Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖОГОЛГОН УЙЛАРДЫН ИЗИ МЕНЕН...

№661 3-июль-9-июль, 2015-ж


Редакциябызга «укук коргоо органдарынын кызматкерлери инимди сабап, кылбаган кылмышты моюнуна алдырып жатышат» деп Жалал-Абад облусунун Ала-Бука районуна караштуу Биринчи Май айылынын тургуну, Салима Каракойчиева аттуу айым кайрылды. Бул окуя учурда айыл элинин оозунан түшпөй кызуу талкууда экен. Анткени Өзбекстан менен чектеш жайгашкан Биринчи Май айылынын тургундары 20 чакты уй уурдатып, ичи ачышып турган кездери. Биз бул боюнча айыл элинен сураштырып көрдүк.

«УКУК КОРГООЧУЛАР САБАП МОЮНДАРЫНА АЛДЫРЫП КОЮШТУ»
Мал уурулукка шектелип кармалгандардын бири Манасбек Каракойчиевдин эжеси САЛИМА КАРАКОЙЧИЕВА төмөнкүлөрдү билдирди:
– Азыр милиция кызматкерлери элдин ишенимдүү коргоочулары болбой эле, мыкаачы болуп бара жатышат. Айылдашыбыздын жашы жете элек баласын кармап, педагогдун катышуусу жок аны алдап, коркутуп, ар түрдүү ыкма менен суракка алышты. Алгач аны шектүү катары кармашат. Андан кийин милиция бөлүмүнө алып келишип, «сен биз айтканды айткандай кагазга жазып, көрсөтмө бер. Ошондо биз сага тийбейбиз, окууңду барып уланта бересиң. Ал эми сени уурулукка үйрөткөн кишилер камалат» деп алдап өздөрү түзгөн сценарий боюнча түшүнүк кат жаздырып алышат да, менин инимди баш кылып кармашат. Кийин аларды дене башы көгөргүчө тепкилеп, кышында сыртка жылаңач алып чыгып, үстүнө муздак суу куюп кыйнашыптыр. Адамга да ушундай мамиле кылабы?
Прокуратура менен милиция кызматкерлери биригип алып түрдүү сценарийлерди түзүп, Өзбекстандан эч ким тааныбаган кишилерди алып келип, «Манасбектен мал сатып алганбыз» деп айттырып жалаа жабышты. Азыр алар үй камагына чыгарылды. Бирок сот иштери уланып жатат. Биз күнөөсүз балдарды баары бир актап чыгабыз жана бийликтен ушул нерсени талап кылабыз.

«ӨЗБЕКСТАНГА САТЫП ЖИБЕРИШИПТИР»
Айылдан малын уурдаткан адамдарга байланыштык. Жабырлануучулардын бири ДОСААЛЫ БАЛТАБАЕВ буларга токтолду:
– Биздин айылдан 4-5 жылдан бери майда жандык, бодо мал болуп 117 баш мал уурдалыптыр. Ала-Буканын эли мал уурулардан тажап деле бүттүк. Биздин айыл Өзбекстан менен чектеш жайгашкандыктан, уурдап барып Өзбекстанга сатып жиберүүгө оңой.
Менин 2 уюм жоголгон. Малыбызды уурдаган Манасбек Каракойчиев, Курбан Шайназаров жана 9-класстын бир окуучусу 18-декабрда кармалып, күнөөлөрүн моюндарына алышып, «кечирип койгула, жоголгон малыңарды төлөп беребиз» дешкен. Бирок 5 айдан кийин аларды сот үй камагына чыгарып койду.
Биздин малыбыздан болсо дайын жок. Насыя алып эптеп малдын башын көбөйтүп алалы дегенбиз. Эми жөн жерден жоголгон малдын насыясын төлөп сыздап отурабыз. Биздин
тиричилигибиз эле ушул да.
Укук коргоо кызматкерлери Өзбекстандын аймагынан уурдалган малды сатып алган кишилерден бери табышты. Ал тургай терилерин таап, арасынан мен өз малымдын терисин тааныдым. Бул жана башка көптөгөн далилдер аларды жазалоого жетишсиз болуп жатканы таң калтырат.

«АР КАЙСЫ ЖАККА АРЫЗ ЖАЗБАЙ, МАЛДЫ ТӨЛӨП БЕРИШСИН»
Айзада Артыкбаева дагы 5 уюн жоготуп, жабыр тарткандардын катарында. Ал «уурулукка шектелип кармалган адамдар анткорлонуп, милиция кызматкерлери сабады деп догурунуп, өмүр бою ууру атыгып калбоонун айласын издеп жатышат» дейт:
– 2014-жылдын 2-декабрында бир түндө 5 уюм уурдалды. Ошол күнү түнкү саат 1де чыгып карагам. Сарайдын оозунда 2 эшек, ичинде 5 уй байланып турган. Эртең менен карасак эле жок. Короодо 1 чоң жана андан кичирээк 1 адамдын чыгып кеткен изи калыптыр. Из менен кубалап барып чоң көчөгө чыкканда таппай калдык. Милицияга арыз жаздык, издеп баштадык.
19-декабрда бизди райондук милицияга чакырышты. Барсак өзүбүздүн эле айылдаштар уурулукка шектелип кармалышыптыр. Алардын бири мектеп жашындагы бала. Кылмыштарын моюнуна алып, Өзбекстанга өткөзүп сатып жибергенин айтышты. Шектүүлөрдүн бири Курбан Шайназаров Өзбекстандан көчүп келген киши болчу. Бизди көздөштүргөндө ал «малыңарды бөлүп болсо да төлөп берем, мени кайра Өзбекстанга көчүрүп жибербегиле» деп суранды. Манасбек Каракойчиев болсо такыр моюнуна албай койду. Бирок Өзбекстанга өткөрүп сатып жиберген ошол дешти.
Андан бери 6 ай өттү. Туугандары малдарды төлөп бергендин ордуна арыздарын жазып, ар жакка чуркап, акыйкатчыга чейин барып «балдарыбызга милиция кызматкерлери жалаа жаап, уруп-сабап жатат» деп актануунун айласын издеп жүрүшөт. Андай акчалары көп болсо, биздин малды төлөп беришпейби?! Бир эл, бир жер болгондон кийин кечирет элек да. Колу менен кылганды моюну менен тартсын. Кайсы бир телеканалды чакырып келип, мал уурдаткан биз менен милиция кызматкерлерин жаман көрсөтүп, бир жактуу материал даярдатышыптыр. Ошол телевидение кызматкерлери келип, бизден бир ооз кабар алып коюшкан жок. Ал жерде акыйкатчы Бакыт Аманбаев да ууруларды жактап сүйлөп жатат. Ууру тойгончо жеп, өлгөнчө актанарын билбей жатышабы?

«ШЕКТҮҮЛӨР ЖАЛПЫСЫНАН 19 БОДО МАЛ УУРДАШКАН»
Аталган мал уурулук боюнча Жалал-Абад облусуна караштуу Ала-Бука РИИБинин тергөө бөлүмүнүн башчысы Каныбек Мырзабеков окуяны төмөнкүчө баяндайт:
– Бул боюнча кылмышка шектүүлөр колго түшүп, алардын үстүнөн мал уурдоо беренеси боюнча кылмыш иши козголгон. Шектүүлөр камакка алынып, иши сотко өткөн. Бирок кандайдыр бир себептер менен алар 21-майда убактылуу үй камагына чыгарылды. Биз өз милдетибизди аткардык. Уурулукка шектүүлөр колго түшкөн соң алардын кылмышын далилдеп берген күбөлөр, малды сатып алган адамдар көрсөтмө берип кылмыш толук кандуу тергелген. Алар жалпысынан 19 уйду уурдап саткандыктары далилденди. Азыр шектүүлөрдүн туугандары укук коргоо кызматкерлерин каралап, элге жаман көрсөтүп, ар түрдүү аракеттерди көрүп жатышат.
Биздин райондо мал уурулук катуу күч алган. Себеби Өзбекстан менен чектеш жайгашкан жана чек арада көптөгөн чечилбей жаткан маселелер бар. Эки өлкө ортосунда кылмыш иштерин ачуу боюнча бирдиктүү келишим болбогондуктан, өтүп кеткен мал-жандыкты кайтаруу, таап келүү кыйындык жаратат.

Гүлжан Асанкожоева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
06.07.2015. 11:18 
Тайпасы:
Тартип бузгандар
Комментарийлердин саны:
4
Катталган:
15-04-2015
Соӊку аракети:
06-04-2016 16:37
Жынысы:
Белгисиз
0
Аравандын Тоо-Моюн айыл аймагында да 20га жакын мал уурдалган болчу 1 ай мурда. Уурулар табыла элек. Милициялар ишти катыра албай жатат.
06.07.2015. 19:41 
Тайпасы:
Жаран
Комментарийлердин саны:
120
Катталган:
10-04-2015
Соӊку аракети:
02-09-2018 01:01
Жынысы:
Белгисиз
0
uragan007,Озбекстанга кирип синип кетти малдарынар. Биз чек араны качан бышыктайбыз билбейм.
06.07.2015. 19:06 
Тайпасы:
Жаран
Комментарийлердин саны:
1120
Катталган:
05-05-2013
Соӊку аракети:
21-09-2018 12:12
Жынысы:
Белгисиз
Калаасы:
Москва
0
Ууру тойгончо жеп, өлгөнчө карганат деген туура. Ошолор эле уурдаса керек .
06.07.2015. 19:39 
Тайпасы:
Жаран
Комментарийлердин саны:
120
Катталган:
10-04-2015
Соӊку аракети:
02-09-2018 01:01
Жынысы:
Белгисиз
0
Озбекстанга чектеш айылдардагы мал койлор бут Озбекстанга кирип синип кетет.Таабылбайт.Себеби озбек милициялары биздикилер менен иштешпейт.Кыскасы тоготпойт.Озубузго ишенип эл катуу бололу
06.07.2015. 20:33 
Тайпасы:
Жаран
Комментарийлердин саны:
209
Катталган:
20-10-2013
Соӊку аракети:
12-09-2018 15:33
Жынысы:
Белгисиз
Калаасы:
Ош
0
бизде чек ара болсо бышыктайбызбы... тообо кылдым
07.07.2015. 06:47 
Тайпасы:
Кыймылы жок
Комментарийлердин саны:
33
Катталган:
15-04-2015
Соӊку аракети:
18-10-2015 06:33
Жынысы:
Белгисиз
-2
Милициялар жалган жалаа менен бул кишилерди кармаган.кичине баланыда алдап сени антебиз минтебиз деп тушунук кат жаздырып алышканыда туура.уруп сабап моюнуна алдырышкан! эмне себеп менен антишип атат,бул жерде милициялардын да катышуусу бардай,чындык чыгат буйруса деген умуттобуз
12.07.2015. 06:04 
Тайпасы:
Жаран
Комментарийлердин саны:
173
Катталган:
27-12-2014
Соӊку аракети:
21-09-2018 11:50
Жынысы:
Белгисиз
Калаасы:
Москва
0
Кимисине ишеништи да билбей калдым
19.07.2015. 22:34 
Тайпасы:
Жаран
Комментарийлердин саны:
62
Катталган:
25-06-2014
Соӊку аракети:
15-08-2018 22:06
Жынысы:
Белгисиз
0
Ууру тойгончо жеп, олгончо карганат!
21.07.2015. 04:19 
Тайпасы:
Жаран
Комментарийлердин саны:
13
Катталган:
20-05-2014
Соӊку аракети:
23-08-2018 06:05
Жынысы:
Белгисиз
0
Милция кызматкерлерине такыр ишену болбойт. Козу м.н корбой,кантип ууру атыка чыгарат.кыйного алганда бардык киши кылбаган иштерди мойнуна алатда анкени жан ен ширин емеспи.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: