Кыргыз Республикасынын Эмгек сиӊирген артисти Турусбек Жумалиевди ырчы катары элге таанылып калган жалгыз уулу Дмитрий экинчи неберелүү кылды. «Мен 18-майда Спорт Ордосунда концерт алып барып жаткам, анан сахна артында жүрсөм уулум чалып сүйүнчүлөп калды. Өзүмдү коёрго жер таппай, тайсалдап сахнага чыгып «неберелүү болдум!» деп айтып жибердим эле, калкым дуу кол чаап колдошту»,- дейт уул неберелүү болгон Турусбек мырза. Келини менен небересин үйүнө чыгарып келген актёрдун үй-бүлөсүндө азыр наристеге ысым тандоо маселеси турат.
Эске салсак, Дмитрийдин тун кызы Регина азыр эки жарым жашта.