Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭСТЕ КАЛГАН ЖАҢЫ ЖЫЛЫҢЫЗ...

№373 25-31-декабрь, 2009-ж.


Бир собол

Жыл тогошор күн аз калды. Берекелүү уй жылын узатып, жолборс жылын утурлап турабыз. Ар бир узаткан жыл өзүнчө окуялар менен коштолот эмеспи. Мына ошондой эсте калган Жаңы жылын төмөнкү замандаштарыбыз баяндап беришмекчи.

Нурдөөлөт Копоев
“ҮЙДҮ ӨРТТӨП ЖИБЕРЕ ЖАЗДАГАМ”

– Балалык кандай гана сонун мезгил! Жыл тогошор маалда ар дайым бир нерсе эсиме кылт дей түшөт. Үй-бүлөдө кандай гана майрам, кубаныч болбосун, эжем экөөбүз концерт коюуга даяр элек. Кайсы жыл экени эсимде жок. Жаңы жылга адаттагыдай эле эжем экөөбүз катуу даярданып жатканбыз. Эжем өзүнчө Алла Пугачёва болсо, мен шыпыргыны гитара кылып өзүнчө эле Жимимин. Ошентип, концерт коюп үйдөгүлөрдү кыраан-каткы күлкүгө бөлөп отурганбыз. Саат 12ни какканда эле ашканабыздан түтүн чыгып жатат. Ызы-чуу түшүп эле калдык. Көрсө, мен мештин үстүнө каучук кумганды койгон боюнча унутуп коюптурмун. Ал эрип полго түшө баштаган экен. Ошентип, аз жерден үйдү өрттөп жибере жаздагам.


Курмангазы Азыкбаев
“АЯЗ КЫЗГА АЙЛАНГАНДА...”

– Бул окуя студент кезде болгон. Анда жатаканада жашачумун. 31-декабрь. Майрам алдында дос балдар менен ачуудан бастырып алганбыз. Ашказан курулдаганда кыздардын бөлмөсүн кыдырып кирдик. Бир бөлмөгө баш баксак эч ким жок. Керебеттин үстүндө Аяз кыздын кийими турат. Балдар кийимди кармап: “Куке, сага чак келет окшойт. Кийип алып кыздарды тамашага салалы да, анын артынан курсакты кампайталы”,- дешти. Кийим чак болгону менен бут кийими тар экен. Бармактарым бүктөлсө да эптеп кийип алдым. Ошентип, Аяз кыздын костюмун кийген боюнча бардык бөлмөдөгү кыздар-балдарды куттуктап, майрамды өтө шаңдуу тосконбуз. Ошондо катуу майрамдап койгон экенмин, эртең менен ойгонсом кыздардын бөлмөсүндө жатыптырмын.


Сапар Эркебаев
“ТОКМОК ЖЕГЕМ”

– Ош шаарындагы Ниязалы атындагы музыкалык окуу жайда окуп жүргөн кезим. Анда ырчы болуп элге тааныла элек болчумун. Бир күнү топтошуп бир баланы сабасак, эртеси алар бизди сабап кетишет дегендей, айтор, студенттик күндөр өкүм сүрүп турган убак. Жаңы жылды группалаш балдар менен чогуу тосмой болуп, шаардагы кафелердин биринде отурганбыз. Маңдайдагы столдо отургандардын арасында келишкен бир кыз бар экен. Музыка жаңырып, баарыбыз бийге чыктык. Бир маалда вальс жаңырды эле, мен түптүз барып тиги суйкайган кызды бийге тарттым. Жакшы эле бийлеп жатканбыз. Бир маалда эмне болгонун түшүнбөй калдым, бир байке жаныбызга келип мени желкеден алды. Ошондо экөөбүздүн мушташканыбызды сураба. Ал мени сыртка сүйрөп чыгып көгала кылып сабап салды. Себебин сураштырсам, ал жигит бийлеп жаткан кыздын күйөөсү экен. Ошентип, Жаңы жылды токмок жеп тоском.


Айжан Газиева
“ЖААНДА КАЛГАМ”

– Эсте калган Жаңы жыл десең жаңыдан сахнага чыга баштаганым эсиме түштү. 2002-жылдын 31-декабры эле. Ала-Тоо аянтында бардык ырчылардын катышуусунда концерт өтүп жаткан. Мен болсо эң аягында ырдамакмын. Ырдагандар Жаңы жылды тосууга шашып кетип жатышты. Мен ырдап бүткүчө Жаңы жылга бир аз эле убакыт калды. Жолдо такси күтүп турам. Жаан болушунча нөшөрлөп жаап жатат. Жолдо бир да кыймыл жок. Эми суу болуп тоңуп турганымды айтпа. Саат түнкү 12:00дү какты. Ошентип, Жаңы жылды нөшөрлөгөн жаандын астында тоском.


Бегимай Бекбоева
“ТОРТ ЖЕШ ҮЧҮН УКТАБАЙ ОТУРГАМ”

– Мектепте окуп жүргөн кез. Жаңы жылды ата-энем кесиптештери менен тосмой болушту. Мен аларды ээрчисем торт алып берип алдап таштап кетишти. Ошентип, биз таенем жана эжем болуп үйдө калдык. Алар “түнкү саат 12ге чейин уктап алалы. Тортту ошондо жейбиз” деп жатып алышты. Тамаксоо жаным торт үчүн 12ге чейин чыдап отура бердим. Убакыт келип таенем менен эжекемди ойготсом, ойгонушпайт. Анан сааттын жебеси 12ни какканда көчөгө чыктым. Элдин баары түрдүү жардыргычтарды жардырышты. Мен өзүмдү-өзүм алдап үйдөгү үйлөнгөн чоң шарларды алып чыгып, мык менен “тарс” эттирип жарып коюп кирип кеттим. Мына эмесе деп көптөн күткөн тортту эки колдоп жанталашып жей баштаганда, таенем ойгонуп: “Ой, Жаңы жыл келип калдыбы?”- деп жатпайбы.


Замир Арыкбаев
“САЛЮТУБУЗ АТЫЛБАЙ...”

– Жаңы жылга эки күн калганда Бишкектен айылды көздөй жөнөп калдым. Үйдөгүлөргө белек-бечкек менен кошо чоң салют да сатып алгам. 31-декабрь күнү майрамга катуу даярданып жатабыз. Инимдин болсо эки көзү салюттан өтөт. “Качан 12 болот, качан салют атабыз?” деп баарыбыздын шаштырат. Сыртымдан билдирбегеним менен, мен деле ичимден кандай атылар экенине кызыгып турдум. 12ге чукулдап калганда жаркырап салюттар атылып калды. Биз да чыгып салютубузду атайын десек, ичиндеги жиби үзүлүп калыптыр. Иним болсо “элдин баары аттырып бүтмөй болду” деп чырылдайт. Ширеңке жактык күйбөйт, чок салдык күйбөйт. Таптакыр атылбай койду. Апам да кейип алган. Салют атылбай койгондуктан, акыры карга сайып коюп кирип жатып алдык. Эртеси эшикке чыгып карасак, баягы салюттун чачырандылары жатат. Ошентип, салютту биз атпай эле өзү атылып, кызыктуу Жаңы жыл тосконубуз эсимден кетпейт.


Кумар Жалиев
“МАС ДОСУМДУ ЖЕТЕЛЕП ТОСКОМ”

– Бир жылы Жаңы жылды досторум менен чогулуп кафеден тосмой болдук. Башында биздин компания шайыр-шаңдуу эле отурганбыз. Жаңы жылга саналуу гана мүнөттөр калганда, жакын досум көп ичип алып чатак сала баштады. Ал: “Мен Жаңы жылды көчөдөгү лампочкаларды тарсылдата жардырып тосом”,- деп кыйкырып кирди. Жөн эле тамашалап жатабы десек, чындап эле сыртка чыгып алып таш чогултуп жатат. Тим эле жулкунуп алган. Аны жоошутуп, ары бери сүйрөгөнчө эле Жаңы жыл кирип келди. Ошентип, жакшы тилек айтып Жаңы жылды тосуунун ордуна мас болуп калган досумду жоошутуп, ары-бери жетелеп жүрүп тосконум эсимден кетпейт.


Айгүл Чалова
“ЖАЛГЫЗ КАЛЫП ЫЙЛАГАМ”

– 2009-жылды тосконум өмүр бою эсимде калат окшойт. Ар жылы Жаңы жылды ата-эне, бир туугандарым менен тосчумун. Бирок уй жылын жигитим менен тосом деп оолугуп алдым. Дасторкон жайып даярданып, жигитимди күтүп отурам. Ал эмнегедир кечигип жатты. Мына келет, ана келет деп өзүмдү-өзүм алдайм. Келген жок. Жигитимдин дайынын таптырбай жоголуп кеткенине ыза болуп, Жаңы жылды аябай ыйлап тоском. Анан сүйгөнүм келип, автотыгында калып калганын айтып кечирим сураганы дале эсимде.

Бурул Исмаилова, Бахияна Сатылганова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: