КОНСТИТУЦИЯНЫ ӨЗГӨРТҮҮ ОЮНУНА ПЕДОФИЛДЕР «ЖАРДАМГА» КЕЛЕТ

Кээ бир активисттер педофилдерге өлүм жазасын киргизүү боюнча кол топтоону баштады. Эмнеге азыр жана эмнеге педофилдерге гана өлүм жазасы болушу керек деген жүйөлүү суроо туулат.

Оор кылмыш кылгандардын катары педофилдер менен эле чектелбейт. Жүз миӊдеген жарандарыбыздын тагдырына балта чапкан, кары-жашы дебей миӊдеген адамдардын өмүрүнө залака келтирген саткын саясатчыларды өлүм жазасына тартууга эмнеге болбойт?!
Карапайым адамга бул «жакшы» жөрөлгөнүн артында дагы бир чоӊ оюн жатканы алгач көрүнө бербейт…
Эсиӊиздерде болсо, педофилия жөнүндө кабарлар байма-бай пайда боло баштаган учур Конституцияны өзгөртүү жөнүндө сөздөр айтыла баштаган учур менен дал келип турат. Буга чейин Жогорку Кеӊештин айрым депутаттары тарабынан көтөрүлгөн педофилдерди бычуу демилгесин колдоого алуунун ордуна Конституцияга асылуунун канчалык кажети бар эле?
«Кыргызстанда мыйзамдын диктатурасы болушу керек», «Кыргызстанда мыйзам иштебейт» дегенибиз менен 2020-жылга чейин өзгөртүү киргизбөө мыйзамы кабыл алынганына карабай, учурда Жогорку Кеӊештеги айрым депутаттар жана «активисттер» 24 жылдык эгемен тарыхыбызда Конституциябызды 9-ирет өзгөртүү планын ишке ашырууну көздөшүүдө. Коомчулукта бул демилге сынга кабылышын алдын алып, «акылмандар» педофилия темасын байрак кылып көтөрүп чыгышканы жөн гана дал келүүчүлүк эмес.
Жаш балдарга зордук-зомбулук көрсөткөндөргө жазаны күчөтүп гана тим болбостон, ал жазанын ишке ашырылышын да жолго салуу керек. Буга баары макул. Бирок Конституцияга өзгөртүүлөр киргизилиши менен айрым саясий топтор тарабынан өз кызыкчылыгын көздөгөн өзгөртүү жана толуктоолор да киргизилбейт дегенге кепилдик жок. Негизги мыйзамды улам бир жакка чоюп өзгөртө берүү мыйзамды сыйлабастыкка алып келген эӊ негизги факторлордун бири.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (8)
Jigitronic
2015-06-08 09:25:01
Саясат аралашпаган бир таза нерсе барбы өзү?Педофилдерге кошуп ошол ХХХ баарын ХХХ ХХХ ХХХ
+3
admin_superstan
2015-06-08 11:23:21
Jigitronic, провокацияга жол жок! Эскертүү!Билдирүүңүз түзөтүлдү!
0
A3A
2015-06-08 12:06:23
Өлүм жазасын киргизүү керек!!!
+1
_KipchaK_
2015-06-08 12:11:29
Мындай мыйзам кабыл алуудан мурда, соттордун арасында тазалоо жургузуу керек. Биздин соттор "пулун болсо кулунмун" режиминен чыкмайын педофилдерге каршы мыйзам иштеп кетиши кумон.
+1
aslan_akjol89
2015-06-08 22:18:12
Чиновниктерге озунчо закон чыгаруу керек Кореядагыдай кылып.Коррупционер,уйкучу,жалганчы эл башкарууга укугу жок.
0
elika86
2015-06-12 00:29:45
Олум жазасы ен туура
+1
KyrgyzstanTugoiloru
2015-06-12 18:38:59
pedofilderge-olum jazasyn kirgiziw kerek
0
ruslan1985
2015-06-12 22:55:43
Мен да кошулам олум жазасын киргизуу керек
0
№ 657, 5-июнь-11-июнь, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА