ПУТИНДИН БАСМА СӨЗ КАТЧЫСЫ МОСКВАДАГЫ БАТИРДЕН ДА КЫМБАТ СААТ ТАГЫНАБЫ?

Орусиянын президенти Владимир Путиндин басма сөз катчысы Дмитрий Песков муз үстүндөгү бийлер боюнча олимпиадалык чемпион Татьяна Навкага 1-августта баш кошту. Алар буга чейин мамилесин жашырып келишкен эле. Кептин баары тойдун эртеси уланды.
Оппозиционер Алексей Навальный Песков үйлөнүү тоюнда тагынып жүргөн сааттан чоң чуу жаратып койду. Анын айтымында, басма сөз катчы үйлөнүү тоюнда тагынган саат Richard Mille RM 52-01 дүйнө жүзү боюнча болгону 30 даана гана чыгарылган. Баасы 37 миллион рублду чапчыйт. Буга катар Навальный Песков тапшырган декларациясына ылайык, бир жылдык кирешеси 9 миллион рублдан бир аз ашканын эске алып, «Песков 4 жылдык кирешесине барабар болгон саатты кайсы каражатына алган?» деп суроо койду. Ал эми Песков cаатты жубайы Татьяна белек кылганын, мындай кымбат сааттарды сатып алууга анын капчыгы жол бербей тургандыгын айткан. Навальный өз кезегинде чиновниктер баасы 3000 рублдан ашкан белек алууга болбой турган мыйзам бар экенин кыйытып, Песковдун бул жообуна интернетте жайылган басма сөз катчынын башка кымбат сааттарды тагынып түшкөн сүрөттөрүн илип, «муну да Навка бергенби?» деп бурчка такады.
Айтор, талкуу жараткан бул окуядан Песков: «Бул биздин жеке ишибиз, ал эч кимди кызыктырбайт»,- деп кутулду. Ал арада бир катар чет элдик ММКлар «путиндик режим» ушуга алып келди деген сыяктуу сындарды жаадырышууда.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

Oceana.

2015-08-10 11:36:35

Кызык эле,такса эмне болуптур.

-2

Pantherka

2015-08-10 15:00:08

Oceana.,Эмне болмок эле конкретно жеп жатат деген да, биз эле маани бербейбиз хитпи, фитпи иши кылып жеп жатат деп койобуз ))))

erika8982

2015-08-10 12:00:39

демек сааттарга кызыгат озуно жаккан нерсенин кымбаттыгына карабай аласын го ошондой эле болсо керек, тагынса тагыныптыр да тобооо ММКлар да тапбай эле турушат экен да.

-1

beka1207

2015-08-10 15:19:30

37млн рублдук саатты бизнесмен такса жарашат,ал эми мамлекет кызматындагы чиновниктин мындай кымбат баалуу саат тагышы коп нерседен кабар берет...

aziziko

2015-08-10 18:31:46

Россия деле бардак мамлекет коррупция биздикинен жаман

bakyt_2015

2015-08-10 19:30:23

Бизде эмне иш жазылбасын "эмне болмок эле" деген кайдыгер, туркой суроо салгандар арбын. Эстуу адамдын башына андай суроо келбейт.Эмне болмок эле эмес бул жерде жогорку мам.кызматкер жонундо соз.Мамлекеттин демек элдин эсебинен тагынган деген олутту кечирилгис иш тууралуу соз журуп жатат.Бул деген Путинге да кара коо жапчу соз тушунгон адамга

AFRODITA-89

2015-08-10 23:15:03

оой баай бироолор ошончо акчага болгону саат эле тагынат экенда мен андай акчам бар болушун онумдо эмес даже тушумдо да корбогом, жуксун! жуксун! Акчасынан.

zamir_kgz

2015-08-13 00:34:25

Мен налоговыйда иштеген бироону кордум, ото кымбат баалуу сотка которуп алыптыр. Мен: эй алдагы сотканды жашыр элдин акчасынан алган деп ойлоп калышат - дедим.

aiba91kg

2015-08-15 23:47:51

Путин кандай саат тагынат болду экен??

Rifle

2015-08-16 15:48:32

Apple Watch Edition 38mm 1'199'000 рубль турат экен. Спрос болгон учун, ушундай баада турат да.

jonsons

2015-08-16 22:02:40

Путиндин тагынган сааты Philippe Patek

Комментарий калтыруу үчүн өз ысымыңыз менен кириңиз же каттоодон өтүңүз.

№ 666, 7-август-13-август, 2015-ж