Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СЕЛСАЯКТАР ДЕЛЕ ЖАҢЫ ЖЫЛ ТОСУШАТ

№374 1-7-январь, 2010-ж.


Мезгил үнү

Жаңы жыл – үй-бүлөлүк майрам. Баары Жаңы жылды жылуу тосууга камынып жатышат. Мындайда шаардагы таштанды терип жүргөн селсаяктар бул майрам менен таптакыр иши жоктой туюлат. “Чын эле ошондойбу? Дегеле селсаяктар үчүн майрам барбы? Болсо алар Жаңы жылды кантип тосушат?” деген суроолорго жооп издеп көрдүк.

“АДВОКАТ УУЛУМ АЛЫП КЕТСЕ ДЕП ТИЛЕЙМ”
Алгач “Ош базары” тарапты көздөй сапар тарттык. Эмнегедир аялдамаларда, көп кабаттуу үйлөрдүн алдында суукта тоңуп, үч бүктөлө бүрүшүп уктап жаткан селсаяктар көрүнбөйт. Көрсө, аларга мамлекет тарабынан баш паанек берилиптир. Чүй-Фучик көчөлөрүнүн кесилишиндеги гүл дүкөндүн жанында бүжүрөп акча сурап отурган атаны (башкы сүрөттө) көрүп токтодук. Көздөрүнөн мончоктоп жаш куюла селсаякка айланган Пусурманкул ата тагдырын айтып берди.
– Кыздарым, мындан эки жыл мурун мен бирөөлөргө кайыр-садага берчү элем. Эми минтип көчөдө сандалып бирөөдөн кайыр сурап селсаяк аталдым. Өзгөндүн Куршабынан болом. Ата-энем ким экенин билбей, тоголок жетим болуп өстүм. Интернатта жакшы окугандыктан, директорубуз “окуу жайга тапшыр, мен жардам берем” деп колдогонунан Куршабдагы СПТУга тапшырып, аны ийгиликтүү аяктагам. Биринчи аялымдан уулум бар. Учурда Ошто адвокат болуп иштейт. 1989-жылы туулган кызым бар. Угушумча, Омскиде иштеп жүрөт экен. Апасы кара-кулжалык болчу, турмуш экен, ажырашып кеткенбиз. Экинчи аялым эки балам менен 2007-жылы автокырсыктан каза болуп калышты. Аларды жерге берүүгө акча керек болуп, үйүмдү саттым. Бир жолу саткан үйүмдөн калган 17 миң сомум менен кетип баратсам, акчамды милиция кызматкерибиз деген балдар токмоктоп тоноп кетишти.
Өлгөндүн үстүнө көмгөн болуп күйүттөн ичип кеттим. Ичкилик мени ушул акыбалга алып келди... Ал эми менден башка селсаяктардын тагдырын Фучик багындагы үйүбүзгө барсаңар билесиңер.

БАШ ПААНЕКТЕРИ ФУЧИК СЕЙИЛ БАГЫНДА
Пусурманкул атанын айтканы боюнча селсаяктар түнөгөн жерди издеп жөнөдүк. Күүгүм кирип калган эле. Үлбүрөп араң жарык күйүп турган эски тамдын жанына барып эшигин кактык. Эшикти ачкан орус улутундагы киши өзүн Александр деп тааныштырып, бир чоң бөлмөгө бизди баштап кирди. Эми жагымсыз жытына киши дем алып болбойт. Кирдеген төшөк-жууркандарга оронуп жатканы да бар, тамекисин түтөтө үйлөп отурганы да бар.

“СУУК ТҮШКӨНҮ 6 СЕЛСАЯК КАЗА БОЛДУ”
– Бул жерде эки жылдан бери иштейм. Көпчүлүк “мындай жерде иштесең, чоң суммада айлык алсаң керек” деп сурашат. Буга ооба деп жооп берип коём. Чындыгында, андай эмес. Бир тыйын албайм. Анткени бир кезде кетирген катачылыгымды жууп иштеп жатам. Апам каза болуп, атам ичкиликке берилип, селсаяк болуп кеткенде атамды карабай койгом. Кийинчерээк эсиме келгенде аны издеп сураштырсам, суукка тоңуп каза болуптур. Ошондуктан күнөөмдү жууганга аракет кылып жүрөм.
Учурда бул жерде туруктуу жашоочулардын саны 25тен ашык. Аларга күнүнө эки маал тамак берилет. Алардан тышкары күнүгө саат 16:00дө 40тан ашык селсаяктар келип тамактанып кетишет. Бул жердегилердин баары кадимки эле адамдар. Арасында түрдүү тагдырга туш болуп, күйүткө чыдабай ичкиликке берилип өзүн токтото албай калгандар да кездешет. Кечээ жакында эле бир тургунубуздан айрылдык. Аты – Улан, 31 жашта эле. Суук түшкөндөн бери 6 селсаяк көз жумду. Ал эми ызгардуу кыш алдыда. Эми кыш оор болбосо экен деп тилеп жатабыз.
Жаңы жыл босогодо турат. Селсаяктар да катардагы адамдардай Жаңы жылды тосууну пландап, акча табуунун аракетинде жүрүшөт. Алардын кээ бирлери базарга барып акча табышса, кээ бирлери таштандыдан желим бөтөлкө чогултуп өткөрүп тыйын табышат. Биз да быйыл балаты кооздоп, шампан аттырып майрам кылалы дедик. А өздөрү болсо 50 сомдон топтошуп, дасторкон жасайбыз деп жатышат.
Ошентип, Александр өзүнүн баянын айтты.

“БАШЫМ АРАКТАН ЧЫКПАЙ КАЛДЫ”
Бирибиз ал жердеги жашоону сүрөткө тартып, экинчибиз алардын тагдырын сурап баштадык. Кур барбай ал жерге аздыр-көптүр тамак-аш да ала барган элек. Бир маалда жеңимден бирөө тартат. Карасам, көзү-башы жарылган жаш келин. “Сиңдим, тиги нандан берип койчу” дейт. Өзүн Индира деп тааныштырган келиндин колунда алтын шакектер тизилген. Ал күйөөсү каза болуп, үч баласын бага албай Бишкекке келиптир. Соода-сатыкта иштеп жүрүп банкрот болуп, ичип кеткенин айтып буларды кошумчалады. “Бул жерге кандай келип калганымды билбейм, эртең менен ойгонсом эле аракечтердин арасында жатыптырмын. Ошол болду, эки айдан бери башым арактан чыкпай, өзүм ушул жерде күн кечирүүдөмүн. Балдарым апамда калган эле сагындым, алар менин көчөдө калганымды билишпейт. Жаңы жылды алар менен тоссом деп тилеп, эртең кеткенге камынып жатам. Сүрөткө тартпай эле койгулачы. Апамдын жүрөгү оорулуу”,- деп көз жашын төктү.

Мына окурман, “башымда жамак калпагым, бутумда жыртык байпагым, чөксө да менин кабагым, каткан нан менин тамагым” деген экен бир селсаяк. Кандай жардам берерибизди билбей, Жаңы жылы менен куттуктап, кайтып кете бердик.

Бурул Исмаилова, Бактыгүл Сокушова
koom@super.kg


«Супердин» сурак бурчу

ЖАҢЫ ЖЫЛДЫ ИЧИМДИКСИЗ ТОССО БОЛОБУ?

Жылдыз,
30 жашта, тигүүчү:
– Жаңы жыл майрамын гана эмес, бардык майрамдарды деле ичимдиксиз тоссо болот. Мисалы, кээ бирлери ичимдиксиз эле шатыра-шатман той берип, майрам тосушат. Ичимдиктин ден соолукка, коомго терс таасири көп. Ага карабай ичимдиктердин жарнагы толтура. Өкмөт ушуну эске алып, чара көрсө.

Анарбай,
18 жашта, студент:
– Мен деги эле ичкилик дегенди жаман көрөм. Ичкиликтин айынан кээ бирөөлөр көчөдө калса, дагы бирөөлөрү кылмышка барып жатышат. Алардын арасында майрамдарда уурттап-татып жүрүп, акырында ичкиликке берилип кеткендер бар. Менин оюма койсо, ичкиликке таптакыр эле чектөө коймокмун.

Лилия,
36 жашта, мугалим:
Негизи, ичкиликсиз деле тоссо болот. Бул ар бир адамдын өз эрки. Бирок майрамдарды ичимдиксиз элестетүү кыйын. Мен бул жылы жаңы жылдык дасторконго ичимдик койбойм деп чечтим. Себеби жолборс жылын ичимдиксиз тоссо, кирешелүү болорун жылдыз төлгөдөн окугам.

Абдужалил,
39 жашта, мугалим:
– Майрамдык маанайды ичимдиксиз деле көтөрсө болот. Сөзсүз эле шампан аттырыш шарт эмес да. Кыргыздын бозо, кымыз, шоро, чалап деген сонун улуттук суусундуктары бар. Мына булар менен деле тост айтып, өзүбүздү тарбиялаганга эмнеге болбосун?! Ичкен күндүн эртеси башты оорутпай, ден соолукка да пайдалуу болмок.

Зафура,
45 жашта, үй кожойкеси:
– “Көнгөн адат калабы, уйга жүгөн салабы?” деген сөз бекеринен чыккан эмес. Анткени ичимдиксиз Жаңы жыл тосуу мүмкүн эместей. Бул каныбызга сиңип калган нерсе. Башкалары коюлбаса да дасторконго сөзсүз шампан коюлат. Учурда ичкиликке берилгендердин саны көп болгондуктан, ичкиликти сатуу жаатында чектөө киргизилсе.

Кубат,
20 жашта, дизайнер:
– Жаңы жылды ким менен тоссоң ошого байланыштуу болот. Мисалы, мен эгер досторум менен тоссом, ичимдик сөзсүз ичилет. Канча ичпейм десең деле азгырылып кетесиң. Ал эми ата-энеңдин жанында болсоң, албетте, ичимдиксиз тососуң да. Бирок ичимдиктин пайдасынан зыяны көп.

Зарина,
24 жашта, юрист:
– Албетте, тоссо болот. Бирок бизде ичкиликсиз майрам, той-аштар өтпөйт эмеспи. Өзгөчө Жаңы жыл майрамы. Менимче, ичкиликти чеги менен ичсе, көп деле зыян болбосо керек. Бирок элдин арасында ичкилик ичкендер көбөйүүдө. Бул жагы баарыбызды ойлондура турган маселе.

Бахияна Сатылганова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
08.01.2010. 19:12 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
Bizdin kanybyzda bar nerse dep,Taryhta ka4an KIRGIZ arakty uwintip mayram sayin,kun sayin i4ip jatti.Aty o4kur orustar kelgenden bawtaldy go.i4kiliktin takyr paydasy jok.1)kunoo,2)den-soolukka ziyan,3)ak4an kop bolup,awik4alik kilip jatsa,ko4odo kayir suragandarga berip koyson soop ta bolot
09.01.2010. 04:57 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Robingud : Tuura aitasyn, bizge Orusdar uirotup ketken. Ichkenderdin biroosuno paidaluu boldu degenin degele uga elekmin, ichimdik siz ele jashasa kyrgyz elim! Iman bersin Inshallah!
11.01.2010. 04:03 
Тайпасы:
Кыймылы жок
Комментарийлердин саны:
22
Катталган:
05-12-2009
Соӊку аракети:
27-08-2012 18:54
Жынысы:
Белгисиз
Калаасы:
KG
0
Robingud:..ak4asyn ko4odogu kayir suragandarga berse,alar sossuz arak alyp i4et da....ehhhh
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: