Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЗАЙНИДИН КУРМАНОВ СПИКЕР БОЛДУ

№373 25-31-декабрь, 2009-ж.


Жогорку Кеңештин 24-декабрдагы жыйынында Зайнидин Курманов 84 депутаттын добушу менен ЖКнын төрагалыгына шайланды.

Зайнидин Курмановдун талапкерлигин жыйынга катышкан эл өкүлдөрүнүн баары бир добуштан колдоого алышты. 23-декабрда депутаттардын суроолоруна жооп берип жатып Зайнидин мырза Жогорку Кеңешке төрага болуп дайындалып калса, мамлекеттик тилде сүйлөөдө маселе болбой турганын билдирген эле. “Коммунисттер” фракциясынын жетекчиси Исхак Масалиев талапкердин мамлекеттик тилди билер-билбесине кызыкты. “Мен мамлекеттик тилди жакшы билем. Алтургай лекция окуп, жыйын башкарып жүргөм”,- деген жооп узатты Курманов. Ал өз кезегинде парламенттин аброюн көтөрүүгө аракет жасарын баса белгиледи. “Парламентте модернизация жасаш керек, убакыт күтпөйт. Бул боюнча аракет жасайм. Ал эми жаңы келген кадрлар сынактан өтүп, кабыл алынышы керек”,- деди спикер.


“КАМБАР-АТАДАГЫ” ЖАРДЫРУУ ИЙГИЛИКТҮҮ ӨТТҮ

22-декабрда “Камбар-Ата-2” ГЭСинин жанындагы тоо жардырылып, Нарын дарыясы бөгөлдү. Жаңы тосмого үч күндө суу толуп, андан жарылган тоо аркылуу мурдагы нугуна түшмөкчү.

УТРК уюштурган теле-көпүрө аркылуу жардырууга күбө болгон өлкө башчысы Курманбек Бакиев “Камбар-Ата-2” ГЭСинин суу тосмосунун пайда болушу Кыргызстан тарыхындагы ири окуялардын бири экенин белгилеп, буга чейинки көпчүлүк аткаминерлер мындай курулуштун ишке ашарына ишенбегенине токтолду. “Биз мындан ары да Нарын дарыясын пайдаланып
ГЭСтерди кура беребиз. 10 жыл, 20 жыл, 30 жылдык программаларды түзөбүз. Аны менен катар экономикабыз өсөт. Энергетикалык көз карандысыздыкка толук жетишебиз
”,- деди ажо. “Камбар-Ата-2”
ГЭСинин биринчи агрегаты келерки жылдын май-июнь айларында ишке киргизилмекчи. Үч жыл ичинде ГЭС курулушуна 5,5 миллиард сом сарпталган. “Камбар-Ата-2” ГЭСин толук ишке киргизүүгө дагы 16 миллиард сом керек болот”,- деп билдирди өкмөт башчы Данияр Үсөнов.
Жардыруунун эпкини 2-4 чакырым аралыкта сезилип, жердин силкинүүсү 9 баллга чейин жетти. Суу бөгөтүнүн (платина) бийиктиги 60 метр болду, дагы 10 метри бетон курулушу түрүндө көтөрүлмөкчү. Жердин силкинүүсүнөн жабыр тарткандар болгон жок.


БЕЛГИЛҮҮ ЖУРНАЛИСТ ГЕННАДИЙ ПАВЛЮК КИШИ КОЛДУУ КАЗА ТАПТЫ

Кыргызстандык журналист Геннадий Павлюк 16-декабрда киши колдуу болуп, оор абалда Алматыдагы ооруканага түшкөн. Журналист бир апта ооруканада дарыгерлердин көзөмөлүндө эсине келе албай жатып, жарык дүйнө менен кош айтышты.

Ибрагим Рустамбек аттуу псевдоними менен белгилүү Геннадий Павлюктун денеси 16-декабрда Алматыдагы Фурманов көчөсүнөн орун алган көп кабаттуу үйлөрдүн алдынан табылган. Ошол эле күнү ММКларда журналист алтынчы кабаттан буту-колу байланган абалда ыргытылганы жөнүндө шектүү маалымат тараган. Казакстандын тартип коргоо органдары журналистке кол салуу боюнча кылмыш ишин козгоп, иликтөө иштерин жүргүзүүдө. Кыргызстандык укук коргоочулар жана саясатчылар журналисттин өлүмүн анын кесиптик ишмердиги менен байланыштырууда. Журналисттин сөөгү 24-декабрда Чолпон-Ата шаарында жерге берилди.
Г.Павлюк “Аргументы и факты – Кыргызстан”, “КП в Кыргызстане” гезиттеринде баш редактор болуп иштеген. Акыркы мезгилде “Белый пароход” интернет-басылмасын чыгарып келген. Ошондой эле ал “Ата мекен” партиясынын лидери Өмүрбек Текебаев менен кызматташып, интернет-басылма чыгарууну көздөп жүргөн. “Алматыга кетерден мурун жолугуп, интернет-басылма тууралуу кенен сүйлөшкөн элек. Анын келечекке пландары көп болчу. Мындай адам өз өмүрүнө кол салып, өзүн терезеден ташташы мүмкүн эмес”-, деп билдирет Өмүрбек мырза.


КЫТАЙ КЫРГЫЗСТАН МЕНЕН ЧЕК АРАСЫН ЖАБАТ

“Торугарт” автожол бекети 2009-жылдын 30-декабрынан 2010-жылдын 3-январына чейин, “Эркештам” автожол бекети 28-декабрдан 2010-жылдын 3-январына чейин жабылат.

Бул тууралуу Чек ара кызматы: “Жаңы жылды белгилөөгө байланыштуу кытай тараптын демилгеси менен кыргыз-кытай чек арасы убактылуу жабылды”,- деп билдирди. Ошондуктан Чек ара кызматы аталган багыттар боюнча жүрүүнү 3-январдан кийинкиге калтырууну эскертет.


ОҢ РУЛДУУ АВТОУНААЛАРДЫ ТАКСИ КАТАРЫ ПАЙДАЛАНУУГА ТЫЮУ САЛЫНАТ

Жогорку Кеңештин Экономика тармактарын өнүктүрүү боюнча комитетинин отурумунда “Автомобилдик транспорт жөнүндө” мыйзам долбоору каралып, бир добуштан кабыл алынды.

Эми бул мыйзам долбоору парламенттин жалпы жыйынында каралмакчы. Жаңы мыйзамга ылайык, оң рулдуу автоунааларды такси катары пайдаланууга тыюу салынат. ИИМдин маалыматына караганда, үстүбүздөгү жылы автокырсыктардын 64,8 пайызы оң рулдуу автоунаалардын айынан келип чыккан.


АЖЫЛЫК САПАРГА БАРГАНДАРДАН ЖЕТӨӨ КАЙТЫШ БОЛДУ

Быйыл Меккеге бардыгы болуп 4782 адам ажыга барып, алардын экөө кайтыш болду. Ажылардын акыркы тобу 20-декабрда Кыргызстанга кайтып келишти.

Муфтий Муратаалы Жуманов бул тууралуу маалымат берип жатып, быйылкы ажылык сапар Кыргызстанда биринчи жолу жергиликтүү “Манас эйр” авиакомпаниясы аркылуу ишке ашырылгандыгын белгилеп өттү. Буга чейин депутат Н.Айдаров парламент жыйынында “Манас эйр” аркылуу ажылыкка кеткендердин акыркы тобу аталган авиакомпаниянын техникалык себептеринен улам мекенине кайта албай кыйналышууда”,- деп билдирген. Бирок муфтий бул кыйынчылыктардын аба ырайына байланыштуу болгонун билдирди.


ОКУУ ЖАЙЛАРДЫН САНЫ АЗАЙДЫ

Билим берүү жана илим министрлигинин коллегиясы лицензиялык нормативдерге жооп бербеген 14 жогорку окуу жайынын билим берүү ишмердигин токтотууну чечти.

Мындай окуу жайлардын тизмегинде ЕККУ академиясы, Укук жана мамлекеттик кызмат боюнча кыргыз-казак академиясы, Москва мамлекеттик экономика, статистика жана информатика университетинин Бишкектеги институту да бар. Министрликтин чечими менен жабылган окуу жайлардагы студенттер башка окуу жайларга которулмакчы. Ошондой эле министр Абдылда Мусаевдин айтымында, Коллегия лицензиялык нормативдик кемчиликтер орун алганы үчүн 15 окуу жайынын 70тен ашык адистик боюнча лицензиясын кайтарып алды.


Блиц маек

Экс-министр, генерал-лейтенант Исмаил Исаков:
“ЧЕЧИМ СОТТУН АДАМДЫК КАСИЕТИНЕ БАЙЛАНЫШТУУ”

2008-жылдын 30-декабрь күнү генерал-майор, экс-министр Исмаил Исаковдун үстүнөн Бишкек гарнизондук аскер соту 3 айып менен кылмыш ишин козгогон. Бир жылдан бери сот иши аягына чыкпай келет. “Сот процесси качан жана кандайча жыйынтыкталат?” деген суроого жооп издеп, И.Исаковго кайрылдык.

– Исмаил мырза, сизге каршы козголгон кылмыш иштеринин канчалык деңгээлде чындыгы бар?
– Чындыкты айтсам, мага козголгон кылмыш иши – саясий буйрук. Мен эч качан кызмат абалымдан пайдаланган эмесмин. Мага 3 кылмыш ишин тагышууда.
Биринчиси. Коргоо министри болуп турганда Балыкчыдагы жарактан чыккан аскер техникаларын мыйзамсыз сатты” деген айып.
Экинчиси. Министр учурунда баласына эки бөлмөлүү батирди мыйзамсыз алып берген(балам аскер кызматкери, ал үйдө азыр башка прапорщик жашайт) деп.
Үчүнчүсү. Майрамдарда, шаан-шөкөттөрдө министрликтин бюджетинен ашыкча акча короткон” деген айып.
Далилдер табылбагандыктан, биринчи айыпты сот жокко чыгарды. Себеби мен 2008-жылдын май айында министрликтен кеттим. Ал эми аскерий техникалар 2008-жылдын август-сентябрь айларында сатылганын документтердин негизинде далилдедик.
– Эми сот чечимди кимдин пайдасына чыгарышы мүмкүн?
– Бүгүнкү күндө бийлик мыйзамды одоно бузуп, каалаганындай бурмалап жатат. Азыр бийликке бардыгы көз каранды. Эл, сот, прокуратура... Анан ушундай кырдаалда кайдагы адилеттүүлүктү издесе болот?! Сот жыйынтыгы бийликтин жеңиши менен аяктап калышы толук мүмкүн. Соттордун арасында да акыйкат иштегендери бар. Менин ишимди карап жаткан сот аскер кызматкери экен. Кудай бар, балким, Бишкек гарнизондук соту көрүнүп турган чындыкты танбай, адилет чечим чыгарар. Менин бир гана үмүтүм ошол соттун чындык үчүн иштеген адамдык касиетинде...
– “Чубактын кунундай чубалып” сот процессинин узакка созулушунун себеби эмнеде?
– Мени “кечирим сурайбы, кызмат сурап келеби же ушинтип коркутсак башка өлкөгө чыгып кетеби?” деген ойдо сот иштерин ушул убакка чейин созуп келишти.
Эл ичинде “камалгандан көрө башка өлкөдөн башпаанек сурап кетпейби?” деген сөздөр айтылууда...
– Эгер жаңылдым-жаздым, иттик менден кетти, саясатыңызды колдойм, сиздин командаңыздамын деп бийликтин колтугуна башымды катсам, анда мага кылмыш ишин козгомок эмес, козгосо да жаап коймок. Мен андай кылбай, сот башталгандан бери чындык үчүн күрөшүп келдим. Эл-журтум бар, бийлик алдында айыптуу болсом да, элдин алдында жүзүм жарык. “Бийлик бар жерде теңдик жок” деп коёт элибизде, баары бир акыйкаттык жеңерине ишенем.

Айбек Кочкоров, Амантур Султанкулов
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
28.12.2009. 17:25 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
Bawka jaktan bawpaanek tapkan4a KIRGIZSTANDA kamakta jatlanyn 1000 ese jakwy,
28.12.2009. 17:26 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
mezgil korsotot ko toraganyn KIRGIZ4AGA bolgon mamilesin.ajep emes baardyk kyzmatkerlerdi jalan KIRGIZ4A suyloogo undoso.oz olkondo KIRGIZ4A suyloy albasan.ooo,KUDAY kanday kundorgo kabyldyk.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: