Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Үмүт эже: “МЕНИ ТИРҮҮЛӨЙ ӨЛҮК КЫЛЫШТЫ”

№376 15-21-январь, 2010-ж.


Тагдыр

«Турмушуң эшек араба, туулдуң калдың балээге” деген макал менин дарегиме айтылгандай туюлат»,- дейт 50 жаштагы Үмүт эже. Ал редакциябызга өзүнүн оор тагдырын окурмандарга айтып, жеңилдеп алайын деп келиптир. Бир кезде жолдошу, балдары менен бактылуу өмүр сүргөн эне учурда жалгыз. Анда Үмүт эженин сөзүнө кулак төшөйлү.

“КУДАЙДАН ТИЛЕП ЖҮРҮП УУЛДУУ БОЛДУК”
– Мен Жалал-Абад облусунун Аксы районунан болом. Студенттик доорду сүрүп жүргөн кезимде кошуна айылга ала качып кетишти. Отурбайм, окушум керек деп чаң салганыма карабай “таш түшкөн жеринде оор” деп отургузуп коюшту. Жолдошум Орозбек колунан көөрү төгүлгөн уста экен. Күн сайын чакыруулар менен жумушка кетет. А мен көр тиричилик менен алышып, үйдө жалгыз калам.
Ошентип, бири-бирине окшош күндөр суудай агып жатты. Балалуу болууну канчалык кааласак да, негедир көпкө согончогум канабады. Тааныштардын, туугандардын “качан бешик терметесиңер?” деген суроосуна буюрган күнү деп Орозбек экөөбүз тең тим болобуз. Дарыланып, Алла Тааладан тиленип жүрүп уулдуу болуп, ысымын Эрлан атадык.

“АЛЛЕРГИЯНЫН АЙЫНАН ОРУСИЯГА КЕТТИК”
– Эрлан ак жолтой болуп артынан Мирланды ээрчитип келди. Азыр эстесем, ошол кезде бизден бактылуу үй-бүлө жок экен. Балдардын ыңаалаган үнү, кыт-кыт күлкүсү... Күлкү менен таңым атып, шаң менен күнүм батчу. Бул менин жашоомдогу эң таттуу көз ирмемдер болгон экен. Дал ушинтип бакытка маарып жүргөнүбүздө жолдошум аллергия оорусуна чалдыкты. Доктурларга кайрылса, “аба алмаштырышың керек. Кыргызстандан башка өлкөгө барып жашасаң, илдеттен арыласың” дешиптир. Айла жок, мекенибизди таштап Орусиянын Рязань шаарына көчүп барып, спирт чыгаруучу заводго жумушка орноштук.

“ЖОЛДОШУМ АРАККА БЕРИЛИП...”
– Орусияда жүргөнүбүздө кыздуу болдук. Балдар чоңойгон сайын чоң акча талап кылынат экен. Мурунку иштегенибиз жетпей, соода кылганы Орусиядан Казакстанга көчүп келдик. Соодабыз ийгиликтүү жүрүп, Алматыдан там алдык. Ошондо жолдошум барга көөп кеттиби, айтор, ичкиликке азгырыла баштады. Ата – үй-бүлөнүн башчысы, коргоочусу, таянар тоосу эмеспи. Акыры Орозбек балдарына тарбия бермек түгүл, баарына кол шилтеп койду. Менин иштеп тапканым эч нерсеге жетпей жатты.

“УУЛУМДУН СӨӨГҮ КАЗАКСТАНГА КОЮЛДУ”
– Ушинтип күн кечирип жүргө­нүбүздө улуу балабыз Эрлан ооруп калды. Дарыгерлерге көрсөтсөк, “бөйрөгүнө катуу суук тийген” деген диагноз коюшту. Тапканымдын баарын дары-дармекке коротуп, канчалык аракет кылбайын Эрландын абалы оорлоп, күндөн-күнгө суу жетпеген дарактай соолуп баратты. Доктурлар “операция жасаш керек” дешкенинен, баш аман болсо баары табылат деген ойдо жашаган тамыбызды саттык. Бир кезде Жараткандан наристе сурап жалдырасам, ошондо баламдын өмүрүн тилеп Кудайга жалынып жаттым. Доктурлар канчалык аракет кылышса да, бул ирет жардам болгон жок. Ошентип, мөлтүрөгөн эч жазыксыз жаш балапанымдын канаты талып, он гүлүнүн бир гүлү ачыла элек 20 жаш курагында ичер суусу түгөндү. Уулумдун сөөгү өз мекенине эмес, Казакстанга коюлуп калганы азыркыга чейин жүрөгүмдү эзип келет.

“КҮЙӨӨМ БАШКА БИРӨӨГӨ ҮЙЛӨНҮП АЛДЫ”
– Башымдан өткөргөн оор кайгыны дүйнөдөгү эч бир энеге ыраа көргүм келбейт. Эне үчүн баладан артык эч нерсе жок экенин мага шум ажал далилдеп кетти. Уулумду жоготкондо бүткүл ааламды туюк кара туман каптап, көзүмө эч нерсе көрүнбөй калгандай туюлду. Бирок өзүмдү кармап, Кудайым эки балама ден соолук, бакыт беришин тилеп, ошолор үчүн жашай баштадым. Жолдошум уулунан айрылгандан кийин эсине келип, арагын таштады. Алматыда үйүбүз жок болгондуктан, үй-бүлөбүз менен Кыргызстанга көчүп келүүнү туура көрдүк. Бир аз топтогон акчабыз бар эле, жолдошумду Бишкекке узатып, үй сатып алгандан кийин биз артынан бармай болдук. Ошентип, атабыздан жакшы кабар күтүп жүрдүк. Кайдан, атабыз бул жакка келип үй албай эле акчасын жөн салды чачып, бир келин менен жашап алыптыр. Бул кабарды угуп алып жаман болдум. Жаңы эле уулунан ажырап жатса бул эмне деген жоругу? Мага талак бербей туруп башка бирөөгө нике кыйып алганы эмнеси деп жүрөгүм ооруп жүрдү.

“ЭКИНЧИ УУЛУМ ДА ООРУКЧАН”
– Өлгөндүн үстүнө көмгөн кылган Орозду жашоомдон сызып салдым да, жашоомду уланта бердим. Кызым казак жигитке турмушка чыгып, ошол жакта калды. Уулум Мирлан экөөбүз Бишкекке келип базарда соода кыла баштадык. Тапканыбыз тамагыбызга жана батирибизге эле жетет. Кудайга шүгүр деп уулум экөөбүз турмуш арабасын тартып жүргөнүбүздө Мирланым ооруп калды. Доктурларга көрсөтсөм, полиартрит деген диагноз коюшту. Суукта муундары какшап кыймылдай албай калат. Мирлан азыр үйлөнүп өзүнчө турат.
Мирлан кичинесинен атасына жакын эле. Балага ата керек экен, убакыт өтүп уулум атасын кечирди. Кечиргенине каршы эмесмин. Бирок мен ооруканада жатканда Орозбектин азыркы аялы баарын чечип, Мирландын кайын-журтуна барышыптыр. Мени тирүүлөй өлүк кылып бул эмне кылгандары?! Буга уулумду да, күйөөмдү да күнөөлөбөйм. Мунун баарына биздин бүлөнү бузган Мира (Орозбектин азыркы аялы) күнөөлүү. Эч качан бирөөнүн көз жашынан бакыттын пайдубалын тургуза албасын билет болду бекен?!

“ЖАКШЫ ЖАШООДОН ҮМҮТ ҮЗБӨЙМ”
– Үмүт эң акырында өчөт эмеспи. Ата-энем бекеринен азан чакырып Үмүт деген ат койбосо керек. Айдын жарымы караңгы болсо, жарымы жарык болот дешет. Мага да айдын жарыгы тиерине ишенем. Доктурлар оорума байланыштуу “оор көтөрбөй жеңил жумушка иште” дешкенине карабай, базарда алма сатып иштеп жатам. Мен иштегенден эч качан качпайм. Бишкектин көчөлөрүн шыпырып болсо да акча табууга даярмын. “Ат айланып казыгын табат” дегендей, жолдошум эсине келип кечирим сурап келсе, мен жок дебейм. Себеби ортобузда уулубуз жана кызыбыз бар.

Бактыгүл Сокушова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
18.01.2010. 14:05 
Тайпасы:
Кыймылы жок
Комментарийлердин саны:
50
Катталган:
11-09-2009
Соӊку аракети:
26-12-2012 22:59
Жынысы:
Белгисиз
Калаасы:
Бишкек
0
Умут эйже - жашоодо ар кандай сынактарды кудай башка салат, эми сиз белинизди бекем бууп оз ден-соолугунузду караныз, жолдошунуз келеби келбейби адан умутунузду узуп жаны жашоо баштаныз, уул-кызыныз чонойуп оз жашоолору менен экен сизди эми ошолор сыйласын. Уулунуз Мирлан аябай туура эмес иш жасаптыр жэ улуулар кой деп кеп кенешин айтбаптыр, негизи жашоо биз ойлогондой болбойт экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: