Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СОГДИАНА

№215 15-21-декабрь, 2006-ж.


«Сердце магнит», «Не беспокойся», «Овара болма», «Нетай» аттуу орусча, өзбекче ырлары менен өзбек шоу дүйнөсүн гана эмес, орус шоу дүйнөсүн да багындырган Согдиананын күйөрмандары Кыргызстанда да жок эмес. Согдиана өзбек, орус, англис, француз тилдеринде ырдап келет. Популярдуулугу күндөн-күнгө күч алып, жылдызы жанып турган ырчы 1984-жылы 17-февралда Ташкент шаарында төрөлүп-өскөн. Учурда Өзбекстандын мамлекеттик консерваториясынын магистратурасында окуйт.

– Согдиана, ырчылыкка болгон кызыгууң канча жашыңдан ойгонгон?
– Жаңылбасам төрт жашымдан ырдап баштагам. Кандай чөйрөдө болбоюн ырдагандан эч тартынчу эмесмин. Өзгөчө жакын туугандарыбыз чогулуп калышканда ырдап берүүмдү суранып калышчу. Ошондо ырдап да, бийлеп да алардын көңүлүн көтөрчүмүн. Музыкага болгон чоң кызыгуумду, шыгымды байкаган ата-энем 1991-жылы мени музыкалык мектептин фортепиано бөлүмүнө тапшыртышкан. Классикалык музыка боюнча бир нече жолу пианисттердин конкурсуна катышып, лауреат болгом.
– Классикалык музыкадан эстрадага өтүп кетүүңө эмне себеп болгон?
– Алгач музыкалык окуу жайга тапшырганымда эстрадага кызыкчу дагы эмесмин. Анткени, классиканы жактырган адамдар эстраданы уккусу да келбейт эмеспи. Эң кызыгы, 8-класста окуп жүргөнүмдө бир конкурста Мерайа Керинин ырын ырдап чыккам. Залда отурган эл эң сонун кабыл алган. Ошондон тартып эстрадага болгон кызыгуум ойгонуп, вокал боюнча сабак ала баштагам. Азыр менин классикалык музыка боюнча да, эстрада боюнча да билимим бар.
– Эстрадага өтүшүңө ата-энең каршы болгон эмес беле?
– Апам каршы болгон. Анткени, ал мени роялда ойногонумду абдан жактырчу. Бирок, кийин эстрадалык бир топ конкурстарга катышып, ийгиликтерди жарата баштаганымда баштапкы оюн өзгөртүп, колдоо көрсөтүүгө өткөн.
– Чыгармачылыкта өз жолуңду таап кетүүңө кимдин салымы көбүрөөк?
– Албетте, ата-энемдин. Атам студиядан менин үнүмдү укканда чыгармачылыкта колдоо көрсөтөөрүн айтып, убадасын берген. Ошондон кийин мени бир мүнөткө да жалгыз калтырган жок. Атам менин продюсерим да, менеджерим да. Атамдын аркасы менен радиодон ырларым, телевидениеден клиптерим чыга баштаган. Ал эми апам болсо мени үй жумушунан бошотуп койгон. Өз колу менен мага сахнага кийүүчү кийимдеримди тигип берчү. Бул адамдардын күчү менен мен эстрададан өз ордумду таптым десем жаңылышпайм. Мындан тышкары менден 12 жаш улуу Сергей деген агам бар. Ал менин эң жакын кеңешчим.
Согдиана деп атыңды ким койгон?
– Согдиана – бул менин сахнадагы псевдонимим. Бул ысым мага кичинемден абдан жакчу. Ушундан улам мындан эки жыл мурун Согдиана болуп алгам. Негизи, бул өзбектер, калмактар жашап кеткен жердин аты экен. Псевдонимим мага эле эмес, көпчүлүккө жакса керек. Анткени, эми жакындарым да атымдан аташпай Согдиана деп айтышат. Ал эми өзүмдүн толук аты-жөнүм Оксана Нечитайло. Менин атам өзбек, апам орус кызы.
– Музыка тармагында жетишкен ийгиликтериң жөнүндө айта кетсең?
– Бир топ ийгиликтерге жетиштим десем болот. Өзгөчө эстрада жаатындагы конкурстарга көп катыштым. Өзбекстанда өткөн 1999-жылы «Садо-99» фестивалынын, 2001-жылы «Мелодии моего края» конкурсунун, 2003-жылы Санкт-Петербургда өткөн «Путь к звёздам» конкурстарынын лауреаты болгом. Ошол жы­лы президентибиз Ислам Ка­римовдон «Нихол» сыйлыгын алгам. 2005-жылы Болгариянын Варна шаарында өткөн «Дискавери» аттуу конкурстан 2-орунду утуп келгем. Ушул конкурстан кийин мага Италияда өтө турган эстрадалык ырлар боюнча эл аралык конкурска чакырык келген. Аталган фестивалдын биринчи күнү «Юрак Махзун» деген ырды ырдап чыгып, ырымдын аранжировкасы үчүн «мыкты аранжировка» деген номинацияны алгам. Баарынан да фестивалдын экинчи күнү алган сыйлыгым мени бакытка бөлөгөн. Анткени, «эң мыкты ырчы» наамынын ээси болгом. Бул фестивалга 13 өлкөнүн өкүлдөрү катышкан эле.
– Согдиана, «Фабрика звёзд-6» долбооруна кандайча катышып калгансың?
– «Фабрика звёзд» жарыялаган кастингге катышууга даярданып жүргөнүм тууралуу мен эч кимге айткан эмесмин. Анткени, эки жыл бою «Новая волна» конкурсуна катышканы аракет жасагам. Бирок, аракетимден эч кандай жыйынтык чыккан эмес. Ошондон кийин алдыдагы пландарым жөнүндө эч кимге айтпайм деп чечкем. Тааныштарымдын көбү менин бул долбоорго катышканымды теледен чыккандан кийин билишкен экен. «Фабрика звёзд» мен үчүн чоң мектеп болду. Ал жактан үч айдын ичинде көп нерселерди үйрөнүп, тажрыйба топтогонго жетиштим. Лариса Долина, Владимир Кузьмин, Алсу, Руслана өңдүү белгилүү ырчылар менен дуэт ырдадым.
– Аталган долбоорго катышууга талант роль ойнойт бекен же акчабы?
– Негизи, мен алдыга койгон максаттарыма өзүм жеткенде гана жетишкен ийгиликтеримден ырахат алам. Ошондуктан, «Фабрика звёздго» да өзүмдүн аракетимдин артында катышып калгам. Балким, акчанын күчү менен өткөндөр да болсо керек, бирок, кандай болгон күндө да «Фабрика звёзд» таланттуулар үчүн дейт элем. Менин оюмча бул шоу долбоорго таланты жоктор өздөрү деле барбаса керек.
– Орус шоу дүйнөсүндө да популярдуулукка жетише алдың. Россияга ке­түү оюңда жокпу?
– Чынын айтсам, менин көп пландарым Россия менен байланыштуу. Өзгөчө «Сердце магнит» аттуу ырымдан кийин чакыруулар көбөйдү. Бирок, Россияга биротоло кетүү оюмда жок. Анткени, Өзбекстанда менин эң бактылуу күндөрүм өткөн. Менин ысык-суугумду бө­лүшкөн жакындарымдын баары ушул жакта. Анын үс­түн­дө ырчылык атак-даңкты да мага мекендештерим ыйгарган.
– Ырчылык менен актрисалыкты кошо аркалоо кыйын эмеспи?
– Менин оюмча ар бир ырчы актриса болуусу керек. Ошондо гана анын ырлары элдердин жүрөгүнөн түнөк табат. Ошондуктан, менимче, актрисалык менен ырчылык бири-бирине тоскоол болбостон, кайра бири-бирин толуктап турат. Актёрдук чеберчиликке да консерваториядан сабак берет. Толук актёрдук билимим жок болсо да бул багытта түшүнүгүм бар. Киного мен кокусунан тартылып калгам. «Кожо Насирдин» деген киного саундтрек ырдаганы барып, режиссёрго жагып калгам. Анан «Кожо Насирдинде» Жасмин аттуу кыздын ролун аткаргам. Ал эми экинчи киного тартылуу сунушу мага «Фабрика звёздго» катышып келгенден кийин түшкөн. Сунушту мен ойлонбостон кабыл алгам. Ошентип, режиссёр Бахром Якубов тарткан «Согдиана» аттуу киного тартылгам. Бул кинодо мен баш каарман Согдиана деген кыздын ролун жараткам. Бул ролду жаратуу мага кыйынчылык деле алып келген жок. Себеби, каармандын жандүй­нөсү менин жан­дүйнөмө абдан жакын экен.
– Эгерде ырчы болбой калсаң, кайсы кесипти аркалайт элең?
– Турмушта мен өзүмдүн издегенимди таптым деп ойлойм. Себеби, сахнада ырдоо мен үчүн чоң бакыт. Ырчылыкка мен бүт өзүмдү арнап келем жана бул кесипти аркалаганыма эч өкүнбөйм. Эгерде тилегим оңунан чыкпай, ырчы болбой калсам, фотомодель болмокмун. Сүрөткө түшкөндү абдан жакшы көрөм.
– Имиджиңди тез-тез өзгөртүп турасыңбы?
– Негизи, искусство жаңыланып турууну талап кылат. Ошондуктан, артисттер имидждеринин үстүндө иштөөсү керек. Анткени, сырткы келбет артисттин аброюна чоң таасирин тийгизет. Мен дагы сахнага чыккан сайын кү­йөр­мандарыма жаңылык тартуулап турууну артык көрөм.
– Кайда барып эс алууну жактырасың?
– Түнкү клубдарга барып эс алуу мага жакпайт. Андан көрө паркка барып же тоого чыгып, сейилдеп келсем кадимкидей эс алып калам.
– Кыялыңдагы мырзаны сүрөттөп берсең?
– Негизи, мага аялзатынын көңүлүн караган чыныгы мырзалар жагат. Анан көбүнчө кара чачтуу жигиттерге көп көңүл бурам.

Даярдаган Жаркынай Нусубалиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: