Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕНИ БАКЫТ АРАЛЫНАН ИЗДЕБЕ…

№663 17-июль-23-июль, 2015-ж


(Башталышы өткөн сандарда)

Сокку катуу тийди көрүнөт, Аделдин ууртунан кан сызыла берди. Мындайды күтпөгөн кыз алгач коркуп кетти, бирок оюнан кайткан жок.
– Мен эмес, менин бул жерде күнөөм жок! Мен баары бир чындыкты айтам! Зордоп моюнума алдыра албайсыңар!
– Делегой муну. Бешиктен белиң чыкпай жатып ал жакка эмнеге бардың анан?
Аделдин көзүнөн жаш агып кетти. Камерасына келген кыз жаны ачып, ооруган оорудан да үрөй учурган абалга туш болгонуна башы жетпей, өңү же түшү экенин билбей жатты.«Түшүм болуп калса гана, эртең менен турсам үйдө, апамдын жанында болсом гана». Аттиң, бирок бул түш эмес эле, Адел ойгоно албады. Эртеси апасы менен жолукту. Көздөрү киртийип, жүдөп калган кызын көргөндө Турсун апанын дене бою дүркүрөп кетти.
– Алда шорум, ай, сени ушундай абалда көрөт белем? Алдыңа кетейин көз мончогум, кандай абалга туш болдуң?
– Апаке...
Кыз кишен салынган колдору менен апасын кучактай албай, тек моюнунан гана жыттап, кичинесинен бери тааныш жыттын илебин искеп алды.
– Апа, мен күнөөлүү эмесмин, мага жалаа жаап жатышат.
– Каралдым, билем, сен күнөөлүү эмессиң. Сенин колуң андай нерсеге барбайт. Менин күнөөсүз балапаным. Кантейин эми, каратып туруп колумдан алдырып жибербедимби, садагам. Жанагы Зарема болбогондо сен ал жерде болбойт элең. Кантейин, эчен жолу ата-энеси менен туздаш, даамдаш болдум эле. Издеп барсам кызын бекитип алып таптакыр чыгарбай коюшту. Борборго кетип калган имиш. Жок дегенде «бул күнөөсүз, мен ээрчитип баргам» деп акыйкат сөзүн айтсын дегем. Жер сыйпалап таппай калдым.
– Апа, бул жердегилер «күчтүү адвокат жалдаш керек» деп жатышат. Ансыз иш бүтпөйт экен.
– Издеп жатам, кагылайын.
– Апа, ага көп акча керек экен.
– Табам, үйдөгү койду, уйду, керек болсо тамды да сатам, балам. Аман болсок, кийин таап алабыз.
– Апам, апакем менин!
Адел капканга түшкөн чаарчыктай көздөрү балбылдап, турушу аянычтуу эле. Турсун апа тегеренип чыдабай кетти. Ошол күндөн тарта безилдеп адвокат издегени издеген. Бирок иштин чоо-жайын түшүндүрө келгенде эле көбү адам колу жетпеген акча сурап, айрымдары каза болгон жигит чоңдун баласы экенин билгенден кийин баш тартып жатышты. Чарасыз эне, эч кимиси жок кыз...
Тагдырдын буйругу менен бул окуяга Карыпбек Абышевич катышып калды.

ххх

Айкөл тээ алыстан илең-салаң бут шилтеп келе жаткан Турсун апаны көрүп, чекедеги терин аарчып ишин токтото утурлай басты.
– Кандайсыз, апа, Аделди бүгүн көрө алдыңызбы?
Чарчаңкы көзүн өйдө көтөргөн эне алдында турган жигитке ичи жылый карады. «Капырай, ушу корсулдаган Эсенден ушундай жибектей бала жаралат экен, ээ, тобо?» деп алды атасы менен уулун салыштырып.
– Ооба, балам, жолуктум.
– Эмне деди?
– Эмне десин, күнөөсүз экенин, жанагы акмак Зарема азгырып барып таштап чыга бергенин айтты. Тиги шуркуяны такыр таппай жатпаймынбы, болбосо... Байкушумдун жаштыгынан пайдаланып таптакыр жүрөгүн түшүрүп салышыптыр. Тергөөчү акмак...
Эне эриндерин титирете токтоп калды. Айкөл эмне кыларын билбей турду. Үн катпай Турсун апаны ээрчип келе берди. «Кимден жардам суроо керек? Ким куткара алат?» Юридикалык окуу жайда окуп жаткан жигит бул иштин баары бир Аделдин пайдасына чечиле калбашын сезип турду.
– Турсун апа, «адвокат издеп жатам» дедиңиз эле, эмне болду?
– Ылайыгы келбей жатат, балам.
– Менин таякемди билесиз го, Бишкекте кыйын жактоочулардын бири. Мүмкүн, аны менен кабарлашып көрөбүз.
Турсун апа ыргылжың боло баш чайкады. «Караколдун адвокаттарынын алкымын тойгуза алчудай эмесмин, анан борбордогусун кантип жалдамакмын?» деп ойлоп турду. Дили таза баланын көңүлүн калтырбаш үчүн акырын жылмайып алды.
– Кандай мыкты жигит болдуң, Айкөл. Адамдын адамдыгы ушундай убакта билинет. Рахмат, балам, сен Адел экөөбүзгө күйсөң, сага да ошондой күйгөн адамдар табылсын.
Ичинен алкаган аял үйүнө кирип кетти. Айкөл ошону менен тынч алып калбады. Эртеси Аделге жолугуу үчүн жөнөп кетти. Адел Айкөл менен кичинесинен бирге өскөн, моюнуна асыла эркелеп өзүнүн агасындай көрчү.
– Айкөл байке-е...- деп ыйламсырап жиберди.
Чачынан сылап, бооруна кыскан Айкөлдүн денеси титиреп кетти.
– Ыйлаба, ыйлабачы... Баары жакшы болот,- деди үнү титирей.
Жаагынан ылдый түшүп турган чачтарын кармалай берди. Жибектей жумшак, капкара чачтарын кичинесинен жакшы көрө турган, кээде Турсун апа жокто өрүп да берчү. Кыздын чачтарын сылап, эмне деп жоошутарын билбей жатты. Аз гана убакыт бөлүнөт экен, алып келгендерин берип, бир аз сүйлөшүп кайра артка кайтты. «Кандай кылсам да, эмне кылсам да Аделди түрмөдөн куткарып алуум керек» деди чечкиндүү.

ххх

Кабинетте ак аралай баштаган чачтарын суулап тараган, кабак алдында сүрдүү тиктеген адам отурду. Кабыл алуу бөлмөсүндө өзүн бир аял күтүп отурганын катчысы кабарлаган эле. Эми гана эстей коюп чакырып калды.
– Мени бирөө күтүп жатат дедиң беле, кире берсин.
Эшиктен кирген карапайым кийинген айылдык апаны көргөндө таң кала ордунан тура калды.
– Келиңиз, кандайсыз?
– Жакшы, кагылайын. Мен тиги Айша эжеңдин кошунасы болом. Сага алыстан атайлап келдим.
– Угуп жатам.
– Жээниң Айкөл сага барышымды, сен жардам берериңди айтып туруп алды. Өзү да ээрчип келди, азыр бир жакка чыгып...
– Эмне болду эле?- деди аялдын узун сүйлөгөнүн жактырбагандай кабагын бүркөп. Турсун апанын жүрөгү сууй түштү.
– Менин неберем, Аделим кырсыкка кабылып калды. Анын эч кандай күнөөсү жок. Эгерде колуңдан келсе жардам бересиңби деп суранып...
Ушу жерге келгенде мукактанган эненин көз жашы төгүлүп кетти. Мындай жорук тиги кишинин кыжырын келтирип жиберди. Табиятынан аялдын ыйлаганын көтөрө алчу
эмес. «Уф, ушу аялдардын көз жашы. Ишиң чачтан көп болуп жатканда муну сооротуп отур эми».
Иштин чоо-жайын уккусу да келген жок. Катчысына чалып суу сурайын деп баратып эненин колундагы сүрөттү көрүп токтой калды. Турсун апа Аделдин сүрөтүн калтыраган колдору менен суна берди.
– Мына, көрчү, ушу кенедей кантип бирөөнү өлтүрдү деп айта аласың? Кызым күнөөсүз жерден кабылып калды. Колуңдан келсе жардам бер, адамгерчилик кыл. Тиги дүйнөдө да, бул дүйнөдө сага карыздар болоюн, өмүр бою сага дуба кылып жүрөйүн. Жардам кыл. Кызым байкуштун ата-энеси, бир туугандары да жок. Жалгыз таянары менмин.
Сүрөттө периштедей сулуу, жаш кыз жылмайып өзүн тиктеп турганын көрүп, жүрөк эркинен тыш болк этип алды...

(Уландысы кийинки санда)

Нурия Кудайбергенова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(12)
20.07.2015. 09:23 
Тайпасы:
Жаран
Комментарийлердин саны:
134
Катталган:
27-03-2011
Соӊку аракети:
22-09-2018 15:08
Жынысы:
Белгисиз
0
суйуу башталдыбы!
20.07.2015. 09:39 
Тайпасы:
Жаран
Комментарийлердин саны:
109
Катталган:
15-04-2014
Соӊку аракети:
22-09-2018 12:24
Жынысы:
Белгисиз
+1
Жантай чалдын суйусу башталды окшойт.
20.07.2015. 10:24 
Тайпасы:
Жаран
Комментарийлердин саны:
36
Катталган:
18-09-2014
Соӊку аракети:
21-03-2018 21:53
Жынысы:
Белгисиз
0
Эххх...Кобурооктон жазгылачы Супер Инфо!
20.07.2015. 11:00 
Тайпасы:
Жаран
Комментарийлердин саны:
174
Катталган:
04-12-2013
Соӊку аракети:
22-09-2018 20:55
Жынысы:
Белгисиз
0
автору начар экен. кичине окшоштурса болмокда жомок кылбай. бычакты колуна кармап турсале алып барып камап таштабайтда. тергоочу деген бар, ошол куну кимдер болгон аларды чакырат элементарный. анан айтып беришмек алар деле ким менен кимдин урушканын.
20.07.2015. 13:17 
Тайпасы:
Тартип бузгандар
Комментарийлердин саны:
38
Катталган:
31-05-2015
Соӊку аракети:
24-12-2015 21:07
Жынысы:
Белгисиз
-5
omurbek1990,сенен ким сурап атат автор кандай экен деп мындай случиялар кыргызстанда часто бывает.Так что не говари всякие глупости.
20.07.2015. 14:12 
Тайпасы:
Кыймылы жок
Комментарийлердин саны:
48
Катталган:
14-05-2015
Соӊку аракети:
13-01-2016 16:28
Жынысы:
Белгисиз
0
эки бир туугандын суйуусу башталат кыз талашмай. Аделди алам дейт да башка не демек эле чал
20.07.2015. 22:27 
Тайпасы:
Жаран
Комментарийлердин саны:
9
Катталган:
02-03-2015
Соӊку аракети:
22-09-2018 12:05
Жынысы:
Белгисиз
+1
Жакшы чыгарма экен кызды өзү аялдыка алат экен тагдыры ушул экен да Аделдин
21.07.2015. 00:30 
Тайпасы:
Жаран
Комментарийлердин саны:
4
Катталган:
01-07-2015
Соӊку аракети:
07-10-2017 04:52
Жынысы:
Белгисиз
Калаасы:
Краснодарский край г.Темрюк
-1
Эмнеге бат эле аялдыка алат деп чечтинер, мункун апасынын жакшы коруп жургон чыгар, кошунасыго кантседа.
Сабыр кыла туралы. Убакы корсотот.
22.07.2015. 00:26 
Тайпасы:
Жаран
Комментарийлердин саны:
326
Катталган:
06-12-2014
Соӊку аракети:
23-05-2018 19:36
Жынысы:
Белгисиз
Калаасы:
Бишкек
0
Etka,эү башында жазылып турбайбы, бир үйдө Адел,Айкөл жана таекеси болуп турушат деп, демек таекеси Аделди түрмөдөн куткарып, алып алган да
21.07.2015. 01:54 
Тайпасы:
Жаран
Комментарийлердин саны:
144
Катталган:
05-08-2014
Соӊку аракети:
23-05-2017 16:48
Жынысы:
Белгисиз
Калаасы:
Талас
0
Атасы го сыягы. Же болочок суйгону
21.07.2015. 16:38 
Тайпасы:
Кыймылы жок
Комментарийлердин саны:
10
Катталган:
11-07-2015
Соӊку аракети:
20-10-2015 01:32
Жынысы:
Белгисиз
Калаасы:
Бишкек убактылуу Масквада
0
журокту ооруткан чыгарма экен неси болсо да аягы жакшы бутсо экен
22.07.2015. 10:56 
Тайпасы:
Жаран
Комментарийлердин саны:
27
Катталган:
17-09-2011
Соӊку аракети:
21-09-2018 14:22
Жынысы:
Белгисиз
Калаасы:
Ош шаары
0
Атасы эле болушу мумкун. Адел апасына окшош эмеспи. Ошодон улам ээси ооп калды да. Жаш кездеги суйугонуно окшотуп.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: