«КУМТӨРДҮН» ЭКС-БАШЧЫСЫ КЫРГЫЗСТАНДЫН ТАЛАБЫ МЕНЕН КАРМАЛДЫ

"Коррупция" беренеси боюнча айып тагылып, 2014-жылы эл аралык издөөгө жарыяланган «Центерра Голд» компаниясынын мурунку жетекчиси Леонардо Хоменюк Болгарияда 27-июль күнү кармалды. Ички иштер министрлигинин маалыматына ылайык, ал Кыргызстандын талабы менен колго түшүрүлгөн.
Хоменюк 2004-2008-жылдар аралыгында «Центерра Голд» компаниясынын башкы директору, директорлор кеңешинин мүчөсү болуп иштеген. "Леонардо Хоменюктун кармалышы анын 2003-2004-жылдардагы «Кумтөр» долбоорун реструктуризациялоо боюнча бийлик өкүлдөрү менен мыйзамсыз макулдашууга барган деген билдирүүлөрдөн болушу мүмкүн. Компания Кыргызстандын бийлигинен мындай айыптоолордун фактылык негиздерин көрсөтүүнү өтүнгөн, бирок маалымат берилген эмес",- деп «Центерра Голд» компаниясы билдирүү таратты.
Леонардо Хоменюкту Болгариянын соту экстрадиция иштери такталмайынча 30 күнгө камакка алуу чечимин чыгарган.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

malywKG

2015-08-12 13:16:39

Кумтор кумтор силер проблема чечкиче алтын тугойт анан...

marik10

2015-09-16 10:13:59

ошентип журо беришет тигини карма муну карма деп, андан башка маселе жокпу? билим медицинаны ким которот?

Комментарий калтыруу үчүн өз ысымыңыз менен кириңиз же каттоодон өтүңүз.

№ 666, 7-август-13-август, 2015-ж