Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАЙСЫ КЕСИПКЕ СУРОО-ТАЛАП ЖОГОРУ?

№660 25-июнь-1-июль, 2015-ж


Абитуриенттер үчүн кесипти туура тандоо бүтүндөй өмүрүнө тете жоопкерчиликтүү маселе. Себеби сиздин бүгүнкү тандооңуз эртеңки келечегиңиздин пайдубалын курат. Демек, жети өлчөп бир кесүү керек.

КЕСИПТИК-ТЕХНИКАЛЫК БИЛИМДИН ПАЙДАСЫ КӨБҮРӨӨК
Мектепти жаңы аяктаган убак – бул жалындап турган чак. Амбиция баштан ашып, кыялдарды ишке ашыруу оңой эле иштей көрүнөт. Бирок ал-акыбалды терең анализдеп, анан келечекке кадам таштабасаңыз, кыялдардын быт-чыты чыгып, алтындай убактыңыз текке кетип, өзүңүзгө пайдасы тийбеген кесиптин ээси болуп калышыңыз ыктымал.
Эмгек, миграция жана жаштар министрлиги атайын иликтөөлөрдү жүргүзүү менен жакынкы 2 жылга суроо-талапка ээ боло турган кесиптерди атады. Жакынкы 2 жылда төмөнкү кесиптин ээлерине жумуш табуу кыйла жеңил болот: тигүүчү, сатуучу, автослесарь, агроном, официант, ветеринар, ширетүүчү, куруучу, геолог-жардыргыч, жарнама боюнча агент, механик, электромонтёр.
Байкасаңыздар, жакынкы келечекте мактанып айткың келген ЖОЖдордогу факультеттерге караганда, жөнөкөй кесиптик-техникалык билимди талап кылган кесиптер көбүрөөк керек болуп турат. Министрлик берген маалыматка таянсак, эмгек рыногунда жогорку билимди талап кылган жумуш орундары 20 пайызды түзсө, 70 пайыздан ашуун жумуш ордуларына кесиптик-техникалык билим талап кылынат.
Ар кандай мамлекеттик эмес уюмдар да кайсы кесипке суроо-талап күчтүү болорун изилдеп келишет. Алардын иликтөөлөрүнүн жыйынтыктары боюнча, 2015-жылдан 2020-жылга чейин айыл чарба, туризм, жеңил өнөр-жай, энергетика, саламаттыкты сактоо, билим берүү жана котормочулук тармактарындагы адистерге суроо-талап жогору болот. Бирок өзүбүз күбө болуп тургандай, биздин заманда өзгөрүүлөр тез-тез болуп жатат. Демек, керектүү адис бойдон калуу үчүн өмүр бою окуп, жаңычылдыктардан артта калбай, үйрөнүп туруу талап кылынат.

УЧУРДА...
Борбор калаа Бишкекте июнь айында мугалимдик кесипке ээ болгондорго суроо-талап жогорулаган. Эмгек, миграция жана жаштар министрлигинин маалыматына таянсак, мугалимдер үчүн 181 бош орун бар экени белгилүү болгон. Андан соң кассирлерди жумушка чакырган 126 бош орун болсо, кыймылсыз мүлк агентин издеген жумуш берүүчүлөр 88ди түзгөн. Кийинки кезекте администраторлор, алар үчүн 77, соода агенттерине 61, бала-бакча тарбиячысына 50, менеджерлерге 45 бош орун бар экени анык болгон. Адаттагыдай эле юристтерге жана экономисттерге болгон суроо-талап абдан аздык кылат. Ал эми тигүүчүлөрдү издеген жумуш берүүчүлөр четтен чыгат. Алардын саны бул айда 412ни түзгөн. Сатуучулар үчүн 223, ашпозчуларга 191 бош орун бар экени белгилүү болду. Ошондой эле ишканаларда, курулуштарда электрик, слесарь жана ширетүүчүлөргө жумуш орундары маселесиз чыгат.

ЖАҢЫ АЧЫЛГАН МҮМКҮНЧҮЛҮКТӨР
Жаштардын арасында «Мен Кыргызстан менен эле чектелбейм, дүйнөдө мага ылайыктуу жумуш табылат» деп көкүрөк каккандар да жок эмес. Баарыбызга маалым болгондой, Кыргызстан Евразиялык экономикалык союздун катарына кошулганы турат. Тиешелүү келишимди биримдикке мүчө мамлекеттердин парламенттери бекиткен соң, кыргыз окуу жайларынын дипломдору Орусия, Казакстан, Беларусь жана Арменияда тааныла баштайт. Иш билги адис болсоңуз, бул дагы сизге кошумча мүмкүнчүлүк.
Маселен, орусиялык edunews.ru сайтынын маалыматына таянсак, аталган өлкөдө IT-адис, түрдүү багыттагы инженер, мугалим, дарыгер, электрик, ширетүүчү, куруучу өңдүү адистерге суроо-талап бар.
Ал эми казакстандык kapital.kz сайтынын маалыматына таянсак, коңшу Казакстанда да ошол эле IT-адистер, сатуу боюнча адистер, инженерлер, мугалимдер, дарыгерлер, ошол эле электрик, ширетүүчү, куруучуларга жумуш орду жетиштүү. Беларусь жана Арменияда да ушундай эле тенденция байкалат. Ал жактарда соода, компьютердик технология тармагынын адистери жана ошол эле ширетүүчү, электрик, куруучуларга суроо-талап жогору.

КЕЛИҢИЗ, САЛЫШТЫРЫП КӨРӨБҮЗ...


Юрист
(4-6 жыл окуйсуз, окуу акысы жылына орто эсеп менен 30 миң сомду түзөт, карьераңыздын башында орто эсеп менен 8-10 миң сом айлык аласыз)


Экономист (4-6 жыл окуйсуз, окуу акысы жылына 30 миң сомдун тегереги, карьераңыздын башында 10-12 миң сом маяна аласыз)

Чет тилдер (4-6 жыл окуйсуз, окуу акысы жылына орточо эсеп менен 20 миң сомду түзөт, карьераңыздын башталышында орточо эсеп менен 20 миң сомдун тегерегинде табасыз)


Бажы кызматкери
(5-6 жыл окуйсуз, окуу акысы жылына 25 миң сомдун тегерегинде болот, карьераңыздын башында 12-15 миң сом таба аласыз)


Куруучу
(4-5 жыл окуйсуз, окуу акысы жылына орто эсеп менен 20 миң сомду түзөт, карьераңыздын башында орто эсеп менен айына 25 миң сом маяна аласыз).


Автослесарь
(10 айдан 3 жылга чейин окуйсуз, окуу акысы жылына орто эсеп менен 10 миң сомду түзөт, мыкты адис болсоңуз айына 20 миң сомдон жогору айлык аласыз).

Тигүүчү (3 айдан 10 айга чейин окуйсуз, окуу акысы айына 2 миң сомду түзүшү мүмкүн, жумуш тапсаңыз орточо 20 миң сомдон аласыз).


Ширетүүчү
(2-3 ай окуйсуз, окуу акысына 3 миң сомдун тегерегинде сарпталат, жумуш тапсаңыз орто эсеп менен 20 миң сом табасыз)

«Супердин» сурак бурчу
КАЙСЫ КЕСИПТИ ЭМНЕ СЕБЕПТЕН УЛАМ ТАНДАДЫҢЫЗ?

ГҮЛАЙЫМ ДҮЙШЕЕВА, НАРЫН ОБЛУСУ:
– Мен медицина кызматкери болууну туура көрүп, медициналык окуу жайга тапшырдым. Кийин билимимди тереңдетип, Медициналык академияда да окуйм деп максат кылдым. Менимче, бул тармакта жумушсуз калбайт болушуң керек. Дарыгерлерге дайыма суроо-талап жогору эмеспи. Андыктан туура кесип тандадым деп ойлойм.

АСЕЛ БОЛОТКАН КЫЗЫ, ТОКТОГУЛ РАЙОНУ:
– Филология факультетине окусам деген оюм бар. Кыргыз тили мугалими болуп чыксам жумушсуз калбайм. Мугалимдерге деген суроо-талап дайыма жогору болот. Бардыгы эле экономист, юрист болобуз дешет. Бирок аларга кийин жумуш табуу кыйын. Ал эми мугалимдердин иш шарттары да жылдан-жылга жакшырып бара жатат.

СЕЙДАЛИ СУЛТАНМУРАТОВ, ЧОҢ-АЛАЙ РАЙОНУ:
– Мен 9-классымда Бишкекке келип, маркетинг боюнча окуп бүттүм. Эми бизнес башкаруу бөлүмүнө тапшырганы жатам. Биздин кесип боюнча жумуш табуу кыйын дешет, бирок мен антип ойлобойм. Кыргызстанда соода, бизнес тармагы күндөн-күнгө өнүгүп жатат. Өз кесибиңди так билген адис болсоң иш табылат.

АЙТУРГАН ТААЛАЙБЕК КЫЗЫ, ТОКТОГУЛ РАЙОНУ:
– Азыр толук бир чечимге келип ушуну окуйм дей элекмин. Окуу жайларды карап, кайсы тармак менен билим алса болорун иликтеп жүрөм. Тарых факультетине тапшырсамбы деп жатам. Себеби көңүлүм ошол жакка тартып жатат. Кийин тарыхчы мугалим болсом, жумушсуз калбасам керек.

САМАРА ТАШТАНБЕКОВА, КОЧКОР РАЙОНУ:
– Азыр университеттерди кыдырып ылайыктуусун карап жүрөм. Чет тилдер факультетине окугум келет. Кийин жумуш табуу кыйын дешет, бирок убакыт деген бир ордунда турбайт да. Эртең, балким, чет тилдерин билгендерге суроо-талап жогорулашы мүмкүн. Эң башкысы, мыкты адис болсоң көчөдө калбайсың деп ойлойм.

РЫСКУЛ МАКСАТБЕКОВ, АТ-БАШЫ РАЙОНУ:
– Мектепте математика сабагын кызыгуу менен окугам. Ошондуктан экономика тармагын алып кете алам деп ойлойм. Бирок баары эле экономисттерге жумуш табылбайт деп жатышат. Мен мыкты адистерге баары бир жол ачык болот деген ойдомун.

Мирлан Өмүралиев
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
29.06.2015. 22:44 
Тайпасы:
Жаран
Комментарийлердин саны:
85
Катталган:
19-06-2013
Соӊку аракети:
10-01-2018 14:39
Жынысы:
Белгисиз
+1
Чон алай,Ат башы кочкор((((А эмне ОШ,Баткен,Талас,Ысык-кол деген облустардан жок!!!????
30.06.2015. 16:02 
Тайпасы:
Жаран
Комментарийлердин саны:
15
Катталган:
07-11-2010
Соӊку аракети:
02-09-2017 22:01
Жынысы:
Белгисиз
0
Аграномго кайдагы жумуш мурдагыдай совхоз колхоз деген жок окуунун туру еле коп иш жок
01.07.2015. 23:45 
Тайпасы:
Жаран
Комментарийлердин саны:
50
Катталган:
08-12-2014
Соӊку аракети:
05-01-2017 19:43
Жынысы:
Белгисиз
Калаасы:
Успешный леди !
0
Ширетуучу эмне? Кандай кесип?
02.07.2015. 11:28 
Тайпасы:
Жаран
Комментарийлердин саны:
14
Катталган:
22-11-2012
Соӊку аракети:
07-11-2018 09:22
Жынысы:
Белгисиз
0
Ledi89, бул жакка кирсеиз билесиз ) http://www.super.kg/media/stv/135905/
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: