Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗ СПОРТУ 2009-ЖЫЛДА

№375 8-14-январь, 2010-ж.


Былтыр 2008-жылды эгемен Кыргызстандын тарыхында эң жемиштүү жылдардан болду деп тапкан элек. Быйыл да салтты бузбай, 2009-жылкы кыргыз спортуна көз чаптырып, маанилүү окуяларын эске түшүрдүк. Өткөн жылы жарк эткен жеңиштер болбосо да, сыймыктануу менен айта турган ийгиликтер көп эле болду.

ФУТБОЛ
Кепти футболдон баштагандыгыбыз бекеринен эмес, албетте. Бул оюн өлкөбүздө №1-болсо да, 2008-жылы балбандарыбыз Канат Бегалиев менен Руслан Түмөнбаевдин Бээжин Олимпиадасындагы ийгилигинен кийин көмүскөдө калып кеткен эле. Анын үстүнө, ошол жылы улуттук курама командабыз Чакырык кубогуна ийгиликсиз катышып, “Дордой-Динамо” АФКнын президентинин кубогун Бишкекте тарттырып жиберген болчу.
Кубандырганы, 2009-жылы кыргыз футболу командалык да, жекелик да чоң ийгиликке жетишти. Улуттук курама командабыз Чакырык кубогунун финалдык баскычына жолдомо алса (өз тобунда “ЮАР-2010дун” финалдык баскычынын катышуучусу Түндүк Корея менен ойномокчу), “Дордой-Динамонун” 20 жаштагы футболчусу Азамат Байматов латвиялык “Вентспилстин” курамында УЕФАнын Чемпиондорунун жана Европа Лигасында дебют жасады. ФИФАнын рейтингинде Кыргызстан мурункудан 3 орун өйдө көтөрүлүп, жылды 159-орунда жыйынтыктады. Азамат Латвияда ижарада кыргыздын атын Европага таанытып жүрсө, командасы АФКнын президентинин кубогун тажикстандык «Регар-ТадАЗдан» кайтарып ала алган жок.
КРнын улуттук 18-чемпиондугунда 9 команда (“Дордой”, “Абдыш-Ата”, “Алай”, “Жаштык-Ак-Алтын”, “Шер”, “Атаспор”, “Камбар-Ата”, “Кант”, “Плаза”) ат салышып, оюндар 2 айлампа боюнча өткөрүлдү. Чемпионду аныктап берген финалдык этапка “Дордой”, “Абдыш-Ата”, “Жаштык” жана “Алай” командалары чыгышты. Ошентсе да бул этап чемпионду аныктай албай, алтын беттеш өткөрүлдү. Анда былтыркыдай эле кайрадан “дордойчулар” канттык атаандаштарын 3:2 эсебинде жеңип, 6-ирет катары менен чемпион аталышты.
КРнын ФФсы­­­­­­­­­нын тандоосу боюнча нарындыктардын ганалык легионери Даниель Тэго “2009-жылдын мыкты фут­бол­чусу” деп табылды. Ий, ­баса, эми быйылтан баштап “Дордой” Нарындын эмес, Бишкектин атынан чыкмакчы болду.

КҮРӨШ
Май айында Таиландда өткөн Азия биринчилигинде эркин күрөшчүлөрдөн Яна Панова (72 килограмм салмакта), Орозбек уулу Нурлан (55) жана Базар Базаргуруев (60) коло медаль тагынышкан. Классиктерден жалгыз Мурат Рамонов (120) гана керекке жарап, 3-орун менен кайткан. Ал эми сентябрда Данияда өткөн Дүйнө биринчилигине эркин жана грек-рим күрөшү боюнча улуттук курама командабыз катышып келишти. Ооба, катышып гана кайтышты.
Ошондой эле жылдын маанилүү окуяларынын катарына Раатбек Санатбаевдин эстелигинин тургузулушун кошсок болот. Атактуу балбаныбыздын эстелиги Бишкектеги Чыгыш-5 кичирайонундагы спорт залынын кире беришине тургузулду.

КИКБОКС
Быйыл акыры бир жылдык тыныгуудан кийин Бишкекте кикбокс боюнча КРнын Президентинин кубогу үчүн эл аралык мелдеш өткөрүлдү. Бул жолу да башкы сыйлык мекенинде калып, ага “Гермес-профинин” өкүлү Кумар Жалиев ээ болду. Ал эми Австрияда өткөн Дүйнө биринчилигинде, тилекке каршы, Кыргызстан 1 медаль менен чектелди. Кикбоксчу Мирбек Сүйүнбаев коло
медалга татыды.

ЭРЕЖЕСИЗ ЭР МУШТАШ
Бул жылы эрежесиз эр мушташтын вале тудо түрүнүн жылы болду десек жаңылышпайбыз. Анткени КРнын Вале тудо федерациясы түзүлүп, президенттигине панкратион боюнча Евразиянын чемпиону Эмил Токтогонов шайланды. Биринчи жолу бардык жаш курактар боюнча Кыргызстандын ачык чемпиондугу өттү. Ошондой эле Бишкекте оор салмактагылар арасында Азия чемпиондугу өттү. Ал эми жеке спортчулардан болсо Оштун “Мухаммед Умар” спорт клубунун тарбиялануучусу Кылычбек Саркарбаев өзгөчөлөнө алды.
Ал Красноярск шаарында өткөн КМШнын ачык чемпиондугун жана Алматыда өткөн ири эл аралык мелдешти жеңип, туубузду бийик көтөрдү.

ООР АТЛЕТИКА
Спорттун бул түрүндө чоң жеңиш деп Бекзат Осмоналиевдин Ташкентте өткөн Азия кубогунда алтын медаль тагынгандыгын айтсак болот. Султан Молдодосов да мекенибизге жаштар арасында Азия биринчилигинде (Дубай) жана Азиянын кубогунда (Ташкент) бирден коло медаль тартуулады.

УЛУТТУК ОЮНДАР
Март айында Ноорузга карата улуттук оюндар боюнча жаңы мамлекеттик программанын негизинде алгачкы иш-чара өткөрүлдү. Тогуз коргоол боюнча мелдештерге 5 облустун өкүлдөрү катышып, Ысык-Көлдүн командасы жеңүүчү аталды.
Көк бөрү боюнча таймаштар Бишкектеги “Аккула” ат майданында өтүп, баш байгеге баягы эле “Бөрүлү” (ИИМ) ээ болду. “Бөрүлү” Кыргызстандын көз карандысыздыгына карата уюшулган эл аралык мелдешти да жеңип алды.
Ал эми ордо боюнча өткөн таймаштарда борбор калаанын “Бишкек-1” командасы алдына эч кимди салган жок.

ХОККЕЙ
Жаңыдан федерацияга айланып, бутуна туруп келаткан хоккей үчүн бул жыл жакшы башталды. Февралда Бишкектин ачык чемпиондугу өткөрүлдү. Чемпиондук үчүн Ысык-Көл облусунун курама командасы, Жумгалдын курама командасы, Бишкектин курама командасы жана нарындык “Дордой-Ала-Тоо” командалары күч сынашып, кубок борбор калаада калды. Мындан тышкары, федерациянын өкүлдөрү Москвага “Биринчи каналдын кубогуна” барып, Орусия тарап менен кызматташуу боюнча сүйлөшүүлөрдү жүргүзүп келишти.


Жылмайып коюңуз!

Атасы баласын күрөш секциясына алып барат. Кечинде сурап жатат:
- Кана айтчы, биринчи машыгууда эмнени үйрөтүштү?
- Митингде кантип туура күрөшүүнү...


2009-ЖЫЛДЫН...

Идеясы
Айтылуу “Алганын” кайра жаралуу идеясы. Бул тууралуу легендарлуу “Алганын” оюнчусу Алмаз Чокморов билдирди. Анын айтымында, мындай идея Бишкек мэриясынын жетекчилиги тарабынан көтөрүлгөн. Эгер ал ишке ашса, футбол боюнча улуттук чемпиондугубузда атаандашуу күчөмөк.

Чыры
29-октябрда КРнын футбол боюнча чемпиондугунун финалдык этабынын “Дордой-Алай” оюну чыр менен аяктаган. Оюнда калыстын чечимине нааразы болгон “Алайдын” мүчөлөрү командасы менен стадиондон чыгып кетишкен. Бул үчүн КРнын ФФсы ызаланган командага 3:0 эсебинде жеңилүүнү каттап, 30 миң сом айып салган. Натыйжада, Алай чемпиондук күрөштөн четтеп калса, нарындыктар чемпион аталышты.

Спортчу айымы
Талашсыз түрдө мындай наамга Жаңыл Айтбекова татыктуу. Жаңыл быйыл түртүп көтөрүүдө 80 килограмм, ал эми жулкуп көтөрүүдө 60 килограмм салмактагы штанганы багынтып, эл аралык класстагы спорт чеберине айланды. Ал мындай ийгиликке жетишкен кыргыздан чыккан биринчи айым.

Кайтуусу
2007-жылы бильярдчы Каныбек Сагынбаев Дүйнө чемпиону аталып, кыргыздын аброюн көтөргөндүгү белгилүү. Бирок акыркы мезгилде спортчубуздун аты чыкпай калган. “Каныбек көрүнбөй кайда жүрөт?” деген кептерге жооп иретинде ал мен бармын дегенсип «Дүйнөнүн вице-чемпиону» аталды.

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: