КЫРГЫЗСТАН 1 АЙДАН КИЙИН КАЗАКСТАН МЕНЕН ӨЗБЕКСТАНДЫН КӨЗҮН КАРАБАЙ КАЛАТ

Борбор Азиядагы бир­дик­түү энергетикалык ша­кекче – Союз учурунда Кыргызстан, Казакстан, Өзбекстан, Тажикстан жана Түркмөнстанды үзгүлтүксүз электр энергиясы менен камсыз кылып туруу үчүн түзүлгөн. Бул шакекчеден Түркмөнстан 2003-жылы, Тажикстан 2009-жылы чыгып кеткен. Казакстан менен Өзбекстан да аталган шакекчеге көз каранды эместигин билдирүү менен бир канча ирет чыгып кетүүгө даяр экенин жар салышкан. Аталган мамлекеттер шакекчеге көз каранды болбой тургандай кылып, өздөрүнүн электр өткөрүүчү линияларын тургузуп бүткөн. Бир гана Кыргызстан бүгүнкү күнгө чейин бул шакекчеге көз каранды болуп келе жаткан. Өлкөнүн түндүк аймагы Токтогул ГЭСи иштеп чыккан токту Өзбекстан жана Казакстан аркылуу өткөрүлгөн линиялар менен, ал эми түштүк аймак кайра эле өзбек линияларынын жардамы менен алат. Казакстан же Өзбекстан энергетикалык шакекчеден чыгып кетсе, Кыргызстан электр энергиясыз калышы ыктымал.
Мындай кейиштүү абал, анын айынан Казакстан менен Өзбекстанга көз карандылык дагы канча деген жылдарга созулушу мүмкүн болчу. 2011-жылы Жалал-Абад облусунун Базар-Коргон районунда "Датка" подстанциясы, 2012-жылы Чүй облусунун Кемин районунда "Кемин" подстанциясынын курулушу башталды. "Датка" подстанциясынын курулушуна Кытайдан кредит алуу аракеттери Өнүктүрүү, инвестиция жана инновациялар боюнча борбордук агенттик тарабынан башталган. Бирок ал мезгилде мындай ири долбоор башталар-башталбасы, аягына чыгар-чыкпасы күмөн эле. Ошентип «Датка-Кемин» жогорку чыңалуудагы электр өткөрүүчү линиясы быйылкы жылы август айында ишке киргизилгени турат. Аталган долбоорго 2012-жылдын август айында старт берилген. Ал өлкөнүн түндүк жана түштүк аймактарын бириктирип, мамлекеттин энергетикалык коопсуздугун камсыздап, Казакстан менен Өзбекстандан болгон энергетикалык көз карандылыкка чекит коёт.
2003-жылы энергетикалык шакекчеден Түркмөнстандын, 2009-жылы Тажикстандын чыгып кеткенин эске алсак, кыргыз бийлигинин башында турган Аскар Акаевдин да, Курманбек Бакиевдин да мамлекеттин энергетикалык системин коңшу өлкөлөрдөн көз карандысыз кылып түзүп чыгууга кенен убакыт-сааты, бюджеттин эсебинен же насыяга болобу, каражат табууга мүмкүнчүлүктөрү бар эле. Болгону эрк керек болчу. Кыргыз бийлиги «ойгонгуча» энергетикалык шакекчеге кирген Кыргызстандан башка 4 өлкө өзүнүн электр өткөрүүчү линияларын куруп бүтүрүүгө жетишти. «Датка-Кемин» сыяктуу долбоор мындан 10 жыл мурун тартылып баштаса, Кыргызстан бүгүнкү күндө коңшу өлкөлөрдүн көзүн карабай, тең ата мамиледе болуп калмак.
Мына ушундай, 10 жыл илгери эле жасалышы керек болгон ишке ажолордун ичинен Алмазбек Атамбаев белсенди. Ал Кыргызстандын энергетикалык системин эч кимге көз каранды кылбай курууга биринчи болуп киришкен өлкө жетекчиси болду.

Эльвира Караева
koom@super.kg
super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (30)
Bella1
2015-06-29 17:52:53
Тузук тузук жакшыле иштеп баштаган го дейм Атамбаев.Эми акырындап олкобуздо жумуштар да кобойуп,айлыктар да жакшыра баштаса эн сонун болмок.
+1
yrysbek
2015-06-29 18:26:57
Arzu.kg бул 2012-жылы курулуш старт алган деп жатат, а курулуш иштеринин долбоору ооооооооооооо Бакиевдин учурунда иштелип даярдалган.
0
kelechek.kg
2015-06-29 23:27:12
Долбоор ссср убагында эле даяр болгон буйруса 31 августа Датка Кемин линиясына напряжения берилет
+1
karasuu
2015-06-30 11:43:04
жакшы жанылыктарды окуган сайын кан басымым озуно келип жатат :)
+1
miki87
2015-06-30 12:06:11
Бир нерсеге ойлонуп акыл жетсе баа берсенер же пикиринерди билдирсенер Эльвира Караева . Ал «Датка-Кемин» подстанциясы Бакиевтин демилгеси менен Кытай тарап каржылап башталган иш.
0
Эльвира Караева
2015-06-30 15:39:33
miki87,макалада бул долбоордун кагаз жүзүндө эмес, иш жүзөгө ашып башталган жылдары берилген. Демилгенин өзү жана каражат табуу аракеттери 2010-жылдын январь айында көрүлүп башталган. Жазган сын-пикириңиз да эске алынат.
+1
Abdurahman
2015-06-30 13:40:45
Буткондо мактайлы
0
stal.ks
2015-06-30 23:35:42
Кытайлар кандай кылып бутурду экен бул линияны? деги кийин авария болбосо болду
0
Nurluujan16
2015-07-01 02:29:46
Рахмат президентибизге!!!
0
mamaidingory
2015-07-01 12:15:09
бутуп калар буйурса прездентибизде жылыш аябай чон ушинтип эле иштеп турса кыргызстанды 5жылда гулдотот
0
Ayka1994
2015-07-01 14:02:43
Августка 1 ай калды туугандар
0
akyshovbael
2015-07-01 17:25:11
Биздин Ажо ушунусунан кайтпасын жакшы жанылык экен.....
0
begish_13.03
2015-07-01 18:39:59
Билсенер Бакиев баштап берген иштерди Атамбаев ачып эле коюп жатат го. Мактангандан олуп кач деген соз бар.
+2
vrach
2015-07-05 10:17:35
begish_13.03, Бакиевди унутуп койгула болду
+1
admin_media
2015-07-02 10:47:26
begish_13.03,
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерине жазылып жөнөтүлүшү керек.
0
Rifle
2015-07-05 16:16:34
бул проект жакшы болду, бирок Токтогул ГЭС жакында куурап жатса, электричество каяктан алабыз?
0
timkaa23
2015-07-05 23:21:57
Кудайга шугур бизда ошондой даражага жетет экенбиз!!!
0
№ 660, 26-июнь-2-июль, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА