Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЖАЛГЫЗ КЫЗЫМ МЕНИ ТАШТАП КЕТТИ»

№214 8-14-декабрь, 2006-ж.


– Бул жашоодо жалгыз гана карманаар адамым кызым эле. Күйөөм экөө­бүз кызым кичине кезинде эле ажырашып кеткенбиз. Өгөй ата жалгызымды уруп-согуп, көз карама кылып коёбу деген ой менен андан кийин турмуш курган жокмун. Ооба, балким, бул менин жаңылыштыгым да болушу мүмкүн. Бирок...
Атасыз балдар ушундай бейбаш болуп өсүп калышабы, айтор, чоңойгон сайын кызымдын мени укпай калганы көбөйдү. Курбулары менен түн катып жоголуп кетүүнү адат кылып алды. Ар бир добушту тыңшап үйдө жаткан мен шордууну ойлоп койбогон кызыма таңкалаар элем. Көрсө, ал учур менин көрө турган куу­ралымдын башталышы гана экен.
Кийинки кездерде Зарина өзүнчө эле намаз окуп, мечитке барып, кандайдыр бир мага түшүнүгү жок сөз­дөр­дү сүйлөп, караманча өзгөрүп кет­кенин байкадым. Телефондон да бирөөлөр менен сырдуу сүйлөшүп, мен келе жатканда трубканы коё калчу болду. Бул эмнеси? Бир күнү сөзгө тартсам, Афганистандан качып келген кандайдыр бир Фахит аттуу жигит менен сүйлөшүп жүргөнүн айтты. Шалдайып эле отуруп калдым.
– Зарина, биздин кыргыз жигиттер менен эле сүйлөшсөң болбойбу?- де­дим.
Ал кайдыгер гана ийнин куушуруп коюп чыгып кетти. Жүрөгүм мыкчылып, отурган ордумдан тура албай кала бердим. Ошондон кийин мени таптакыр тоготпой калды. Кайдан-жайдан таап келди ким билсин, айтор, эби-сыны жок узун, кенен кийимдерди кийип баштады. Эси жок эселектин башын ким тез эле айландырып алганын биле албай жаным кашаят. Ошондон баштап үйдө күндө уруш, күндө жаңжал. Менин ыйлаганым, коркутканым, жүрөгүм ооруп жыгылганым ага баары бир эле. Мелтейип туруп «Мен Фахитти сүйөм» дегенден башканы айтпайт.
Кызым бир күнү келди да:
– Апа, мен Фахит менен кеткени жатам,- деди.
– Кайда?
– Алардын салты боюнча ата- энесинин алдына барып тойду өткө­рүш керек экен...
– Зарина, сен соо элесиңби? Мен сени эч кайда жибербейм...
– Апа, мени баары бир кармап кала албайсың...- деди кызым.
Кайрадан баягы бүтпөгөн уруш- талашыбыз башталды. Өмүр бою көзүн карап, көкүлүн тарап өстүргөн кызымдан ушуну угат белем? Көзүм­дөн жашым тыйылбай түнү менен урушуп­ камап отуруп эптеп таң атыр­дым.
Эртеси жумушка жөнөдүм. Кайдан иштей алам? Түндөгү сөздөр кулагыма жаңырып, кызымды бул тордон кантип куткарып чыгыштын амалын ойлоп, кечки убак үйгө келдим. Келсем алтындарыбызды салып койчу чакан үкөгүбүздө алтындар жок. Жү­рөгүм шуу этип Заринанын паспортун карадым. Ал дагы жок...
Кечинде курбуларыныкына чалып баштадым. Бир курбусу «Ооба. Зарина меникине буюмдарын таштап кетти» деди. Аткан октой үйдөн чыгып, курбусунукуна бардым. Зарина таштап кеткен кичинекей сумканын ичинде жоголгон алтындар, паспорт, акчалар бар экен. «Зарина качкын афган менен качып кетээрин айтты. Эже, аны эптеп сактап калыңыз» деди курбусу жалдырап. Көзүм­дүн жашы төгүлүп үйгө жөнөдүм. Таң агаргыча уктабай жаттым. Зарина ал түнү да, андан кийин да келген жок. Кудай энени башкача кылып жараткан окшобойбу, кызымдын буга чейинки сөөктү сыздаткан сөздөрү да уну­тулуп, аны бир көргөнгө зар болдум. Издебеген жерим калган жок. Милициянын эшигин жырттым. Эч майнап болгон жок.
Энемин да, баары бир үмүтүм үзүлбөй койду. Изилдеп жүрүп, акыры качкын афгандардын көбү көк чай сатып оокат кылаарын угуп калдым. Издейин десем, болгону Фахит деген ысымды гана билем. Башка эч кандай илинчегим жок.

Бир күнү таң эртең менен дүңү­нөн чай саткан жерге келдим. Карасам аксак, сакалчан, жашы 40тардагы афган улутундагы киши жүргөн экен. Мен ага жакындап берип «Кечиресиз, бул жерде Фахит деген жигит иштебейби?» дедим. Ал мага бир чолуй карап алды да, «билбейм» деп күңк эте ары бурулду. Үмүтүм таш каап артыма кайттым.
Бир күнү Восток-5 кичирайонунан баягы базардан жолуктурган аксакты маршрутканын терезесинен көрүп калдым. Негедир жүрөгүм болк дей түштү. Шашып-бушуп маршруткадан түшүп калып, ал аксактын артынан жөнөдүм. Ушул кишинин артынан барсам эле кызым табылып калчудай болуп артынан кете бердим.
Бир кезде ал көп кабаттуу үйлөр­дүн бирине кирип кетти. Көпкө карап туруп коңшусунун эшигин кактым. «Айтып койчу, айланайын сиңдим, бул жерде Зарина аттуу кыз жашайбы?» дедим. «Зарина экенин билбейм, бирок, узун көйнөк кийип, бетин жапкан кыз кирип-чыгып калат. Эч ким менен сүйлөшпөйт. Кыязы, Фахиттин аялы болуш керек» деди. Фахит деген атты укканда жүрөгүм токтоп калгандай болду. «Бул жерде жашаган адамдын аты Фахитпи?» деп суроо узаттым. «Ооба» деди кыз. Бут алдыман жер көчө түштү. Көрсө, менин кызымдын энесинен кечип сүйгөн «жигити» ушул түрү суук, 40тан ашкан аксак экен да...
Ошол күнү кечке чейин ал үйдүн эшигин аңдыдым. Эмне кылаарымды билбей көчөдө турсам, жанагы афган келе жатыптыр. Артында... Оо, жараткан, ушуну көргөнчө көзүм­дү сокур кылып койсо эмне? Артында узун кара көйнөк кийген, бетин думбалаган менин Заринам! Бакырып жиберип боюмду кызыма таштадым.
– Зарина!
Кызым болсо менден боюн ала качып, жанагы түрү сууктун артына жашынды. Сагынган экемин, кучактап алып анын таштай каткан жүзүнө, капкара кийимине карап ыйлай бердим. «Кызым, мен сени издеп жүрөм. Мен жалгыз калдым, каралдым... Мени аячы... Жүрү, үйгө кетели. Сени эмне кылып салышкан?» деп оюма эмне келсе ошону айтып ыйлап жаттым. Менин боздогонума таш эригендей болсо да кызымдан үн чыккан жок. Жаш аралаш кантип ушул түрү суукка жем болду деп ойлоп, жетимиш тамырым зыркырап жатты. Кызым болсо: «Апа, мен Фахиттин аялымын. Биздин нике мечиттен кыйылган» деп чөнтөгүнөн түшүнүксүз тилдеги жазуусу бар тил катты алып чыгып көрсөт­тү. «Зарина, үйгө келчи, мен баарына макулмун. Мурункудай урушпайм» деп жалдыраганыма карабай бир кезде мени көкүрөккө түртүп салып, өз жолу менен кете берди. Теңселе түштүм. Эне болуп бакыт тапканым ушубу? Жарым өмүрүмдү арнаган кы­зымдан көргөн жакшылыгым ушубу? Ыйлай берип бир кезде эсимден танып калган экемин. Тез жардам менен ооруканага алып бара жаткан жерден эсиме келдим. Ооруканада өмүр менен өлүмдүн ортосунда жатып ойлогонум да кызым.
Айыккандан кийин баягы үйгө барсам, мен жолуккан күнү эле кө­чүп кетишкен экен. Ошентип, кызымды кайра жоготуп алдым. Азыр болсо кызымды кайра кантип кайрып алуунун жолун таба албай, арга издеп жүргөн кезим. Балким, силердин газетадан кызым менин күйүтүмдү окуп калса, мага кайрылып келеби деген үмүт менен жазып жатам. Мен кызым келип калса бардыгын кечирет элем.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
31.07.2012. 17:09 
Тайпасы:
Кыймылы жок
Комментарийлердин саны:
27
Катталган:
24-02-2012
Соӊку аракети:
18-04-2016 11:13
Жынысы:
Белгисиз
Калаасы:
Ош
+1
Таш боор, 9 ай сыздаганына карабай таштап кеткен экен. Энени Меккеге которуп барсан да актай албайсын ак сутун. Ничего сен да балалуу болорсун байкушум, ошондо эненин баркына жетесин.
02.03.2018. 00:09 
Тайпасы:
Жаран
Комментарийлердин саны:
6
Катталган:
10-07-2017
Соӊку аракети:
17-05-2018 15:23
Жынысы:
Белгисиз
0
allahym enelerdin koz jawyn agyzbasyn
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: