ТОЙГО САЛАТ ЖАСАЙБЫЗ

«ТОКЧУЛУК» САЛАТЫ

КЕРЕКТЕЛҮҮЧҮ АЗЫКТАР:
Тоок эти – 300 грамм
Катуу сыр – 50 грамм
Консерваланган жүгөрү – 150 грамм
Ананас (консерваланганы да жарайт) – 50 грамм
Грек жаӊгагы – 50 грамм
Майонез – татымына жараша

ДАЯРДОО:
1. Грек жаӊгагын көмөч казанга май куйбай эле 1-2 мүнөт кууруп алып, андан соӊ колубуз менен майдалайбыз.
2. Тоок этин сууга бышырып, муздаган соӊ чарчы формасында туурайбыз.
3. Сырды сүргүчтөн өткөрүп, ананасты узун-туурасы 1 сантиметрден кылып чарчы формасында тууроо керек.
4. Идишке тоок этин, жүгөрү, ананас, жаӊгакты салып, майонез кошуп аралаштырабыз. Салатты тарелкага салган соӊ жаӊгактын калганы менен үстүн кооздоп коёбуз.

«АЗИЯ» САЛАТЫ

КЕРЕКТЕЛҮҮЧҮ АЗЫКТАР:
Уй же кой эти – 100 грамм
Пияз – 1 даана
Болгар калемпири – 2 даана
Сабиз (орточо) – 1 даана
Бадыраӊ – 2 даана
Сарымсак – 3-4 тишче
Кинза – 5-6 тал
Черри помидору – кооздогонго жараша
Өсүмдүк майы – 50 грамм
Туз, мурч, соя соусу – татымына жараша

ДАЯРДОО:
1. Этти чарчы же таякча түрүндө туурайбыз. Андан соӊ мискейге салып, туз, мурч, 1 аш кашык соя соусун кошуп 10 мүнөт тыныктырабыз.
2. Этти көмөч казанга салып, жай отто 5 мүнөт бышырабыз.
3. Болгар калемпирин жана бадыраӊды узун ичке, пиязды жарым шакекче түрүндө туурап, сабизди сүргүчтөн өткөрөбүз. Ал эми сарымсакты майдалап туурап өзүнчө идишке сала турабыз.
4. Тууралган азыктардын баарын этке кошуп аралаштырабыз.
5. Көмөч казанга өсүмдүк майын куюп ысытып, биринчи сарымсакты, андан кийин калгандарын салып аралаштырабыз. 2 мүнөттөн соӊ 1 аш кашык соя соусун жана тууралган кинзаны кошобуз. Тарелкага салгандан кийин үстүн черри помидору, күн карама даны менен кооздоп койсоӊуз, салатыӊыз көркүнө чыга түшөт.

Асыл Орозбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

eliza5566

2015-10-05 10:18:04

дастаркондун декорациясы жана карвингдин сырлары тууралуу да жазгылачы

admin_superstan

2015-10-05 10:31:42

eliza5566, саламатсызбы!
Карвинг тууралуу макала бар:
http://www.super.kg/article/show/17269
Ал эми дасторконду кооздоо тууралуу сунушуңузду тиешелүү бөлүмгө жеткирип коёбуз.

beben

2015-10-05 14:18:52

Эн сонун го мага азия салты жакты жасап кором

OYSI

2015-10-05 14:29:53

Азия салат жакты,бугун даярдап коройунчу даамын кандай болоорун билебиз:))

bolotbek91

2015-10-05 19:16:14

Жасап жеп коруш керек экен

Aida_75

2015-10-05 21:05:57

Эн жакшы кенеш экен. Рахмат

Ledi89

2015-10-06 11:17:43

Дагыда жакшы салатарды жаза бериниздер.

karachach91

2015-10-06 15:19:12

Мага да cалаты жакты. Рахмат.Курсагым курулдап кетти. Анткени жумушта отурам

anyaza

2015-10-08 18:30:14

чарчы болгондо кубик турундо болобу?туз кошулбайбы

sely

2015-10-09 12:14:55

anyaza,чарчы д.н саломка б.а аша сабиз туурагандай ьууралат

anyaza

2015-10-08 18:39:27

чарчы деген кубик да э? туз кошулабы?

Latyshka

2015-10-09 10:11:23

anyaza, ооба, төрт бурчтук кылып туурайсыз, биринчи салатка туз кошулбайт.

Sandrana

2015-10-09 12:47:49

ООх,эн жакшы коргон тамактардын бири салат мен учун!

Missulya

2015-10-09 14:03:49

Азия салаты "доллар " сыяктуу го мен жасайм дайыма эле аябай жагат.

Aysuluu95

2015-10-11 15:06:18

Choon rahmat

Комментарий калтыруу үчүн өз ысымыңыз менен кириңиз же каттоодон өтүңүз.

№ 674, 2-октябрь-8-октябрь, 2015-ж