Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Аллерголог Мухтар Ашералиев: “БӨРҮ ЖАТЫШ ДАРЫДАН ДА, ТАМАК-АШТАН ДА КЕЛИП ЧЫГАТ”

№375 8-14-январь, 2010-ж.


Дүйнөлүк саламаттыкты сактоо уюмунун маалыматына караганда, планетанын ар бир 4-жашоочусу теринин тигил же бул аллергиялык оорусунан жабыр тартат. Андай оорулардын бири – бөрү жатыш.

– Мухтар мырза, айтсаңыз, бөрү жатыш кандай оору түрүнө кирет?
– Бөрү жатыш аллергиялык оору түрүнө кирет. Тактап айтканда, кызарган теринин бетине кычыштыруучу ыйлаакчалар чыгат. Ыйлаакчалардын көлөмү бир нече миллиметрден тартып бир нече сантиметрге чейин жетет. Бөрү жатыш дененин каалаган бөлүгүнө чыгат. Бирок көбүнчө көкүрөк бөлүктө, бетте, моюнда, ичте жолугат. Ооруга ымыркайдан тартып кары кишилерге чейин кабылышат. Ыйлаакчалардын өңү ачык кызыл түстө болот. Ыйлаакчалар биринин артынан бири 2 саат аралыгында пайда болуп, анан жоголот. Бирок жаңылары да пайда болушу мүмкүн. Учурда теринин аллергиялык оорулары, анын ичинде бөрү жатыш оорусу көбөйүп баратат. Бул экологиялык жактан таза эмес азыктар, жемиштерди элибиз көп колдонуп жатканына да байланыштуу.
– Кененирээк түшүндүрүп берсеңиз?
– Учурда сырттан баарыбыз окорочка деп билген тооктун сан эти, алма, жүзүм сыяктуу жемиштер, цитрустар (лимон, апельсин, мандарин, ананас, грейпфрут) абдан көп алынып келинип жатканы баарыга маалым. Жемиштер дээрлик модификацияланган (клондолгон) жемиштер болуп саналат. Аларды сыртынан оңой эле билүүгө болот. Сырты жылтырап, бир жеринде да курту жок.
Ал эми тоок бат чоңоюп, салмак кошуш үчүн алардын жемдерине химиялык кошулмаларды кошушат. Ал уулар тооктун сан эттеринин майларына топтолуп, аны жеген адамды аллергияга (бөрү жатышка) же ички органдардын оорусуна чалдыктырат. Ушул сыңары эле модификацияланган жемиштер да терини аллергиялык ооруга, анын ичинде бөрү жатышка кабылтып жатат. Андыктан экологиялык жактан таза, өзүбүздө эле өстүрүлгөн жемиштерди, өзүбүздө багылган тоокторду азыкка колдонгонубуз оң. Бөрү жатышты аллергияны чакыруучу башка азыктар да пайда кылат. Алар кулпунай, шоколад жана башка таттуулар, ышталган азыктар, татымалдар, маринаддалган азыктар, консервалар, газдалган суусундуктар, жумуртка, жаңгак, балык, уй менен эчкинин сүтү.
– Балада уйдун сүтүнөн аллергия бар же жок экенин кантип билүүгө болот?
– Биринчиден, аллергиялык оору тукум кууй турганын эске алуу кажет.
Эгер баланын атасы же энесинде аллергия болсо, анда балада да аллергияга кабылуу коркунучу бар. Ата-энесинде аллергия жок болсо деле балага уйдун сүтүн берерде дароо эле көп ичирбей, азыраак берип, анан аллергия чыккан жокпу, байкоо керек. Эгер аллергия билинсе дароо дарыгерге кайрылып, аллергияны жок кылуу кажет.
– Бөрү жатыш булардан тышкары дагы эмнеден пайда болушу мүмкүн?
– Оору негизинен, экиге бөлүнөт.
Курч түрү көбүнчө организмдеги инфекциядан улам же дары-дармек, тамак-ашты кабыл алгандан, курт-кумурска (аары, кумурска, аарычы коңуз ж.б.) чаккандан соң келип чыгат. Бул түрүнүн өзгөчөлүгү болуп бат өнүгүүсү жана ошондой эле дарылагандан соң бат жоголуп кетүүсү эсептелет.
Курч кармаган түрү бир нече саатка же күнгө созулса, кийин кайра кармоочу өнүгүп кеткен түрү айга же жылга созулат.
Бул аралыкта оорулуу өзүн жакшы сезбей, башы ооруп, чыйрыгып жүрө берет. Кычышуудан улам уйкусу да бузулуп, дамамат чарчап жүргөндөй абалда калат.
Кийин кайра кармоочу өнүгүп кеткен түрү ар кандай себептерден келип чыгат. Көбүнчө бөйрөктүн, боордун, ашказан-ичегинин иштөөсүнүн бузулуусунан (бул 80-90 пайызды түзөт), ичегидеги мите курттардан, өнөкөт инфекциядан (алкым бездериндеги, өттөгү жана өт жолундагы инфекциядан) келип чыгат. Кош бойлуу кездеги талгакка байланыштуу да пайда болот.
Ысык-сууктан, кара күч эмгегинен, термелүүдөн (мисалы, машинада), күн нурунан да бөрү жатыш келип чыгышы мүмкүн.

Ушулардан улам, бөрү жатыш келип чыгышына карата бир нече топко бөлүнөт:

  • Дарыдан улам келип чыккан бөрү жатыш.
  • Тамак-аштан улам келип чыккан бөрү жатыш.
  • Сууктан (суукта калган соң адатта 1-2 суткадан кийин билинет) улам келип чыккан бөрү жатыш.
  • Ысыктан (кош бойлуу кезде, этек кир келер алдында, сууктан ысыкка киргенде) улам келип чыккан бөрү жатыш.
  • Уудан (чалкан чакса, курттардын түктөрү денеге тийсе, аары чакса ) улам келип чыккан бөрү жатыш.
  • Күн нурунан (күндүн ультрасыя, инфракызыл нурунан) улам келип чыккан бөрү жатыш.
  • Эмдөөдөн улам келип чыккан бөрү жатыш.

– Бөрү жатышты дарылоо кандайча жүргүзүлөт?
– Ооруканага 10 күндөй жатуу, 1-2 ай диета кармоо сунушталат. Башкача айтканда, ооруну пайда кылган азыкты кабыл албоо керектелет. Ошондой эле организмге кирген аллергенди (ооруну козгогучту) четтетүү максатында клизма (3 күн катары менен) жасалат.
Мындан тышкары, жогоруда аттары аталган аллергияны чакыруучу тамак-аштарды да кабыл алууга тыюу салынат.
Дарылоодо сөзсүз дары-дармектер колдонулат. Эскерте кетчү нерсе, курч кармаган ооруну өнүктүрбөй дарылап калууга жетишүү зарыл. Болбосо, адам улам бөрү жатыш чыккан сайын дарылануусу керек болот. Бул өзгөчө жаш балдарды бейпайга салат.
– Оорулуу дарыланып жаткан учурда эмнелерди жесе, ичсе болот?
– Дүкөндө сатылган катырылган нандар (сухарилер) өтпөй калган нандардан жасалып, даамын жакшыртуучу заттар кошулат. Андыктан нанды үйдө бышырып алып катырып, колдонгон жакшы. Айран, чай ичүүгө, өңү жашыл түстөгү жемиштерди (сырты жашыл алма, бананды, бирок модификацияланган болбошу керек!), газдалбаган сууну ичүүгө, кантты, өсүмдүк майына даярдалган суюк тамакты колдонууга болот. Ал эми йогурт, газдалган суусундук өзгөчө кока-кола, фанта дегендерди, тооктун, жылкынын этин жегенге болбойт. Булар бөрү жатышты ого бетер көбөйтөт. Уйдун, койдун семиз эмес этинен шорпо кайнатып ичүүгө, этин жегенге уруксат. Бирок шорпосу бир кайнап чыккан соң аны төгүп салып, кайра суу куюп кайнатып, анан ичүү керек. Бул экинчи кайнатма деп аталат.
– Маегиңизге рахмат. Ишиңизди ар дайым ийгилик коштосун!


Билип ал

АШКАБАК – ДААМДУУ ДАРЫ

Ашкабактан түрдүү тамактарды жасоону биле бербегендей эле ашкабактын дарылык касиетин да көпчүлүк биле бербейт.

Ашкабакта адамды суук тийүүдөн сактай турган аскорбин кислотасы жана В тобундагы витаминдер бар. В витамини чачты коюулантып, тырмакты бекемдеп, терини тазалайт.
Мындан тышкары ашкабактын курамындагы А жана Е витамини бетке бырышты түшүрбөй, эрте картаюунун алдын алат. Ашкабак ширесин жүрөк кан-тамыр ооруларынан жапа чеккендер колдонушат. Бел кубатын жогорулатуу үчүн эркектер да ичишет.
Эгерде адамдын ичинде ичеги курту бар экендиги билинсе, анда ашкабактын данегин жесе, курттардан арылат.
Боору же бөйрөгү ооругандар оорусунан айыгуу үчүн ашкабак сүтүн ичүүлөрү керек. Ашкабак сүтүн алуу үчүн ашкабактын кургатылган данегин упадай майдалап, ысык суу кошуп, анан сүзүп алуу керек.
Өттүн оорусунда ашкбакты эт майдалагычтан же сүргүчтөн өткөрүп, ширесин куюп алуу керек. Анан күнүгө 2 маал тамактан 30 мүнөт мурда жарым стакандан ичүү талап кылынат.
Улгайган адамдар ашкабакты тамакка колдонуп жүрүшсө, кан тамыр оорулары көп кармабайт.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: