Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУМАР АЗАБЫ (сериал)

№656 29-май-4-июнь, 2015-ж


(Башталышы өткөн сандарда)

Акылды башы-көзү канжалап, эсинен танганча токмоктошту. Алынын келишинче тыбырчылап, жардам сурап кыйкырып, жалынып жатты.
– Жан соога, жан соога! Агалар, кечиргиле!
– Канга-кан, сени да өлтүрөбүз!
– Иттин баласы!
– Айтканыӊарды аткарайын. Жанымды аман калтыргыла!- деди безеленип. Тигилер аны угушкан да жок. Күрсүлдөтүп сабай беришти.
– Жонунан кайыш тилип алса дагы аздык болот,- Кеӊеш кабагын бүркөп жекире карады.
– Өлүп калбасын. Болду, короосуна алып барып салгыла!
Кара күчүнө ишенип өпкөлөнгөн эки-үч жигит колдон-буттан алып, короого ыргытып жиберишти. Таӊ атканча ары-бери оонап, жанчылган денесинин ооруганына чыдабай онтоп жатты. Көзү көнөктөп шишип, таанылбайт. Короодо көк ала болуп, ит талаган түлкүдөй тарпы чыккан Акылды көрүп Жылдыз чочуп кетти.
– Сага эмне болгон? Ким кылды муну?
Баласын жулкулдатты. Үн-сөзсүз жатат. Айласы кеткенинен «Тез жардам» чакырды. Анын ызы-чуу салганынан кошуналары да чогула калды.
– Бир таяк баса, бирөөсү жаза деген...
– Тил албай жүрүп ушуну көрдү...
– Атасы камакта отурса, мунусу эмне кылып жүрөт?
Коӊшулар биринен экинчиси кеп улап, күбүр-шыбыр боло түшүштү. Аӊгыча «Тез жардам» келип, Акылды ооруканага алып кетти. Ботосунан айрылган боз ингендей
буркурап ыйлаган Жылдыз аны менен кошо кетти.
Бермет менен Адыл күндөн күнгө ынак болуп, эки каректей жакындап, махабаты алоолоп баратты. Алардын уз сүйүүсүн, аруу сезимдерин эч ким бузууга дити барбачудай ойлошот. Экөө «эч убакта айрылбайбыз, түбөлүккө бирге болобуз» деп антташышкан. Бүгүн дагы көчөнү шаӊга бөлөгөн эки жаш мектепке бара жатышат. Саамайы жумшак шамалга учкан Бермет:
– Мени бирөө ала качып кетсе эмне кыласыӊ?- деди.
– Ала качпайт,- жүзүнөн нур төгүлө жылмайып койду Адыл.
– Эгерде ата-энем башка бирөөгө кудалап берип салышсачы?
– Мен сени эч кимге бербейм.
– Мен эле сени таштап, башкага жөн эле кете койбойм,- көздөрү чагылыша түшүп, саамга үнсүз тиктеше калышты. Эгиз козудай ээрчишкен эки жаш мектепке кирип кетишти.
Бир жагынан жолдошунун абакта күн көрбөй отурганына жаны ачыса, бир жагынан уулунун сабалышы Жылдыз үчүн аёосуз сокку болду. Күйүткө ууланып, маанайы пас. Акылды ооруканага жаткырган соӊ убактылуу кармоочу жайды көздөй жөнөдү. Болуп жаткан окуялар же өӊү, же түшү экенине түшүнбөй баратты. Көзүнөн улам жаш тамып, басыгы жайлап жете келди. Үстүнө муздак суу куюп ийгендей ичиркенип, ачуу жашты жутканда тамагын катуу нерсе сыдырып кеткендей болду. Кире бериштен форма кийген жаш жигит тосуп:
– Эже, кимге келдиӊиз?- деп сурады.
– Уулум, жолдошум Садырга келдим. Сүйлөштүрүп койгулачы, бай болгурлар?!
– Болбойт, бизге ушундай буйрук берилген.
– Сенин дагы мендей энеӊ бар чыгар.
– Киргизе албайм. Күтүп отуруудан майнап жок. Кете берсеӊиз болот.
Жылдыз ичиндеги муӊ-зарды кимге айтарын билбей, көзүнөн жаш тамчылап сыртка чыгып кетти. Садырга киргизбегенинин да жөнү бар эле. Аны өткөндө милиция кызматкерлери катуу токмоктошуп, бети-башы көгөрүп ооруп жүрөт. Тамагынан суу өтпөй, кындырдай болуп арыктаган. Заматта башына оор кайгы түшкөн Жылдыз бир ооруканага, бир убактылуу кармоочу жайга чуркап жүрдү. Акыл жыйырма күн дегенде ооруканадан үйгө чыгып келди. Апасы эми эсине келди, көчөгө баспайт деп ойлоду. Үйүндө бир-эки күн жакшы эле жүрдү. Анан кайра эле үйрөнгөн адатына түштү. Кечке жуук көчөгө кетип жаткан баласына:
– Кайда баратасыӊ? Жаӊы эле ооруканадан чыктыӊ го?- деди.
– Көчөгө!- корс этип жооп узатты Акыл.
– Көчөлөп жүрүп эмне болдуӊ? Деги акылыӊа келбедиӊ! Атаӊ жөнүндө ойлоп койбойсуӊ! – Сиздин ойлогонуӊуз эле жетет. Мен тигилерден өч алам.
– Дагы токмоктошот.
– Мен акчаны да, таяк жеген кегимди да кайтарам.
– Балам, бир ачууӊду мага бер,- Жылдыз жалбарып жиберди. Баласынын укчу түрү жок. Кол шилтеп, жулкунуп басып баратып:
– Ушу сеники да өттү!- деди. Уккан кулагына ишенбейин дегени менен болгон жок. Эне эмеспи, баланын терс жакка баратканына жаны ачып, акыр аягына чейин күрөшмөк болуп артынан жүгүрдү.
– Токто, сүйлөшөлү. Оюӊду айтчы, угайын.
– Менде ой жок. Ойлонгум да келбейт.
– Мындай кылганыӊ туура болбойт, уулум,- деди.
– Апа, мага кийлигишпегиле! Мен өз жолумду өзүм табам.
– Үйгө келип-келбей жүрүп ушуну таптыӊ!
– Эмнени, апа?!- деп кыйкырып жиберди. Ушул тапта Жылдызга маӊдайында кызыл эт кезде чоӊойткон уулу эмес, жапайы жандык тургандай туюлду. Ачуу үнүнөн кулагы тунуп, көздөрү караӊгылай түштү.
– Эмнени дейсиӊби? Акылыӊдан азган жоксуӊ го акыры. Атаӊ камакта отурат. Сен ооруканадан жаӊы эле чыктыӊ.
Апасы оюн жай гана түшүндүрөйүн деди. Эч нерсе болбогонсуп:
– Ошонун баарына мени күнөөлөп жатасыӊарбы? Бардыгын мен кылдым да ошондо? Үйгө бүлүк салып жаткан болсом, бүгүнтөн баштап келбей койсом кутуламбы? Ушул үйдөн караанымды көрсөтпөсөм болдубу?
– Жок, уулум.
– Атам камакта, ошол жакта чирийт. Мен келбей эле коёюн. Бир үйдү өзүӊ бийлеп, ханыша болуп отура бер. Ошону айта албай жатасыӊбы?!
– Акыл, токто! Жамандык издебечи. Атаӊ абактан чыгып келет. Буюрса, акталат.
– Анан...
– Сени үйлөнтөбүз. Берметти алып берем. Ата-энеси менен сүйлөшүп койгонбуз. Баш коштуруп шаарга окууга жиберебиз. Силер бизди неберелүү кылсаӊар, атаӊ экөөбүз бапестеп багып алабыз. Жылдыз оозун жыйбай, сөз артынан сөз сүйлөп убада бере берди. Кудум ажал алдында кылыч сунган душманына жалбарып жаткандай абалда болду. Таш боор, жүрөгүндө жылуулук калбаган Акыл муюган боюнча туруп калды. «Берметти алып берем, үйлөнтөбүз» деген сөз кулагына кайра-кайра жаӊырып жатты. Таӊ калычтуу карап, апасына жооп узатты.
– Бермет Адылдын сүйгөнү. Ал мага тийбейт.
– Мен алып берем. Ата-энесине куда түшүп барсак, бизге жок дебейт.
– Кайдагы жомокту айтпагылачы!
– Анын атасы менен атаӊ теӊтуш эмеспи.
– Атам эми камактан чыкпайт. Алып берем десеӊер Берметти бүгүн деле ала качып келем.
– Коё тур. Атаӊ келсин, ал сөзсүз чыгат,- деп ынандыргысы келди. Эне менен уулдун ортосундагы сүйлөшүүнүн аягы ушундай аяктады.
Акыл Берметке барып «Мен сени алам. Адыл менен бирге болбойсуӊ» деп айтууну ойлоду. Ошол замат анын үйүн көздөй жөнөдү. Ал жашаган көчөгө жете бергенде короонун жанынан досу менен Берметке көзү түштү. Адаттагыдай бактылуу, күлүп турушат. Аларды көргөндө ачууланып, жандарына бат эле жете келди.
– Акыл го. Кел, досум,- деп оозун жыйганча:
– Бермет, мен сени сүйөм. Сен мендиксиӊ. Ата-энеӊе куда түшүп алып кетем,- деди...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(10)
01.06.2015. 10:01 
Тайпасы:
Жаран
Комментарийлердин саны:
32
Катталган:
07-05-2014
Соӊку аракети:
06-07-2018 17:54
Жынысы:
Белгисиз
0
Мен биринчи окудум уррааа
01.06.2015. 10:53 
Тайпасы:
Кыймылы жок
Комментарийлердин саны:
100
Катталган:
14-05-2015
Соӊку аракети:
13-01-2016 16:28
Жынысы:
Белгисиз
0
Мына эми кызык... не болот?
01.06.2015. 12:23 
Тайпасы:
Кыймылы жок
Комментарийлердин саны:
14
Катталган:
28-05-2015
Соӊку аракети:
21-07-2015 12:11
Жынысы:
Белгисиз
0
Коп копдон жазса жакшы болмок кызыгына жеткенде бутуп калды даааа
01.06.2015. 13:04 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
Ииииййй эми эмне болот болдукен?((
01.06.2015. 14:10 
Тайпасы:
Жаран
Комментарийлердин саны:
13
Катталган:
22-03-2015
Соӊку аракети:
21-09-2018 20:02
Жынысы:
Белгисиз
Калаасы:
Картахена Испания
0
dagy kytobyz bir juma.
01.06.2015. 17:13 
Тайпасы:
Жаран
Комментарийлердин саны:
68
Катталган:
01-06-2015
Соӊку аракети:
20-09-2018 12:25
Жынысы:
Белгисиз
0
Ата Энесинин шорун курутат экен да..
01.06.2015. 19:14 
Тайпасы:
Жаран
Комментарийлердин саны:
12
Катталган:
11-06-2014
Соӊку аракети:
20-09-2018 00:02
Жынысы:
Белгисиз
0
Жараткан балдарыбызга ыйман берсин.
01.06.2015. 22:38 
Тайпасы:
Жаран
Комментарийлердин саны:
72
Катталган:
10-01-2015
Соӊку аракети:
19-09-2018 14:22
Жынысы:
Белгисиз
0
Кызыгы Эми башталдыго,
02.06.2015. 03:20 
Тайпасы:
Жаран
Комментарийлердин саны:
324
Катталган:
21-07-2014
Соӊку аракети:
20-09-2018 09:49
Жынысы:
Белгисиз
Калаасы:
Деңиз жээгинде.
0
Алла балдарыма ыйман бер.
02.06.2015. 18:28 
Тайпасы:
Кыймылы жок
Комментарийлердин саны:
9
Катталган:
12-12-2013
Соӊку аракети:
06-08-2015 13:08
Жынысы:
Белгисиз
0
ыйман берсин балдарга.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: