Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЛАС-ВЕГАСТАН РИО-ДЕ-ЖАНЕЙРОГО ЖАЛГЫЗ ЖОЛДОМО

№672 18-сентябрь-24-сентябрь, 2015-ж


Күрөш боюнча Кыргызстан курама командасы АКШнын Лас-Вегас шаарында Дүйнөлүк чемпиондукка катышты. Тилекке каршы, бул чемпиондукта балбандарыбыз байгелүү орундарга илинген жок. Андагы эӊ мыкты көрсөткүч – Арсен Эралиев жана Самат Шырдаковдун алган 5-орундары болду.

МААЛЫМАТ ИРЕТИНДЕ:
Дүйнөлүк чемпиондук 7-12-сентябрь аралыгында Лас-Вегастын «Орлеанс Арена» залында өттү. Анда жалпы 24 комплект медалдар ойнолуп, алдыӊкы 6 орун алган балбандар Рио-де-Жанейро-2016 Олимпиада оюндарына жолдомо алганга укуктуу эле. Мелдештин жыйынтыгында медалдык эсепте биринчиликти Орусия (4 алтын, 2 күмүш, 8 коло) ээледи.

ГРЕК-РИМ КҮРӨШҮ
Алгачкы күнү килемге 66 килограмм салмакта Руслан Царев чыгып, учурдагы Дүйнө чемпиону, сербиялык Давор Штефанекке туш келди. Алда канча тажрыйбалуу Давор жеӊишти илип кетти. Ал эми Атабек Азизбеков (75 кг) эки атаандашын удаа жеӊгени менен, чейрек финалда азербайжандык балбандан утулуп калды. Бул салмак категорияда айтылуу орусиялык Роман Власов дагы бир ирет мыктылыгын тастыктап, алтын медалды эч кимге берген жок.
Ошондой эле Бексултан Махмудов (98 кг) алгачкы беттешинде эле жеӊилсе, Кайратбек Түгөлбаев (71 кг) менен Мурат Рамонов (130 кг) чейрек финалда жеӊишти алдырып ийишти. Алар бул беттештеринде жеӊсе, Олимпиада оюндарына жолдомо алышмак.

НАМЫСКА ЖАРАГАН АРСЕН, ДҮЙНӨЛҮК КУБОККО ЖОЛДОМО
Тажрыйбалуу балбаныбыз Арсен Эралиевден башынан эле үмүт чоӊ эле. Ал 59 килограммга чейинки салмакта килемге чыгып, 3 атаандашын теӊ катары менен көтөрүп чаап жатты. Бирок жарым финалда азербайжандык Ровшан Байрамов менен кез келип, жеӊилип калды. 3-орун үчүн беттеште да биздин балбан ийгиликке жетишкен жок, бирок сүйүнүчтүүсү – Арсен Эралиевди 2016-жылы Олимпиададан көрө алабыз.
Грек-рим күрөшүндө дагы бир балбаныбыз 5-орунга татыды, бирок жолдомо алган жок. Себеби ал күрөшкөн салмак Олимпиада оюндарында жок. Самат Шырдаков 80 килограмм салмакта жарым финалга чейин барып, 5-орунга татыды.
Балбандарыбыз медалсыз кайтканы менен, Дүйнөлүк кубокко жолдомо алышты. Грек-рим күрөшү боюнча балбандарыбыздын дээрлик бардыгы биринчи мыкты ондукка илинип, командалык эсепте 8-орунду багынтышты. Эскерте кетчү жагдай, Дүйнөлүк кубокко дүйнөнүн мыкты сегиз курама командасы гана катышууга укуктуу.

ЭРКИН КҮРӨШ
Кыргызстандын белгилүү балбаны Данияр Көбөновдун грек-рим күрөшүнөн эркин күрөшкө өткөнү бардыгын таӊ калтырды. Бирок ал килем үстүнө чыккан жок. Маалым болгондой, Данияр алган жаракатынан улам катышпай калган.
Ал эми Улукман Маматов (65 кг) машыгуу учурунда акырегин кокустатып алса, Самат Надырбек уулу (57 кг) жана Нарбек Изабеков (74 кг) алгачкы беттештеринде эле утулуп калышты. Дагы бир белгилүү балбаныбыз Жанарбек Кенжеев да биринчи беттешинде эле жеӊилди. Кыз-келиндер арасында Розалия Тилегенова жана Айсулуу Тыныбекова катышып, экөө теӊ алгачкы беттешинде жеӊилип, андан ары улантышкан жок.

КОЛДОН УЧКАН ЛИЦЕНЗИЯЛАР...
Эркин күрөштө оор салмактагы Магомед Мусаев (97 кг) менен Айаал Лазаревдин (125 кг) улуттук курам үчүн Олимпиадага жолдомодон тышкары медалга чейин жете алышына ишеним күч эле. Алгач Магомед кубалык жана латыш спортчуларын оӊой эле утуп алып, чейрек финалда ирандык Аббаска каршы турду. Беттеш бүтөрүнө 23 секунда калганда 4:0 эсебинде биздин балбан алдыда бараткан. Бирок бул убакыт ичинде ирандык жеӊиштүү чабуул жасаганга үлгүрүп кетти. Мусаевдин ызасында чек жок...
Кыргызстандын атынан чыгып жаткан якут балбаны Айаал Лазарев да чейрек финалда 10:7 эсебинде грузин балбаны Петриашвилини утуп жаткан эле. Бирок 30 секунданын ичинде эсеп атаандаштын пайдасына чечилди. Жыйынтыгында Айаал 10-орунга гана татыды.

Арсен Эралиев жарым финалда жеӊишти алдырып ийди.

Самат Шырдаков кезектеги чабуул аракетинде.


Спорт жаӊылыктары
ФУТБОЛ
«ДОРДОЙ» – «АЛАЙ». ЧЕМПИОНДУК ҮЧҮН КҮРӨШ УЛАНУУДА
13-сентябрда Бишкекте өлкө чемпиондугунун кезектеги турунда чемпиондук үчүн ат салышып жаткан «Дордой» менен «Алай» клубдары беттешти. Аталган оюн чемпиондук күрөш жаатында чечүүчү оюндардын бири эле. Бул беттеш Казакстандан келген атайын калыстар тейлегени менен өзгөчөлөндү. 90 мүнөт бою чыӊалуу менен өткөн оюнда Азиз Сыдыков жана Алмаз Мирзалиев «Дордойго» жеӊиш алып келишти. Жыйынтыгында «дордойчулар» 14 оюнда 33 упай менен экинчи орунда болсо, «Алай» 15 оюнда 35 упай менен биринчиликте келе жатат.
КЫРГЫЗ ФУТБОЛУНУН КЕЛЕЧЕГИ
Кыргызстандын 16 жашка чейинки жаштар курама командасы Азия чемпиондугунун тандоо турунда Бишкекте оюндарды өткөрүүдө. «В» тайпасында Кыргызстан Иордания, Оман жана Непал командалары менен беттешет. Аталган тайпанын жеӊүүчүсү 2016-жылы Индияда өтүүчү Азия биринчилигине катышууга укук алат.
Оюндар тартиби:
16-сентябрь. Саат 20:00. Кыргызстан – Оман
18-сентябрь. Саат 20:00. Кыргызстан – Непал
20-сентябрь. Саат 20:00. Кыргызстан – Иордания

БОКС
ФЛОЙД МЭЙВЕЗЕР МЭЭЛЕЙИН МЫККА ИЛДИ
Америкалык мушкер, профессионалдар арасында 5 салмак категориясы боюнча Дүйнөнүн чемпиону Флойд Мэйвезер 13-сентябрда өз карьерасында акыркы жолу рингге чыкты. Анда ал мекендеши Андре Берто менен беттешип, атаандашын упай эсебинде жеӊип алды. Ал бул жеӊиши менен WBA жана WBC версиялары боюнча чемпиондук наамдарын коргоп, айтылуу Рокки Марчианонун рекордун кайталады (49 беттеште 49 жеӊиш).
«Бул менин акыркы беттешим. Дагы бир күнү жаӊы Флойд Мэйвезер чыгат. Ал эми мен өзүмдүн спорттогу карьерамды сыймыктануу менен жыйынтыктайм»,- деди өз сөзүндө жеӊилбес Флойд.

Адилет Керимбек уулу
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
24.09.2015. 00:16 
Тайпасы:
Кыймылы жок
Комментарийлердин саны:
17
Катталган:
10-07-2015
Соӊку аракети:
25-02-2016 03:16
Жынысы:
Белгисиз
Калаасы:
Милан
0
Атабек Азизбеков менин классташым гоооо? !
25.09.2015. 16:58 
Тайпасы:
Тартип бузгандар
Комментарийлердин саны:
31
Катталган:
18-08-2013
Соӊку аракети:
27-12-2015 12:04
Жынысы:
Белгисиз
0
Jalgyz soroi menen emne bar ?!
tembolee kara kych menen yiat ele
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: