Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2009-ЖЫЛ ЭМНЕСИ МЕНЕН ЭСТЕ КАЛДЫ?

№373 25-31-декабрь, 2009-ж.


Жыл жыйынтыгы

Кэчээ эле босогобузда баш багып турган уй жылы минтип тез эле сапарын карытты. Бул жылы элге төбөсү көрүнгөн кайсы адамдар арабыздан өтүп кеткенин эскерүү менен өлкөбүздө болуп өткөн урунттуу окуяларды барактадык.

ЖАРДАМ, НАСЫЯ...
Көп жылдардан бери ишке ашпай жаткан ишти бүтүрүүгө үмүт жанган күн. 3-февралда Кыргызстан менен Орусия эки тараптуу келишимге кол коюшту. Орусия Кыргызстанга 300 миллион доллар насыя, 150 миллио­н долла­р жардам жана “Камбар-Ата-1” ГЭСин курууга 1 миллиард 700 миллион доллар кредит бөлөрү маалым болду.

МЕДЕТ САДЫРКУЛОВдон АЙРЫЛУУ
Бул жүрөк титиреткен окуя ар бир кыргызстандык атуулга жаман таасирин бербей койбоду. 13-мартта таңкы саат бештер чамасында Бишкектен алыс эмес жайгашкан Кой-Таш айылы тараптагы капчыгайда токтоп турган Лексус машинасын Ауди сүзүп, өрт чыккан. Лексустагы үч адам таанылбай турган деңгээлде күйүп кеткен. Каза болгондордун бири президенттик администрациянын экс-башчысы Медет Садыркулов болчу.

ДЕПУТАТ АТЫЛДЫ, КИЛЛЕР КАРМАЛДЫ
Жогорку Кеңештин “Ак жол” фракциясынын жаш депутаты Санжар Кадыралиевди 14-апрель күнү кечки саат бештерде Бишкектеги үйүнүн жанынан атып кетишкен. Кылмышкер депутатты бир ок менен башка атып, максатына жеткен. Шектүү деп саналган А.Итибаев 20-апрелде кармалып, күнөөсүн моюнуна алды.

16 АДАМ ЖЕР КӨЧКҮНҮН АЛДЫНДА КАЛДЫ
15-апрель күнү түнкү саат он экилерде Аксы районундагы Райкомол айылында жер көчүп, алты үйдү басып калды. Андан 16 адам каза тапты. Каза болгондордун ону жаш балдар.

УЛУТТАР АРАЛЫК КАГЫЛЫШУУ
26-апрель күнү Москва районундагы Петровка айылында улуттар аралык кагылышуу болду. Окуя “25 жаштагы Абдулла аттуу күрт жигит Настя деген 4 жашар кызды зордуктады” деген маалыматтын негизинде келип чыккан. “Мындай ишке жол берилбеши керек” деген кыргыздар күрттөр менен кагыша кетишкен. Жыйынтыгында 16 үйдүн терезеси, беш машина талкаланып, бир машина өрттөлгөн. Ок атышуунун негизинде үч кыргыз ар кандай жаракат алган.

“АЛА-ТОО” АЯНТЫНДА ЖАҢЫЛЫК
1-июнда борбор шаарыбыздын “Ала-Тоо” аянты кайрадан жаңы өңүттө ачылды. Баш калаанын башчысынын демилгеси менен оңдоо-түзөө иштери жүргүзүлүп, аянт шаар тургундары көңүлдөрүн сергите турган жайга айланды.

ТЕРРОРЧУЛАР ЖОК КЫЛЫНДЫ
23-июнда Ооганстанда атайын даярдыктан өткөн куралчан беш террорчу Кыргызстандын аймагына кирип келишти. Улуттук коопсуздук мамлекеттик комитеттин кызматкерлеринин антитеррордук операциясы менен Сузак районунда “Өзбекстан ислам кыймылынын” 5 мүчөсү жок кылынды. Кармоо учурунда УКМК­нын бир кызматкери каза таап, экинчиси жаракат алды.
УКМКнын атайын кызматы бул окуядан төрт күн өткөндөн кийин “Ислам жихад” Эл аралык террорчулар уюмуна мүчө болгон үч куралчан адамды Өзгөн районуна караштуу Кош-Коргон айылында жок кылышты.

ЦЕМЕНТ ЗАВОДУ ИШКЕ КИРДИ
Акыркы мезгилде Кыргызстанда эч бир завод-фабрика ишке кирбей калды” деген пикир күчүн жоготкон күн. 14-июлда Баткен облусунун Кызыл-Кыя шаарчасында “Түштүк-Кыргыз” цемент заводу ишке кирди.

ПРЕЗИДЕНТТИК ШАЙЛОО
23-июлда Кыргызстан өз келечегин тандады. Башкача айтканда бир нече талапкерлердин ичинен кыргыз эли президент катары Курманбек Бакиевди тандап алды. Экинчи мөөнөтүн өтөөгө киришкен президентибиз 2-августта Өкмөт үйүнүн чоң залында кыргыз эли үчүн ак кызматын өтөөрү туурасында ант берди.

МАЙРА КЕРИМ кызы ДҮЙНӨ САЛДЫ
Кыргыздын ак таңдай келини, казак кызы, обончу Майра Керим кызы катуу оорудан улам 18-августта мезгилсиз дүйнөдөн кайтты. Төкмө акын эл аралык көптөгөн сыйлыктардын жеңүүчүсү жана элүүдөн ашкан обондордун ээси. Тилинде мөөрү бар акын бул дүйнөдөн өткөнү менен артында обондору, ырлары калды.

ШАМШЫБЕК ӨТӨБАЕВ КӨЗ ЖУМДУ
Кыргыз музыкасы орду толгус оор жоготууга учурады. 8-сентябрда 58 жаш курагында композитор, обончу, Кыргыз Республикасынын Эл артисти Шамшыбек Өтөбаев жүрөк оорусунан көз жумду. Даанышман композитордун атын эстей жүрчү калдайган калың калкы турганда Шамшыбек аганын аты эч качан унутта калбайт. Анын обондору, коңур үнү ар бир кыргыз жүрөгүндө жашап калат.

ДАЙЫНСЫЗДАРДЫН ДАЙЫНЫ БИЛИНДИ
2008-жылдын 30-сентябрында дайынсыз жоголгон Руслан Шабатоевдин сөөгү туптуура бир жыл бир күндөн кийин 1-октябрда Аламүдүн районундагы Баш-Кара-Суу айылындагы капчыгайдан табылды.
Белгисиз адамдар экс-депутат Жусупжан Жээнбековдун 1974-жылы туулган уулу Бактияр Амражановду 2008-жылдын 24-сентябрында уурдап кетишкен эле. Иликтөө иштеринен улам үстүбүздөгү жылдын 10-июлунда кылмышкер катары издөөдө жүргөндөрдүн бири Улан Кожоев кармалган. Анын көрсөтмөлөрүнүн негизинде кылмыштын бети ачылган. Маркумдун сөөгүн орусиялык эксперттер ДНК аркылуу дал өзү деп айтышты.

ӨКМӨТ БАШЧЫ ЖАҢЫРДЫ
21-октябрда президенттин жарлыгы менен Игорь Чудиновдун ордуна Данияр Үсөнов өкмөт башчы болуп дайындалды. Андан соң министрлер кабинети жаңыланды. 1-вице-премьерликтен Өмүрбек Бабанов оодарылып, анын ордуна Акылбек Жапаров келди. Вице-премьерлик эки орунду Тажикан Калимбетова менен Аалы Карашев ээлешти. Андан сырткары айрым министрлер ордуларында калышса, айрымдары жаңыланды.

АЮУНУН АЗУУСУНАН КАЗА ТАПТЫ
22-октябрь күнү Бишкек циркинде Орусия мамлекеттик циркинин үйрөтүүчүсү Дмитрий Потапов өзү үйрөтүп жүргөн аюунун колунан каза тапты. Анын ээ-жаа бербей каарданганынын натыйжасында Потаповдун жардамчысы оор жаракат алып ооруканага жеткирилди. Аюуну Свердлов РИИБинин кызматкерлери атып өлтүрүштү.

“СУПЕР-ИНФО” ЖОЛБОРС ЖЫЛЫ­НА 100 000 НУСКА МЕНЕН
Окурмандарды саясат, спорт, жергиликтүү жана дүйнөлүк шоу-бизнес, ден соолук, кыскасы, ар тараптуу маалымат, жаңылыктар менен камсыз кылып келе жаткан “Супер-Инфо” гезити жалпыга маалым. Аталган гезит жолборс жылын 100 000­ден ашык нускада тосуп алды.­

ТОО ЖАРДЫРЫЛЫП, СУУ БӨГӨЛДҮ
22-декабрда «Камбар-Ата-2» ГЭСинин жанындагы тоо жардырылып, Нарын дарыясы бөгөлдү. Жаңы тосмого үч күндө суу толуп, андан соң тешкен тоо аркылуу мурдагы нугуна түшөт. «Камбар-Ата-2» ГЭСинин биринчи гидроагрегатынын ишке кириши келе жаткан жылдын май-июнь айларына болжолдонууда.

ЖАНА ДА...

  • Кетет-кетпейт деген кызуу талаштардын башын бириктирип келген “Манас” аба базасы аскердик эмес жүктөрдү Ооганстанга ташуу максатында транзиттик база катары өлкөнүн аймагында калмай болду.
  • ЮНЕСКОнун Испанияда өткөн 33-­­­­оту­­ру­­­­­­мунда Кыргызстандын түштүгүндө жайгашкан Сулайман тоо дүйнөлүк мурастар тизмесине киргизилди.
  • Кыргыз өкмөтү «2010-жылдын 1-январынан тартып электр энергиясы, жылуулук, ысык суу кымбаттайт» деген токтом токуду. Бул кымбаттатуу 1-июлдан тарта дагы көтөрүлмөкчү.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: