Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Адахан Мадумаров, экс-спикер: “БИЙЛИКТИН МАЙЫН ДА, СҮТҮН ДА ТАТКАН ЖОКМУН...”

№375 8-14-январь, 2010-ж.


Бейне

Азыр коомчулук оппозиция десе ириде Өмүрбек Текебаевди көз алдыга келтирет. Акаевдин бийлиги учурунда оппозиция тууралуу кеп болсо, көз алдыга Адахан Мадумаров тартылар эле. Мыкты журналист, саясатчы Адахан Мадумаров акыркы кезде таптакыр көрүнбөй кетти. “Эмне кылып, кандай иштер менен алектенип жүрөт?” деген суроолорго жооп издей Адахан мырза менен баарлаштык.

АТАКТУУ САЯСАТЧЫ ТУУРАЛУУ

  • 1965-жылы 9-мартта Өзгөн районунун Куршаб айылында туулган.
  • Үй-бүлөлүү, 3 уулдун атасы.
  • Орусиядагы Тверь мамлекеттик университетинин мамлекеттин тарыхы факультетин жана КУУнун юридикалык факультетин бүтүргөн.
  • Кыргыз Республикасынын Жогорку Кеңешинин 4 жолку чакырылышынын депутаты.
  • 2005-2006-жылдары КРнын вице-премьер министри;
  • 2006-2007-жылдары КРнын мамлекеттик катчысы;
  • 2007-2008-жылдары ЖКнын төрагасы;
  • 2008-2009-жылдары КРнын Коопсуздук кеңешинин катчысы.

– Саламатсызбы, Жаңы жылыңыз менен!
– Рахмат, бирге болсун. Кирип келген жолборс жылы бардыгыбызга бакубатчылык, токчулук алып келсин!
– Айтканыңыз келсин. Коомчулукта “Адахан мырза кызматтан бошогондон бери көрүнбөйт. Кайда, эмне менен алектенип жүрдү экен?” деген сөз болууда...
– Кайда болмок элем, Кыргызстанда элемин. Саясаттан убактылуу четтеп, эс алып жатам десем да болот. Үй-бүлө, бала-чака бар дегендей, бош жата берсек болбойт да. Учурда бийликтен, бизнес жаатынан да сунуштар түшүп жатат. Ойлонуп, салмактап көрүшүм керек. Бардыгын мезгил көрсөтөт.
– Айрым саясат талдоочулар “Адахан кызмат күтүп жатат, болбосо кыйкырып чыкмак” деген пикирлерди айтышууда. Сиз кандай дейсиз?
– Ар ким өз алына жараша түшүнөт, деңгээлине жараша ойлонот да. Менин сыртымдан тон бычып, ар кандай бүтүм чыгара беришет. Аларга маани бербейм. Өткөндө бир кесиптешим “Адахан, сен эми бийликке илээшпей калдың го...” дейт. Илээшпей калгандай мен эмне клейминби же жабышкандай уйгакмынбы?! Түшүнбөдүм.
– “Мадумаров оппозицияга же ажонун айланасында тирешкен бир топко кошулушу мүмкүн” деген да сөздөр бар. Буга эмне дейсиз?
– Тиги же бу топко кошулат дегендей, үйүрдө жүргөн жылкы эмесмин да. Эч кандай топко кошулбайм. Эч кимге ишенбейм. Бардыгына эл тараза. Элиме, анан өзүмө гана ишенем. Кудай элдин назарынан калтыргандан сактасын.
– Адахан мырза, маегибизди бактылуу көз ирмемдерге, бай балалыктын айылына бурсак...
– Менин таттуу, баёо күндөрүм Өзгөндүн Куршаб айылында калган. Балалыктын кайсы күнүн эстебейлик, бардыгы сагынуу, кусалык менен көз алдыбызга тартылат. Топуракка аралашып ойноп, кечинде боз ала чаң болуп үйгө келсем апам жуунтуп-тазалап туруп, кесилген согончогума өкүртүп-бакыртып койдун майынан сыйпаган күндөрдү азыр жомок катары сезем. Эми ал күндөрдү бир сөз менен айтып жеткире албасак керек.
– Ошентсе да өзгөчө эсиңизде калган учурлар болсо керек...
– Балалыктын баёолугу да, үйүбүздө шабдаалы бышып, шагы ийилип турса аны жебей, башка бирөөнүн багына ууруга кирчүбүз. Алдын ала даярданып баштык ала кирбейсиң да, түктүү шабдаалыларды терип, коюнга салып качып чыгабыз. Анан шабдаалынын майда-майда түкчөлөрү денеге сайылып бир кытыгылап, бир кычыштырат дейсиң... Айтор, балалыктагы түйшүктүү күндөрүбүз түш сымал алыста калды. Ошол таттуу, сыйкырдуу сезимдерди курчаган мезгилди учурунда сезип, баалай албайт экенсиң. Жашоо ошонусу менен кызык тура.
– “Үй-бүлө – кичинекей мамлекет” дешет эмеспи, үй-бүлөңүз тууралуу айта кетсеңиз...
– Эл катары үй-бүлөлүүмүн. Келинчегим Агилаш казак кызы, кесиби боюнча экономист. Үч эркек уулум бар: Нурмухаммед, Динмухаммед жана Алихан деген.
– Уулдарыңызды өзүңүздөй саясатчы катары көргүңүз келеби?
– Балдарым мындай же тигиндей болот деп алдын ала тон бычкым келбейт. Бирөөнү алдап чөнтөгүнө акчасын батыра албаган адамдан көрө, тоодо жашап, эч кимге зыяны жок ак эмгеги менен жанын баккан жылкычынын жеген наны таттуу. Эң негизгиси, ыймандуу, ынсаптуу болушса деп тилейм. Алар жылкычы болобу, дыйкан болобу же саясатчы болобу ак эмгеги менен жашап, көрө албастык, ичи тарлык деген нерседен алыс инсандардан болушун каалайм.
– Ашканага баш багасызбы? Балким, Өзгөндүн жигити катары палоону келиштире басарсыз?
– Кээ бир таанымал инсандарыбыз маек берсе көркөмдөп “ашканада мыкты кожоюнмун, тамакты мындай жасайм, тигиндей жасайм” дешет. Ошолордун маегин окуп таң калам. А өзүм болсо ашканага аралашпайм. Жубайым Агилаш менин табитимди билет. Анын жасап берген тамактарынын бардыгын жактырам.
Негизи, кир жууп, тамак жасоо деген жумуштардын баары башымдан өткөн. Мен жасабаган, мен кылбаган жумуш калган эмес. Анткени менден кийин беш карындашым бар. Апам жумушка кетет, карындаштарымдын кирин жууп, тамагын жасап, кыскасы, бардыгын ирээтке келтирүү менин моюнумда эле. Ошондо катуу көңүлүм калганбы, билбейм, азыр мык да каккым келбейт.
– Эс алуу эргүү тартуулайт эмеспи. Кантип, кимдер менен эс алууну жактырасыз?
– Китеп окуйм, бильярд ойнойм...
– Сауна, казино дегендерге барасызбы?
– Студент кезимден бери саунаны жакшы көрөм. Бууга какталып, денең эле эмес, ойлоруң да тазарып чыгасың. Ал эми казино деген нерсеге таптакыр барган эмесмин, барбайм дагы.
– Бильярдды достор менен ойносоңуз керек. Эң жакын досторум деп кимдерди эсептейсиз?
– Эң жакын дос деген болбойт. Кыйышпас кан дос болуш үчүн төө көтөргүс милдетти моюнга илиш керек. Тарыхты карай турган болсок, айрым агаларыбыздын достугу даңазаланып айтылып келет. Алар: Курманбек менен Аккан, Эстебес менен Токтосун, Жолон менен Турар сыяктуулар. Бүгүнкү күндө ушундай эл оозунда айтылган чыныгы досторду атай алабызбы?! Андай достор азыр жок. Муну менен мен досторум жок деп айтпайм. Менин деле досторум бар. Таенем көп айтчу эле «жамандын жолдошу көп, жанына пайдасы жок» деп. Мен досторумдун баарына аяр мамиле жасайм. Бирок алар кандай достор? Акча дос, бизнес дос, бийлик дос жана санаалаш, пикирлеш достор...
– Түш, аян дегендерге ишенесизби, түшүңүзгө эмнелер көп кирет?
– Эми түшкө ар нерсе кире берет. Айрым учурда аян да берет. Кээде эки-үч күн алдыда боло турган нерселерди, айрым учурларда, тескерисинче, өтүп кеткен окуяларды көрүп калам.
– Тамаша иретинде бир суроо бергим келип турат. Түшүңүздө таажы кийген жок белеңиз?
(Күлүп). Мен түшкө, көзү ачык, бүбү-бакшы дегендерге ишене бербейм. Азыр эмне көп – көзү ачык, бакшы көп. Айрым саясатчыларыбыз Жаратканга эмес, көзү ачыктарга ишенип жашап калган кез.
– Кайсы майрамдарды жактырасыз?
– Кайсы күнү ким менен баарлашпайын, жан дүйнөңдү түшүнгөн инсан менен отуруп, ошол кишиден билбеген бир нерсени үйрөнсөм, мен үчүн ал күн майрам. Илгери ата-бабаларыбыз майрам, шаан-шөкөттү мезгил-мезгили менен эле өткөрүшкөн. Азыр тирукмуш эле майрамдарыбыз бар. Мисалы, Жаңы жылды алалы. Ким айтты эле сааттын жебеси туптуура 12ни какканда шампан ачып ичиш керек деп? Анан туура 12ге жетишпей калса, айрымдар кадимкидей капа болуп алышат. Анын эмне кереги бар? Айланайын, Манастын урпагысыңбы, кыргызсыңбы, кыргызча эле жаша?!
– Эмнеден коркосуз?
– «Досум» деп душманымдын далымдан таптаганынан корком.
– Өзүңүздү саясатчымын деп эсептейсизби же журналистмин деппи?
– Студент кезде бир ыр жаздым эле:
Ойлорум уйгу-туйгу,
Жолдорум ийри-буйру.
Көңүлүм жазгы жамгыр,
Өмүрүм эски калбыр,- деп. Адам болуп жаралгандан кийин көп жолдорду басабыз да. Ырда айтылгандай биздин жолдор ийри-буйру, көңүлүбүз жазгы жамгыр болгон менен, өмүрүбүз эски калбыр болуп жатпайбы. Журналист деген мыкты кесип. Мурда “жерден жарака кетсе, акындын жүрөгү аркылуу өтөт” дечү эле. Азыр журналисттин жүрөгү аркылуу өтүп калды. Учурда саясатчы сөрөйлөр көп, саясатчы аталып алыш оңой. Мен болсо өзүмдү саясатчы же журналист деп эмес, элиме кызмат кылган адаммын деп эсептейм.
– Бийлик аркылуу байлыкка жеткен оңойбу же байлык аркылуу бийликке жеткенби?
– Кызык суроо болду. Кээ бирөөлөр бийликке байлык топтоо үчүн келсе, айрымдар бийликке баруунун жолун издеп байлык топтошот.
– Өзүңүздү бул эки топтун бирине киргизесизби?
– Мен эч кайсынына кирбейм. 1995-жылы ­депутаттыкка талапкер болуп үгүт жүргүзүп жүргөндө мындай бир сөз айттым эле, каруум элиме казык, каным элиме азык болсун деп. Азыр деле ошол ураан менен жашаган адаммын.
– Элибизде “эр жигитке байлык, бийлик берип сына” деген жакшы сөз бар. Сиз ушундай сыноолордон өтө алдым деп ойлойсузбу?
– Мен ойлойм, өттүм го деп. Бирок минтип айтсам да аша чаап кеткендик болуп калчудай. “Бийлик таттуу болот” деп коюшат. Мен бийликтин таттуу даамын эмес, ачуу даамын гана сездим. Кимдир бирөө бийликке келсе “ордуңуз майлуу-сүттүү болсун” дешет. Жеке өзүм жөнүндө айтсам, бийликтин майын да, сүтүн да таткан жокмун...
– Эмне үчүн? Абдан абройлуу кызматтарды аркаладыңыз го...
– Билбейм, өзүм да түшүнгөн жокмун. Мен барбаган бийик даражадагы кызматтардын бир-экөө эле калды десем болот. Таң калганым, бийликке келгенде достошуп жүргөндөрүм тескери карап, а касташып жүргөндөрүм дос элек деп кучак жайып келгендери болду.
– Рахмат маегиңизге, ишиңизде ийгилик болсун!

P.S. А.Мадумаров учурда баш калаадагы «Бета Сторес» соода борборуна баш директор болуп бекитилгени тууралуу сөздөр айтылууда. Адахан мырза бул тууралуу бизге маалымат бербегени менен, маек аталган борбордун директорунун кабинетинде өттү.

Амантур Султанкулов
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
17.01.2010. 04:08 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
demek Adaxan baike deputattiktan direktorluka otyptyrda ee??!!
17.01.2010. 21:10 
Тайпасы:
Жаран
Комментарийлердин саны:
114
Катталган:
01-11-2009
Соӊку аракети:
18-02-2018 06:38
Жынысы:
Белгисиз
Калаасы:
England
0
er jurok tuura sin aytkan kalis deputattardin biri ele beker kilipsiz sayasattan chettep.birok bizneste maydi suttu kop kop tapsa bolo turganday okshoyt...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: