыл, буюрса, мектебиме футбол талаасын жасатып берүүдөмүн. Бул менин учурдагы окуучулардын бактылуу балалыгына кошкон салымым.
Өзүмдүн окуучулук күндөрүмдү эстесем, дароо эсиме спорт зал түшөт. 10-11-классты спорт залдан аяктадым окшойт. Кызыгы, мектептен эч калчу эмесмин, ошол эле убакта сабактарга да көп кирчү эмесмин (күлүп). Өзүмө окшогон Улан, Тимур деген досторум бар болчу. Үчөөбүз башкалардан айырмаланып директордун кабинетине тез-тез кирчүбүз. Ал 10 күндө бир бизди кабинетине чакырып, «шоктонбогула, сабактан качпагыла!» деп эскертип турчу. Азыр дагы эже-агайлар «өтө шок болчусуӊ, сенден мындай спортчу чыгат деп эч ойлогон эмеспиз» деп калышат.
Быйыл биздин 10 жылдык. Мектепте 10 жылдыкты көп деле майрамдашпайт, бирок классташ балдар жолугушуп турабыз. Буюрса, 20 жылдыкта баарыбыз көрүшөбүз деп ойлойм. Азыр да классташ балдар менен жүргөм, алар менен тыгыз катышкандыктан дайыма эле биргебиз.

Кундуз Канатбек кызы, ырчы: «МЕКТЕПТИ ЭСТЕГЕН САЙЫН КУСА БОЛУП ЫЙЛАЙМ»
– Борбордогу №51-гимназияны аяктагам. Окуучулук кезимди эстегенде дайыма көзүмө жаш тегеренип кетет. Ал кезди абдан сагынам. Мектепти кечээ эле бүткөндөй сезилет. Бирок билинбей эле 10 жыл өтүп кетиптир. Класс жетекчибиз Талант Асанкулович деген агай болчу. Аны өз атабыздай жакшы көрчүбүз.
Жакында эле классташтарым чалып, 10 жылдыкка болгон пландарын айтышты. Мугалимдерибиз, мектептин директору жана сүйүктүү класс жетекчибиз Талант агай бизди абдан күтүп жатышыптыр. Эмнегедир көзүмө жаш алдым. Классташтар менен бүтүрүү кечесинен кийин таӊ тосконбуз. Эсимде, бүтүрүү кечесинен кийин көпкө чейин куса болуп жүргөм. Биз 11 жыл ичинде бир туугандай эле болуп калган элек. Эми, буюрса, 29-майда акыркы коӊгуроого катышат экенбиз, анан мугалимдерибиз менен майрамдайбыз.

Элиза Кененбаева, журналист: «10 ЖЫЛДЫК ЭКЕНИН УНУТУП КОЮПТУРМУН»
– И-и, мектепти аяктаганыма 10 жыл болгонун унутуп калган турбаймынбы?! Мен Кемин районуна караштуу Орловка шаарындагы №2-мектепти 2005-жылы бүткөм. Класста 20 чакты бала, 5 же 6 эле кыз окучубуз.
Тилекке каршы, азыр чет жерде болгондуктан бир жылдан бери бир дагы классташым менен байланыша элекмин. Мага жолугушуу болот деп деле айтыша элек. Себеби биздин класста орус улутундагылар көп болчу. Алардын баары эле Орусияга кетти окшойт. 5 жылдыкта жолукканбыз. Менин апам класс жетекчибиз эле, балдар биздин үйгө чакан белегин көтөрүп алып келишкен. Балким, биздикилер деле чогулушар, бирок биздин мектепте мындай нерсе көп деле боло берчү эмес.


Гүлзинат Суранчиева, ырчы: «МЕКТЕПТИ 6 ЭЛЕ ОКУУЧУ БҮТКӨНБҮЗ»
– Мен Мукаш Абдраев атындагы музыкалык мектепти бүткөм. Эсимде, апам мени 6 жарым жашымда Ысык-Көлдөн Бишкекке окутам деп алып келген. Ал учурда тандоо аябай катуу болчу, мен экзамен тапшырып, «5» деген баа алып өтүп кеткем. 11-классты 6 эле окуучу бүткөнбүз. Тилекке каршы, мени менен «Шантелл» тобунда чогуу эмгектенген классташым Эмил Жакыпбеков былтыр каза болуп калды. Ырчы Жаныш Момунов экөөбүз дагы классташпыз.
Биз 20 жылдыкты 20-майда белгиледик. Биздин юбилей мектебибиздин 50 жылдыгына жана Мукаш Абдраевдин 95 жылдыгына туура келиптир. Бүтүрүүчүлөр чогулуп, аябай чоӊ кече өткөрдүк. «Зарылчылыгыӊарга керектегиле» деп мектепке акча чогултуп бердик.

Мындан сырткары ырчы Назми, актёр Камчы Сарыбаев 20 жылдыкка, ырчылар Азат Болотбек, Каныкей, Назгүл Токтакунова, ди-джей Нурзада Жолдошева жана продюсер Канат Кадыржандар 10 жылдыкка барышат.

Нуркыз Курманбек кызы
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
suiuktuujar
2015-05-25 09:29:26
Мектепте окуган кез кандай соонун.Баардык бутуруучулоду бутуп кеткендерди бугунку акыркы конгуроо куну менен куттуктайм.
0
AFRODITA-89
2015-05-25 11:09:49
Элиза унутуп калганына тан калдым кантип ушундай нерсени такыр унутушу мумкун озуно бейкапарлыгыбы же конул коштукпу! мен эсептеп эле журумго жыл санап, Гульзинат аябай жаш корунотго жыйырма жылдык деп ойлобойсун!
0
Nauca1989
2015-05-25 11:19:38
Нурбек Аканов окуган Чангыр-Таш орто мектебинде мен да окууганмын. Мектепте окууган кандай сонун бир убак, кайра кайтып келсе кайрадан мектепке бармакмын.
0
aiperishka87
2015-05-25 15:50:18
Ээхх ошол кундор! кайтып келбейтго эми.мен баралбай калдым алыста болгонума байланыштуу 10жылдыгыма. буйруса 20жылдыкка барам
0
jon.as
2015-05-26 06:42:40
эх кандай сонун окучулук кундор арта калды. Коз ачып жумгуча 16 жыл отуп кетиптир.
0
ere
2015-05-26 12:43:26
мектеп кусалыгы
-1
maksnarin
2015-05-27 08:57:55
20 жылдыкка барчуларды мен мени менен тен экен деп журсо,баары кичуу турбайбы-)))
0
maksnarin
2015-05-27 08:58:41
Эээххх!
-1
pamiralai
2015-05-27 16:08:03
Алай районунундагы Макаренко(азыркы Т.Отунчиев) орто мектебин 1975- жылы аяктагандар 25-май 2015 жылы 40 жылдык жолугушуу кечесин откордук. 10-20-30 жылдыктарга салыштырмалуу такыр башкача сезимдер!!! Жолугушууга келе албай калган классташтарга -Одноклассники сайтынан Омошов Мураттын баракчасына киргиле-суроттордун копчулугун корсонуздро болот!
0
Ayka1994
2015-05-27 17:11:28
Эххх мактепте окуган кезибиз кандай гана укмуш элего чиркин . Мектептеги окуучулук кундорумду сагынамгоо...
0
kirgizstan
2015-05-27 22:30:40
Менин да он жылдыгым насип кылбаптыр баралбадым классташтарды мектеп окуучулк кезди аябай сагындым
0
Gulzat86
2015-05-28 23:11:21
Быйыл бизге он бир болду буюрса.Кечээ жакында баардык классташтарым менен кайра табышып алдым.Журогумдогу боксо ошолор менен толгондой суйунучумдо чек жок.Чын эле бир туугандай болуп калат экенсин.Азыр ошол окуучулук кундорду сагынып,куну туну ошол бактылуу балалык жонундо суйлошуп бутпой аткан кербезибиз.
0
№ 655, 22-май-28-май, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА