СИРИЯДА ӨЗҮН ӨЗҮ ЖАРДЫРГАН ЖИГИТ КЫРГЫЗСТАНДЫК БОЛУП ЧЫКТЫ

Интернет айдыңында Ислам мамлекети террордук уюмунун катарында согушуп жүргөн өзбек улутундагы жигит аскер унаасы менен кошо өзүн өзү жардырып жиберген видеотасма пайда болгон. Анда 20 жаштардагы жигит бронетранспортёрго түшүп жатканы көрсөтүлөт. Ал коркуп ыйлап алган, аны курчаган согушкерлер коркпошу керектигин айтышат. Аздан соң ал түшкөн унаанын жарылганы көрсөтүлөт. Мына ошол өзүн өзү өлтүргөн жанкечти жигит кыргызстандык болуп чыкты. Бул тууралуу «Азаттык» сайты маалымдады. Жалал-Абаддын тургуну Тахир Рахитов видеодон аскердик унаа менен кошо жарылган жанкечтини көрүп өз уулу экенин таанып калган. Каза болгон Бабур Исраилов 1994-жылы туулган. Кийин Орусияга иштеп кеткен. 2014-жылдан тарта дайыны белгисиз болуп, туугандары анын кайда экенин билишкен эмес.
Маалыматтарга караганда, Кыргызстандан Сирияга кеткен жарандардын саны 400гө чукулдаган. Согуштук аракеттерден улам ал жактагы 45 кыргызстандык каза тапканы айтылып келет.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (16)

warsaw.

2015-10-19 09:49:44

Дават кыласың деп эле Сирияга алып барып таштаганда буларды,билбей барып алганы көрүнүп эле турат.

Jigitronic

2015-10-19 09:55:33

Барарын барып алып анан ушундай тагдырга туш болушат.Жардырса да өлөт,жардырбайм десе андан да азаптуу өлүм менен өлөт.Ойлонуп иш кылыш керек башында.

rumaika5544

2015-10-19 10:15:20

Адамдар ушунчалык акылсыз анан алсызбы деген ой келди.

EdikoKG

2015-10-19 10:23:21

Кандай иш жасасан да,ойлонуп кадам таштоо керек. Булар дин фанаттары. Бир - эки дават берип,анан айдап жиберишет.

Sandrana

2015-10-19 10:28:06

Танкага тушуп жатканга чейинки видеосун кордум,баары мн коштошуп чыгыптыр ошондо озу деле билгенда олумго кетип жатканын,бекерден ыйлады беле коштошуп жатканда,Сирияда согуш бп жатат десе баары эле 41жылкы согуштай женип келебиз деген ойдо барсалар керекта жыргап келе тургандай Сирияга барган адам кайтпайт!

Wave.

2015-10-19 10:39:28

Бул балага мен эч кандай кайгырып турган жокмун, кайгырбайм. Озун озу кылды. Ошондуктан баарына айтаарым: бир чечим кылаарда ойлонуп, акылдашып, анан чечкен он. Ойлонгула даватчиктер...

azureya19

2015-10-19 15:57:09

Экстремисттер Кыргызстаныбыздан кетип ошентип кырыла бергиле,бул жакка кайтып келип озунордун дининерге угуттомоксунор да

Decmond

2015-10-19 17:25:07

Озбекпи бул дагы????
А видео каякта????

admin_superstan

2015-10-19 17:58:52

Decmond, саламатсызбы!
http://www.super.kg/media/uservideo/151993/

Jigitronic

2015-10-20 09:29:42

Алар үчүн биздин жаштар жөн гана курал үчүн,боевиктин башчылары өздөрү жарылып өлүштү каалап турат дейсиңерби,жок аларга да жан керек,ошондуктан эч нерседен түшүнүгү жок,өпкөсү көпкөн немелерди катарларына кошуп алууда.Башты иштетип анан иш кылуу керек ат дарбыса эшек кошо дарбыйт болбой.

Meruet84

2015-10-20 14:17:51

Бул байкушта алданып барган да ал жакка, акчанын айынан .Мынча беребиз десе барды да .
Бул ИГИЛ деген балээ атайы эле Ислам динин каралаш учун чыкканбы айтор баарын Аллах билуучу коруп турат.
Кой терисин жамынган карышкыр лар .

mira28

2015-10-20 18:02:02

Сакалдуулар акырындап бастырып келе жатат.Байкуш бала алданыптырда копчулук жаштар динди туура эмес тушунукто кабыл алып жатпайбызбы.

Flander

2015-10-21 12:34:05

Сирияда суутуп коюптурбу?Андан көрө ата энеңди бала чакаңды бак да намазыңды окуп үйдө отур.Андай эле динчил болуп баратсаң элге жакшылык кыл,садака бер,көпүрө сал,жолду оңдо ана сага түгөнгүс сооп.Келмени чала була жаттап алып,сакал коет десе эле болушунча коюп,бомба байлап өзүңдү жардырбай.

MoXiTo

2015-10-22 11:08:23

Сирияга кеткен дин бузарлардын баары ушинтип кырылып кетишсин озулоруну озу олтуруп ылайым эле ,бизде тынччылык болсун

gul-bibi9109

2015-10-23 09:46:36

НТВ каналында "Прямой эфир " деген передачада ИИГЛ деген темасын корсонуздор аябай кенири маалыматтар берилиптир ошондо ушул бала жонундо да кеп болот тагасынан интервью алганыда бар!

Ledi89

2015-10-24 19:22:31

Тооба кылдым ,Аллахым озун озун олкобузго тынчылык бер,туура акыл бер! Сирияда кандай гана жаш балдарды кыйнап олтуруп жатышат, корсон ыйлайсын,тооба кылысын. Ушундай тынч жашап жаткан кыргызстанга шугур кыласын.

Комментарий калтыруу үчүн өз ысымыңыз менен кириңиз же каттоодон өтүңүз.

№ 676, 16-октябрь-22-октябрь, 2015-ж