ШАЙЛООДО «БААРЫНА КАРШЫ» ДОБУШУ УТУП КЕТСЕ ЭМНЕ БОЛОТ?

Парламенттик шайлоого аттанган 14 партия үгүт кампаниясындагы эйфория абалында кыргызстандыктарга жомоктогудай жашоону убада кылып жатышкан кези. Албетте, ал кандай да болсо жеӊип чыгуунун, парламенттин босогосунан өтүүнүн аракети. Эгер бюллетендин эӊ аягына сөзсүз кошула турган «БААРЫНА КАРШЫ» деген добуш утуп кетсе кандай болот?

Биз БШКга ушул суроо менен кайрылдык. Мыйзамга ылайык, шайлоодо «баарына каршы» деген пункт талапкерлерден көп добуш топтосо, шайлоо болгон жок деп эсептелинет да, 30 күндүн аралыгында кайра өтүүчү шайлоо күнү белгилениши керек. Экинчи жолку шайлоого мурунку шайлоодо өтпөй калган, мисалы, учурда ат салышып жаткан 14 партия катыша алышпайт.
БШК өкүлдөрү: «Негизи андай «баарына каршы» деген пункт көп добуш ала турган болсо, кайра шайлоо жарыяланат. Боршайком ошол кырдаалга жараша аракет көрөт. Азырынча андай жагдай тууралуу сөз кылуу эрте»,- деп жооп берди.
Эске салсак, 2005-жылы парламенттик шайлоодо Кочкор шайлоо округунда «баарына каршы» деген пункт көп добушка ээ болуп, шайлоо өткөн жок деп жарыяланган. Депутаттыкка талапкер болгон Турдакун Усубалиев «талапкер Акылбек Жапаров элге тескери үгүт жүргүзүп ушундайга алып барды» деп сотко кайрылган. Сот анын арызын канааттандырып, кайра өтүүчү шайлоого «баарына каршы» пунктунан кийин көп добуш алышкан Турдакун Усубалиев, Нарынбек Молдоисаев кайра шайлоого катыша алат деп чечим чыгарган. Бирок ал шайлоо жыйынтыктарын бурмалоо боюнча астына ат салдырбаган акаевдик заман болчу.
Биринчи шайлоодо өтпөй калган партиялар кийинки шайлоого катыша албай турган болсо, анда партиялардын тизмесиндеги талапкерлер башка партиялардын курамына кирип, кайра шайлоого катышышат. Эгерде өтпөй калган партиялардын талапкерлери да экинчи шайлоого катыша албай турган болсо, анда чынында эле саясий айдыӊда болуп көрбөгөндөй жаӊылануу болмок.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

eliza5566

2015-09-14 10:12:21

балит иштер коп болуп кетсе баарыбыз каршыны берсек керек

Kroxa

2015-09-14 15:35:48

кимиси кыйратмак эле ишенбейбиз окмотту жегичтер баарына каршы берсек жарашат

fanatkg

2015-09-14 16:09:06

Автоматтык турду СДПКга тушсо керек

-1

Taalaibek.

2015-09-14 20:55:14

Мен бул мыйзамга арышымын:(Мыйзамга ылайык, шайлоодо «баарына каршы» деген пункт талапкерлерден көп добуш топтосо, шайлоо болгон жок деп эсептелинет да, 30 күндүн аралыгында кайра өтүүчү шайлоо күнү белгилениши керек.) дегенге. Отпой калгандан кийин, экинчи ал партиялар шайланбаш керек. Туз эле болок партияларды топтош керек. Анын устунон болок адамдарды дагы топтош керек. Себеби ошол партиялардагы адамдарды жактырбай баардыгына каршы коёот да.

Gulnaz.GS

2015-09-15 19:14:52

озу шайлоо качан

temirov76

2015-09-15 21:54:54

Gulnaz.GS,сен боорду эзесинго,сен Кыргызстанда эле жашайсынбы?

ayko24

2015-09-17 11:10:50

Кызык кечээ куну мага оронгон эже уйуму такылдатып бир партияны сунуштайт, ачык эле акча берем деп, уялбайспы оронуп алып деп тан калдым.

friendwipkg

2015-09-19 02:29:06

баарына макулмун

bakirov93

2015-09-19 22:36:56

менда баарына каршы дегенди койом . баары куру ле соз айта беришет иш жузундо колокосунда корбойсун

nasirdin

2015-09-20 22:03:04

Баарына каршы деген добуш эле татыктууго дейм.

Комментарий калтыруу үчүн өз ысымыңыз менен кириңиз же каттоодон өтүңүз.

№ 671, 11-сентябрь-17-сентябрь, 2015-ж