«МЕГАКОМ» САТЫЛАТ

Өкмөттө «Альфа Телеком» жабык акционердик коомун («Мегаком») менчиктештирүү боюнча экономика министри Олег Панкратовдун сунушу каралды. Министрдин билдиришинче, аталган компания 2015-2017-жылдары жеке менчикке берилүүчү объектилердин тизмесинде турат. «Санариптик телеберүүгө өткөндөн кийин жыштыктардын бир бөлүгү бошойт. Айрым байланышсыз аймактар бар, калкка байланыш кызматын көрсөтүүнүн сапатын жакшыртуу керек. Бардык аймактарда Wi-Fi жана 4G болушу шарт»,- деди министр.
Премьер-министр Темир Сариев «Альфа Телекомдун» бардык кирешеси өлкө бюджетине түшүп, мекеменин өзүн өнүктүрүүгө каражат жетишпей жатканын белгиледи. «Эгер ушул багытта кете берсек, анда 2 жылдан кийин «Мегаком» кирешесиз мекемеге айланат. Компанияны мамлекеттин эсебинен колдоону баштасак, кыйынчылыктар болушу мүмкүн»,- деди Сариев.
Жыйынтыгында өкмөт мүчөлөрү аталган компанияны жеке менчикке сатуу демилгесин бир добуштан жактырышты.
Экономика министри Олег Панкратов компаниянын баасы канча болору азырынча белгисиз экендигин айтты. Жогорку Кеӊеш сатуу демилгесин колдосо, компания сатыкка чыгарылат. Бийлик буга чейин «Альфа Телекомдун» 49 пайыздык акциясын 100 миллион долларга чукул баага сатууга аракет кылган.
Эске салсак, 2010-жылдагы Апрель окуясынан кийин Убактылуу өкмөт «Мегаком» уюлдук операторунун 49 пайыздык акциясын улутташтырууга жетишкен. 2014-жылдын июль айында болсо Бишкектин райондор аралык соту компаниянын калган 51 пайыздык акциясын аресттен чыгарып, муну менен мамлекет компаниянын жалгыз кожоюнуна айланган эле.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
Titi
2015-06-08 09:11:39
Сатпаган мегаком эле калды эле
0
Asus77
2015-06-08 11:29:20
Картошкөң сат, наның сат, денеңдеги каның сат,
Жанталашып жаның сат, байыймын деп баарын сат.
Аның сатпай мунуң сат, латунаң сат,метиң сат,
Бир өпкөнгө бетиң сат, коюң союп этин сат,
Түндүгүң сат, үйүн сат, коломтодо күлүң сат,
Баарын сатып бүткөн соң оо, КЫРГЫЗЫМ!
– Колтугуңдун жүнүн сат эй!
Сат, сат, сат, сат, сат!
+8
ilim07
2015-06-08 12:19:21
Саткылааа баарын саткыла бир тууганыны сат баланы сат апаны сат анан качып кет Россияга же башка жака
0
XAH.
2015-06-08 16:37:01
Ошондо бизге wi fi келип калабы?
+2
sna_kg
2015-06-08 21:11:43
Сатпаганы ошол эле калделе.качан сатып аласынар озу баарын сата бербей сатып алгылачы
+1
Lintel
2015-06-15 11:58:29
sna_kg, Сатып алам дегенди камап коюштуго.
0
jigit.85
2015-06-09 12:21:54
Эч нерсе калбай калгана калды Кыргызстанда эми Ыссыккөлгө коз арып жатышат,кудай сактасын эми биздин бийликтеги төбөлдөр аны да сатып жиберсе анда бизден кийинки муундарда, кудай да кечирбейт эч качан.Темир Сариевди колойлучу эл журт, ошол киши бул мите курттардын тубуно жетет, ал кишиге колдоо жок болуп жатат!!!
0
bakyt9
2015-06-09 13:49:40
Тообо кирешесин даарын жей бербей онуктуруугода жумшагылада.
0
Bektash
2015-06-10 15:12:02
Кызык, өтө кызык .....
0
guzel_
2015-06-12 08:35:51
Кыргызстан жакында жок болот.бизди кулчулукка сатат да оздору качат.элдин акчасын жеп.
0
ZHaziko
2015-06-29 11:20:34
Сатат кааласа кайра сатип ийет, кааласа кайра сатып алат! Как футбольный мячик молодцы ребята
0
№ 657, 5-июнь-11-июнь, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА