КӨК ЧӨПТӨРДҮ КӨПКӨ САКТАЙБЫЗ

Ашкөк, петрушка, райкан, сельдерей сыяктуу көк чөптөр тамак-ашты даамына чыгарат. Бул чөптөрдүн курамындагы пайдалуу заттарды жоготпой сактоо тууралуу кеӊештерге көӊүл буруӊуз.

ЧӨП + МАЙ
1. Чөптөрдү майда туурап, атайын муз тоӊдуруучу контейнерлерге бөлүп салабыз.
2. Үстүнө зайтун майын же каймак май (сливочное масло) куюп, муздаткычтын тоӊдуруучу бөлүгүнө коёбуз.

3. 2-3 сааттан кийин чөптөрдүн тоӊгон бөлүкчөлөрүн оозу жабылган идишке салып, муздаткычка коюп коюӊуз. Тамак бышардын алдында 1-2 даанадан салып колдоно бересиз.

ЧӨП + ТУЗ
1. Көк чөптөрдү кесек-кесек кылып туурап, 400 грамм чөпкө 100 грамм туз салып аралаштырабыз.
2. Алдын ала жуулуп, бууланган айнек банкаларга чөптөрдү ныгырып салуу керек, суусу жакшы чыгышы үчүн.
3. Банканы 1-2 күн бөлмө температурасында, андан кийин муздаткычта сактоо керек.

4. Тамак бышырып жатканда чөптөрдүн туздуулугун эске алуу оӊ.

ЧӨП + ШАМАЛ
Көк чөптөрдү ичке боо-боо кылып байлап, көлөкө жана шамалдап турган жерге илип коюу керек. Күн тийген жерге кургатсаӊыз бат эле саргарып кетет.
Ак баракка (гезиттин барагына эмес) көк чөптөрдү жуубай туруп жайып, көлөкө жана шамалдап турган жайга коюӊуз. Эгер чөптөрдү жуусаӊыз, саргарып, чирип калат.

Асыл Орозбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

aiba91kg

2015-09-07 12:49:41

Муздаткычтагы ушул торт бурчтук контейнерлерге эмне экен деп эч эле башым жетбей койду эле ,иштин баары бул жакта турбайбы

jazgul80

2015-09-07 21:25:19

aiba91kg,ал контейнерге муз тондуруп сууга салып ичуу учун да колдонсо болот. Ыссыкта

aiba91kg

2015-09-07 22:56:28

jazgul80, Сууну мен тыш пышы стаканы менен эле салып муздатып ичет элем да))) эми будан кийин салып ичем Жазгуль эже

aiko8908

2015-09-07 20:11:52

aiba al konteinerlerge suu kuiup tondurasyn.

aiba91kg

2015-09-07 22:57:20

aiko8908, яа де ?Журоктун сырын билем дечи

Ledi89

2015-09-08 14:46:50

Кенешинерге рахмат.

rima93

2015-09-10 19:09:55

Жакшы кенеш экшен. Сиздерге рахмат!

alina79

2015-09-12 15:26:31

зайтун деген кандай,кайсы май,мен билбейт экенмин айтып койгулачы?

karona

2015-10-07 12:46:36

alina79, оливковое масло

jeti-oguz

2015-09-12 20:31:03

Alına79 зайтун майы деген оливковое масло

Комментарий калтыруу үчүн өз ысымыңыз менен кириңиз же каттоодон өтүңүз.

№ 670, 4-сентябрь-10-сентябрь, 2015-ж