Орусиядагы мигранттар үчүн жакшы кабар: «КАРА ТИЗМЕ» БОЮНЧА БИР ТОП ЖЫЛЫШ БАР

Президент Алмазбек Атамбаев өткөн аптанын аягында Орусияга барган иш сапарынан аталган өлкөдө иштеген кыргызстандык мигранттар үчүн жакшы кабарлар менен кайтты.

«КАРА ТИЗМЕГЕ» КИРГЕНДЕРГЕ ЖЕҢИЛДИКТЕР КАРАЛДЫ
19-июнь күнү мамлекет башчы Алмазбек Атамбаевдин катышуусунда Кыргызстандын Орусиядагы элчиси Болот Жунусов менен Орусиянын Федералдык миграциялык кызматынын башчысы Константин Ромодановский макулдашууга кол койду. Аталган документте эки өлкөнүн ортосундагы кыргызстандыктардын Орусияда, орусиялык жарандардын Кыргызстандын аймагында жүрүү боюнча жаңы тартиптери каралган. Ага ылайык, милдеттүү түрдө каттоодон өтпөстөн 30 күн бою кыргызстандыктар Орусиянын, орусиялыктар Кыргызстандын аймагында жүрө алышат.
Мындан тышкары Кыргыз Республикасынын ЕАЭСке кошулуп жатканын эске алуу менен Федералдык миграциялык кызматы 3 жылдык мөөнөткө депортацияланган кыргызстандыктарга Орусиянын эшигин ачат. Бул чечим 3 жылдык мөөнөтүнүн тең жарымын Кыргызстанда өткөргөндөргө гана тиешелүү. Жеңилдик «кара тизмеге» кирген бардык мигранттарга тиешелүү эмес. Ошол эле учурда Орусиянын миграциялык мыйзамын бузган, тагыраагы, «кара тизмеге» кирген кыргыз жарандарына 2015-жылдын 10-июлунан тартып 2015-жылдын 1-ноябрына чейинки мезгилде Орусиянын аймагынан эркин чыгууга жана тоскоолдуксуз кайра кирүүгө уруксат берилди. Ушундай жол аркылуу шайлоо алдында кыргыз жарандарынын мекенине келип кетүүсү менен алар биометрикалык каттоодон өтүп, парламенттик шайлоодо добуш берет деген максат каралып жатышы ыктымал. Мындай чыгып-кирүү мүмкүнчүлүгү 1-ноябрга чейин документтерди мыйзамдуу түрдө оңдоп, жаңы миграциялык карта ачып алууга болот дегенди билдирет. Алар «кара тизмеге» киргизилбейт. Мурдагы мыйзам бузуулары дагы жоюлат.
Бул шарттар 19-июлдан баштап күчүнө кирет.
Маалымат үчүн: Орусиянын «кара тизмесине» кирген кыргызстандыктардын саны 80 миң кишиге жетет. Ал эми Орусияда миграциялык мыйзамды бузуп иштеп жүргөн кыргыз жарандарынын саны Федералдык миграциялык кызматынын маалыматы боюнча 200 миң адамга жакын. «Кара тизмеде» бар-жок экенин Федералдык миграциялык кызматынын сайтынан текшерүүгө болот.

Эльвира Караева
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
suiuktuujar
2015-06-29 12:37:53
Жакшы жанылык экен.
0
aidan94ru
2015-06-29 12:52:14
А 1-ноябрьдан кийин не болот...
0
Rifle
2015-07-05 16:21:04
2-ноябрь болот.
0
mbk
2015-06-29 12:59:28
aidan94ru
1-ноябрга чейин кирип чыгып миграционный картанды алмаштырып алсан кара тизмеден чыгып кетет экенсин.
0
A3A
2015-06-29 15:13:38
Соонун болуптур да: )
0
Bella1
2015-06-29 17:47:40
Абдан жакшы келишим экен бир аз мигранттарга да женилдик болгону жакшы.
0
Bako.baike
2015-06-29 20:45:37
чон жанылык Атамбаев жанымда болгондо бир кучактап койот элем. ))))
+3
Sharipa-asia
2015-06-30 01:53:58
Атамбайевге рахмат
0
talant.elmira
2015-06-30 12:56:56
кантип текшерсе болот экен кара тизмеде бар же жок экенин?
0
Azura
2015-07-02 00:12:44
talant.elmira, «Кара тизмеде» бар-жок экенин Федералдык миграциялык кызматынын сайтынан текшерүүгө болот.- деп жазылып турат го
0
Rifle
2015-07-05 16:22:36
Сайтты жазсам super ban алып калам. Гугледен :) фмс черный список деп карасан, туура шилтеме чыгат.
0
Kanybek.G
2015-07-02 14:45:02
жакшы жанылык болуптур Атамбаевке чоон рахмат кооптогон мигранттар кыйналып атышкан ошолорго кыйла женилдик болду
0
uulay
2015-08-01 19:49:19
Баары жалган мен барып артка кайттым.чыкты деди эле жалган
0
№ 660, 26-июнь-2-июль, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА