Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сырдуу, сүрдүү жана кереметтүү МИСИР

№375 8-14-январь, 2010-ж.


Мисир тууралуу кеп козголгондо көз алдыга пирамидалар тартылат. Дүйнөдөгү жети кереметтин байыркысы да, бүгүнкү күнгө чейин сакталып калганы да ушул Египет пирамидалары. Бирок туристтерди кызыктырган жалгыз эле пирамидалар эмес. Мисирде мындан башка да кызыктар көп.

Аталышы – Египет Араб Республикасы (Гумхурия Миср аль-Арабия).
Аянты – 1 001 570 чарчы чакырым.
Мамлекеттик түзүлүшү – Республика.
Борбор шаары – Каир.
Калкы – 81 миллион 713 миң 520 (2008-жылдын июль айындагы санак боюнча).
Расмий тили – Араб.
Өлкө башчысы – Президент.
Административдик бөлүнүшү – 26 мухафазаттан (облус) турат.
Мыйзам чыгаруучу органы – Бир палаталуу Элдик жыйын.
Дини – Ислам (сунниттер).
Акчасы – Египет фунту.1 египет фунту орто эсеп менен 7-7сом 50 тыйынга барабар.

КЫЗЫЛ ДЕҢИЗ
Кызыл деңиз дүйнө жүзүндөгү эң тунук деңиз болуп саналат. Кыш мезгилинде 100 миңдеген туристтерди да дал ушул деңиз өз кучагына тартып, арбап турат. Анткени анын суусу эң эле жылуу жана туздуу. Кызыл деңизде дагы бир өзгөчөлүк бар. Деңизге бир да дарыя куйбайт. Суусу горизонт менен бирге мелжий көк кашка болуп турганына карабай, аны Кызыл деңиз деп атап койгондорунун да себеби бар. Ал деңиз түбүндөгү кызгылт, кочкул кызыл түстүү өсүмдүктөр жана коралл рифтеринен улам кызыл көрүнгөнүндө.

ЖЫЛ БОЮ БЕЙИШТЕЙ ЖЫЛУУ
Мисирдин курорттору дүйнө жүзүндө туристтер арасында абдан даңазалуу. Анткени бул жерде күн жылуу мээримин төксө, көкирим деңизинин жылуу кучагы дайыма даяр. Шаарлардын ичинен Шарм-эль-Шейх, Хургада, Макади Бей кенен кеп кылууга арзыйт. Мисалы, Луксор сырдуу жана каардуу фараондор жашап кеткен из менен сизди саякатка чакырса, Синай жарым аралынын түштүгүндө жайгашкан Шарм-эль-Шейх изумруд өңдүү тереңден жылтыраган Кызыл деңизи, алтын кумдуу жээктери менен эч бир адамды көңүлкош калтырбайт.

ӨНӨР ЖАЙЫ
Сауд Арабиясынын деңгээлине жетпесе да, Мисирден экспорттолгон товарлардын сап башында нефти турат. Нефтинин негизги кени Синай жарым аралында жана Суэцк булуңунда жайгашкан. Нефтиден тышкары табият Мисирди жаратылыш газы менен да камсыз кылган. Өлкө “Араб газ түтүгү” аркылуу көгүлтүр отунду Израиль, Иордания, Сирияга экспорттойт.

АЙЫЛ ЧАРБАСЫ
“Фараондордун мекенинде” айыл чарбасы көп маанилүү роль ойнобойт. Нил дарыясынын жээктери гана дыйканчылыкка жарамдуу. Египеттиктер деле биз сыяктуу буудай, жүгөрү, күрүч, пахта, кант кызылчасын жана кант камышын өстүрүшөт.

МИСИРЛИКТЕРДИН МАЙРАМДАРЫ КӨП
Мисир тарыхта эң байыркы, күчтүү өлкө катары калганы менен, 20-кылымдын орто ченине чейин башка өлкөлөрдүн кол астында келди. Андыктан учурда эгемендүү республика болуп саналган өлкөдө 18-июнь – Британиянын кулчулугунан бошонуу күнү деп майрамдалса, 23-сентябрь – Израилди жеңген күн, ал эми 6-октябрь – Суэцк каналынын мисирликтердин колуна өткөн күнү катары белгиленип келет.

АШКАНАСЫ
Мисирликтердин ашканасында эттен жасалган түрдүү-түркүн тамактар көп. Айрыкча этти мангалга, чокко кактап бышырганды жактырышат. Ысык өлкөлөргө мүнөздүү болгон адатты бул жерден да байкоого болот. Мисирликтер да тамактарга калемпирди көп кошушат. Эт, балык менен катар ашканада буурчактын ар кандай түрлөрүн кеңири колдонушат.

ТРАНСПОРТ
Суэцк каналындагы транспорт системасы өлкөнүн экономикасында өзгөчө роль ойнойт. Ошондой эле жалпы автожолдордун узундугу 92 370 чакырымга созулса, темир жолдун узундугу 5063 чакырымга созулат. Кадимки башка өлкөлөрдөй эле, албетте, аба жолдору бар. Мисирдин аймагында жалпысынан 88 аэропорт орун алган.

АЛБЕТТЕ, ТАРЫХЫЙ ЭСТЕЛИКТЕР
Мисир байыркы тарыхый эстеликтери менен баалуу, барктуу. Бул өлкөдө кылымдарды карытып бузулбай турган көптөгөн имараттар ЮНЕСКОнун тарыхый мурастар тизмесине кирген. Алсак, Гиза пирамидалары, байыркы Мемфис шаарынын калдыктары, Александрия шаары. Кадимки Александр Македонский же бизче айтканда Искендер Зулкайнар негиздеген Александрия шаары тарыхый тизмеде эле калбастан, учурда заманбап шаар болуп гүлдөп турган чагы. Бул жерде байыркы заманда дүйнөдөгү жети кереметтин бирине кирген Александрия маягы болгонун азыр элестетүү кыйын.

ПИРАМИДАЛАР
Гиза шаарына жакын жерде дүйнө элин таң калтырып, суктандырып келе жаткан фараондордун күмбөзү – пирамидалар бүгүнкү күнгө дейре сакталуу. Кудум бул күмбөздөрдү кайтаруу үчүн курулган сымал, пирамидалардын жанында Чоң Сфинкс турат. Бул курулуштар биздин заманга чейинки 3-миң жылдыктын баш ченинде тургузулган. 5-6 баллдык жер титирөөнү көтөрө албай, кечээ курулган тамдар бүгүн кыйрап калчу чакта бул курулуштардын миңдеген жылдар бою урабай сакталып тургандыгы чынында сырдуу.

ЭРКИНДИК СТАТУЯСЫ МИСИРДЕ КУРУЛМАК
Нью-Йорктогу Эркиндиктин Статуясын АКШлыктар эмес, француздар курган. Азыр АКШны ушул символсуз элестетүү да кыйын. Бирок ал эстеликти алгач АКШга эмес, Мисирдин Порт Саид шаарына куруу пландаштырылгандыгын баары биле бербейт. Жер Ортолук деңизинин жээгиндеги Саид портуна курулса, бул статуя Азиянын Жарыгы аталмак. Бирок Мисирдин ошол кездеги жетекчилиги Франциядан конструкцияны алып келип орнотуу абдан кымбатка түшөрүн айтып, эстеликтен баш тартып коюшкан.

Айтор, Мисир тууралуу кеп баштап аягына чыгуу кыйын. Жакшысы, “миң уккандан бир көргөн артык” дегендей, барып көрүп, биротоло эстеп калуу керек.

Рубриканын демөөрчүсү «Kyrgyz Concept» компаниясы. Кыш чилдесинде Египет, Малайзия, Таиланд жана башка өлкөлөрдө эс алгыңыз келеби, анда телефон чалыңыз! Т: 0312 90-32-32

Шаиста Шатманова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
12.01.2010. 10:52 
Тайпасы:
Тартип бузгандар
Комментарийлердин саны:
29
Катталган:
14-05-2009
Соӊку аракети:
03-01-2012 04:51
Жынысы:
Белгисиз
0
Erkindik statuyasy tuuraluu myndai kabardy birin4i jolu ugup jatam, kyzyktuu makala eken.
Azyr bul jakta kunduz kolokodo 28-29 gradus jyluu, kyzyl denizdin temperaturasy 22-23 gradus, suu jypjyluu...
12.01.2010. 10:52 
Тайпасы:
Тартип бузгандар
Комментарийлердин саны:
29
Катталган:
14-05-2009
Соӊку аракети:
03-01-2012 04:51
Жынысы:
Белгисиз
0
Erkindik statuyasy tuuraluu myndai kabardy birin4i jolu ugup jatam, kyzyktuu makala eken.
Azyr bul jakta kunduz kolokodo 28-29 gradus jyluu, kyzyl denizdin temperaturasy 22-23 gradus, suu jypjyluu...
17.01.2010. 23:41 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Эххх Миср... мен азыр ушул жерде окуйм... шаар кооз... калкы начар...
22.08.2012. 11:21 
Тайпасы:
Кыймылы жок
Комментарийлердин саны:
33
Катталган:
03-07-2012
Соӊку аракети:
16-09-2013 19:11
Жынысы:
Белгисиз
Калаасы:
ош
0
Супер инфо сураныч шаарлар жонундо дагы да маалымат берип баргылачы кызыктуу болуп жатат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: