реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АБАКТАН КАЧКАНДАР БОЮНЧА МААЛЫМАТ ҮЧҮН 300 МИҢ СОМ УБАДА КЫЛЫНДЫ

№676 16-октябрь-22-октябрь, 2015-ж


Өтүп бара жаткан апта чуулгандуу окуя менен башталды. Оор кылмыш кылып, өмүр бою эркинен ажыратылгандар кармалган №50-СИЗОдон 9 кылмышкер качып кетти. Алар абак кайтаруучу 3 кызматкерди муунтуп өлтүрүп, бирөөнүн башын жарып, из жашырышкан.

«ҮЧ КЫЗМАТКЕРДИ ӨЛТҮРҮШТҮ»
Оор кылмышкерлердин кантип качып кеткени тууралуу ЖАМКнын маалымат кызматынын кызматкери ЭЛЕОНОРА САБАТАРОВА төмөнкүлөрдү билдирди:
– Окуя 11-октябрдан 12-октябрга караган түнү болду. Түнкү саат 23:35 чамасында кылмышкерлердин бири абактагы сакчынын бирине камеранын эшигин ачтырган. Балким, ооруп жатам, жардам кыл деп анткорлонуп ишендиргендир. Камерадагы 3 кылмышкер аны чүпүрөк менен муунтуп өлтүрүшкөн. Ичкериде угулуп жаткан опур-топурдан шекшип экинчи кызматкер жетип келген. Кылмышкерлер аны да муунтуп өлтүрүшөт. Ошентип башка камералардын ачкычтары жана эшикте турган кызматкерлердин бирине таандык унаанын ачкычы колдоруна тийген. Кылмышкерлер камерадан бошонгону менен, сыртка чыкпай үчүнчү кызматкерди күтүп турушкан. Кезеги келгенде аны да муунтуп өлтүрүшүп, кээ бир камералардын эшиктерин ачып, өзүлөрүнө керектүү кишилерин чыгарышкан. Төртүнчү кызматкерди алар камералары бар имараттан чыгып, административдик имаратка баратып кезиктиришет. Аны дубал сүздүрүп, башын балка менен жарып баса беришкен. Административдик имараттан жалпы түрмөнүн жарыгын өчүрүп, бухгалтериянын терезесин талкалап, темирин ийип чыгып жатышканда байкап калган мунарадагы сакчы ок чыгарган. Жаракат алган бирөөнү калганы жөлөп таяп, каза болгон кызматкердин биринин унаасын айдап качып кетишкен.

«УНААДА ЖЕТӨӨ ЭЛЕ БОЛЧУ»
9 кылмышкердин экөө Ленин айылынан түшүп калып, белгисиз тарапка качып кетишкен. Калганын Чүй ОИИББинин Жол-кайгуул кызматынын 2 кызматкери тосуп, алардын бешөөсүн кармап калышкан. КАНАТ КУРМАНАЛИЕВ менен МИРЛАН БАКИЕВ буларды айтып беришти:
– Биз түнкү мобилдик топ менен чыгып, Аламүдүн районуна караштуу Ленин айылынын аймагында күзөттө турганбыз. Рация аркылуу абактан кылмышкерлер качканы тууралуу маалымат түштү. Билдирүүдөн 10 мүнөт өтпөй Тойота Эстима үлгүсүндөгү автоунаа жогорку ылдамдыкта биздин тосконубузга карабай өтүп кетти. Артынан кууп жөнөдүк. Бир убакта унаа бурулуп токтоду да, ичинен 4 адам түштү. Колдорунда балта сымал куралдары бар болчу. Биз асманга эки ирет ок аттык. Алар унаага отурушуп, Алматы көчөсү аркылуу шаарды көздөй айдап жөнөштү. Артынан кууп барып, унаанын дөңгөлөгүнө аттык, ылдамдыгы төмөндөп токтоп калды. Ушул учурда биздин чакыруу менен башка кесиптештерибиз келип калды. Кылмышкерлер отурган унаадан экөө түшүп, бири батышты, бири чыгышты көздөй качып кетишти. Унаада 1 жарадар кишиси болуп 5 адам, качкандарды кошкондо жетөө болчу.

ЖЕТИ БАЛА ЖЕТИМ КАЛДЫ
Кызмат учурунда каза тапкан ЖАМКнын 3 кызматкеринин сөөгү туулган жерлерине коюлду. Алар: майор Таалайбек Өмүрзаков, 1969-жылы Жалал-Абад облусунда туулган. Артында 4 баласы жетим калды. Прапорщик Туратбек Садыбакасов, 1978-жылы Балыкчы шаарында туулган. 2 баласы жетим калды. Старшина Фархат Орозбек уулу, 1990-жылы Нарын облусунун Ак-Талаа районунда туулган. Артында 5 айлык баласы жетим калды. Жети баланы жетим калтырган кылмышкерлер мындан ары деле көз ирмебей адам өлтүрүшү мүмкүн.
Ал эми башынан оор жаракат алган ички түзүмдүн подполковниги Тилек Абылгазиев Чүй облустук оорукананын жандандыруу бөлүмүндө эсине келбей оор абалда жатат. Врачтар анын өмүрүн сактап калуу аракетинде. Анын үч баласы бар.
Мына ушундай колдорун адам канына жууп көнгөн 4 коркунучтуу кылмышкер эркиндикте жүрөт. Аларды кармоо үчүн бүткүл өлкөдөгү күч түзүмдөр издөө иштерин жүргүзүүдө. Мындан сырткары коңшу Казакстанга да издөө үчүн билдирүүлөр жөнөтүлдү. УКМК учурда өлкө элин этият болууга чакырып, качып жүргөн кылмышкерлер тууралуу берилген маалымат үчүн 300 миң сом сыйлык берилерин жарыялады. Акыркы маалыматтарга караганда качып жүргөн кылмышкерлердин баары сакалдарын алып салышкан.

ЖАМКнын нөөмөт бөлүмү: (0312) 66-04-75
ЖАМКнын ишеним телефону: (0312) 62-65-04
ИИМдин нөөмөт бөлүмү: (0312) 66-23-31 же 102

АБАКТАН КАЧКАН КЫЛМЫШКЕРЛЕР КИМДЕР?
9 кылмышкердин башын «Жайшүл Махди» тыюу салынган экстремисттик уюм бириктирет. Алардын жетөө оор кылмыш жасагандары үчүн күнөөлүү деп табылып, өмүр бою эркинен ажыратылгандар, ал эми экөөнүн үстүнөн тергөө иштери жүрүп жаткан.
Кармалгандар:

  1. Таалайбек Жуманов, 1970-жылы Жалал-Абад облусунун Ала-Бука районунда туулган. Адам өлтүргөнү үчүн өмүр бою эркинен ажыратылган. Ал 2012-жылы май айында өзүнүн тууганын мууздап өлтүрүп, өлүгүн ашканасына 10 күн сактаган. Андан кийин маркумдун денесин бир нече бөлүккө бөлүп, баштыктарга салып, сууга ыргытып жиберген.
  2. Муратбек Жумалиев, 1982-жылы Токмок шаарында туулган. Адам өлтүрүү беренеси менен соттолуп, өмүр бою эркинен ажыратылган.
  3. Музаффар Уринов, 1986-жылы Араван районунун Төбө-Коргон айылында туулган. Ал таксистти өлтүргөнү үчүн кармалып, 20 жыл эркинен ажыратылган. 3 жолу мунапыска илинип эркиндикке чыккан соң дагы бир таксистти өлтүргөн. Каракчылык, тоноо сыяктуу башка кылмыштары менен кошулуп өмүр бою эркинен ажыратылган.
  4. Бакыт Кенжегулов, 1978-жылы Москва районунун Беловодское айылында туулган. Адам өлтүрүүгө аракет жасоо, мыйзамсыз курал-жарак алып жүрүү, таратуу, кылмыштуу топ түзүү, мыйзамсыз курал жана жарылуучу заттарды жасоо беренелери менен соттолуп, өмүр бою эркинен ажыратылган.
  5. Болот Курбанахунов, 1970-жылы Талас облусунун Шекер айылында туулган. 2006-жылы Свердлов райондук соту тарабынан 2 жана андан көп киши өлтүрүү, мыйзамсыз курал-жарак алып жүрүү жана таратуу, каракчылык, мыйзамсыз бирөөнүн мүлкүнө ээ болуу менен соттолуп, өмүр бою эркинен ажыратылган.

Издөөдө жүргөндөр:

Алтынбек Итибаев, 1977-жылы Ош облусунда туулган. 2009-жылдын 14-апрелинде Жогорку Кеңештин IV чакырылышындагы депутат Санжар Кадыралиевди өлтүргөн деп Свердлов райондук соту 2013-жылы аны өмүр бою эркинен ажыраткан. Ал эми Бишкек шаардык соту Итибаевди 21 жылга кескен. Анын ишин караган Жогорку Сот бул мөөнөттү дагы кыскарткан. Буга кошумча ал 6-7 ирет мунапыска илинип, ушул жылдын жазында эркиндикке чыгып калган. 2015-жылдын июль айында террорчулукка шектелип, УКМКнын кызматкерлери тарабынан кармалып, анын үстүнөн тергөө иштери жүрүп жаткан эле.

Эдил Абдрахманов, 1986-жылы Аламүдүн районунун Көк-Жар айылында туулган. Ал Бишкектеги террордук актыларды уюштурууга катыштыгы бар жана 2011-жылы 4-январда милициянын 2 кызматкерин өлтүргөн деп айыпталып, өмүр бою эркинен ажыратылган. «Альфа» атайын бөлүгүнүн кызматкерлери аны колго түшүрүүдө атышуу болуп, оң көзүнөн айрылган. «Жайшүл Махди» тыюу салынган экстремисттик тобунун активдүү мүчөсү. Белгилүү болгондой, Алтынбек Итибаев мурун абакта жатканда дал ушул Абдырахманов менен бир камерада отуруп, экстремисттик түшүнүктөргө сугарылып, топко мүчө болгон.

Азамат Мүсүралиев, 1987-жылы Кара-Көл шаарында туулган. Оор кылмышы үчүн өмүр бою эркинен ажыратылган.

Данияр Кадыралиев, 1976-жылы Жумгал районунун Миң-Куш айылында туулган. 2010-жылы Спорт Ордосундагы жардырууну уюштурган деп күнөөлөнүп, өмүр бою эркинен ажыратылган. Аталган экстремисттик топтун мүчөсү.

Гүлжан Асанкожоева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(13)
19.10.2015. 10:14 
Тайпасы:
Тартип бузгандар
Комментарийлердин саны:
26
Катталган:
24-01-2015
Соӊку аракети:
25-04-2016 10:08
Жынысы:
Белгисиз
0
буларды ХХХ ХХХ ХХХ экен,кармагандан кийин деле мунапыска илешип чыгып кылмыш кылып канчалаган балдар жетим калып атат.
Модератор admin_superstan түзөттү 2015-10-19 10:21:19
19.10.2015. 10:21 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
21-11-2018 12:08
Жынысы:
Белгисиз
Калаасы:
SUPER.KG
0
warsaw., провокация жаратуудан алыс болуңуз!
19.10.2015. 10:27 
Тайпасы:
Кыймылы жок
Комментарийлердин саны:
181
Катталган:
11-11-2014
Соӊку аракети:
26-06-2016 07:07
Жынысы:
Белгисиз
Калаасы:
Кереметтүү кыргыз жери. АЛАЙ))
+1
Убаданарды жакшы билебиз. Эсте бар. Мен буларды корсом,айтмак эмесмин. Мага тынч жашоо керек.
19.10.2015. 10:35 
Тайпасы:
Кыймылы жок
Комментарийлердин саны:
212
Катталган:
07-03-2015
Соӊку аракети:
03-11-2016 13:22
Жынысы:
Белгисиз
0
булардын куйругу узун уч жуз мин алам деп айтып коюп бир кун тун ичинде шорлоп калгандан коркот баары.
19.10.2015. 11:30 
Тайпасы:
Жаран
Комментарийлердин саны:
177
Катталган:
10-09-2015
Соӊку аракети:
21-11-2018 08:15
Жынысы:
Белгисиз
0
Олум жазасын киргизиш керек ушуга окшогондорду омур бою камабай тынчытыш керек
19.10.2015. 12:08 
Тайпасы:
Жаран
Комментарийлердин саны:
20
Катталган:
14-05-2015
Соӊку аракети:
01-11-2018 21:45
Жынысы:
Белгисиз
Калаасы:
Чуй
+1
кебетелери эле башкача экенго
19.10.2015. 12:24 
Тайпасы:
Жаран
Комментарийлердин саны:
468
Катталган:
24-04-2011
Соӊку аракети:
01-09-2018 11:30
Жынысы:
Белгисиз
Калаасы:
kg
+1
300 000 сом берем деп убада бергендерин уктук го эмне кылышканын
19.10.2015. 13:05 
Тайпасы:
Жаран
Комментарийлердин саны:
25
Катталган:
20-10-2013
Соӊку аракети:
12-09-2018 15:33
Жынысы:
Белгисиз
Калаасы:
Ош
+2
бул шүмшүктөр жөн эле кача алышпайт. Түрмөнүн начальниги атайын уюштуруп берген. ал үчүн керектүу акчасын алган да.. (жетим калган балдардын убалы тийсин..)
19.10.2015. 14:09 
Тайпасы:
Жаран
Комментарийлердин саны:
44
Катталган:
03-10-2015
Соӊку аракети:
01-08-2017 15:45
Жынысы:
Белгисиз
+1
менда олум жазасын киргизууго кошулам ушундайларды олум жазасына тартыш керек
19.10.2015. 14:16 
Тайпасы:
Жаран
Комментарийлердин саны:
139
Катталган:
22-11-2012
Соӊку аракети:
25-09-2018 17:22
Жынысы:
Белгисиз
Калаасы:
КG
+1
Дордой конушунан бироону олтурушту эле го?!
19.10.2015. 17:01 
Тайпасы:
Тартип бузгандар
Комментарийлердин саны:
26
Катталган:
24-01-2015
Соӊку аракети:
25-04-2016 10:08
Жынысы:
Белгисиз
+2
айтыштанда коркосуң көрүп калсаң,кайра өзүңү күнөөлөйт эмнеге кандайча көрүп калдың,сенин бир нерсең бар депчи булар...
19.10.2015. 21:35 
Тайпасы:
Кыймылы жок
Комментарийлердин саны:
5
Катталган:
02-10-2014
Соӊку аракети:
20-10-2016 10:15
Жынысы:
Белгисиз
0
Кенжегулов Бакыт 1978 эмес 1973 деп уккан елем.Кармалып еле калышсын ылайым бул ХХХ.Менин оюма койсо баардык террористерди ХХХ ХХХ ХХХ керек.
Модератор admin_superstan түзөттү 2015-10-20 11:55:27
20.10.2015. 11:55 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
21-11-2018 12:08
Жынысы:
Белгисиз
Калаасы:
SUPER.KG
0
emilbek1, жаргон сөздөргө, провокацияга тыюу салынган! Билдирүүңүз түзөтүлдү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: