Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Жылдыздарга жол көрсөткөн ТИМБАЛЭНД

№375 8-14-январь, 2010-ж.


Тимбалэнд дүйнөлүк шоу-бизнесте рэп ырчы эмес, продюсер катары таанымал. Кара терилүү атактуулардан Эйкон менен 50 Cent кылмыш чөйрөсүнөн кийин музыка дүйнөсүнө кадам таштаса, Тимбалэнд атак-даңкка музыкага болгон күчтүү сүйүүсүнөн улам жетишкен.

Толук аты-жөнү – Тимоти Мосли
Сахнадагы ысымы – Тимбалэнд
Туулган жылы – 1971-жыл, 10-март
Туулган жери – АКШ, Виргиния штаты, Норфолк шаары
Учурда – Продюсер, аранжировкачы, рэп ырчы, көптөгөн ырлардын автору
Жанры – R&B, хип-хоп, рэп, поп

АБРОЙЛУУ ТИММИ
“Болор бала богунан” демекчи, Тимбалэнд кичинесинен музыкага жакын болуп, бир уккан ырын тез илип алып, кыңылдап ырдап калчу. Ырлардын обонун өзгөртүп башка ыргакка салып коймой шыгы да бар эле. Мектепте болсо ди-джейлик менен алектенген. Майрамдарда же эс алуу күндөрүнө карата дискотека уюштуруп, окуучулар арасында DJ Тимми деген лакап атка ээ болуп, абройлуу балдардын катарын толуктаган. Окуучулук кезде Мисси Эллиотт аттуу коңшу кыз менен жакын достордон болуп, экөө сабактан кийин Тимотинин үйүнө келип ыр жазышып, ага обон жаратышчу. Кийинчерээк экөөнө Мелвин Барклифф аттуу жигит кошулат. Бириккен үчөө өздөрүнчө топ болуп сахнага чыгууну самашат. Бул максаттарын ишке ашыруу үчүн ээрчишип алып Нью-Йорк шаарын көздөй бет алышат.

ЭМНЕ ҮЧҮН ТИМБАЛЭНД?
Норфолк шаарынан келген үчилтикке белгилүү продюсер ДеВанте Свинг жардам берген. Көп өтпөй Мисси алардан бөлүнүп өзүнчө ырдап кетет. Ал эми Мелвин менен Тимоти дуэт ырдап чыгышат. Свинг "экөөңөргө лакап ат табуу керек" деген сунуш киргизип, Тимбалэнд & Магу дуэти деп атап коёт. Тимбалэнд деген ат ошол кездеги эң белгилүү кеданын үлгүсү эле.

ӨНӨКТӨШҮНӨН АЖЫРАГАНДА...
Тимбалэнд & Магу дуэти хип-хоп, рэп багытында ырдап башташат. Ырлардын сөзүн да, обонун да Тимбалэнд жазып, аранжировкасын да өзү жасачу. Кийинчерээк Тимбалэнд продюсерликке кызыгып, кошунасы Мисси Эллиоттко жардам бере баштайт. 1999-жылы Тимбалэнд продюсерлик кылган Миссинин алгачкы музыкалык альбому "Жылдын хит ырлар жыйнагы" деп табылган. Кийинчерээк Алия аттуу модель кыз менен иштешип, аны белгилүү R&B ырчы кылууга үлгүрөт. Алиянын “Миллионго бирөө” ("One In A Million") аттуу ыры 1996-жылы хитке айланып, элдин көңүл борборунда болгон. Тимбалэнддин капчыгына миллиондогон гонорарлар түшүп баштаганда чыгармачылыкта бир команда болуп иштеп жаткан өнөктөшүнөн ажырайт. Тактап айтканда, 2001-жылы Алия авиакырсыкка кабылып, дүйнө менен кош айтышат. Тимбалэнд мындай күтүлбөгөн жоготууну көтөрө албай чыгармачылыгын таштап коёт.

АТАКТУУЛАР КЫЗМАТЫНА ­МУКТАЖ
Тимбалэнд кыйналып жүргөн учурда белгилүү ырчы Жастин Тимберлейк продюсери болуп берүүнү өтүнгөн. Ал макулдугун берип экөө чогуу ишке киришкен. Жастин жазган ырларын купулуна толгондой ырдай баштаганда продюсердин музыкага болгон сүйүүсү кайрадан ойгонот.
2003-жылы экөөнүн “Жашыңды мени көздөй төк” (“Cry Me a River”) аттуу чыгармасы көпчүлүктүн сүймөнчүлүгүнө ээ болуп, Жастин эл арасында супер жылдыз деген атка конот. 2006-жылы Тимбалэнд командасына Нелли Фуртадону кошкон. 2007-жылы Тимбалэнд, Нелли Фуртадо жана Жастин Тимберлейк үчөө “Кел, көрсөтчү” (“Give It to Me”) аттуу ыр аткарышат. Ал мегапопулярдуу хитке айланып, “Грэмми” сыйлыгына татыган. Тимбалэнд Нелли менен Жастинден тышкары Jay-Z, “Пуссикэт Доллс” тобу, Уитни Хьюстон, Дидди, 50 Cent менен иштешип келет. Аталган атактуулардын баары Тимбалэнддин кызматына муктаж экенин жакшы билишет. Ал эми Тимбалэнд алардын жылдызын жандырып, жол көрсөтүүдөн тажабай келет.

ҮЛГҮЛҮҮ КОЖОЮН
Тимбалэнд жашоодо бир агым менен аккан адамдардан. Башка жылдыздарга окшоп чыр-чатакка аралашып же кайра-кайра аял алмаштыруу деген сапаттардан алыс. Ал 2008-жылдын жай айларында өзү көптөн бери жарандык никеде жашап келе жаткан журналист Моника Идлетт менен мыйзамдуу түрдө баш кошкон. Учурда үч жаштагы Рейн аттуу кыздын атасы. “Кызыбыздын тилинен бал тамып, таттуу сүйлөп жаткан убагы. Атабыз күнүгө жумуштан шашып, кызымды кучактайм деп сагынып келет”,- дейт сүйүктүү жубайы Моника. Ал эми жакындары аны карап "үлгүлүү күйөө, камкор атасың" деп суктанып келишет.

ТИМБАЛЭНД ТУУРАЛУУ

  • Өтө толуп кетпеши үчүн таттууларды аз жейт. Үйүндө машыгуу залы бар. Ар күнү эки маал машыгып, булчуңдарын чыңап турат.
  • АКШдагы эң бай рэппер, хип-хоп ырчы жана абройлуу беш продюсердин бири.
  • Тимбалэнддин жазган 1 ыры 300 000 доллар турат. Ал эки аптада 10 ыр жарата алат.
  • “Грэмми” сыйлыгынын 4 жолку ээси.


Шоу-бизнес жаңылыктары

БАСКОВ МЕНЕН ФЁДОРОВА БАШ КОШУШАТ
Акыркы кезде бири-биринен кол үзбөй калган ырчы Николай Басков менен модель Оксана Фёдорованын мамилеси үйлөнүү тою менен аяктаганы турат. Басков Оксананын туулган күнүндө 100 миң долларлык шакек салып колун сурады. Модель кыз сүйүнүч менен сунушун кабыл алып макулдугун берди. Экөөнүн тою Оксана немис күйөөсү Филипп менен толук ажырашкан соң болмокчу.

“ПУССИКЭТ ДОЛЛС” ТОБУ ЖАҢЫЛАНАТ
Пуссикэт Доллс” тобу таркайт имиш” деген маалымат четке кагылды. Бул тууралуу топтун негиздөөчүсү жана продюсери Робин Антин: “2010-жылы аталган топ таркабайт, жаңыланат”,- деген билдирүү берди. Ал эми ырчы Николь Шерзингер топтон кетпей, тескерисинче, топтогу кыздардын орду башка сулуу кыздар менен толукталат.

JAY-Z ЖУБАЙЫНЫН ФАМИЛИЯСЫНА ӨТӨТ
Рэп ырчы Jay-Z өзүнө жубайы Бейонстун Ноулз деген фамилиясын кошмой болду. Мындай чечимге келүүгө Бейонстун эркек бир тууганы жок экендиги себеп болгон. Jay-Z паспортун Шон Ноулз Картер деп өзгөртөт. Эми Jay-Z (чыныгы аты - Шон Картер) өзүнүн фамилиясына Ноулз дегенди кошсо, экөөнүн болочоктогу балдары да Ноулз фамилиясын алып жүрүшмөкчү.

БРЕЖНЕВА УУЛ ЭМЕС, КЫЗ ТӨРӨДҮ
Телеалпаруучу жана ырчы Вера Брежнева жакында көз жарган. ММКларга анын пресс-катчысы уул төрөдү деген маалымат берип койгон. Вера “мен уулдуу эмес, кыздуу болдум” деп билдирип, кызына Сара деген ысым койгондугун айтты. Ал эми пресс-катчы туура эмес маалымат таратканы үчүн тиешелүү жазасын аларын да билдирген. Эскерте кетсек, Брежневанын 8 жаштагы Соня аттуу кызы бар.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: