Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЫЛДЫЗДАР КАЙДА, КАНТИП ЭС АЛЫШУУДА...

№662 10-июль-16-июль, 2015-ж


Жыл бою иштеп короткон энергиябызды жайында эмгек өргүүсүнө чыгып калыбына келтирет эмеспизби. Быйылкы жылдын эсебинен белгилүү жылдыздарыбыз Бишкектин ысыгынан качып кайда эс алат, сурап көрөлү...

Айчүрөк Иманалиева: «КӨЛДӨ УНААБЫЗДЫН АЧКЫЧЫН ЖОГОТУП...»
– Азырынча шаарда эс алып жатабыз. Жакында эле жоро-жолдошторубуз менен жаратылыш коюнуна барып эс алып кайттык. Мен негизи талбай эмгектенип, ошол эмгектин артынан ийгилик жаратканда ушундай бир эс алам. Албетте, айылда эс алган жагат, бирок айылга барбаганыма 5 жылдай болуп калды. Акыркы жолу апамдын ашын бергенде барган болчумун. Ата-эненин көзү өткөндөн кийин чыккан кыз чийден сырткары кала берет тура.
Буюрса, эл катары үй-бүлөм менен көлгө барабыз. Көл демекчи, бир окуя эсиме түшүп кетти. Былтыр да бала-чакам менен көлгө барганбыз. 3 күн жыргап эс алып, төртүнчү күнү машинебиздин ачкычын жоготуп алдык. Көбүнчө эл буюмдарын көлгө чөктүрүп ийет го. Кашайып биз кумдан жоготуп жибергенбиз. Көлдүн жээгиндеги кумду эки күн тыттык, ачкычты таба албадык. Үйдөн кошумча ачкычты алдырып, машинени ачканбыз. Буюрса, август айында үй-бүлөм менен Прагага барып эс алууну пландап жатабыз. Конкурстарга барып жүрүп көптөгөн досторду таптым. Ошолор бир жумага эс алып кеткиле деп чакырды.

Съездбек Искеналиев: «СУУДАН КОРКСОМ ДА КӨЛГӨ БАРГЫМ КЕЛЕ БЕРЕТ»
– Учурда орозо кармап жатам, ага байланыштуу жумушту жыйыштырып коюп үйдө эс алуудамын. Рамазан айы бүтсө эле эс алууну баштайбыз. Келинчегим экөөбүздүн туулган күндөрүбүз бир күндө 2-августта. Жылда досторубуз менен көлдө өздүк майрамыбызды майрамдоо салт болуп калган. 7 жылдан бери уланып келе жаткан бул жөрөлгөнү быйыл да бузбай көлгө камынып жатабыз. Балдарым «качан барабыз?» деп күн санап уктабай калышты. Кызым «эмнеге 2-августта төрөлөсүңөр, андан эртерээк төрөлбөйт белеңер, көлгө бармакпыз» деп кулактын кужурун алып жаткан учур. Өзүм сууда сүзө албайм, бирок сыр бербей сүзүмүш болуп жүрө берем. Бир жолу сүзө албаганымды билдирбейин деп жатып, алысыраак кетип калган экенмин, чөгүп кете жаздап араң калгам. Ошондон кийин суу менин фобияма айланды. Андыктан балдарымды сууга түшүргөн, ойноткон киши болуп жээкте эле жүрө берем. Көлдөн келгенден кийин дос балдарымды туулган жериме Кочкорго алып барып, кооз жерлерин көрсөтүп келейин деп жатам.

Назира Токонова: «ЧЕТ ӨЛКӨГӨ ЧЫККАНДАН КӨРӨ АЙЫЛГА БАРГАНЫМ ЖАКШЫ»
– Мага чет мамлекеттерге караганда жайлоодо, көлдө эс алган алда канча пайдалуудай туюлат. Анткени башка өлкөлөргө барганда жол жүрүп чарчайсың, аба ырайына көнгүчө да кыйналасың, айтор, бир топ ыңгайсыздык жаралат. Ошондуктан мен үчүн алгач көлгө барып эс алып, андан соң телефонду өчүрүп, бир айга жайлоого кетип калсам, жыл бою топтолгон стресс, депрессиядан арылууга жакшы шарт түзүлөт. Быйыл да керемет Ысык-Көлүбүзгө барып келдим. Ал жакта баарын унутуп сууда сүзүп жыргайм, керек болсо ырчы экенимди да унутуп коём. Ошентип көңүлдүү жүрсөм тийишип, артымдан ээрчип алып, сууга кенен түшүрбөй тоскоолдук жараткан күйөрмандар да болот экен. Тартынасың, уяласың дегендей.
Былтыр көлдөн келгенден кийин бир айга Суусамырга таежемдикине, жайлоого чыгып кеттим. Ал жакта эч ким жолтоо болбойт, эстен кеткис эс алам деп баргам. Ошол учурда жеңемдин апасы каза болуп, баары айылга түшүп кетишти. Анан мен жалгыз алардын малын карап, уюн, бээсин саап, эс албай эле мал менен алек болуп калдым. Жыйынтыгында жайлоодон чарчап, бетим туурулуп, колум кесилип жүдөп, тоолук кызга айланып келгем. Буюрса, бул жайда да жайлоого барып эс алып келем. А туурулган бетим менен кесилген колумду шаарга келгенде бет май, кол майлар менен жайына келтирип алам.

Гүлжигит Калыков: «БЫЙЫЛ ЭС АЛУУНУН ЖЫЛЫ БОЛДУ»
– Быйылкы жылдын эсебинен жетишерлик эле эс алдым окшойт. Өзүңүздөр билгендей, Кыргызстандын Малайзиядагы элчилигинин чакыруусу менен Малайзияга барып келдим. Чын айтсам, ал жакта иштегенге караганда эс алуу көбүрөөк болду. Аралдарды аралап, түрдүү жаныбарларды көрүп, ойдогудай эс алдык. Ал жактан келген соң ата-энем, досторум менен Нарындын жайлоосуна чыгып кеттик. Жайлоодо саамал ичип, май-каймак жеп, ден соолукту бир топ чыңдап алдык. Тоодо ат минип мөңгүлөргө чейин бардык. Мөңгүгө жетерде атым чарчап калгандыктан аны байлап коюп, досума учкашып алып чыгып кеткен элем. Түшүп келгенде байлап койгон атым жок, таппай убара болбодукпу. Экөөбүз атты издеп көл-шал болуп чарчадык. Жайлоого түшсөк атыбыз жүрөт, көрсө, жибин үзүп качып кетиптир. Анан аны кармап ээсине тапшырдык. Жайлоодон келип, көлгө барып эс алганга да жетиштим.

 

 

 

Гүлнур Асанова: «ЖАРАТЫЛЫШКА ЭРКЕЛЕП ЫЙЛАП АЛАМ...»
– Мен эс алууну майда эле баштагам. Тактап айтканда, жумуш менен эс алууну айкалыштырып, Германияга фестивалга барып катышып келдим. Ал жакта немистердин консерваториясында окуу программалары менен таанышып, таптаза көчөлөрүнө, кооз имараттарына суктанып кайттым. Буюрса, менин да өлкөм гүлдөйт, тазарат, ал үчүн алгач өзүбүз тазарышыбыз керек деп тилек кылдым. Андан кийин кичинемден барам деп кыялданган Индияга сапар тарттым. Ал жакта кыргыздын маданиятын, салттуу музыкасын көрсөтүп келдим. Буюрса, комузум менен добушум мага далай жерлерди көргөзөт окшойт. Ошентип Таж-Махалдан сүрөткө түшсөм деген кыялым орундалды.
Өзүм кыргыз жаратылышын сүйөм. Эх... Жаратылыш коюнунда жыргап эркелей алам, керек болсо ыйлап да алам... Жаратылыш эч кимге сырымды ачпайт, ошондуктан ага ишенем. Бир жума мурун эле кесиптештерим менен жаратылыш кучагында жыргап эс алып келдик. Жакында автокырсыкка кабылгандыктан жумуштун баарын унутуп, ар бир күнүмдү эс алууга арнап жатам. Эч болбосо үйдө эжемдин баласы менен ойноп, уктап дегендей. Кыскасы, бир айдан бери жандуу үн менен ырдабай, жалаң уйкунун планын толтуруудамын.

Замира Рахманбердиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(12)
13.07.2015. 12:41 
Тайпасы:
Жаран
Комментарийлердин саны:
136
Катталган:
27-01-2013
Соӊку аракети:
16-11-2018 11:01
Жынысы:
Белгисиз
Калаасы:
Токтогул
+1
Молодцы жакшылап эсалгыла
14.07.2015. 00:59 
Тайпасы:
Жаран
Комментарийлердин саны:
15
Катталган:
27-06-2015
Соӊку аракети:
27-06-2018 19:13
Жынысы:
Белгисиз
Калаасы:
Талас
0
Айчурок эжеке аявай жагат да
14.07.2015. 02:04 
Тайпасы:
Жаран
Комментарийлердин саны:
195
Катталган:
21-10-2013
Соӊку аракети:
20-06-2017 01:54
Жынысы:
Белгисиз
0
Айчурок Иманалиева эжени аябай сыйлайм,урматтайм.Баардык жагынан жагат эже.Жашара тушуптур эже мурункудан да сулуу болуп
14.07.2015. 09:28 
Тайпасы:
Жаран
Комментарийлердин саны:
219
Катталган:
01-11-2013
Соӊку аракети:
29-04-2017 09:59
Жынысы:
Белгисиз
0
Айчурок эжени аябай сыйлайм. Кыргыздын жаш таланттарыны дайым, колдоо корсотуп, эл аралык сынактарга чыгарганы жагат. Ишинизге ийгилик.
14.07.2015. 10:02 
Тайпасы:
Кыймылы жок
Комментарийлердин саны:
132
Катталган:
01-07-2015
Соӊку аракети:
02-09-2015 16:37
Жынысы:
Белгисиз
0
Гулнур кандайсывн кабарын жокта, тел чалып кой
14.07.2015. 12:39 
Тайпасы:
Кыймылы жок
Комментарийлердин саны:
22
Катталган:
09-07-2015
Соӊку аракети:
19-09-2015 21:18
Жынысы:
Белгисиз
+1
Назира туура айтасын.жайлоого чыгып кымыз ичип сары май куруттан жеп эс алганга эмне жетсин. мен да аябай сагындым .
15.07.2015. 11:51 
Тайпасы:
Жаран
Комментарийлердин саны:
187
Катталган:
10-04-2015
Соӊку аракети:
24-10-2018 11:18
Жынысы:
Белгисиз
0
Нурматтан интервью алгылачы
15.07.2015. 11:52 
Тайпасы:
Жаран
Комментарийлердин саны:
187
Катталган:
10-04-2015
Соӊку аракети:
24-10-2018 11:18
Жынысы:
Белгисиз
0
Нурматтан интервью алгылачы
15.07.2015. 15:03 
Тайпасы:
Жаран
Комментарийлердин саны:
300
Катталган:
07-08-2014
Соӊку аракети:
10-05-2018 22:54
Жынысы:
Белгисиз
Калаасы:
Ай
+1
Гулжигит крассссавчик
16.07.2015. 21:23 
Тайпасы:
Кыймылы жок
Комментарийлердин саны:
11
Катталган:
11-06-2014
Соӊку аракети:
24-10-2016 21:15
Жынысы:
Белгисиз
0
Айчурок Иманалиева класс !!!
17.07.2015. 18:29 
Тайпасы:
Кыймылы жок
Комментарийлердин саны:
35
Катталган:
23-01-2015
Соӊку аракети:
12-10-2015 18:35
Жынысы:
Белгисиз
+1
Мен Германияда жашаганыма 10 жылдай болсо да туулган жеримди сагынып, кымыз, жайлоо, раматылык чон атам коздон учат:(((((((. Барган сайын курут менен кымызга тойуп келем.
18.07.2015. 16:37 
Тайпасы:
Кыймылы жок
Комментарийлердин саны:
1
Катталган:
12-07-2015
Соӊку аракети:
05-09-2015 00:51
Жынысы:
Белгисиз
0
Съездбек байке Суудан корсонуз ))) дагы, Көлгө барып эс алыныз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: