Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Динара Акулова: «ЧЫНЫН АЙТСАМ, КОЛУМДУ СУРАГАНДАР КӨП»

№376 15-21-январь, 2010-ж.


Динара Акулованын жагымдуу үнү менен созгон ар бир ыры кимдин гана болбосун жан дүйнөсүнө жылуулук тартуулаары бышык. Эжени маекке тартуу максатында издеп таппай жатканбыз. Көрсө, ырчы Бишкекке жакын жайгашкан Воронцовка айылында дарыланып, ден соолугун чыңдап жаткан экен. Эжени көргөнү барып, акыркы жаңылыктары, жеке турмушу жөнүндө баарлаштык. Биздин маекке жанында отурган кызы Малика да кошулду.

– Динара эже, ден соолугуңуз кандай, жакшы болуп калдыңызбы?
– Ден соолугуң болбой турса, эч нерсеге көңүлүң да чаппай калат экен. Укол, тамчылатма дары алып жатып, Кудайга шүгүр, жакшы болуп калдым. Өзүңөр билгендей, АКШга бир топ жаш ырчылар, аксакалдардан мен болуп мекендештерибизди кыргыз ырлары менен кубантканы барбадыкпы. Алдын ала түзүлгөн программанын аягына чыкпай кетүүгө туура келди. Биринчиден, буга ооруп калганым себеп болду. Ал жак суугураак экен. Экинчиден, балдарым сагынып күнүгө телефон чала беришти.
– Өзүңүз кимди өзгөчө сагынды­ңыз?
– Маликаны, неберем Альдинаны, анан Маликанын күчүгү Метьюну аябай сагындым. Кетерде улуу кызым Мэрини Маликага караан болуп тур деп Оштон чакырткан элем. Келгенимде Мэри “апа, сиздин үйдө жок болгонуңузга чоңураак болгон үчүн Малика экөөбүз чыдайт экенбиз. Эки кичинекей чыдабайт экен” деп жатпайбы. Көрсө, неберем Альдина да, күчүгүбүз Метью да ооруп калыптыр. Метьюну деле түшүнсө болот. Ким көбүрөөк тамак берип, ким көңүл бөлсө, ал байкуш деле ошого көнүп калат да. Келип босогону аттарым менен куйругун шыйпаңдатып аябай сүйүндү. Ал эмес бир күн кечке сагынганын билгизип колдорумду жалап чыкты.
– Неберелүү болгонуңузда кандай сезимдер болду? Картайып баратам деп кейиген жоксузбу?
– Небере деген өзгөчө турбайбы. Балдарымды өзүм жуунтуп-тарантып, тамак берип баккам. Бирок неберени балаңдан да артыкча бөпөлөйт экенсиң. Мен башынан эле көп балалуу болсом экен дечүмүн. Неберелүү болгондо аябай сүйүндүм. Бирок азыр неберем Бишкекте эмес. Кызым Ошко турмушка чыкпады беле. Мен келгенден кийин экөө кайра Ошко кетишкен.
– “Турмуш куралы” деп колуңузду сураган мырзалар болбой койбосо керек...
– Чынын айтсам, колумду сурагандар көп эле. Бирок турмушка чыгуу жөнүндө ойлоно элекмин. Мындай суроону чечүү үчүн күчтүү болушуң керек. Мен эмне үчүн ушул убакка чейин турмушка чыкпай келдим? Балдарым чоңойсун, кой, уят деп жүрдүм. Маликам эми чоңоюп, уясынан учканы турат. Бирөөнүн баласы бирөөгө керек эмес да, туурабы? Үч балам тең кыз болсо. Бирөө кагып коёбу, кыздарымдын шагы сынып калабы деген энелик коркуу сезим менен жашап келдим.
– Үч кыз дедиңиз го. Мен Мэри менен эле Маликаны билет экем...
– Көнүп калган жаным Гүлмираны кошо санап жатпаймынбы. Гүлмира менин колума төрт жашында келген. Кичинесинен бакканымды эл деле билет го. Аны өз кызымдай эле көрөм. Мектепти бүтүрүп, университетке өткөрүп, эми жеке концертин берсемби деп турганда энеси колумдан алып кетти. Андан кийин Гүлмирка окуусун да окубай, ырдабай да, сүйлөшүп жүргөн жигитине турмушка чыкпай да калды. Бүрдөп турган учурунда энеси убалына калды да. Мен буга энесин күнөөлөйм.
Андан бери беш жыл өттү “апа, кандайсың?” деп бир да жолу телефон чалганга жараган жок. “Баккан бала – таттуу” деп коёт эмеспи. Гүлмира менден кеткени менен, жүрөгүмдө кыздарымдын бири бойдон калды. Кызыма бакыт каалайм. Бактылуу болсун!
– Жиниңиз келгенде эмне кыласыз?
– Мурун жиним келсе, бирөөлөр менен кыйкырышып уруша берчүмүн. Азыр унчукпай дудук болуп калам. Эзели жасабаган жумуштардын баарын чукуп чыгып жасап кирем. Мисалы, кийим тигем, идиштеримди кырып-жышып жууйм дегендей.
– Кийимди өзүңүз бычып-тигесизби?
– Ооба, дизайнын өзүм чийип алып, тигип коём. Мисалы, Маликанын сахнага кийген көйнөктөрүнүн көбүн өзүм тиккем. Андан сырткары, курак курайм.
– Эмнеге өкүнөсүз?
– Өкүнгөн нерсем, кылам деп жүрүп кылбай калган иштерим көп. Жаш кезимде сонун сценарийлер менен клиптерди тартпаганыма өкүнөм. Анан кээде отуруп алып кыздарымдын бири эркек болуп калса эмне дейм. Раматылык энем “кызым, өзүң төрөбөсөң да, эркек бала багып алчы” деп көп айткан. Энемди угуп эркек бала багып албаганыма өкүнөм. Багып алсам, азыр Маликам менен тең чоңоюп калмак экен. Мына Мэри турмушка чыкты, буюрса, Маликам чыгат. Алардын балдарын багам деп өзүмдү сооротуп жатам.
– Малика “башка улуттун жигитине турмушка чыгам” десе макул болосузбу?
– Көнүп калбадымбы, ойлонуп көрмөкмүн. Көнүп калбадымбы дегенимдин себеби Мэринин жолдошунун улуту таза кыргыз эмес, аралаш. Жаш өткөн сайын патриот болуп баратам. Чет өлкөгө чыкканда элимди-жеримди укмуш сагынып, көзүмө жаш тегеренчү болду. Чет жер канчалык кооз, канчалык өнүккөн болсо да кыргызыма, Кыргызстаныма эч ким, эч нерсе жетпейт экен. Ошол үчүн Маликага башка улутка турмушка чыккандан көрө кыргызымдын эле мырзасына чык деп айтар элем.
– Кызыңыз аябай эрке болсо керек...
– Ооба, Малика кичинесинен аябай эрке өстү. Чоңойгондо абдан эрке болуп калат го деп коркком. Бирок андай болгон жок, аябай токтоо. Канча кийими, канча бут кийими турса деле “жаңы алып бер” дей бермейи бар. Анда башка энелер сыяктуу мен деле урушам. Малика кичине кезинде көп акча коротчу. Азыр байкасам, бир берген акчаны кийинкиге үнөмдөп колдонуп калыптыр.
– Абдумалик байке менен байланышып турасызбы?
– Мындан эки-үч жыл мурун Абдумалик концерт бербеди беле. Ошондо Малика экөөбүз куттуктап ырдап кеткенбиз. Андан бери көрө элекмин. Кайда экенин да билбейм.
– Сиңдиңиз Элла экөө­ңүздөрдүн мами­леңиз­дерди начар дешет го...
– Элла экөөбүз бири-бири­бизди жаман деп, жакшы бир тууганды кайдан тапмак элек? Экөөбүз кичинебизден чогуу чоңойгон эмеспиз. Ошондонбу, башынан эле сый мамиледебиз.
– “Кош жылдыз” долбооруна нааразы болуп жатканы­ңызды уктум эле...
– Негизи, ал долбоорго катышпайт болчумун. Элдин даярданганына бир ай болгондо депутат Бакыт Төрөбаев экөөбүздү шаштырып киришти. Ырларыбызды тез аранын ичинде жаздырганыбыз менен, театрлаштырганга убакыт тар болду. Болгону, артыбызга кыздарды бийлеткенге жетиштик. 3 турда тең калыстар тобунун койгон баалары көпчүлүктүн көңүлүнө толбой калган окшойт, элдин сыноосуна калып калдык. Жыйынтыгында диплом, төш белги, «элдин арзуусуна татыды» деп күйөрмандарыбыздын атынан телевизор белек кылышты. Бакыт телевизорду “эже, ырдаганды үйрөттүңүз, рахмат. Карындаштарым көрүшсүн” деп мага ыйгарды.
– Эже, маегиңизге рахмат. Эч качан оорубаңыз.
– Рахмат. Мүмкүнчүлүктөн пайдаланып, кыргыз элимди Жаңы жылы менен куттуктайм. Элибизде дайыма тынччылык, токчулук, ынтымак болсун.


Жылмайып коюңуз!

Короосунан чыга калган Динара:
– Эй жигит, эмне турасың үйдү сагалап?!
– Маликанын колун сурайын дедим эле...
– Эмне дейт ботом, эмне өзүңдүн колуң жок беле?
– Бар деңизчи, бирок эки колго караганда төрт кол көбүрөөк жумуш бүтүрөт да.


ЫРЧЫ ТУУРАЛУУ

  • Динара Акулова 1964-жылы Жети-Өгүз районундагы Аң-Өстөн айылында туулган.
  • Каракол шаарындагы музыкалык окуу жайын жана Бишкектеги Бүбүсара Бейшеналиева атындагы Искусство институтун аяктаган.
  • Мыскал Өмүрканова атындагы 1-сыйлыктын, Президенттин Ардак грамотасынын, “Алтын үн” (2007) наамынын ээси. КРнын Эмгек сиңирген артисти.


Малика: «БААРЫ БИР АПАМДЫН ЖОЛУН ЖОЛДОЙМ»

Динара эже менен маектешип болгон соң кеп кезегин Маликага узаттык. Азыр баягы кичинекей Малика жок. Татынакай болуп бой жетип келе жатыптыр.

Малика, канчанчы класс болуп калдың? Окууларың кандай?
– Борбордогу №67-гимназияда 9-класста окуйм. Окууларым жакшы эле. Беш, төрт, кээде үч дегендей.
– Жаңы ырларды жаздырып жата­сыңбы? Ырларыңдын обонун, сөзүн ким жазат?
– Жаңы эле “Таазим кылам” деген ыр жаздырдым. Андан сырткары, даяр жети ырым турат. Болгону, ага үнүмдү кошуш керек. Ырларымдын обонун, сөзүн кээде апам жазып берсе, кээде сүйүктүү байкем Жаныш Момунов жазат.
– Келечекте кайсы кесипти тандасам деп жатасың?
– Мектепти аяктагандан кийин апам мага “Америкада окусаң жакшы болот эле” деп көп айтат. Кайсы жерде окубайын, баары бир апамдын жолун жолдоп ырчы болом. Буга апам бир чети макул, бир чети каршы. Каршы болгон себеби ырчы болуу кандай кыйынчылык менен коштолорун жакшы билет да.
– Эжең турмушка чыкканда ыйла­дыңбы?
– Мен анда Түркияга фестивалга кеткен элем. Ошондо эжемди уурдап кетишиптир. Бул жакка келгенден кийин угуп алып аябай ыйладым. Ал эми фестивалда болсо биринчиликке жетиштим.
– Шайыр Касымалиеванын кызы Мээрим эжең менен катышып турасыңбы?
– Мээрим эжем менен телефон аркылуу сүйлөшүп турам. Барып-келип катышканга, чынында, менин да, анын да убактысы жок.
– 9-класстан айрымдар жигит жандап калышат го. Сүйлөшкөнүң барбы?
– Мага азырынча эрте деп ойлойм. Анын үстүнө, бош убактым абдан аз. Латын-америка бийине, сууда сүзүүгө, чоң тенниске, коньки тебүүгө катышам. Кичине бошой калсам китеп окуйм, күчүгүм Метью менен сейилдейм. Күчүгүмдүн атын белгилүү Голливуд актёру Метьюнун атынан койгом.
– Окууга маршрутка менен барасыңбы? Мектепте көрө албагандар барбы?
– Эл катары эле маршрутка менен барам. Кээде апам жеткизет. Мен курбу кыздарымдын баарына бирдей мамиле кылам. Бирок алардын арасында мени көрө албагандар көп эле. Мисалы, беш-алтоо чогулуп алып ушакташат. Кайра эле алардын бирөө келип “сени тиги минтип айтты” деп жеткирип коёт.
– Рахмат маегиңе.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
19.01.2010. 02:05 
Тайпасы:
Тартип бузгандар
Комментарийлердин саны:
12
Катталган:
29-01-2009
Соӊку аракети:
25-12-2012 16:44
Жынысы:
Белгисиз
0
super=info, molodetzs'nger, fotoshop jakshy ishteit eken. dinaranyn bir surotun eki kylyp...
19.01.2010. 02:05 
Тайпасы:
Тартип бузгандар
Комментарийлердин саны:
12
Катталган:
29-01-2009
Соӊку аракети:
25-12-2012 16:44
Жынысы:
Белгисиз
0
a tak maga bul yrchy jagat, kyzy dagy tatyna
19.01.2010. 14:51 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
Madina sonun kyz bolup kaluptyr ee,bir tam4y balday...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: