Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕНИ БАКЫТ АРАЛЫНАН ИЗДЕБЕ…

№667 14-август-20-август, 2015-ж


(Башталышы өткөн сандарда)

Бир күнү ушул оюн ортого салды.
– Адел, доктурга барып көрүнүп келбейлиби?
– Эмнеге?
– Эми, балалуу болсок жакшы эмеспи?
Аделдин көздөрү чоӊоё түштү. Ал азыр абалдын мындан ары өзгөрүп кетишине таптакыр даяр эмес эле.
– Жок, мен барбайм, ден соолугум жайында эле,- деп жиберди шашыла.
– Эмнеге көӊүлүӊ ачылбайт? Асмандагы айды алып бер десеӊ да алып берет элем, чет өлкөгө барып эс алып келели десем да жок деп койдуӊ. Айтчы, деги сенин жадырап жүрүшүӊ үчүн эмне кылышым керек?
Адел оор улутунуп койду. Эмне дейт? Бул дил азабы экенин, көӊүлү жок экенин кантип түшүндүрөт? Бир чети көзүнүн агы менен теӊ айланып жатканы үчүн Карыпбекке да боору ооруп кетет. Кантсин, бечара, «эмне жейсиӊ, эмне ичесиӊ?» деп эле турат. Башын көтөрүп эмне дээрин билбей, Карыпбекти тиктеп туруп калды. Карыпбек келиндин көзүнөн өөп койду.
– Антип карабай жүрчү.
– Эмнеге?
– Өзүмдү акмак сезип кетем ушул көз карашыӊдан.
Ушул сөз менен дилиндеги нерсени айтып алды.
Жашоо өз нугу менен өтүп жатты. Аделге эми биринчи күндөрдөгүдөй оор болбой калды. Күйөөсүн берилип сүйбөсө да, боору ооручу. «Сүйбөсөм да, жок дегенде аялдык милдетимди толук аткарайын» деп үйдө үй кызматчысы болгонуна карабай күйөөсү менен Айкөлгө өзү тамак жасап берчү. Кичинесинен жумушка бышкан ал тынч отура алчу эмес. Бакчаны да өз колуна алып, ага чанда жолукчу гүлдөрдү эгип, өзүнө-өзү иш таап алса кубанар эле. Тилегени эле Айкөл байкесинин бул үйдөн кетип калбашы. Кичинесинен чогуу өскөнү үчүнбү, кадимкидей аны дем кылып, ага-карындаш катары эркелеп алар эле.
Бир күнү оор улутунуп алды.
– Айкөл байке, кайсы бир күнү бул үйдөн кетесиз да, ээ?
Жигит бул суроону күтпөсө керек, шашып кетти.
– Эмне болду?
– Сиз жок мен эмне кылар экем? Мага аябай оор, жок дегенде сиз менен сүйлөшүп алаксып калам. Кайсы бир күнү кетип калышыӊызды ойлогондо аябай коркуп кетем. Жашоо ушундай эмеспи, баары биз каалагандай болбойт тура.
– Ой, биздин кичинекей Адел чоӊ адамдай сүйлөп калган го,- деди Айкөл тамашага бурмакка.
– Эми чоӊойбогондо эмне кылам? Турмуш мени тез чоӊойтуп койду.
– Эк, сени десе... Эч нерсеге капа болбо, мен сени эч качан таштап кетпейм.
– Кантип эле, эртеӊ үйлөнөсүз, өз уяӊызды курганга аракет кыласыз. Билесизби, бир жылы биздин үйгө чабалекейлер уялаган болчу. Эки балапан чыгарышкан. Сиз экөөбүз аларды тиктеп отура берчүбүз.
– Эсимде...
– Мына ошол чабалекейлердей өз уябыз болот экен. Мен өз уямды тапканым менен, баары бир бул жерде чоочунмун. Таякеӊиз балалуу болсок эле баары ордуна келет деп ойлойт, бирок мен...
– Болду эми, тентек кыз. Мен сага айтпадымбы, сени жалгыз таштап эч кайда кетпейм. Жок, сенде баары жакшы болмоюнча, Адел мурункудай бактылуу жадырап-жайнамайынча эч жакка кетпейм.
– Сөз бересизби?
– Сөз берем!
Мурдунан чымчып эркелетип койгон Айкөл артынан Карыпбектин жөтөлгөнүн угуп селт чочуду.
– Кандайсыӊар, сен эрте келдиӊби, Айкөл?
– Ооба, таяке, бүгүн кеӊседе көп деле иш болбоду.
– Иш аз десеӊ мен сага чоӊ тапшырма берет элем.
Карыпбек кызганып кеткенин билдирбегенге аракет кыла калп күлүмүш болуп калды. Башынан эле Аделге чымын конушун каалабаган неме ушул окуядан кийин экөөнүн сүйлөшүп калганын көргөндө кызганычтан ордун таппай кетчү болду. Канчалык жашыргысы келип, бул ойду өзүнө жууткусу келбегени менен, ичтен жеген кызганыч аны ар
кандай ойлорго түрткүлөчү. Бирок канчалык экөөнүн мамилесин аӊдып, кыраакылык менен байкаса да, экөөндө ага-карындаштан башка жылуу сезимди көрө албады.
Ансайын өзүнө-өзү жини келип кетет. «Карыганда мени Кудай урду го. Өзүмдүн жээнимден кызганып» деп күбүрөнүп калчу. Экөөнүн мамилесинде эч кандай ыпылас нерсе жок экенине көзү жеткенден кийин аларды жайына койду. Ал тургай Аделди Айкөлгө ишенип тапшырып кете турган. Айкөл болсо канчалык аракет кылса да, бул үйдөн чыгып кете албады.
Окурман, ушул жерден бир чоӊ сырды ачып койбосок, сизге да түшүнүксүз болуп калчудай. Айкөл кичине кезинен баштап эле Аделди балалык махабаты менен сүйчү. Күнөөсүз достуктан, таза балалык сезимден жаралган нерсе чоӊ сүйүүгө айланып кетерин ал кезде эч ким билбесе керек. Өз сезимин жеткире түшүнө албай, ал тургай аны жан адамга айткандан коркуп жүргөн маалда колунан жулдуруп ийгендей болду. Аделге болгон сезимин эрте айтпаганына, өз колу менен картаӊ таякесине түрткөнү үчүн кандай гана азап тартпады. Кир кол менен кармагыс асыл адамына башка адам ээлик кылып алганына жаны катуу сыздап жүрдү. Бирок көкүрөктө бугуп жаткан махабатын акылдын, эрктин күчү менен басып, өзүнөн башка эч бир жанга шек алдырбады. Атүгүл Адел дагы анын сезими тууралуу билчү эмес. Болгону бир гана адам бул жөнүндө шектенип калган.
Аделдин таякесинин аялы болгонун укканда өӊдөн кеткен Айкөл чарбакты көздөй баскан. Ичи эӊшерилип, биринчи жолу эркек башы менен ыйлаган эле. Ошол учурда аны Турсун апа көрүп калган. Мурунтан эле кызын көргөндө Айкөлдүн кабагы жарк эте түшкөнүн байкаган ал жигитте тымызын сезим бар экенин билген. «Аттиӊ, Аделимдин кадырына жете турган жашташ, кадырлаш жар болмок экен» деп ичинен сызып калганы бар. Бирок болор иш болгондуктан ал дагы бул сырды көкүрөккө катканга аргасыз болгон эле.
Ортодон жылдар өтүп жатты. Башында секелек кыздай болгон Адел эми баралына келип, керилген келин болду. Дене-мүчөсү да келишип, бою өсүп, көздүн сугу түшө турган жан болду. Көздөрү сырдуу балбылдап, ак саргыл өӊүнө капкара чачтары куп жарашып, көчөдө басканда көптөрдү карата турган көркөм жан эле. Айкөл окуусун бүтүп жеке юридикалык компания ачып, башы менен карьерасына киришкендей. Бирок дагы деле таякесинин үйүнөн кетип кала албай, Аделди кыя албай жүрдү. Үмүт деле кылбайт, болгону күндө ушул жандын үнүн угуп, жүзүн көрүп турганына ыраазы. Андан аркысын таптакыр ойлогусу келчү эмес. Карыпбек анын кете албай жүргөнүн өзүнө байланыштырып, менин беделим, кадыр-баркым менен дагы да болсо ишин илгерилетип алмакка, чогуу иштеп тажрыйба топтогонго аракет кылып жатат деген ой менен жүрдү. Айтор, үч адам теӊ өзүн-өзү алдоо менен жашап жүрүштү. Карыпбектин бирден-бир кыялы – балалуу болуу эле. Эчен жолу Аделди доктурга текшертсе да, баары жайында экенин айтышкан. Андыктан өзү текшериле баштады.
– Карыпбек Абышевич, сиз менен ачык сүйлөшүү керек деп ойлойм. Бүгүн бардык сурооӊузга жооп аласыз,- деди дарыгер.
– Айта бергиле, мен баарын укканга даярмын.
– Биздин клиника эӊ мыкты жана тажрыйбалуу экенин билесиз да. Сиздин ден соолугуӊузду кылдат текшерип чыктык. Ачык айтууга аргасызбыз, сиз балалуу боло
албайсыз.
– Кандайча?
– Муну бир нерсенин таасиринен деп айта албайм, балким, жашыӊыз өйдөлөп калгандыктанбы же башка себеби барбы, билбейбиз. Күйөө катары милдетиӊизди аткарганыӊыз менен, сизде балалуу болуу мүмкүнчүлүгү аз же дээрлик жок десек болот. Эгерде башка жерден текшерилип көрөм десеӊиз өз эркиӊиз.
Карыпбек бул сөздөрдөн денеси ичиркене түшүп, кабинеттен шарт чыгып кеткенге аргасыз болду...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(16)
17.08.2015. 09:15 
Тайпасы:
Жаран
Комментарийлердин саны:
307
Катталган:
15-04-2014
Соӊку аракети:
16-11-2018 08:00
Жынысы:
Белгисиз
+1
Кызга боорум ооруп кетти(((.
17.08.2015. 09:46 
Тайпасы:
Жаран
Комментарийлердин саны:
13
Катталган:
08-07-2015
Соӊку аракети:
13-11-2018 14:42
Жынысы:
Белгисиз
+1
Карыпбек менен ажырашып, Айколго тиеби?
17.08.2015. 10:07 
Тайпасы:
Жаран
Комментарийлердин саны:
66
Катталган:
07-06-2015
Соӊку аракети:
12-10-2017 23:54
Жынысы:
Белгисиз
+1
ошондой окшойт...
17.08.2015. 10:43 
Тайпасы:
Жаран
Комментарийлердин саны:
44
Катталган:
21-05-2015
Соӊку аракети:
26-12-2017 11:31
Жынысы:
Белгисиз
+1
Оа айколго тиет
17.08.2015. 13:04 
Тайпасы:
Кыймылы жок
Комментарийлердин саны:
88
Катталган:
09-02-2013
Соӊку аракети:
15-01-2016 00:47
Жынысы:
Белгисиз
Калаасы:
Ош
0
Жашоо ар нерсе кылып сынайт
17.08.2015. 13:11 
Тайпасы:
Кыймылы жок
Комментарийлердин саны:
68
Катталган:
19-02-2015
Соӊку аракети:
25-07-2016 17:49
Жынысы:
Белгисиз
Калаасы:
Бишкек
0
Уф дагы бир жума
17.08.2015. 14:33 
Тайпасы:
Жаран
Комментарийлердин саны:
38
Катталган:
28-08-2014
Соӊку аракети:
06-11-2018 22:46
Жынысы:
Белгисиз
Калаасы:
соннун жер,тимеле уккмуш
0
Мурдагы санын кантип окусам болот экен ким билет жардамдашып койгулачы.рахмат
17.08.2015. 14:42 
Тайпасы:
Жаран
Комментарийлердин саны:
209
Катталган:
20-10-2013
Соӊку аракети:
12-09-2018 15:33
Жынысы:
Белгисиз
Калаасы:
Ош
0
nur1975
жан дүйнө рубрикасына кирсеңиз мурункуларын окуй аласыз.
17.08.2015. 16:25 
Тайпасы:
Жаран
Комментарийлердин саны:
3
Катталган:
02-12-2014
Соӊку аракети:
09-05-2017 14:04
Жынысы:
Белгисиз
0
Запретная любовь деген турк сценарийине окшоп кетет экен.
18.08.2015. 09:18 
Тайпасы:
Жаран
Комментарийлердин саны:
544
Катталган:
09-04-2014
Соӊку аракети:
17-11-2018 01:32
Жынысы:
Белгисиз
Калаасы:
Жолдошумдун айылы.
+1
Эми тиги кыз Айкол менен мамиле тузуп,анан бул Карыпбектин баласы дебесе болду эми...
18.08.2015. 15:53 
Тайпасы:
Жаран
Комментарийлердин саны:
26
Катталган:
16-08-2015
Соӊку аракети:
30-10-2018 13:53
Жынысы:
Белгисиз
0
Болгон серияларын кантип окуса болот, же болбойбу
20.08.2015. 12:40 
Тайпасы:
Кыймылы жок
Комментарийлердин саны:
1
Катталган:
19-08-2015
Соӊку аракети:
01-09-2015 14:04
Жынысы:
Белгисиз
0
Башынан окубаганыма тушунбойт башын кантип окусам болот айтып койгулачы
20.08.2015. 12:53 
Тайпасы:
Супермодератор
Комментарийлердин саны:
2109
Катталган:
22-02-2011
Соӊку аракети:
16-11-2018 17:44
Жынысы:
Белгисиз
Калаасы:
...
0
Tima1986, KENEWBEK88,
Саламатсыздарбы! http://www.super.kg/allsearch/?where_to_search=article&search_term=МЕНИ+БАКЫТ+АРАЛЫНАН+ИЗДЕБЕ...&x=0&y=0&media_search=1 ушул шилтеме менен кирип окусаңыздар болот.
21.08.2015. 17:26 
Тайпасы:
Супермодератор
Комментарийлердин саны:
2109
Катталган:
22-02-2011
Соӊку аракети:
16-11-2018 17:44
Жынысы:
Белгисиз
Калаасы:
...
0
KENEWBEK88,
Саламатсызбы! Макаланын астында баштагы сериялары көрсөтүлдү. Ошол жерден окуй берсеңиз болот.
Модератор admin_media түзөттү 2015-08-21 17:26:45
21.08.2015. 23:08 
Тайпасы:
Кыймылы жок
Комментарийлердин саны:
9
Катталган:
01-02-2015
Соӊку аракети:
06-11-2016 12:20
Жынысы:
Белгисиз
0
Урматтауу админ бир жумалык тв передажаларды да гезитиниздерден окуп калам бирок эмнеге сайтта жок? бул суроомду башка болумго жазганым учун кечирим сурайм
.
22.08.2015. 11:51 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
BAYAW-KG, саламатсызбы!
Сайтка ТВ-программа жарыяланбайт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: