Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЖО КЫРГЫЗСТАНДЫК КӨРҮНҮКТҮҮ ИШМЕРЛЕРДИ СЫЙЛАДЫ

№374 1-7-январь, 2010-ж.


28-декабрда мамлекет башчысы Курманбек Бакиев Кыргызстандын көрүнүктүү коомдук-саясий ишмерлерине мамлекеттик сыйлыктарды тапшырды.

Кыргызстанга өзгөчө эмгеги сиңген Кыргыз орус-славян университетинин медициналык факультетинин госпиталдык хирургия кафедрасынын башчысы Хаки Бебезов III даражадагы “Манас” орденине татыктуу болду. Жогорку Кеңештин төрагасы Зайнидин Курманов “Даңк” медалы менен сыйланды. Каржы министри Марат Султанов Кыргыз Республикасынын Эмгек сиңирген экономисти, А.Малдыбаев атындагы Опера жана Балет театрынын ырчысы Кайымбек Кусаков Кыргыз Республикасынын Эмгек сиңирген артисти, Бишкек экономикалык эркин аймагынын башкы директорунун биринчи орун басары Бахтияр Салиев КРнын жергиликтүү өз алдынча башкаруусуна эмгек сиңирген кызматкер наамын алды. Ысык-Көл районунун Кара-Ой айылдык округунун башчысы Жаныбек Осмонканов Кыргыз Республикасынын Ардак грамотасы менен сыйланды. Мамлекет башчысы сыйлыкка татыктуу болгондорду куттуктап, мындан аркы эмгек ишмердигинде ийгиликтерди каалады.


Казак ИИМи: "Г.ПАВЛЮКТУН ӨЛҮМҮНӨ
КЫРГЫЗ ЖАРАНДАРЫНЫН ТИЕШЕСИ БАР"

28-декабрда Казакстандын Ички иштер министрлигинин басма сөз кызматы журналист Геннадий Павлюктун өлүмүнө байланыштуу маалымат таратты. Анда издөө-иликтөө амалдарынын натыйжасында бул кылмышка бир канча кыргызстандык атуулдун тиешеси бар экени аныкталгандыгы маалымдалды.

Маалыматта журналист Геннадий Павлюктун өлүмү боюнча козголгон кылмыш ишинин алкагында казак милициясы тиешелүү иштерди жүргүзүп жатканы, аны менен бирге топтолгон маалыматтар менен далилдерди кыргыз тараптын тиешелүү кызматтарына берүү маселеси чечилип жатканы айтылат. Кыргызстан Ички иштер министрлигинин маалымат кызматынын башчысы Б.Сейитов аталган материалдарды берүү эки өлкөнүн Башкы прокуратуралары тарабынан ишке ашырыларын, азырынча Кыргызстанга эч кандай материалдар бериле электигин билдирди.
Белгилүү болгондой, журналист Геннадий Павлюк 16-декабрда Алматынын Фурманов көчөсүндөгү көп кабаттуу үйлөрдүн кире беришинде оор абалда ооруканага жеткирилип, эсине келбеген калыбында 22-декабрда кайтыш болгон эле.


ИСМАИЛ ИСАКОВДУН СОТУ
11-ЯНВАРГА ЖЫЛДЫРЫЛДЫ

Мурдагы Коргоо министри, генерал-лейтенант Исмаил Исаковго байланыштуу Бишкек гарнизондук аскердик сот отуруму 11-январга жылдырылды.

25-декабрдагы сот отурумунда сот өкүмү угузулмак. Сот отурумунун кайрадан артка жылдырылышына айыпталуучу Исмаил Исаковдун ооруп келбей калганы себеп болду. 30-ноябрдагы сот отурумунда мамлекеттик айыптоочу Исмаил Исаковду сегиз жылга эркинен ажыратып, аскердик чининен ажыратып, үй-мүлкүн мамлекетке өткөрүүнү сураган. Ал «кызматынан кыянаттык менен пайдаланган» делип айыпталып жатат.
P.S. Өткөн сандагы маалыматтагы Исмаил Исаковдун чинин генерал-майор эмес, генерал-лейтенант деп тактайбыз.


“БОИНГ-737” УЧАГЫНЫН УЧКУЧТАРЫ СОТТОЛДУ

2008-жылдын 24-августунда Бишкек шаарына жакын Жаңы-Жер айылында кырсыкка учураган “Боинг-737” учагынын учкучтары боюнча сот чечими чыкты.

Сот иши бир жарым жылга созулуп, 28-декабрда учкучтарга өкүм чыкты. Башкы учкуч Ю.Гончаров жана экинчи учкуч Т.Водолагин 5 жылга эркинен ажыратылышты. Ал эми 19 атуулдун “Итек эйр” жана “Асман эйр” авиакомпанияларынан материалдык чыгым өндүрүү боюнча берилген доо арызы кийинки сот отурумунда каралмакчы.
Эскерте кетсек, 2008-жылдын 24-августунда Бишкек–Тегеран каттамында абага көтө­рүлгөн учактын кырсыкка учураганынан улам 65 адам каза болуп, учактын экипажы аман калган.


БАЛЫКЧЫ СОТУ ТӨРТ КИШИНИ ЭРКИНЕН АЖЫРАТТЫ

25-декабрдагы сот отурумунда президенттик шайлоо учурундагы Балыкчы окуясы боюнча 4 киши эркинен ажыратылып, калган 14 киши шарттуу түрдө экиден үч жылга чейин эркинен ажыратылды.

КСДП­нын төрагасы Алмазбек Атам­баевдин президенттик шайлоо кезиндеги Балыкчыдагы ишенимдүү өкүлдөрү Гүлнара Жамгырчиева, Белек Касымов, партиянын Балыкчы боюнча координатору Мирлан Бообеков жана ЖКдагы КСДП фракциясынын депутаты Мирбек Асанакуновдун иниси Бакыт Асанакунов төрт жылга эркинен ажыратылышты. Сот отурумуна катышкан “Социал-демократтар” партиясынын лидери Алмазбек Атамбаев “бул маселенин аягына чыгып, камакка алынгандарды азаттыкка чыгарам” деп убада кылды. Соттун чечими 10 күндөн кийин күчүнө кирет.


ОРУСИЯДА 15 КЫРГЫЗСТАНДЫК
БАЛА КУЛЧУЛУКТАН БОШОТУЛДУ

Москва облусуна караштуу Ногинск районунда жайгашкан өнөр жай ишканаларынын аймагынан 15 жашы жете элек кыргызстандык өспүрүмдөр кулчулуктан бошотулду.

Бул туурасында Кыргызстандын Орусиядагы элчиси Раимкул Аттокуров маалымат берди. Анын айтымында, кыргыз элчилигинин кайрылуусунан улам Ногинск райондук милициясы бошоткон балдардын 11и – эркек бала, төртөөсү – кыздар. Мындан тышкары, 18 жашка толгон 8 жаран да бар. Балдар мыйзамсыз иш жүргүзгөн тигүү цехинде эмгектенишкен. Бардык документтерин алдырган бул балдар 24 саат бою көзөмөл астында болуп, казарма өңдүү, бирок жашоого шарты жок жайда жашашкан. Ошондой эле балдарды түнкүсүн да иштөөгө мажбурлашкан. Эгер план аткарылбай калса, жазалашкан. 11 жашар баланын денесинен оор соккудан алган көгөргөн жана жанчылуудан калган тактар табылган.


АЖЫЛЫК САПАРГА БАРГАНДАРДАН ЖЕТӨӨ ЭМЕС, ЭКӨӨ КАЙТЫШ БОЛДУ

Быйыл Меккеге 4782 адам ажыга барып, алардын экөө кайтыш болду. Ажылардын акыркы тобу 20-декабрда өлкөгө кайтып келишти.

Зыярат убагында Жалал-Абаддан 1 эркек, ал эми Ош шаарынан 1 аял каза болушкан. Экөө тең эч кандай кырсыктарга тиешеси жок эле, ден соолугунун начардыгынан көз жумушкан. Муфтияттын маалыматына караганда, көз жумган ажылардын сөөгү Меккеде жерге берилди. Ал эми буюмдары жакындарына жеткирилип берилген.
Тактоо: Гезитибиздин өткөн санында техникалык себептерге байланыштуу Меккеде каза тапкандардын саны экөө эмес, жетөө болуп кеткен. Андыктан 7 санын 2 деп тактайбыз.


ЭЛЕКТР ЭНЕРГИЯСЫ КЫМБАТТАДЫ.
АЗЫК-ТҮЛҮКЧҮ?

Кыргызстанда электр энергиясынын тарифтик баасынын кымбатташы азык-түлүк товарларынын баасынын кескин кымбатташына негиз болбойт.

Бул туурасында өкмөткө караштуу Антимонополиялык жөнгө салуу мамлекеттик агенттигинин директору Надырбек Турганбаев маалымат берди. Анын айтымында, Кыргызстандын азык-түлүктөрү чет жактан ташылып келинет. Ошондуктан электр энергиясынын кымбаттаганына шылтоолоп алардын бааларынын өсүшү мүмкүн эмес.
«Электр энергиясынын баасы канчалык өспөсүн, азык-түлүктүн бааларында ал аз гана сумманы камтыйт. Учурда биринчи сорттогу 1 килограмм ундун өздүк наркы 12 сом 56 тыйын болсо, унду өндүрүүдө электр энергиясынын чыгымы 1,2 пайызды же 15 тыйынды түзөт. Тарифтер жогорулагандан кийин электр энергиясынын үлүшү 6 тыйынга гана жогорулайт»,- дейт Надырбек Турганбаев.


Саясий божомол

2010-ЖЫЛ КАНДАЙ БОЛОТ?

“Келерки жылы президент, парламент, өкмөт, оппозициянын аракеттери, элдин жашоо абалы кандай болот деген ойдосуз?” деп саясатчыларга кайрылдык.

Марс САРИЕВ, саясат таануучу:
– 2010-жылдын апрель-май айларында тарифтердин жогорулашына нааразы болуп эл толкушу мүмкүн. Кымбаттоо буга чейин сөз жүзүндө гана айтылып, аны эл жон териси менен сезе элек. Жылдын биринчи айынан баштап элдин нааразычылыгы күчөйт. Бирок бийлик элди толкутпоонун бир жолун табат деп ойлойм. Келерки жылы парламент тарашы мүмкүн. Министрликтерден, агенттиктердин директорлорунан да 3-4 жетекчи алмашышы ыктымал.
Президент уулун өлкөнүн каржы тармагын көзөмөлдөй турган кызматка алып келди. Мунун артында көп нерсе жатат. Максим Бакиев атасынын, элдин ишеничин актап, Кыргызстанга пайдалуу инвесторлорду тартып, элге жардам катары арзан пайыздагы кредиттерди берүү менен эл оозуна алынса жакшы. Андай иштерди жасай албай элди иренжитип алса, анда башка сөз.

Өмүрбек ТЕКЕБАЕВ, “Ата мекен” партиясынын лидери:
– Өзүңүздөр жакшы билесиздер, учурдагы тарифтердин кымбатташы элдин нааразычылыгын жаратты. 2010-жылы бул нааразычылык күчөбөйт деп эч ким кепил боло албайт. Себеп дегенде кымбаттаган төлөмдөрдү төлөөгө элдин чама-чаркы жете бербейт. Айлык-пенсияга кошкон анча-мынча акча менен элди алдоого болбойт. Мына Жаңы жылга чейин Түндүк электр тармагы сатылганы турат. Буга чейин эки жолу тендер жарыяланып сатылбай калган. Бул жолкусунда аукцион болбой, үстүртөн арзан бааланып сатылып кетет деп ойлойм. Келерки жылы башка электр тармактарыбыздын да аябагандай арзан баада сатылганына күбө болосуздар. Аны өзүбүздүн эле коррупциячы чиновниктерибиз сатып алышы мүмкүн. Алар сатып алгандан кийин каалаган баасын коюп, элди туңгуюкка такашы турган иш.
“Жаңырган жылда парламент тарашы мүмкүн” деген пикирге кошулбайм. Алдын ала божомолдоп айтыш кыйын. Бирок президенттин кызматтан алып, кызматка койгон реформасы мындан ары да жүрүшү ыктымал. Ажобуз уулу Максим Бакиевди мураскер катары элге таанытууга аракет кылып жатат. Аны эл кандай кабыл алат, мезгил көрсөтөт.

Айбек Кочкоров, Амантур Султанкулов
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: