Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПРЕЗИДЕНТТИН АШПОЗЧУСУ МУГАЛИМ БОЛУУНУ ТАНДАДЫ

№673 25-сентябрь-1-октябрь, 2015-ж


«БОРЩ ЖАСАГАНДЫ ЖАКШЫ КӨРЧҮМҮН»
Бишкектеги №91-лицей мыкты ашпозчуларды даярдап чыккандыгы менен таанымал. Лицейдин биринчи курсунда окуп жаткан Кутман Уланбек уулу ашпозчу кесибин тандап, сынак аркылуу окууга тапшыруу мүмкүнчүлүгүн утуп алган. Анын ашпозчулук билим алуу кадамы алгач башка сабактан башталган. Ысык-Көлдөгү «Аймактык стипендия» программасы аркылуу ашпозчулук кесипти окуп жаткан лицейдин студенттери медициналык билим алуу үчүн «Кызыл жарым ай» коомуна келишкен. Бул жерден алар жүрөгү кармап жыгылган, эсин жоготкон, дем жетпей калгандарга дарыгерлер келгиче жасалма дем алдыруунун ыкмаларын жана жаракат алганда, денеси күйүп калганда кандай жардам көрсөтүү керектигин окуп, үйрөнүшөт. Алган билимдери күнүмдүк турмушта дагы пайдасы тиерин айткан «Кызыл жарым ай» коомунун бул багыттагы тренери Игорь Ким бир нече жыл мурда көлгө чөгүп бараткан өспүрүмдү «Кумтөрдүн» кызматкерлери көрүп калып, аны жээкке чыгарып, жасалма дем алдыруу менен өмүрүн сактап калганын айткан. Буга чейин билбеген нерселерин «Кызыл жарым ай» коомунан үйрөнгөнүн, эми көчөдө баратканда бирөө эсин жоготсо ага кандай жардам көрсөтүүнү билерин айткан Кутман окууга кандайча тапшырып калганын айтып берди:
– Анкета толтуруп жатканда тандоо турунан жана сынактан өтүп кетеримди күткөн эмесмин. Мектепти аяктаганда ашпозчу болсом деген тилегим мына ушул программанын аркасы менен орундалып жатат. Үйдө жүргөндө борщ жасаганды жакшы көрчүмүн. Эми дагы башка тамактын түрлөрүн мыкты жасаганды үйрөнүүгө умтулам.

«АШПОЗЧУ БОЛСОӉ АЧКА КАЛБАЙСЫӉ»
Ашпозчу студенттерди жетектеп «Кызыл жарым ай» коомунун окутуу борборуна алып келген №91-лицейдин мугалими Асият Жайлоокеева да аталган «Аймактык стипендия» программасынын алкагында окууну аяктаган. Ал өзү Ысык-Көлдүн жээгинде жайгашкан Тамга айылынан болот. Ал 2000-жылы туулуп-өскөн айылдагы орто мектепти аяктаган соӊ апасынын сунушу менен «Аймактык стипендия» программасы аркылуу ашпозчулук кесибине тапшырган. Себеби ошол жылдары өзү каалаган жогорку окуу жайда окууга үй-бүлөлүк шарты туура келбегендиктен, апасы кызынын жок дегенде ашпозчу кесибинин ээси болушун каалаган. Бул тууралуу эскерген Асият кантип ашпозчу болуп калганы тууралуу мындайча баяндап берди:
– Мен мектепти бүткөн жылы жогорку окуу жайларынан билим алуума үй-бүлөбүздүн материалдык жактан мүмкүнчүлүгү жок эле. Ошондо апам «ашпозчулук кесипти окубайсыӊбы? Ашпозчу болсоӊ курсагыӊ ток, капчыгыӊда акчаӊ да дайыма болот» деп аталган программага катышуумду сунуштады. Апамдын айтканын угуп, катышып окууга өтүп кеттим. Эки жыл окуп, лицейди аяктаган соӊ өзүм билим алган жайда мугалим болуп эмгек жолумду баштадым.
Асият билимин жогорулатуу үчүн технолог кесиби боюнча Кыргыз техникалык университетинин сырттан окуу бөлүмүнө тапшырып, ошол кездеги президент Аскар Акаевдин тушунда мамлекеттик резиденцияда ашпозчу да болуп иштеген. Бирок апасы «президенттер келет-кетет, силер да алмашасыӊар, андан көрө мугалимдик кесибиӊди эле аркалай бер, ошол жерден баар табасыӊ» деп кеӊеш берет. Бул ирет да эненин сөзүн эки кылбаган Асият «Резиденциядагы жумушумдан сырткары мени менен бирге окуган тайпалаштарым «Кумтөргө» анкета толтуруп көр, балким, жумушка кабыл алып калар» деп ушул күнгө чейин чакырып жүрүшөт. Ошондой эле экономика жаатында да экинчи жогорку билимим болгондуктан мен практикадан өткөн Каржы министрлигине да кел дешүүдө. Бирок апам айткандай, лицей менин жашоомдун негизги өзөгү болуп калган. Өз алдымча жашоого болгон кадамым мына ушул жактан башталган. Окуу жайдын жетекчилиги да кетпешимди суранып, шарт түзүп берели деди. Ордумду ошол жерден тапкан соӊ окуу жайдагы ишимди эле улантууну чечтим»,- дейт.
Ардактуу кесибин аркалаган айым жайкысын көлгө барып пансионаттарда ашпозчу болуп кошумча акча тапса, шаарга келгенде дем алыш күндөрү той-топурларда салаттарды жасоого буйрутма алып, капчыгынан акча үзүлбөйт. «Ашпозчу болсоӊ ачка калбайсыӊ» деген ушул да. Асият айым сөзүнүн соӊунда ал катышкан «Аймактык стипендия» программасынын бүтүрүүчүлөрү бир туугандай эле болуп каларын жана дайыма алар менен байланышта экенин айтат. Ошондой эле алардын баары иш менен камсыз болуп, үй-бүлө күтүп, жашоодо өз ордуларын табууга жетишерин кошумчалады.

СӨЗ СОӉУ
Акыркы жылдары Кыргызстанда орто кесиптик лицейлердин бүтүрүүчүлөрүнө суроо-талап жогору экенин турмуш өзү көрсөтүүдө. Бир кездери мектепти аяктагандардын баары эле папке көтөрүп, экономист, юрист болууну каалагандыктан жогорку окуу жайларын бүтүрүүгө ашыгып, өндүрүш тармагына керектүү адистердин саны кескин кыскарып кеткен. Бирок андай жумуш оруну чектелүү болгондуктан жогорку билимдүүлөрдүн дээрлик 75 пайызы өз кесиптери боюнча жумуш таба алышпай дипломдору чаӊ басып жатары белгилүү. Ал эми орто кесиптик окуу жайларынын бүтүрүүчүлөрүнүн дээрлик көпчүлүгү жумушсуз калышпайт. Ошондуктан «Кумтөр» компаниясы да орто кесиптик билим берүүгө багытталган программаны бекеринен ишке киргизбесе керек.

«АЙМАКТЫК СТИПЕНДИЯ» ПРОГРАММАСЫ ЖӨНҮНДӨ:
«Аймактык стипендия» программасы «Кумтөр» компаниясынын колдоосу менен 2000-жылы ишке киргизилген. Билим берүүгө арналган социалдык багыттагы бул долбоор аркылуу көл жээгиндеги мектеп бүтүрүүчүлөрү тандоодон өткөн соӊ ашпозчуларды даярдаган №91 жана автоунаа механиктерин, ширетүүчүлөрдү даярдаган №27-кесиптик лицейлеринде бекер билим алышат. Алардын окуусунан тартып жатакана, тамак-ашы жана ай сайын берилүүчү стипендиясы кен казуучу ишкана тарабынан каржыланат.
Ошондой эле кендеги заманбап өндүрүштүк техникалар менен жакындан таанышып, билим алуусу үчүн механиктерге ал жактан практикадан өтүүгө мүмкүнчүлүк түзүлгөн. Бул үчүн алар компаниянын окутуу борборлорунан кенге баруудан мурда коопсуздук техникалары жана медициналык биринчи жардам көрсөтүү боюнча окууларга катышып, сынак тапшырышат. Сынакты ийгиликтүү тапшырган механиктер гана кенде иштөөгө уруксат алышат.
Мындан улам №91-лицейге тапшыргандар механиктердей болуп кошумча окууларга катышчу эмес. Бирок быйылкы жаӊы планга ылайык компания ашпозчуларга да медициналык билим берүүгө өттү. Бул тууралуу «Кумтөр» компаниясынын окутуу борборунун жетекси Норман Бобосел: «Биздин компаниядагы бардык кызматкерлерге медициналык жардам көрсөтүү боюнча окутулат. Ошондой эле бул студенттер ашканада ысык тамактарды даярдашат. Жакынкы апталарда аталган окуу жайлардын мугалимдерин да окутууну пландаштырып жатабыз. Мындан алган билимдери жумушта гана эмес, үйлөрүндө дагы кереги тиерине ишенем»,- дейт.

Абай Алыкулов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
28.09.2015. 10:09 
Тайпасы:
Жаран
Комментарийлердин саны:
24
Катталган:
11-02-2014
Соӊку аракети:
17-11-2018 21:01
Жынысы:
Белгисиз
Калаасы:
Бишкек Кыргызстан
+1
чынында кунумдук турмушта абдан эле кереги тийет кызыл жарым ай коомунда мен да окуугам 5,6 жыл мурун эн мыкты нерселерди уйротушот
28.09.2015. 10:17 
Тайпасы:
Жаран
Комментарийлердин саны:
172
Катталган:
11-02-2014
Соӊку аракети:
20-10-2017 17:08
Жынысы:
Белгисиз
0
Таласта неге Кызыл ай коому жакшы иштебейт ((((
28.09.2015. 15:20 
Тайпасы:
Жаран
Комментарийлердин саны:
216
Катталган:
08-12-2014
Соӊку аракети:
05-01-2017 19:43
Жынысы:
Белгисиз
Калаасы:
Успешный леди !
+3
Кунумдук турмушта эн керектуу кесиптер да,азыр россиядагы кыргыздар повар болуп иштеп жакшы айлык алышат.
05.10.2015. 10:57 
Тайпасы:
Жаран
Комментарийлердин саны:
108
Катталган:
01-09-2014
Соӊку аракети:
15-11-2018 01:26
Жынысы:
Белгисиз
0
негизи мамлекетти баккан ишканалардан коро чириген байлар ушундай нерселерди уюштурса
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: