АЖО КУЛМАТОВГО «БИШКЕКТИ ТАЗАЛАБАСАӉ ЖУМУШТАН КЕТЕСИӉ» ДЕДИ

Бишкек шаарынын мэри Кубанычбек Кулматов 1-сентябрда, окуу жылынын башталышында, президент Алмазбек Атамбаевден сын угуп шаабайы сууду. Борбордогу мектептердин биринде окуу жылынын башталыш салтанатында сүйлөп жаткан Алмазбек Шаршенович билим, мектеп маселесинен тышкары Бишкектин шаар башчысынын жумушуна канааттанбай жатканын да айтып өттү. «Жыл аягына чейин шаардагы таштанды маселесин чечпесеӊиз анда өзүӊүзгө ылайыктуу жумуш издеӊиз. Дагы 3-4 айыӊыз бар»,- деп эскертти ажо шаар башчысына. Баш калаанын таштандыларга көмүлүп жатканын айтып, өз убагында чыгарылбай, челектерден ашып-ташып жаткан акыр-чикирди сүрөткө тартып, жазып жаткан шаардыктардын нааразычылыгы президенттин да кулагына жеткен көрүнөт.
Негизи Атамбаевдин сыны жөн жерден бийик тондо айтылбады. «Кулматов жакында ээрден шыпырылат. Ажо анын ишине канааттанбай жатат» деген шыбыш Ак үйдүн кабинеттерин аралап жүрөт.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

Nur.88

2015-09-07 10:22:00

Иштешсин да чын эле, бир эле бишкек эмес, азыр бут эле шаарларда ушундай корунуш.

kubat_1973

2015-09-07 10:24:43

Ээ айланайын бул эмне деген мэр кечээ эле Сариев колунан жетелеп асфальттын тешиктерин корсотуп журду эле эми президент таштандыны тазала деп атат.Таштандыга президент кийлигишип калгандан кийин буткону ушу да жашоонун.Оз ишин билбеген жетелетме айдатма мэрдин кереги кимге уч ай срок бербестен уч саат отургузбай айдаш керек эле кочукко тээп.Ушул адам келгени шаардын ишпалдасы чыкты ансыз да кунары учкан Бишкектин.Милдетин аткара албаган мэрди эмне эркелетишет детсаддан бетер.Берсин да иштин козун билген чарбачыл адамга

fanatka19

2015-09-07 11:50:24

Туура иштеш керек,бирок шаар тургундары малдай болуп жегениңерди жеген жерге,ичкениңерди ичкен жерге таштабай жыйнактуу болсоңор жакшы болот эле.өткбндө майрамдан кийинки көрүнүштү көрүп киши уялат.

PATRIOT.KG84

2015-09-07 12:02:03

Москванын мэри Сергей Собяниндей иштебейби, кочолору таптаза,жада калса жамгыр жаап жатса да жолдорду машина менен суу чачып жууп журушот

kutucsha

2015-09-07 17:49:57

Озубуз да тазалыкты сакташыбыз керек

aiba91kg

2015-09-09 11:41:55

Сен таза болсон, мен таза болсом Кыргызстан таза болот!

chyngyz-KG

2015-09-10 00:09:50

Темасы укмушго.Дей берет ал

Комментарий калтыруу үчүн өз ысымыңыз менен кириңиз же каттоодон өтүңүз.

№ 670, 4-сентябрь-10-сентябрь, 2015-ж