Гүлзат Байзакова, ырчы: «КАЙНЕНЕ БОЛГОНУМДУ АЛИ СЕЗЕ ЭЛЕКМИН»

Гүлзат Байзакова Жал кичи районунда жайгашкан көп кабаттуу үйлөрдүн бириндеги батирине көчүп киргенине 2 жылдын жүзү болуптур. Ырчы айымдын айтымында, ак өргөөсүн ал өз табитине ылайык кылып жасалгалаткан. Ырчы айым жашоосун тынчтыкка жана жылуулукка бөлөгөн ак өргөөсү менен тааныштырды.

Чай маек
– Гүлзат айым, алгач келиндүү болушуӊуз менен куттуктайбыз!
– Рахмат. Тун уулум Камбардын үйлөнгөнүнө 1 ай болду. Келинимдин аты Гүлназ. Заманбап үйлөнүү тою октябрь айында болот. Буюрса, ошондо келиним тууралуу сиздерге кенен маалымат берем. Мурдатан бери колумда эже-сиӊдимдин кыздары көп жүргөндүктөн азыр үйдө дагы бир кыз жүргөндөй эле сезилип жатат. Ошондуктан кайнене болгонумду али сезе элекмин (күлүп).
– Үй тууралуу кеп кылсак, сиздин Ак-Өргөө конушунда жашаарыӊызды билчүбүз...
– Бул үйдү 2011-жылы сатып алып, ичин жасалгалап, 2013-жылы көчүп келгенбиз. Ак-Өргөөдөгү үйдө азыр сиӊдим убактылуу жашап жатат.
– Бул батирди жасалгалоодо атайын адистер менен иштештиӊизби?
– Жок. Ар бирибиз өзүбүздүн ыӊгайыбызга жараша эмеректерди тандап, жасалгалап алдык.
– Жаныӊыздан чыкпаган бул кичинекей кыз сиздин кызыӊызбы? (ред. Кичинекей кыз деген сөздү угуп жактырбаган бөбөк: – Ики, мен кичинекей кыз эмесмин, мен чоӊмун,- деп апасынын этегине жашына калды)
– Ооба, аты Амина, 3 жарым жашта. Биздин көкүрөк күчүгүбүз. Эшиктен үйлөнүү тойго жасалгаланган унааларды көрсө эле «апа, сенин тоюӊ башталыптыр» деп күлдүрүп калат. Кызым жолдошума жакын, атасы азыр Сокулукта кайненеме үй салып жүрөт.
– Рахмат, үйүӊүзгө береке толсун!

Динара Абдыкадырова
Адилет Бектуров
star@super.kg

Кыстарылган видео

Гүлзат Байзакова ак өргөөсү менен тааныштырды

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Eureka

2015-09-14 09:20:30

Кандай жакшы оз уйун болгону...

beben

2015-09-14 10:14:03

Кызык атасы Сокулукка кайненеме уй салып журот деп жатсада куйоосу жокко деп эй тообоо . Эжекеге уй булоолук бакыт.

Nur.88

2015-09-14 11:21:14

Уй булонуз менен бактылуу болун!

Sagidko88

2015-09-14 11:37:49

келини ыймандуу экен

aidai88

2015-09-14 15:50:26

Улуу баласы аябай эле жылдыздуу экен)))

amanatym

2015-09-15 11:01:23

Гулзат эжеке сооонун эже, омурлуу болунуз, уй булонуз менен бактылуу болунуз.

Eliza.janybekova

2015-09-16 10:14:27

Гулзат эженин наамы кандай? билсенер айтып койгула

jypar.i

2015-09-16 21:57:15

Гүлзаттын үнүнө, талантына кеп жок, ойлоп көрсөңөр Самара Каримованын үнүн салыштырса болобу? Таланты ташкындай берсин, уул-келини бактылуу болсун! Келини өзүнө окшоп кетет экен

jazgul80

2015-09-17 01:59:03

Гулзат. Гулназ сонунго

Комментарий калтыруу үчүн өз ысымыңыз менен кириңиз же каттоодон өтүңүз.

№ 671, 11-сентябрь-17-сентябрь, 2015-ж