«АТА МЕКЕНДИН» КЕӉСЕСИ ТОНОЛУП, БАННЕРЛЕРИ ТЫТЫЛДЫ

Кыргызстанда шайлоо алдында атаандаштык мыйзамдуу, маданияттуу жол менен катар тымызын, атүгүл кылмыштуу жолдор менен да жүрөрү ар түрдүү окуялар менен далилденүүдө. Мисалы, өткөн жумада парламенттик шайлоого карата үгүт кампаниясына старт берилгенден кийин эле «Ата Мекен» партиясында жагымсыз көрүнүш болуп өттү. Партиянын Бишкекте жайгашкан кеӊсесине ууру кирип, маанилүү документтер менен кошо 90 миӊ сомго чукул акчаны уурдап кеткени маалым болду.
Буга чейин эле үгүт иштери башталганда «Ата Мекендин» маанайы бузулган. Борбор калаанын мэриясынын чечими менен партиянын 56 баннери алынып салынгандыгын «ата мекенчилер» айтып чыгышкан болчу. Бишкек шаар башкармалыгы «Тазалык» ишканасы «Ата Мекенге» муниципалдык мүлктү ижарага берүүгө укугу жок болчу» деген. Ал эми БШК «Тазалыкка» «Ата Мекендин» жараксыз болуп калган баннерлерин калыбына келтирүүгө тапшырма берип, мэрияга аларды кайра ордуна илип коюуну тапшырды. Кыскасы, БШК талашты аталган партиянын пайдасына чечип берди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

eliza5566

2015-09-14 10:06:15

Ааа мындай боло берет кадимки корунуш коп акчанын четинен эекет берип элдин батасы менен ишти баштабаса ошондой болот себеби Аллах баарын таразалап турат да балким ал партиядагылардын бироосу кимдир бироону зар какшатса кайтарымы болгондур.

eliza5566

2015-09-14 10:07:21

Эй Алла ушул шайлоо тынч отуп кетсин эч ким зыян тарпасын.

ilim07

2015-09-14 11:21:01

Мурдакы шайлодо ата журтуку тонолгон эми очередь ата мекенге келиптирда

EdikoKG

2015-09-14 15:37:39

Шайлоо баштала электе эле,биринин этин бири жей баштады. Элди ортого салбай,шайлоону тынч откорсонор эле.

Kroxa

2015-09-14 17:52:06

баягы эле башталды бардактары...

kilim

2015-09-15 18:32:09

омукенин сайасаты кучтуу

jamakeev2015

2015-09-16 16:36:18

Ушу саясат деген немени уккум да келбей калды тажатып ийди го элди дагы андан коро кой кайтарып талаада журсон кулак мээн тынч

Комментарий калтыруу үчүн өз ысымыңыз менен кириңиз же каттоодон өтүңүз.

№ 671, 11-сентябрь-17-сентябрь, 2015-ж