Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№377 22-28-январь, 2010-ж.


(Башы өткөн сандарыбызда)

Ошол күндөрдө бир топ оңолуп калган апам кыраакылык кылып менин абалымды байкап койду:
– Чөгүп кетипсиң да эркем,- деди чачымдан жыттап. Үн катпай телмирдим. Апам мени таарынып жатат деп ойлоду окшойт:
– Кызым, ким дедиң эле?
– Ким?- дедим чочуп, кимди сурап жатканын билсем да.
– Менин болочок күйөө баламдын атын. Өзүң айттың го, бири-бирибизди жакшы көрөбүз, бир болууга чечим чыгардык деп.
– Апа...- деп мен эмне айтарымды билбей кайсалактадым.
– Ошентели дегенбиз, бирок сиз каршы болсоңуз ага турмушка чыкпай деле коём.
– Мен эмнеге каршы болоюн. Силер бир болууга чечим кылсаңар, мен бактыңарга бут тосуп, колуңарды үзгүм келбейт.
– Апа, ойлосом жерибиз алыс экен. Дагы ойлонуп көрсөмбү деймин.
– Кызым, мен улгайып калсам да түшүнөм. Сүйүү Алла Таалам насип кылган ыйык тартуулардын бири. Аны булгоого, кыянаттык кылууга, кор кылууга болбойт. Бирок биз атаң экөөбүз сүйүшпөй этпей эле баш кошконбуз. Кудайга шүгүр, жаман болгон жокпуз. Муну айтсам ал заман өттү-кетти дээрсиң. Аны жакшы бала деп айттың, сенин да акылың зирек, жакшылап байкагандырсың ?..
– Ооба, кечээ айттым го... Жакшы бала деп. Апа, башка маселени сүйлөшөлү, -дедим сөздү башкага буруп.
– Мейли, бактылуу болсоң болду. Мага сенин бактың керек.
“Апа, биз бактылуу болбой калдык, ал башка кызды... Мен жаңылып калдым” деп айта албай ого бетер телмирдим.
Эртеси Бактиярдын досуна кайра чалдым.
– Кажы, Бактиярдан кабар барбы?
– ...Өзү менен сүйлөш, азыр жанымда.
– Ыя...
Мен чочуп кеттимби же кубанып кеттимби билбейм. Телефондон Бактиярдын үнү угулду:
– Салам!
– Бактияр, эмне болду, эмне кылып жүрөсүң?
– Эмне болмок эле, укканың болду,- деп ал кош көңүл жооп берди.
– Кантип, менчи, мен кантем, Бактияр?!
Ызама чыдабай ыйлап жибердим.
– Жаным, койчу өзүмдүн да башым катып кыйналып турам,- деп ого бетер ызалантты.
– Апам катуу ооруп калды, абалы оор,- дедим дагы да болсо ага эреркеп. Ал мени аяп кетти окшойт.
– Малика, ыйлаба баары жакшы болот.
– Ар дайым ушинтип сүйлөйсүң, анан ушул кылганың жакшыбы?!
– ...
– Угуп кой, эртең сага барам. Баарын көзүм менен көрмөйүнчө ишенбеймин.
– Малика, жаным, тамаша кылып жатабыз, келбе. Сен айтканыңдан кайтпаган өжөр элең, келип калба. Мына, аз күндө каникул бүтөт, анан шаардан жолугабыз,- деп тызылдай кетти.
– Барам дедимби барам.
Мен сөзүмдөн кайтпай туруп алдым.
– Жинди болбо, мени укчу элең го. Балдар сени сынап көрөлү деп тамашалашты. Кантип ушуга түшүнбөйсүң? Сен да айтчы тамаша кылдык деп, ишенбей жатат, каяктан бул тамашаны баштадык эле,- деп телефонду досуна берип койду.
– Малика, биз тамаша кылганбыз. Ишен, сени сүйөбү же сүйбөйбү деп сынаганбыз. Ошого ушунча болосуңбу? Мейли, калганын шаардан чечишип аларсыңар,- деп досу да мени тынчтантты. Телефонду коюп салдым. Бул чындыгында азил экенине канчалык кубанганым менен, сиркем суу көтөрбөй жүргөн учурда Бактиярдын мындай тамашасы жакпай калды. Бул окуядан кийин көпкө чейин келише албай, тамашасы таарыныч менен аяктады. Ошентсе да күндөр өтүп, бири-бирибизди кыя албай бир топто барып жараштык. Алтургай мурдагыдан да жакын, ого бетер ынак болуп кеттик...
...Күн уясына батып, караңгы түшө баштады. Биз палатага кайттык. Уколубузду алып, кечки тамакка отурдук. Малика тамактануудан баш тартып жатып алды. Эже аны ой-боюна койбой тургузууга аракеттенип:
– Малика, өзүң акылдуу эле кыз экенсиң. Туруп-туруп эле пейилиң бузулуп кетет. Бул эмне кылганың? Тамак ичкиң келбей жатса да биз менен бирге отур. Кел, жок дегенде бир чыны чай ичип ал,- деди. Эженин сөзүнөн кийин ал көңүлсүз катарыбызга кошулду. Бирок жарытылуу эч нерсе жеген жок.
– Жигитиң барбы?- деди Малика бир убакта мага кайрылып.
– Кандай десем... Бирөө менен мамиле куруп жүрөм, бирок азырынча бир чечимге келе элекпиз.
– Эже, сизчи, жолдошуңузду сүйүп тийдиңиз беле?
– Каяктан, мектепти бүтөрүм менен ала качып алган. “Таш түшкөн жеринде оор” болуп отуруп калгам,- деди өткөн күнүн эскерип.
– Көшөгө ичиндеги алгачкы күндөр бир башкача дүйнө, өзүнчө бир кереметтүү жашоо болсо керек ээ?- деди Малика.
– Эмне... Сен... Силер Бактияр экөөңөр үйлөнбөй калдыңарбы?- деп эже мукактанып сурады.
– Кеп бир четтен кеткени жакшы. Анда аңгемемди улантайын,- деди. Баарыбыз дасторконго бата тилеп, маектешүүгө уй мүйүз тартып отурдук.
Бул жаңы окуу жылында Бактиярдын Канат деген классташы Жалал-Абаддан которулуп Бишкекке окуганы келди. Анын башка университетте окугандыгына карабастан, Бактияр биз жашаган жатаканадан жай алып берип, бирге жашап калышты. Айылда жүргөн жакын курбум Тилла мага айылдагы ар кандай ушак-сөз, көр тиричиликтен тажаганын, эгер жардам берген адам болсо ал да шаарда окугусу келерин айтып кат жазган эле. Ага боорум ооруп өзүм окуган окуу жайга өтүүсүнө жардам бердим. Ал кезде өзүм магистратураны жактап, диплом алган мезгилим эле. Бирге жашаган кыздар ар жакка кетип жалгыз калганым үчүн аны менен бирге жашап калдым. Ананчы, алыскы айылдан атайын мага ишенип келсе, апасы да кайра-кайра мага ишенерин айтып дайындап жатса, ишеничтерин актагым келди. Колумдан келишинче жардам берүүгө далалаттандым. Дос-тууган десе жеген ашын жерге койгон ак көңүл Бактияр болсо Канатты бөпөлөп, көзүнө карап аябай кастарлайт. “Ак көңүлдүн аты арыбайт, аты арыса өзү жарыбайт” болуп ошондо акыр түбү кандай болорун билсек, мындай кылбас белек ким билет?
Эми экөө эмес төртөө болуп калдык. Менин баамымда акыркы күндөрдө Канат менен Тилла өз ара мамиле түзүп алгандай. Тилланын өзүнөн сурасам унчукпайт.
– Тилла, сен менин курбумсуң. Жашырбай ачыгын айт, Канат менен мамилең барбы?- деп мен аны кепке тарттым.
– Эмне, менин эч ким менен мамиле түзүүгө акым жокпу?! Ал мага таарына сүйлөдү.
– Кеп анда эмес, силердин мамилеңер мага башкача сезилип жатат. Сен күйөө көрүп турмуштан чыккан келинсиң.Ал бир үйдүн жалгыз эрке баласы, үйлөнгөн эмес. Сенин да мага окшоп жашың улуу. Дагы бир нерсени унутпа, бул жерде турмуштан чыкканыңды эч кимге айтпа, Канатка да. Болбосо кеп-сөз тарап, жаманатты болосуң.
– Биз жөн эле дос болуп жүрөбүз. Сен Бактияр менен жүрсөң бир нерсе деп жатамынбы?!
– Бактияр экөөбүздүкү башка кеп. Анан калса бул жерде бизди «ушул кыздар кичүү балдардын башын айлантып жүрөт» дедиртип, сен да мага кошумча болбо. Ансыз да мындай сөздөрдү уга берип тажап бүттүм. Окуйм, иштейм, башкача жашоо баштайм дебедиң беле?.. Сен дагы эле башка жолго кетип жатасың. Канат менен бактылуу болуп кетишиңе, акыр-аягы жакшы болоруна ишенсең, каршылыгым жок!- дедим жиним келип. Ал унчуккан жок.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: