Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Юристтин кеңеши. «КЕЛИНИМ БАЛДАРЫН ТАЛАШЫП ЖАТАТ»

№376 15-21-январь, 2010-ж.


Окурман, сиз укуктук жактан коргоого муктажсызбы? Анда биздин «Юристтин кеңеши» рубрикабыз кызматыңызда. Сиздин тынчыңызды алган суроолорго тажрыйбалуу мыкты адистер жооп беришет. Кат жазыңыз, кеңеш сураңыз! Байланыш телефону: 32-33-26

– Эки неберемди 10 жылдан бери багып-өстүрүп, тарбиялап келем. Аларды кичине кезинде эле келиним аракка берилип кетип, мага таштап кеткен. Ал эми уулум үйлөнүп, азыр өзүнчө турат. Балдары менен иши да жок. Кийинки аялы балдарды көргүсү да келбейт. Ушунча жылдан кийин балдардын энеси пайда болуп, аларды менден талашып жатат. Келиним баягыдай эле ичет экен. Жашай турган үй-жайы да жок. Мен балдардын келечегин ойлоп, расмий түрдө аларга камкор катары документ алсам деп ойлойм. Кантип алсам болот?Дурусбек, Бишкек шаары.

– Сиз мэриянын же райондук мамлекеттик администрациянын астындагы Балдарга камкордук көрүү бөлүмүнө кайрылсаңыз болот. Алар комиссия түзүп, бардык жагдайды ар тараптан изилдеп чыгышат. Балдар 10 жашка чыгып калышкандыктан, алардын оюн да угуп, сизге расмий түрдө балдардын камкору катары чечим чыгарып берүүлөрү мүмкүн.


«ҮЙДҮ ӨЗҮБҮЗГӨ КАНТИП КАТТАТАБЫЗ?»
– Күйөөм экөөбүз айылга үй салганбыз. Бирок айыл өкмөтү кыргызчылык кылып жер боюнча чечимди кайнатамдын атына чыгарып, Мамлекеттик каттоодо да ал кишинин атына жазылып калыптыр. Кайнатам турак жайды жери менен бизге жаздырууга макул. Эми биз бул үйдү өзүбүзгө кандайча жаздырып алсак болот? Айша, Кемин району.

– Кайнатаңыз турак жай, жерди уулуна тартууласа болот. Бирок анда ал үй-жай күйөөңүздүн гана менчиги болуп эсептелет. Сиздин бул үйгө менчик иретинде тиешеңиз жок болуп калат. Ошондуктан кайнатаңыз уулуна бул үйдү келишим менен сатса, сиздин кызыкчылыгыңызга туура келет. Себеби Кыргыз Республикасынын Үй-бүлө кодексинин 35-беренеси боюнча жубайлар үйлөнүп, ал жөнүндө күбөлүк алгандан тарта сатып алган, тапкан мүлкү экөөнүн жалпы менчиги болуп саналат.


МЫЙЗАМ НЕГИЗИНДЕ ЖЕР ТИЛКЕСИН САТЫП АЛУУ
– Там салыш үчүн жер сатып алалы деп жаттык эле. Учурда алдап, акчаны алып, жоголуп кеткендер көп болуп жатат. Жерди мыйзамдын талабы боюнча кайсы документтери менен сатып алуу керек? Керим, Бишкек шаары.

– Жерди сатып алуудан мурда сатып жаткан адамдын паспортун, жерге менчик күбөлүгүн текшериш керек. Айыл өкмөтү же мэрия жаранга үй салууга жер тилкесин бөлүп берүү чечимин чыгаргандан кийин бул чечим Мамлекеттик каттоонун райондук же шаардык бөлүмүндө каттоого алынат. Андан соң гана жер тилкесинин ээсине кызыл түстөгү күбөлүк берилет. Бул негизги күбөлүк. Аны менен кошо сатуучуда Мамлекеттик каттоодон, Адилет министрлигинин алдындагы Күрөө боюнча борбордон же Биринчи мамлекеттик нотариалдык конторадан “бул жерге арест салынган эмес” деген маалымдама сөзсүз болушу керек. Аталган документтер толук болсо, кооптонбой нотариус аркылуу сатуу-сатып алуу келишимин түзүп, жер тилкесин сатып алып, мамлекеттик каттоодон өткөзсөңөр болот.


«АКЧАМДЫ КАНТИП КАЙТАРЫП АЛАМ?»
– Айылдаш байкеге тил кат жаздырып, карызга чоң өлчөмдө акча берген элем. Ал убагында акчамды бере албай, арадан эки жыл өтүп кетти. Жакында акчамды бере турган түрү жок. Сот аркылуу үйүн саттырып акчамды кайтарып алайын десем, ал куулук кылып нотариус аркылуу баласына тартуулап коюптур. Ал эми машинасын жээнине сатыптыр. Эми ал адамдын мен өндүрө турган менчиги жок. Мыйзам жолунда акчамды кантип алсам болот? Марат,Талас облусу.

– Сиз сотко арыз менен кайрылып, айылдашыңыздын баласы жана жээни менен түзгөн келишимдерин жокко чыгарууну өтүнүп, ошол үйлөрдүн эсебинен карызыңызды өндүрүп берүүнү сурансаңыз болот. Бул татаал иш көп убакытты, далилдерди, тажрыйбалуу адвокатты талап кылат.


«АРАКЕЧ КҮЙӨӨМӨ ЧЫДАБАЙ КЕТТИМ»
– Жолдошум экөөбүз расмий түрдө баш кошконбуз. Ортобузда 4 бала бар. Учурда күйөөм аракка берилип кетти. Эч жерде иштебейт. Анысы аз келгенсип, күнүгө ичип келип чыр чыгарат. Чынын айтсам, чогуу жашоого мүмкүн болбой калды. Аны менен кандайча ажырашсам болот? “Сот аркылуу ажырашса, ойлонгонго үч ай убакыт берилет” деген маалыматты уктум. Ушул туурабы? Салтанат, Бишкек шаары.

– Үй-бүлө кодексинин 20-беренесинин талабы боюнча эгерде жубайлар ажырашууга экөө тең макул болсо, менчик жана башкаларга байланыштуу талаштары болбосо, ЗАГС аркылуу эле ажыраша алышат. Эгерде жолдошуңуз ажырашууга макул болбосо, анда сот аркылуу ажырашууга туура келет. Үй-бүлө кодексинин 23-беренесинин талабы боюнча сот сиздерге ойлонуу үчүн үч айга чейин убакыт бериши мүмкүн. Бирок бул талап сиздердин жагдайга жараша сот тарабынан берилбеши да ыктымал. Буга мыйзам жол берет.


«КВАРТИРАМДЫ АРЕСТТЕН ЧЫГАРА АЛБАЙ ЖАТАМ»
– Банктан ипотекалык кредит алып, квартирамды күрөөгө койгон элем. Керектүү кагаздарды жоготуп алгандыгыма байланыштуу кредиттик келишимдин жана аресттен чыгаруу үчүн жазылган арыздын көчүрмөлөрүн бербей жатышат. Каржы полициясына арыз менен кайрылсам, “биздин андай ишке тиешебиз жок. Сотко кайрыл” дешти. Сотко кайрылыш үчүн банк бербей жаткан кредиттик келишимдин көчүрмөсү керек экен. Банктагы керектүү кагаздарымды алуу үчүн кимге кайрылышым керек? Үч жылдан бери өз наамымдагы кагаздарды ала албай келем. Сапар, Бишкек шаары.

– Сиз банктан ипотекалык кредит алганда квартираңызды күрөөгө коюп келишим түзүп, нотариус аркылуу күбөлөндүргөнсүз. Ошондуктан келишимди кайсы нотариустан күбөлөндүрсөңүз, ошол жактан алсаңыз болот. Квартираңызды чыгарыш үчүн арест болгон шартты жок кылуу керек. Ал үчүн сотко кайрылып, анын чечимин Мамлекеттик каттоо мекемесине берсеңиз, арест алынып салынат.


Сиздердин сурооңуздарга Жогорку Соттун судьясы (1990-1994-жж.),
Башкы прокурордун орун басары (1994-1999-жж.) болуп иштеген, учурда “Статут”
юридикалык компаниясынын президенти, профессор Назаркул Бопоев жооп берди.
Дареги: Турусбеков көч. 86. Байланыш тел: (0543) 94-05-90

Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: